馬泰 (已結業)

Randomly chose this restaurant last night while searching for a place to settle in for dinner. The appearance of the restaurant itself wouldn't attract me to go in if it hadn't been my boyfriend suggesting giving it a try. Because I initially held zero expectations from this place, I was in fact surprised to find their food quite good!! I really like their 紅咖喱牛腩and 椰香海鮮焗飯. Then today, when I decided to give this restaurant a comment, I just realized that many others find their 椰香海鮮焗飯real good to

午市套餐選擇不少，而且只需四十元就有交易，怪不得人流暢旺，幸好侍應們手勤腳快，招呼總算週到。餐廳面積不是很大，但枱椅擺放得有條不紊，行走通道大致順暢，坐下來亦不覺太過擠逼。看過餐牌，選了大蝦札肉鴛鴦米套餐（40元，另收加一），奉送餐茶和甜品。還以爲一早已弄好一大鍋，但等了不下十分鐘才來到，看來是即叫即做。鴛鴦米粉是銀絲米粉加米綫，份量不少，吃落口感特別，粗幼爽滑兼備，味道則類似星洲炒米。配料中真的有蝦，雖然只得兩隻雪藏貨，猶幸蝦身清爽，沒有黴爛異味，反觀札肉則出奇地好味，令整碟米粉生色不少。味道不錯，有機會的話，會再來。是次消費: 每人約HKD$44 (午餐)

我地叫咗2人餐,食物包括:泰式併盤(炸魚餅,炸蝦餅,春卷,酸辣鳳爪)-->頭盤冬陰功-->湯咖哩雞+薄餅豬肉粒生菜包加兩杯飲品(我地要咗冷熱檸茶各1杯)整體感覺:量都算多,我地都食唔晒.以併盤最好食,鳳爪不會太酸,有咬感幾爽口;湯有d咸但冇鮮味;咖哩雞d汁算香,唔太辣,但雞肉質好實,又乾,反而薯仔好食過佢><生菜包麻麻冇驚喜,唔推介;飲品方面佢用劣質檸檬所以有苦澀味.戲肉黎啦~埋單$268加1=$294.8,佢竟然收我地$295!張單寫果$0.2叫做微調!!坦白講冇人會在意果2毫子,但我從來未食過1間餐廳會咁光明正大收人齊頭數既,個人覺得咁做生意好唔老實,而且e+經濟唔好,點解唔索性優惠我地收少8毫子呢?仲要冇eps! e+好少餐廳冇呢個設備,過份!最搞笑佢最後俾咗張儲分咭我地,得2個印lor!好心差5蚊就俾夠3個印我地啦~咁都計,仲要有效期得3個月,我唔會覺得响3個月內可以儲齊10幾個印lor!後記:呢間餐廳野食同價錢唔算成正比,唔識彈性俾優惠d客,唔會再幫襯。

早2個星期去左呢間餐廳食...首先講個冬陰公,咸到飲左少少已經唔想再飲...個炸墨魚餅都唔好食,得果少少仲要上枱都已經凍哂...碟馬拉盞拉通菜又係好咸overall 黎講就係碟碟都好咸...條魚係唯1 ok ge 野...送果個芒果燸米都幾好食...仲有想講d 侍應,我問佢拎個碗都要問左5次佢先聽得明...我唔知係我表達能力定佢理解能力有問題啦...下次唔會再去,因為價錢都唔值.

我地下午2點到,企係門口睇下有咩好食先,原來都要$60幾蚊一個餐(我想食果d),係門口有雜誌區,我地攞左份報紙睇下,入到去全埸只有好少食客,可能過左lunch啦~~今日既頭條係"經濟大衰退",個標題非常恐怖呀~~~ 老公食咖哩牛腩+薄餅+凍奶茶,我食牛柳炒菠蘿+菠蘿冰,不過到最後都係no亂食咖哩牛腩+薄餅咖哩個兜好別緻,仲好似快要倒瀉添!!薄餅係新鮮烘出爐,撕開熱熱辣既薄餅,沾上咖哩汁,好美味呀,咖哩唔辣,但係好香咖哩味,沒有好嗆既味道,牛腩好林,啱晒我,食晒個薄餅都未食晒d咖哩.牛柳炒菠蘿配飯炒到黑媽媽,唔係睇得好清楚,配料有紅椒,青椒,洋蔥,馬上食粒牛柳先,嘩........好好味,個汁好野味,用好多黑椒炒好香,牛柳炒到剛剛好,唔會炒到好老,肉質好軟.充滿肉汁,一d都唔韌,再加上新鮮菠蘿的酸酸甜甜,好醒胃一流,我地將白飯兩食,一邊配牛柳,一邊配咖哩汁~~~正正正叫套餐另加$10,可多一款小食,我地叫左炸蝦餅炸蝦餅最後先上枱,可以炸得更脆,蝦餅好似唔夠足料,味道欠奉,唯有沾多d甜酸醬食啦!菠蘿冰水既部份比較淡,唔會好甜,加上新鮮菠蘿既甜味就剛剛好,好飲~~這一餐我地都好飽好滿足喇~~

大家完成了一日辛苦的工程後，都不想走遠，只在附近解決晚飯。飲品有優惠，$29兩杯，要了咸檸梳打及椰汁紅豆冰。柚子沙律-除了柚子外，蝦及腰果份量不少，只是缺少酸辣醬的惹味。椰汁咖哩羊肉-入口不辣，有咖哩本身的香濃，也帶有椰汁的香甜，而羊肉吸收了咖哩後，又入味又軟腍。酸辣咖哩雜菜-雖然不及椰汁咖哩迷人香氣，看見橙紅的咖哩汁，已知辛辣的程度，這個咖哩汁口感較濃厚，很適合用來配清淡的雜菜。有咖哩當然要有飯及餅來搭配，蝦醬炒飯、油鬆餅及花生薄餅。其實炒飯只有淡淡的蝦醬味，配料不多，幸好有咖哩來送；而香酥鬆軟的油鬆餅用來配咖哩更是一絶；花生薄餅是後來追加的，又熱又脆令人食指大動，而薄餅夾雜著花生碎及少許沙糖，一邊食花生碎就不停的「跑出來」令我想起小時候食的糖蔥薄餅。

星期六下午三點, 同老公仔到馬泰試一試下午茶餐, $48一位都ok 海南雞飯: 雞係雪雞, 味道ok, 油飯好油,好彩有酸蘿蔔好味中和一下. 海鮮炒麵: 豉油炒麵, 炒得乾身, 好香口.: 加$5可改特色飲品, 叫了椰汁紅豆冰及椰汁真多冰, 味道一般

先講小食，味道不特別好，但午餐加$10就有一款都幾抵食：　泰式炸魚餅-可能聽取了意見，今次炸得挺乾身，吃來質感彈牙，不過味道偏淡少許泰式炸墨魚餅-又一個香口彈牙的炸物，不過還是味道偏淡，同事都說沒有墨魚香蒜茸炒西蘭花-點了大堆香口油膩食物，總要青菜伴一伴，味道濃淡得宜，不錯酸辣鳳爪-不好雞腳沒有試，據說味道非常辣很刺激沙爹串燒-雞、牛串燒各一，我試了牛的，肉質較為乾及鞋，沙爹醬也甜味偏重。　至於主菜味道則比較好：　咖哩牛腩配薄餅-馬來風味的咖哩頗香口濃郁，椰奶與香料味道平衡，配鬆化的酥餅相當好吃，不過學惡男話齋，咖哩汁不夠熱，很快就攤涼了。至於牛腩，就不及咖哩出色了~泰式海南雞飯-雞隻仍是較肥，肉質算滑不過不夠雞味；雞油飯上次來覺得驚艷，今晚香味減退了，但仍算美味水準之作。馬拉海鮮炒米-海鮮仍然足料，然而又是那勁酸勁甜的醬汁礙事，不太推介泰式燒豬頸肉配白飯-豬頸肉燒得香口乾身，食味不俗；而剩下的白飯用以撈咖哩汁，一流!菠蘿炒牛柳粒配白飯-同樣是帶酸甜味的，此汁明顯較高班，將牛柳襯托鮮香味美，當然牛柳本身肉質柔嫩滑溜也抵讚。　跟餐+$5就可享用特飲，要了珍多冰，味道偏淡，這點就不如前身泰

看了篇文章，心情不怎好，交待了些會議事情後來個early lunch。一直想試新都會的馬泰，就趁今日以辛辣口味緩和心情。環境企理，面對著園景（公園平台）及開放式造餅廚房，心情好了不少。午市餐牌選擇不少，海南雞飯、海鮮叻沙、特色的咖喱酥油餅．．．被同事選了前兩者，又不想吃燒豬頸肉，乾脆吃咖喱牛腩好了，順便試試手造的酥油餅。海南雞飯泛著油光，看樣子雞肥了一點，同行的說幾嫩幾滑，試了半口油飯，煮得乾爽味道很淡，色澤金黃但卻吃不到黃薑味，很奇怪，比較過小城滋味、小小東南亞，這裡的海南雞連埋坡式三色醬，算吃得過了。海鮮叻沙配料數得出有青口、大蝦、魷魚，材料認真豐富獨欠螄蚶，試一口湯底，夠辛濃卻不夠鮮，香料炒煮過，充滿著咖喱及椰奶香，湯底意以外地不錯。湯底不錯，咖喱膽該不差吧，咖喱牛腩偏近馬來式的，帶少量椰奶香及紅油，只流了幾滴汗，辛香而不算辣，幾迎合市場口味，可惜咖喱汁不夠熱，牛腩都是啖啖肉的位置，炆得不夠鬆腍亦唔入味，明顯是分汁．牛分開煮再撈埋的。酥油餅等了又等先上，盤中的薯仔早已清碟了，咖喱汁亦變得溫溫吞吞起來，酥油餅入口不夠鬆，油下得少吃落幾乾身，幸好是即叫即做，邊吃邊傾很快就清掉大餅。又

两點幾了先得閑吃午餐,朋友選擇咗哩度.食物質素唔錯,服務態度就好差啦! 服務: 穿墨綠色上衣嗰位女侍應落單時全程黑面,問一句答一句,不情願嗰種,其佢几位侍應還可以啦,不過不失. 食物: 海南雞飯:飯冇油香味 ,雞冇雞味,有少少鞋 咖哩牛腩配油鬆餅:汁好好味,牛腩都幾'林',忍唔住叫咗碗白飯,用汁撈飯一流. 炸蝦餅:油咗少少,但都算爽口. 酸辣無骨鳳爪:少少辣味都唔覺 2:45分就見佢哋落咗半邊閘,一問之下先知,原來佢哋唔做下午茶!

星期6同朋友2個人去左葵芳mathai食晚飯~叫左個奶油大蝦餐 + 菠蘿冰 + 龍眼冰- 奶油大蝦 : 個樣整得好靚 ( 可能隻碟好大既關係) , d汁好"杰"~~ 好重奶油味,隻蝦d肉味道都ok~唔會好鮮味,不過d肉算多~都ok gei~- 菠蘿雞絲炒飯 : 個樣都整得好靚~好colourful ,又有好多配料~不過味道就一般啦 , 好淡而且好乾 , d 雞絲好似白灼咁 , 我地2個食左少少放棄了 (很浪費 ...)- 馬拉盞炒通菜 : 好少少咸 , 不過好惹味 , d 通菜又唔老~~ 成碟清哂~~ - 去骨海南雞 : d油膏等佐料都ok啦 , 隻雞都唔老 , 又唔會話完全無雞味~ 係正正常常一隻白切雞既味~~~( 唔難食,又唔會好食到飛lor~)-甜品 : 芒果糯米杯 --> 係平時個d芒果糯米飯既迷你版~味道幾好.不過個用葉做既杯就hea 左 dd~~ 只係用膠紙黏住

呢排入來做嘢, 某同事極愛食泰菜, 所以連續兩天的午飯都在這裡解決...等位這回事我不大喜歡, 不過有得食就好。我們都點了午市套餐第一次我點了蜜糖燒雞扒配白飯, 這個雞扒烤的有點燶, 不過味道幾甜美, 肉質也算嫩, 加上圖中紅色微辣的醬汁很好下飯。細食同事分了不少她的泰式去骨海南雞飯給我試, 今次的雞不算太肥, 油飯也香, 算是不錯了。其他人點了喇沙等的東西不過我就沒試了。第二天來, 雖然見到同事的馬沙拉羊膝配油鬆餅好像很好吃, 但我不想「出手」只好要了泰式豬頸肉拼通菜飯了啦。這個豬頸肉也不差, 有點點肥肉所以不會乾, 也烤的挺香; 我好久沒在外頭吃炒通菜了, 今次的有少許老筋, 好在就做得幾惹味。吃泰菜醬料相當重要, 這個配豬頸肉的夠鹹香, 很 OK 啦。午市時間, 當然是高朋滿座的, 難得我們咁多人也未有漏單, 而且我們各人對飲嘢的騎呢要求都一一做到, 算是不俗了。還有一次是我們蛇了下來吃下午茶 (!)。我的是香茅雞中翼配泰國柚子沙律 ($35 + 10%)。 這個雞翼看上去真的不像雞翼喲, 是去了一邊骨然後把肉盤成一塊炸成的, 可是炸的太兇, 麵包糠皮有點刮口, 皮也做的有點太厚

We arrived at 1:15, and they got quite a few tables left, both indoor and outdoor. What a surprise to us as it's office lunch hour!!!Anyway, we ordered 2 sets w/ 2 $10 side dishes. The 1st set was curry fish (sole) w/ nan, and the 2nd set was Baked seafood rice w/ coconut milk sauce. The curry fish did taste good , and it really went along well with the nan . The seafood rice was a disappointment as the rice was kinda sticky, which was not a characteristic expected for Thai rice. The coconu

從親愛的接過親手整的愛心好味NY cheesecake後趕回去和家人晚飯, 本來他們話去越棧不過之前飲茶見到有間野叫馬泰, 所以就去試下我趕到的時候他們已等了一段時間, 最憎等...><"入到去叫了一個奶油大蝦套餐, 還要了串燒, 柚子沙律, 喇沙, 油鬆餅, 福建炒麵雖然叫了這麼多, 不過轉過頭成張檯都鋪滿哂d野食, 唔通係微波翻叮?!奶油大蝦, 個汁甜甜的, 不過好"漏", 同埋蝦煎得唔夠香海南雞就煮得唔好啦, 無雞味! 食海南雞都係最好配番黃油飯.菠蘿雞絲炒飯味道很淡, 又無咩料.反而馬粒盞炒通菜炒得幾香口串燒唔特別, 唔值依個價. 柚子沙律酸酸地醒胃, 我本身幾鍾意食柚子, 加分!喇沙都足料既, 衰在係個粉到, 浸到淋哂無哂口感油鬆餅, 超貴($26)! 放涼了的一點都唔鬆, 死實實的油紙...重慶和馬來西亞好吃太多了!!福建炒麵聽聞係著名小炒, 對不起, 我真不懂欣賞.跟餐還有芒果黑糯米和餐飲, 前者不過不失, 不錯的!餐飲真係激死, +$6要了個鹹檸七, 不過等左勁耐都未來有催了三四次才送來, 不過來了鹹檸"水", 一d汽水甜味都無, 氣又無!當然反映了一下

食過奧海城o個間，都知道質素都Okay，唔知呢間近便D既會唔會仲好D，結果特登遲少少離開公司，搭正六點三先去到。叫左兩樣野。a)曼谷燒豬頸肉 - 十塊要你六十蚊真係細/貴左少少，個黑椒味道都幾重，不過比起b)紅咖喱鴨就爭少少啦，可能因為紅咖喱既味太搶(唔辣既，而且仲有落荔枝Tim......不過的確係鹹左少少囉＠＠配飯食會正好多）(P.S：都係得幾舊又係六十幾蚊@@")另外講返紅咖喱鴨隻碗Design，如果汁太多其實都頗易漏。同埋帶位小姐多少少笑容會好D=]