馬泰 (已結業)

同友人去食dinner,叫左馬拉盞炒通菜,青咖哩牛肉,炒飯,冬陰公個青咖哩好好味~牛肉夠腍~會再食架~

2010年2月11日 ( 1 ) 葵芳 ( 馬泰 = 1 ) 晚餐 ( 農曆年廿八 )年廿八...洗邋遢，一年一度，家中大整理之後，我倆先到葵芳運動場逛小型花市，再到新都會廣場購物，晚餐於( 馬泰 )，我倆試了這裡的二人世界套餐。風味拚盤之一，泰式柚子沙律：主要是柚子，配上少許蔥及番茄，再混上泰式酸辣醬，味道有着酸、甜、苦、辣的味道，我嫌柚子多，苦味濃，縱使是平時，我也是不愛吃柚子的；不過，這道沙律，太座就挺喜歡吃了。風味拚盤之二，鮮蝦米紙卷：卷皮薄而通透，內裏卷着粉絲、札肉、蝦、紅蘿蔔及生菜，醮沾上配來的酸甜醬汁來吃，也很滋味。泰式冬蔭公：端上時帶着濃濃的冬陰功香料味，吃到配料有蝦、番茄仔及草菇等，感覺有香茅味、酸及辣味，不太酸也不太辣，味道可口怡人。泰式海南雞：跟雞配來的醬料共有三種款式，分別有薑蓉製的薑油、濃濃的黑色甜豉油及不太辣的泰式辣醬。雞，雖屬冰貨，但仍有雞味，也不算嚡，雞是無骨，吃來啖啖肉，挺舒服，配合不同醬汁來吃，會顯現不同的美味，三式醬汁任選擇，我卻獨愛傳統的薑蓉味呢！秘制馬來咖哩牛腩：上面放上一塊大蝦片，賣相都幾型，有香葉、薯仔及牛腩，咖哩帶香葉及椰汁味，不太辣，

二月下旬是日喝了一碗藥味濃郁的馬來式肉骨茶，肉排煲、焗得鬆腍，湯上浮著薄薄一層油脂，有了這層油風味就佳，而加上藥材、香料喝畢亦不覺膩，如區內上班族喜歡喝肉骨茶者，是推介來試試的。唯一不好是不夠熱，而分量亦相信未能滿足男士作滿足的午膳。

之前與朋友在奧海城分店試過，記憶中味道不錯，所以今次一行三人又去食多次。這裡環境比起奧海城舒服得多，沒有迫夾的感覺，我們點了牛油雞翼、馬拉棧通菜、羊架、燒辣墨魚、雞絲朦粉，味道尚算OK，牛油雞翼、馬拉棧通菜都很好味，特價飲品$29買一送一，所以我們點了三杯飲品，薑母茶($20)、意米冰($23)、馬拉咖啡($20)，應該有兩杯是特價的，要留意的是特價飲品可以用較貴價錢的那杯計算，以我們的情況，亦即是正價那杯可計$20，但侍應用$23那杯做正價，雖然只是差$3，但若你點的飲品是比較貴的話就更加不值了，幸好侍應哥哥好樂意幫我們改單，所以服務態度是很好的。

因為有張$160的優惠卡,所以便去了這家餐廳~2人共點了以下菜式.生蝦刺身 - 夠肥美,但不夠鮮甜明爐烏頭 - 魚湯不夠,要求加湯竟說沒有油酥餅 - 太厚白飯咖哩牛根腩 - ok馬拉盞通菜 - 偏油重點是結賬時check 單,發現明顯把白飯和油酥餅被改為2客.但因為我沒有拍下照片, 否則大家會見到是很刻意的刪改, 可以肯定不是疏忽~不知是否因為我們這頓晚飯已經少付$160的關係, 所以賬單被改成那樣所以奉勸大家結賬時不要怕難為情, 一定要查看一下賬單~P.S. 找贖回來的銀碼也是不對.....唉~~

黃咖哩: 少少椰汁味, 不辣, 咖哩YUMMY.牛腩: 5大件, 炆得很林, 抵食.薯仔: 2大件, 吸收了咖哩汁, 很野味, YUMMY.脆餅: 1小件, 不錯. 飯: 一個大白飯, 泰國香米, 很香飯味, 加上咖哩汁, 十分美味.

早在個多月前約定之飯局，大家在facebook七咀八舌討論邊間食店好，終於揀了馬泰。五人晚飯當天才訂位一眾女生吱吱喳喳點了：泰式拼盆包括了炸蝦餅、炸魚腐、泰式鳳爪、春卷、豬頸肉及沙嗲串，其中豬頸肉及炸蝦餅較為出色，味道食好，夠熱辣辣。香蒜幼豆苗大家都激讚的一道餸，幼豆苗夠清新，可能大家未嚐過吧！海鮮飯都不錯，每飯粒汁有醬油，一道味濃的飯。咖喱雞咖喱雞，有別於一般泰式，味不辣，重椰奶味，未是我所期望的咖喱雞。花生薄餅很好，少少甜，配上咖喱汁食，很好。乳酸配水果嘅飲品味道不錯，其實乳酸只是益力多。最後還奉上藍莓芝士餅作甜品，好彩地係free，因為味道不佳，完全只有奶味。

唔飲茶的下午,搵到呢間幾多笑口既餐廳,舉足六人來食。沒有下午茶餐,但三點鐘仍有午餐。咖哩牛腩飯,好食!唔係好辣,咖哩味未夠濃,香料味唔重,似港式咖喱,幾啱我口味。泰式鳳爪$12,酸酸地的醋出味,泰式雞醬味弱,麻麻。春卷$15,雖每條有一截連殼的蝦尾,整體無色無味,感覺求其,睇個樣都唔吸引。越式牛尾燴意粉$62,「越式」係咪咁整就唔知喇,我覺得似港式。汁似肉醬意粉的肉醬,牛尾未夠入味,屬ok。冬陰功蠔仔肉碎鴛鴦泡飯$55,一點冬陰功應有的香料味/椰奶香都食唔到,淨係覺得得辣辣地的上湯,泡著多肉碎的飯,完全食唔出係泰菜。馬來拉茶、拉咖啡@+$5,前者ok,後者非常甜!擊退了咖啡味!紅豆椰汁冰、菠蘿冰沒飲。幸好做左「功課」,知道花生薄餅$30必食。薄薄餅皮內夾粗粒花生醬,剛好每人一塊,少食真唔夠滋味。另一樣必食是青咖哩 什菜軟殼蟹配白飯,青咖哩好香,有個疑問,青咖哩可唔可以做杰D,唔好咁稀呢?馬拉盞炒翠瓜$12,好普通的一碟廣東小炒。因為有淨咖哩汁,便order客烤薄餅,點汁食。雖然大家心目中都是想食油酥餅,一場爭拗後,卻決定係烤薄餅。幸好都好軟,好煙韌,好好食。雖然有食評說,好明顯有兩個廚

菜 － 抵食!沙嗲牛肉半打 － 沙嗲醬夠味!烤薄餅 － 烤得唔錯加上青咖喱汁,汁好味!烏頭大條 － 抵食之作！木桶香芋焗飯 － 賣相好, 味道好好!蝦刺身 － 好新鮮, 味道好好!鳯爪 － 最差既一種,乜味道無!椰汁糕 － 差!桂花糕 － 味道淡!併盤 － 一般! 我都覺得有二至三個廚師, 因為食落D味道完全唔同和feel都唔同!有些好好食,有些好難食!環境唔錯,服務幾好! 試下都可以!

龍應台的最新作品 <<大江大海 一九四九>>已經出了一段頗長的時間，可惜的是我今天才動起眼睛開始閱讀，實在是非常不好意思。今天的午餐，我就是一邊讀著她的大江大海，一邊吃著我的海南雞飯。大概兩點多來到，細問之下才發現原來它是沒有下午茶的，除了星期六，日，我也沒什麼所謂啦，反正我也只是一個人，而且已經餓了，所以便快點坐低叫個午餐吃了。午餐有多款選擇，可是沒有那一道是特別想吃，最後叫了一碟海南雞飯，它還可跟餐叫小吃的，可是怕吃不完所以還是沒有叫了。等了大概 20 mins，海南雞飯來到了，賣相頗漂亮呢，而且它還是無骨的，最適合我這些生性懶惰的人了，哈哈! 有齊三款醬料提供，還是黑醬汁最好吃最配合，甜甜的，很好吃和惹味。倒是薑蓉偏淡呢，味道不太突出，辣醬太辣了，試了一口後便沒再點它了。雞肉很滑很好吃呢，又有雞味，份量一點也不小，它是連著雞皮一點也不覺得肥膩，不過為了健康著想還是少吃為妙。油飯其實很好吃，只是若果味道再濃一點會更加好，可是現在我也已經覺得很不錯啦，整碟我也吃光光呢! 隨飯還有一個湯附送，是冬瓜湯，還有莞茜，很清很甜，最適合像我這些熱氣的朋友。咖啡也

同老婆行過葵芳,個間泰風情轉左名一入去d格局都無唔同到,有個肥仔經理send我地食生蝦但係叫左又話賣曬(運吉)跟住又send我地食蟹餐講你都唔信第一道菜上左蔥油餅.....哈哈叫個侍應過黎問佢點解頭盆出了油餅跟住又叫肥仔換番比我地,不過都有D笑容原來係主任仔,成晚D伙記禮貌都OK啦...貴就貴D最後埋單走肥仔話下次留番份生蝦比我地,算佢幾有心:

近來跟舊公司的朋友仔真的約得好密好開心呢!約了幾個星期，終於約到好耐冇見的同事聚舊。本來想試新野，最後我只不過選了馬泰，同事知道我選了這間都好失望…因為她們 lunch 已經食過好多次…雖然是普通了一點，不過我未來過，對我來說是新餐廳來的啊! 哈哈…好在放工去到葵芳都只不過是七點多小小，有兩隻小動物都未放到工…於是我們三個先到的就負責點菜。最先到的有花生薄餅。好味道，花生味剛剛好又不會太膩。再有油鬆餅，這個點咖哩好好味!還有，我要求的馬拉盞炒通菜。不過我覺得再落重小小味會更好，大大碟好抵食!接落來有特式拼盤。款款都 ok 架! 上菜時款款都熱辣辣，我覺得春卷尤其好味。咖哩雞相對來說是比較平淡沒驚喜，雞好明顯是一般的雪藏雞，沒什雞味，好在汁夠多可以讓我們任點鬆餅!而值得一提的，是特價 29 元兩杯的飲品，我選的荔枝冰不會太甜，好好飲!我們食完坐了很久傾計，waiter 都好好地不停為我們添茶，服務可以記一個小功!下一次要約得齊咁多隻鐵腳，都不知要等到幾時啦!

同友人補祝生日，地點選了葵芳，求其揀了馬泰。貪佢環境舒適，可以暢所欲言！七點正坐低，原來已有幾枱食客，坐低發覺坐正風口位，侍應見到即同我地換枱。誠意可加本來有意點套餐，但友人唔想食烏頭，唯有再作他選。散點六款食物，以三個女仔食量來計，有點過份！馬拉盞炒通菜－辣辣地，幾惹味，份量都幾多。抵食之作！沙嗲雞肉半打－一個人食左三串，雞肉幾滑同淋，但沙嗲醬略嫌較少。生菜包（豬肉）－生菜幾新鮮，有甜味，豬肉粒都幾夠味。又一抵食之作，因為食極都食唔完咖哩牛腩－咖哩汁唔錯，如果愛好辣者可能會嫌佢唔夠辣，但我就覺得唔錯，仲有少少麻既感覺。牛腩幾淋，唔會痴牙蝦餅－意想不到的大件，仲要有四件，炸得幾香脆，食一件都幾飽！醬汁酸酸甜甜幾開胃！烤薄餅－最原始的原味，估唔到烤得唔錯。香香地，有得o趙下，加上咖哩汁，絕配！！三個女仔食六樣野，份量仲要唔細，最後大家都要捧住個肚走。七點鐘坐到人地打烊先捨得走。無法啦，難得一聚，當然係雞啄唔斷啦！

之前見佢新開周圍派傳單, 就搵個星期六晚去食.可能經濟唔好, 佢 d 食物都算偏貴, 星期六晚都只有四份一坐位有客, 我地兩個人無 book 位 walk-in 都完全無問題兩個人本來想叫二人餐, 但自己唔食得蝦蟹, 所以 d set dinner 都與我無緣.散叫左一個花生薄餅, 木瓜沙拉, 巴東羊同唔記叫咩o既炒飯, 再加兩杯野飲 (特價 $22 兩杯, 呢個抵), 為到 around $280 埋單, 葵芳黎講佢都算高消費.明顯 feel 到廚房煮野食有兩個/類廚師, 一個為傳統印度/泰國/東南亞口味的, 另一個係 local 的一般廚師, 因為食落 d 食物味道完全唔同.傳統食物如薄餅和木瓜沙拉的口味就完全食唔到港式口味, 唔知算唔算正宗, 但一定唔係第二間餐廳食得到的一般味道, 巴東羊個汁都係一樣咁 good.但巴東羊 d 羊肉, 絕對懷疑係最後先淋個汁上面, 完全無味, 連羊肉味都無, 即係只有肉類的質感, 如果閣下鐘意飲汁的話, 呢首菜係一個不錯的選擇!另外炒飯就真係麻麻, 加埋一成 $80 俾個茶餐廳一般質素出黎, 超唔抵, 要食炒飯的話, 去茶餐廳分分鐘好食過佢.

今日難得放假,約埋小強去葵芳行街食嘢!!見好耐冇食過喇沙,所以決定試下lee間"馬泰"!估唔到真係好抵食呀!埋單都係$76!正~~味道:馬來雞絲喇沙($26)~好香椰味,雞絲都幾多,配咗個油麵亦不錯! 海南雞飯($33)~雞好滑,飯有d油香,但本人略嫌硬了點,(因愛吃軟飯) 以上係有包飲品! 牛油雞翼粟米(+5)~雖然係套餐加$嘅小食,但都係即炸!$5值得一試!! 環境:座位唔錯都好舒適,唔需要好趕呢?服務k!都有禮貌!!P.S 大家要留意下午茶時間係2:30-4:00,星期日都有~勁辣燒賣王推介~馬來雞絲喇沙