馬家莊清真館 (已結業)

以往在朋友介紹下, 我第一次吃馬家莊是在塘尾道舊店。之從塘尾道舊店結業後搬至尖沙咀, 就再沒有品嚐遇馬家莊之美食。最近, 於長沙灣及塘尾道徘徊之際, 發現於長沙灣道有另一間馬家莊, 可能是馬家莊分店, 就膽粗粗走入內試下這餐廳的廚藝。首先來個酸辣湯, 有分大中細三個SIZE: 大的盛惠HK$116; 中的盛惠HK$58, 細的盛惠HK$38, 我們只有兩人就叫了一個細的, 其實細的份量也可以分成四豌左右, 如只有兩人吃就無需叫個中的, 除非一個人打算吃三至四碗以上, 如不是, 叫了中SIZE就只會做成浪費。酸辣湯味道不錯,  材料十足, 不過要襯熱飲, 如果唔係就有啲漿住的感覺。雞絲冷麵: 雞絲根本就唔似係雞絲, 切得唔夠幼太粗, 粗到似雞肉或叫雞柳似乎合理啲, 附有麻醬。麵條不粗不幼, 彈牙有口感, 麵條爽滑, 再混上香濃的麻醬, 加上嗰麵冷冷地, 夏天吃最正!麻醬冷麵跟雞絲冷麵的不同之處, 只在於小了雞絲, 麵條, 麵質,, 味道及口感都一樣。蔥油餅: 夠薄, 不過唔夠香, 蔥味唔夠濃郁。秘制牛肉餡缾: 餅皮不厚不薄有小小脆, 牛肉有香味。食之時要小心, 因為如果沒留意, 一口就咬

做完嘢，見未夠鐘食飯，又嚟返個午後之輕食啦！咁啱見到間舖頭食清真嘢，就走入食碗麵啦！睇過餐牌覺得無乜特別，只喺餡餅同普遍上海嘢，好似名過其實咁！好奇咁問吓阿姐姐，清真嘢其實有咩特別之處呢？唔八卦真喺唔知，原來回教徒喺唔食豬！喺喎，其實回教天主教基督徒都喺睇舊約聖經，所以飲食習慣都喺一樣！而且佢哋喺堅持生劏，我好白痴咁問，咁喺咪唔食冰鮮？阿姐姐即刻笑咗一笑，原來生劏嘅意思喺，宰殺動物嘅時候，喺用放血嘅方法殺牲，然後再為隻動祈禱。解釋到依家，我就諗起電影《阿凡達》其中一幕。咁樣做喺會令工序多咗，導致食材成本上升，但佢哋堅持咁做，原因喺佢地好堅持佢哋信仰嘅理念同回教嘅傳統。我依個偽天主教徒忽然有種肅然起敬嘅感覺，竟然將信仰活喺生活同經營理念之中，好值得尊敬！而且阿姐姐話，咁樣嘅做法，好多客人食過都話食落嘅感覺喺唔同啲！堅持午後之輕食嘅我，只喺叫咗下午茶餐《紅燒牛腩湯麵》！第一啖嘅口感真喺好唔同，好肯定冇落味精，而且牛腩爽口，味道濃郁！湯底又喺一絕，味道入口適中，唔會太咸太淡，而且自家特製嘅牛骨湯底，好好飲，又唔會口乾！一個字，好好食！最後成碗麵，我連個湯底都飲哂，下次真喺要試埋佢哋啲餡餅！

天氣熱難免都會想食D香口野提振下胃口,之前喺團購網站上見過呢間餐廳 ,今日又啱啱好到深水埗整NB,就入黎試下喇~其實午餐都算抵,29蚊有得食又得飲,但啲野唔啱我地心水,就單點。第一盤上既係羊肉捲餅,餅皮又熱又香脆,我係第一次食裡面蘸甜醬 ,個人覺得醬同埋大蔥太多太搶味,食唔出羊肉既風味。跟住係京蔥羊肉水餃,熱辣辣,味濃且湯汁多,皮口感Q實,都幾好味。 牛肉餡餅唔同我地之前喺九龍城食既,佢調味上清淡D,裡面揉入了椰菜增加清脆既口感,湯汁豐富。但我先生鍾意九龍城果間多D,我就覺得不過不失。價錢上唔算平,久唔久可以食一次。

牛肉餅很多地方可以吃到，但羊肉餅不是處處有！今日下午茶選了深水埗馬家莊清真館，下午茶都有很多選擇，還配有飲品一杯。點了京蔥羊肉餅，羊肉餅皮薄、極度多汁，一咬下去已爆汁，汁仍很熱，差點被燙傷。羊肉餅饀有些青蔥和洋蔥，所以不覺有羶味。奶茶味道不差，茶味濃，想不到水吧都有水準。下次可以再來試其他套餐！

有三日假期, 緊要出街食, 唔想又自己煮, 出到去太子, 想起這間馬家清真, 想試佢晚牛肉餅好耐, 一於去試試今晚試左牛肉餅, 咖哩牛腩飯, 羊肉清湯, 孜然羊肉牛肉餅一咬開, 即有好多汗流出, 又夠熱, 即叫即煎, 但無咩牛味(對於我嚟講, 應該要有番少少牛既騷味, 先叫有牛味), 所以一D都唔香咖哩牛腩飯咖哩雖然夠香, 但無咩咸味或甜味, 真係只有咖哩味, 不太ok, 完全做唔出咖哩清真羊既精髓, 說真的, 好失望羊肉清湯我老公喜歡這個湯, 羊肉亦有咬口, 湯好味, 唔似味精湯孜然羊肉唔錯既小炒, 好香孜然味, 夠野味, 但羊都係無騷味, 唔OK

看了多篇讚好的食評，今晚專程和老公來試試各款羊料理。我們六時入座，因為時間尚早，不太肚餓，只點了咖哩羊腩粉絲湯，羊肉卷，和羊肉水餃。先來的羊腩粉絲湯，賣相實在不能接受 ，比一般飯碗略大的湯碗，碗邊多處崩了，看上去只見湯，不見羊腩和粉絲，可想像湯料多極有限，以參不多$70的價錢，實在物非所值 羊肉卷也是失敗之作，薄餅皮是翻熱的，有點乾硬，餡料只有海鮮醬和京蔥的味道，吃不出羊味來 唯一可接受的是水餃，不過不失，雖然也沒有羊味，但皮薄、餡料足。整體上仍是不合格，不會有下次！

特意黎揾食，可惜去到先發現店已搬，上網再揾新地扯，行左半個鐘冤枉路。睇睇餐牌，太多野想試啦！午餐-醬牛肚湯麵 $35湯底頗鹹，牛肚十分爽口但無乜味，粉則太淋，一般。牛肉水餃 $18送上枱時熱辣辣，餡料飽滿多肉汁，好味。家常餅 $29小小鹽係面，餅煎得很香亦很散軟，不錯。京蔥羊肉餡餅 $20一咬開即刻勁多汁流出黎，入面好熱。皮不厚且好好餡，一啲都唔羶。京蔥羊肉鍋貼 $39鍋貼包得很完美，隻隻一樣樣。但上枱時唔太熱，有羊羶味，都ok嘅。午餐配有飲品一杯，要了凍檸茶，茶味檸味一般。去到個陣無細枱，要撘大枱，不過一有細枱就比我地轉，個老闆都幾好禮貌。

有三日假期, 緊要出街食, 唔想又自己煮, 出到去太子, 想起這間馬家清真, 想試佢晚牛肉餅好耐, 一於去試試今晚試左牛肉餅, 咖哩牛腩飯, 羊肉清湯, 孜然羊肉牛肉餅一咬開, 即有好多汗流出, 又夠熱, 即叫即煎, 但無咩牛味(對於我嚟講, 應該要有番少少牛既騷味, 先叫有牛味), 所以一D都唔香咖哩牛腩飯咖哩雖然夠香, 但無咩咸味或甜味, 真係只有咖哩味, 不太ok 羊肉清湯我老公喜歡這個湯, 羊肉亦有咬口, 湯好味, 唔似味精湯孜然羊肉唔錯既小炒, 好香孜然味, 夠野味

想想下都有一段時間沒有食過羊了，以前在太子都會行去塘尾道的馬家莊清真館去試試，但其實知道它已經開了一間分店在長沙灣道頭這一邊，很多時行過都見過這店，但都沒有機會入去試下，原因就是很多身邊人不喜歡食羊，所以今次約了一個喜歡此道的朋友來食一個”全羊餐”。新開的這一分店就在長沙灣道和白揚街口，在太子地鐵行不到十分鐘就到，印象中記得同一個位置上以前是一間茶餐廳，晚上有晚飯小菜食的，現在這店的外表和以前分別不大，只是換了個招牌，牆身的顏色和以前一樣，要細心d看才會發現到分別。六時多一些來到這店，店內沒有什麼的客人，選了一張的卡位就坐下了，店內和一般港式的茶餐廳不太分別，沒有什麼特別的裝飾和，店中放了一些圓形的枱提供四至六人用餐的，旁邊近窗有一排的卡位最多可以坐上四人的，位與位的空間都不是太窄，坐上去感覺都是可以的。放了電視但聲音不是太大，不會有喧嘩的感覺來。由於想食羊的關係，所以看餐牌是都是集中看和叫有羊的食物，就叫了一個蔥爆羊肉、風味羊架、羊肉餡餅、咖哩羊腩飯和羊肉卷。叫完食物個伙計都問一問我們:”你們今餐全部都是食羊?”，我們回答就是今餐我們是要”全羊餐”。蔥爆羊肉(配薄餅) 最先來的

一個想吃「清真牛肉餡餅」的日子，與老婆仔來到這間「馬家莊清真館」吃午飯。幸運地，一去到便有檯，快快坐下之後，便在店中供應的「午市商務套餐」中揀了幾味開餐。因為是清真菜館的緣故，「上海粗炒」用的材料不是豬肉絲，而是牛肉條，炒功和味道都過得去，「上海粗炒」雖然始終比較油，不過吃得它，就預了吧！「粟米斑塊」水準中規中矩，不是特別好，也不特別差，一試倒也無妨。「郊外油菜」雖只是普通的蠔油西生菜，但綠得亮麗的西生菜是看得出的新鮮，蘸點蠔油吃，都不錯。姍姍來遲的「清真牛肉餡餅」水準依然，與九龍城「清真牛肉館」的出品不遑多讓，仍是必吃的美味佳選。要讚的還有套餐中包括在內的飲品。這兒的「凍檸茶」是想不到的好，味道酸甜有致，又有茶味，是近期喝過最高水準的「凍檸茶」。這天所吃的菜式雖然不算非常出色，但「清真牛肉餡餅」仍然好吃，猜它不到的「凍檸茶」更帶來意外驚喜，這間「馬家莊清真館」仍然值得一來呢！

o係深水埗返工...下晝成日想食d新o野...今日終於試o下距區食o野!!!快步行都要行15分鐘先到...一坐低即刻叫o野食先~ 四個人...叫o左兩個lunch set...咖哩羊同咖哩牛...再整個雞絲粉皮...一碟蔥爆羊肉...四個牛肉餡餅...仲有一個家常餅...先來係咖哩...好惹味好傑~ d羊腩同牛腩都好林呀!!! 不過辣o左少少~ 雞絲粉皮好多麻醬~ 味道真係唔錯~ 不過d粉皮好碎同埋林o左d~ 蔥爆羊肉真係好好味!!! d蔥唔係完全熟晒...有少少辣~ d羊肉都夠厚同多!!!牛肉餡餅同家常餅係最後先到...個家常餅真係又脆又熱呀!!! 就咁食都好好味~ 我地拎佢嚟夾蔥爆羊肉真係好正!!!初時以為牛肉餡餅入面d汁會好熱...點知又唔係wor...唔算好辣口...不過一路食一路流d牛肉汁出嚟...啖啖肉真係好好味~ 四個人叫o左咁多o野食到勁飽...返去公司o既路途想行得快都唔得...哈哈~ 

本人偏愛食羊，所以港島，九龍以至大江南北吃過不少，全因蔡生推介，慕名而去，落座盡要與羊有關菜式：羊肉餡餅，羊肉水餃，清燉羊肉，咖喱羊肉，孜然羊肉等仲有幾味涼菜。不想費太多字句評價，除了清燉羊肉湯中少的可憐的幾舊羊肉有羊味之外（羊湯更加無羊味）。招牌的羊肉餡餅，羊肉水餃全無羊味可言，更要叫那些面無表情的侍應來求證自己是否叫錯嘢。除咗極之失望之余，對名人推介表示懷疑更望而卻步。

太子店已光顧了數遍，今日第一次來深水埗店吃午餐，點了我最喜愛的醬牛肉麵和油菜。可惜，麵的湯不夠熱，麵條也比太子店的粗，沒那麼好咬口，最失望是看來大大片的醬牛肉，竟然又硬又靱，比太子店的差了一大截。再講，那碟$16的油菜只有好幾片生菜，在太子店不要豆漿加$8便有一大碗白菜仔了！雖然深水埗店地方較大和方便，但沒想到質素卻相差那麼遠。侍應的服務亦有改善空間，落單的阿姐態度欠佳又落錯單，日後還是光顧太子店好了。

在香港想吃清真菜的話，在九龍城屹立多年的老字號「清真牛肉館」絕對是自己的首選，這清真館子赫赫有名的超級爆汁「清真牛肉餡餅」更幾乎是每位幫襯的食客的必叫之物。從最初只得一間的小館子，到後來多開一間地方較大，可以招呼更多人客，坐得也較為舒服的分店，自己都是它的粉絲。但其實，除了「清真牛肉館」之外，與它有莫大關係，源自「清真牛肉館」的另一間清真菜館「馬家莊清真館」，與「清真牛肉館」其實也不遑多讓，除了原先位於太子塘尾道的小店外，也在深水埗長沙灣道開了另一間地方較為闊落，可以容納更多食客幫襯的分店，不讓「清真牛肉館」專美。之所以說這兩間清真館子有莫大關係，完全是因為「馬家莊清真館」的老闆，正正就是「清真牛肉館」老闆馬先生的四女兒，正因為這個原因，兩間店子售賣的食品，有不少都是相同的，好像最有名的「清真牛肉餡餅」、各款馳名的咖喱菜式、店中都有供應。而這兒的菜式選擇，好像比「清真牛肉館」還更要豐富呢！雖說這間分店地方比較大，但晚飯時間來到，仍然要在店外稍作等候，才能有位可以入座，這分店的生意可是挺不錯的。兩夫妻叫的東西不多，除了必叫的「清真牛肉餡餅」外，就只是一道店中有名的「咖喱羊腩」跟「家常餅」

是日兩家人一齊食飯，爸話好耐冇食馬家莊就去左食今次應該係第4次黎食，之前係爸媽兩個人行街既時候經過行入去食覺得唔錯就帶埋我地食我地6:00pm左右就到左 個時冇咩人 點菜既時候店員都好熱心咁推薦D野食比我地最後我地都叫左好多...真係食到棒住個肚返屋企海鮮豆腐羹 清清地D蝦都好爽 我地7個人 店員叫我地叫碗大既 結果都有7碗大半牛三食 四選三，冇叫牛肚 最好食係牛筋跟住到牛脷 兩樣都好香牛味，牛筋好似係牛筋凍黎 牛肉(牛"月展")就真係麻麻地..好乾....咖哩羊腩 真係唔錯!! 唔算好辣 但係咖哩冇搶哂羊既味，送飯/薄餅正!!＊＊＊紅燒豆腐鍋＊＊＊ 大推薦!!! 牛尾稔而入味，連D配菜好似冬菇、筍等等都入哂味! 全晚最好食既小菜!!松子魚 賣相好靚...但係條桂花魚可能因為新年存貨既關係，淨食係冇咩味....真係靠個汁...不過個汁唔錯如果佢連條魚都係新鮮既話，絕對值$168 (最貴係佢...)奶油津白 純粹係想叫碟菜食 可能其他野都好濃味 我食唔到咩味 = =值得一讚既地方係冇牙都食得....羊肉鍋貼..其實我地牛羊肉既餡餅(牛x2 羊x5) 同鍋貼(每樣1碟5件) 都有叫，不過