馬德里餐廳

營業中

休息中

諗唔到食乜又咁啱行到馬德里，見唔係太多人就入左去。呢間唔算係我 regular 既 restaurant, 都有幾年無食過所以都想睇下而家係乜嘢水準。叫左西冷扒同個蝦醬炒飯，個西冷扒竟然幾好食，個炒飯就唔係好夠蝦醬味，份量亦算少。嘢飲係要另外加錢既。深水埗區黎講個價錢就唔算平。餐具都算洗得乾淨既，仲有大張餐巾供應，有分加。如果要水就要自己拎，睇張單無加一，所以算啦。服務態度可以，都算有禮貌。個扒落汁會提你遮一遮，收嘢又唔會唔出聲好似想趕你走咁。食完坐左陣仲埋黎問要唔要啫喱添！

午餐去食左個牛扒餐質素一般，呢個價錢無諗住有幾好，只求填飽個肚。不過服務質素真心差，嗌咗多飯但最後都無俾多，之後叫左侍應加飯但最後都當無聽到無俾到。所以覺得唔值呢個價，都系唔推薦去。

餐牌全部没有，服务态度又不好。价格又贵，晚上的优惠套餐也没有了，希望朋友下次还是不要大老远跑过来被骗，牛排的汁没有分开上，是服务员帮你淋上去的。变的汁很少。牛排太难吃。

已經實地食過好幾次，早、午、晚餐都食過，食物質素一般唔難食，但未至於好。廚房好求其，切肉連順紋橫紋都唔理，牛肉豬肉時常韌口，鐵板餐要幾多成熟都好，嚟到都八九成熟晒😡，咖啡茶品亦參次不穩定，啲冰有時候會有螞蟻屍。員工態度傲慢(黑口黑臉)，有問題佢地會Hea答，飲品有問題佢地會一手搶杯飲品道「換過俾你啦」*注意態度極度不滿*，點餐後半小時多仍未到，一問佢地即黑臉答「就得㗎喇」*連去水吧廚房睇都冇睇過就洒你*😡，同收銀處員工投訴，只有一種呆呆板板回應「哦。。哦。。哦！知道知道」！！嘥氣！！員工態度超差😡😡

there's not many options on SSP, even in Dragon Centre.Madrid has steaks! And decent sized, not those small paltry things that high-class restaurants offer. AND they allow you to order Medium Rare, which is not always allowed at other places.Maybe because we ordered medium rare, but the food was served extremely fast! the sides of salad and escargot too!definitely going back!!!

住附近，平時經常會買早餐外賣，前幾日買時，因為套餐有多士，餐廳唔會分開裝，會同其他有汁嘅食物一齊放，平時都覺奇怪（正常都會分開裝及用紙袋），咁為免整淋多士就自己要求分開裝，咁餐廳負責人表示要收1蚊，咁無問題照俾，點知錢照收，結果多士都係放埋其他有汁食物度😓，咁嘛致電餐廳反映，負責人就話可以去攞返個一蚊多收的外賣袋錢。今朝屋企人去買早餐就叫佢攞返1蚊，點知落單時同收銀講，都當聽唔到唔理，到俾錢時再講，對方就好唔鍾意兼態度惡劣唔想俾，仲反指我哋多攞牛油，佢哋都無收錢，仲話一個牛油要收2蚊，其實你俾時可以講要收錢的喎，又無迫你一定要免費俾，依家係你哋做唔到，同顧客講可來退錢，跟住又唔想俾，仲要反口責怪顧客，雖然最後俾返1蚊，但咁的態度，出爾反爾，以後都唔敢幫襯

在深水埗福華街有多間食肆，中式點心，泰式，台式，上海，燒味，湯粉粥麵和港式餐廳，真是各適其適，總有一款適合你。話須如此，每間食店的店舖都不大，而且裝修普通。今天揀了在午飯時很多人光顧的餐室，無論附近的食店不停換完又換，它仍屹立不倒，看來有一定的客源。我點叫了一份黑椒汁肉眼排珍寶腸餐，先上的是羅宋湯，湯味道不錯，但很少料，主菜就跟薯菜，份量是足夠的，薯仔並不香脆，配菜是凍的，黑椒汁淋滿整件肉眼排，但肉眼排是全熟的，所以肉質較乾和硬，不過總好過有些餐廳將牛排用粉醃到冇肉味，珍寶腸便是大香腸一條，飲品是港式奶茶，但奶較多。我沒有把全部食物吃掉，因為牛排不太滿意。如果以一般餐廳來說，它算中靚中矩，用幾十元消費的一餐，難道會用上佳的材料和心機嗎？可以填飽你的肚便算吧。

每個月出糧之后，都必會落深水埗一轉，交D什麼上網費同電話費.另外順便食吓好嘢行吓街.女友小熊八八卦卦又話要跟住嚟! 而我攪完一大輪之後佢就話想食西餐.深水埗有兩間唔錯西餐廳，一間叫紅蕃茄，另一間係馬德里.飛鷹同金鳳?算吧啦!紅蕃茄遠咗少少，於是去馬德里.小熊點咗份鐵板西冷七成熟，我就點咗黑菘露炸軟殼蟹意粉.記憶中食炸軟殼蟹最大份量係金鶴拉麵，今次係第二次!份量足無偷工減料，因為依家食D軟殼蟹總係 BB size，見到咁大隻當然有驚喜!再加上軟殼蟹外脆內軟，兩種口感同時入口，滿足!意粉望落以為份量不足，但其實係錯感，份量絕對唔少，再加上黑菘露汁又多又香濃，意粉用上比較幼身(唔係天使麵)嘅麵條，唔係用D粗身我唔欣賞嘅意粉，所以對哩個意粉評價極高!鐵板西冷第一關當然係D獨有嘅"咋咋"聲啦!不單只小熊果份鐵板西冷發出"咋咋"聲，我聽到其他食客嘅鐵板餐都有"咋咋"聲，即時令我諗翻起當年係飛鷹食個什麼鐵板餐，聲都唔聲吓，從此 byebye.西冷入口 juicy 鬆軟入味，小熊食到好鬼滿足，但就係唔埋單!如果鐵板餐用上我中意嘅三色豆就100分了!

落去食早餐，嘢食普普通通，唔係好好食，但又唔難食嘅，只食早餐，午餐晚餐唔會揀，因為好重味......最影響人去選擇食唔食係服務態度真係超級勁惡頂！！作為食客嘅嚟呢度係要預咗受氣同接受不平等的待遇！！落咗單凍檸茶要少冰，出單都無錯，但係嚟度無少冰，仲要係成杯都係冰，同個啡色髮馬尾的女侍應講，叫佢睇下成杯都係冰，反而發脾氣話係廚房問題，唔關佢事，頭也不回，檸茶都唔拎去幫忙換，唯有自己拎去廚房同另一個侍應講，都忍唔住都鬧咗幾句！可能被人話完，轉頭另一張枱要加奶，佢又拎去加... 睇心情做嘢？！定係有親戚關係？？咁嘅服務，真係第一次遇見！如果大家想去受氣，被人發洩，歡迎光顧，領教一下如此優質的服務態度！

120517082022，黎到深水埗就試下呢間馬德里餐廳，印象中之前門口有個大大既霓虹燈招牌，現在已經拆左，可惜。今日人流都多剛剛好入埋去就坐滿，我點左個肉眼扒日式炸蝦意粉，跟個羅宋湯同一杯凍檸茶。羅宋湯味濃蕃茄味突出，唔似一般餐廳既得個酸字，佢係酸得黎帶甜是做得比較好既羅宋湯，好快主菜到肉眼扒都好大塊，大約有一隻半手掌大小，雖然都有7，8成熟但不會硬加上沒有鬆肉粉既味，我都滿意，炸蝦就有點凍，不過68蚊都算不錯既選擇。

懷舊扒餐， 今日去開深水埗， 見到有間主打懷舊扒餐的西餐廳。今日叫左2人扒餐， 分別有肉眼扒同咸豬手。肉眼扒味道完全係港式風味， 肉質較實， 但有牛肉味， 亦有肉汁。咸豬手超大隻， 皮脆肉嫩， 好似食緊真正德國咸豬手， 由其痴住骨的筋位， 非常好味。 價錢平民化， 店員又有禮好服務。

星期日約會好友，一起逛街購物😀目的地 深水埗，好耐冇嚟過囉，假期日子，人流多下午4點幾，有啲疲倦、找個地方唞啦，順便high tea😊呀！馬德里餐廳，好似N年冇嚟，即管試吓環境不錯，地方寬濶、有距離，客人多，近門口有張卡位，坐下來焗卡邦尼忌廉汁海鮮意粉 $50少量芝士焗、惹味材料豐富，蝦、青口、墨魚仔、蟹柳、菇意粉吸住汁，正呀😋焗意式鮮茄牛柳粒意粉 $50熱辣辣，芝士飄來香噴噴菇片、 番茄🍅味濃，嫩肉牛柳粒跟餐熱飲，好立克、檸檬茶

在深水埗找地方吃午餐，這區的食店大多環境擠迫，看見這茶餐廳桌椅之間有足夠距離，就決定在這兒用餐。點了一客午餐A，黑椒牛扒司華力腸配薯菜（不愛吃薯菜，可選配白飯或意大利粉）有兩大塊薄牛扒和一條司華力腸，還有大量薯條和少量翠玉瓜和紅蘿蔔。牛扒的質感不錯，味道方面，雖然牛味不足，但配上黑椒汁，也算好吃，司華力腸沒什麼特別，薯條比較一般，蔬菜多一點就更好，總的來說，這$65的午餐，算是合格有餘。另外點了馬來西亞咖喱牛腩飯，這個下次就不會再點了。這咖喱的最大問題，就是咖喱汁不夠濃稠，而且一般來說，馬來西亞咖喱略帶點甜，不會太辣，這咖喱汁則很辣，牛腩方面，很多，但肉質太柴。飲品點了凍檸檬茶和凍咖啡，檸檬茶的茶底不苦澀，咖啡則不夠咖啡香。食物一般，環境則不錯，正如剛才所說，這雖是茶餐廳，但桌椅之間有足夠距離，環境也比一般的茶餐廳略為好一點，而最令我印象深刻的是侍應很有禮貌，工作效率也很高。

耐唔耐都黎馬德里食野，貪佢間店大坐得無咁迫，是日同朋友買完野又黎左坐下食啲野，四點幾鐘基本上得兩成入坐，鍾意坐邊都得啦。揀左張卡位坐，濶濶地好坐啲，快快落單等食啦。好快就送到嘅茶走同凍檸茶，茶走夠熱，檸檬茶爆多冰同檸檬，有少少苦。朋友叫嘅焗咖哩牛柳粒意粉，個賣相正正常常，有數粒牛柳同薯仔，咖哩汁都幾香，不過唔辣同太稀，搞到啲汁完全黏唔到上意粉到。自己叫左焗鮮茄豬扒意，賣相都幾好，上枱時好香噃。意粉爽口唔過淋，個汁夠杰身有茄味，仲幾多芝士添，豬扒已切件容易食，軟腍無渣幾好。五十蚊個餐都幾抵食呀，會再黎嘅。

約了友人在深水埗一聚後，都已經快 2 點了。找東西醫肚期間，兩人都不約而同地說，記得附近有呢間餐廳，決定再尋找之前的回味。坐低見到装修環境舆之前都一樣，當時與同區比算是高一級，我點了個菠蘿雞粒炒飯套餐一試。先上了個羅宋湯，湯味都算濃，可惜的是不太夠熱、到主菜炒飯上場，飯的賣相都算吸引，菠蘿粒、雞肉粒、生菜絲混在一起，另再加點葡萄乾作點綴伴碟，引起了食慾。搯了一匙羹飯放進口中，飯粒夠乾身，有口感。雞粒配料就醃得淡了點，始終是雪藏雞肉。菠蘿、葡萄亁是罐頭現成貨，混合在一起吃補償了雞肉淡味吧。總觀是今次食品的味道、賣相還錯，餐廳環境就已經舊了，要装修一吓就好，待下次經過深水埗再來試。