馬六

營業中

休息中

野食ok但服務/管理唔好 本身上錯野 落單又唔講明有咩冇 等左一輪先叫我朋友轉食食到一半逼人轉位 有6個人等緊 但明明周圍有台夠佢地6位拆開4人2人坐一開始有個女侍應問「可唔可以掉去4人個邊坐」我地食緊 又見到個場明明唔爆 就話唔想 因為已經食緊之後個經理黎話「阿小姐 拍硬檔啦 呢度大枱黎 繁忙時間呀」態度勁差 夾硬逼人就佢

今日要搞training，所以好晏食飯，諗住都兩點了，應該周圍都好易搵食。 點知呢間星加坡 餐廳，仲好多人，兩點都仲要等位。 真係咁犀利，等我又試下先。首先點了海南雞喇沙摻摻，喇沙香濃，少少辣，我覺得好味，雞好嫩滑，值得推介。追加了馬來街頭雞肉串燒。唔錯，不過醬太少，如果可以另外加，就非常好啦!再加了我至愛的南洋咖央多士，外脆內軟，如果多啲咖央醬，就最好啦。同事選了巴東雞肉配米飯，賣相不錯。娘惹椰絲班蘭糕，見到都已覺得好味。老街椰汁冰，真材實料。因為今日大家都太肚餓，食物本來已經好好食，今日特别好味。原來公司附近有得食星加坡菜，唔使特登飛去星加坡了🤗。

終於開左了！😏呢一間餐廳，睇住佢由上一間冇做到裝修，宜家終於開業了。呢一間馬六係連鎖餐廳黎，所以本身對佢都有d期望。🧐今日遲左食午飯，都兩點幾左右先到，但係店內外都係客人，😳估唔到咁受歡迎，好在岩岩走左一枱，等左一陣就有位。😝雖然已經有下午茶餐，但係好肚餓，所以都係叫左個午餐。😂三心兩意嘅我又想食無骨海南雞飯，又想食喇沙，好難抉擇。🙈但係比我發現有一個海南雞飯set係可以配唔同野食❗️有喇沙同唔同嘅肉骨茶等，我今次揀咗喇沙！😋⭐️無骨海南雞飯拼新加坡喇沙🌟海南雞飯好大碗，一黎到好驚食唔晒！油飯方面，油唔多，但係油香夠。海南雞好滑，配上三種醬汁，good good。🌟喇沙❤️雖然係一小碗但係份量都唔細！米粉底，一邊有魚片條，蝦🦐，半隻流心蛋同豆卜等⋯⋯喇沙味道幾好，椰奶同辣味之間取咗個平衡。🌟椰青好清甜啊！👍🏼

灣仔新店！只開張了2週，還是試業中。加上見佢主力 sell 馬來西亞雞……當然去試一試！！！由於1130 算早的關係，店內只有2-3位人客。座位算舒適。員工(經理）反應好快，見佢一人帶位落單上菜清潔……其他員工未有反應之前，已經完成工作。十分厲害餐牌款式係A +B ,A+C,A+D....以組合 組成。由於第一次 嚐試……都是叫簡單一款再看看。(價格算最平）我叫海南雞 飯 set，凍柑橘青檸 。價格算貴。上菜速度正常。用盤上菜……外表ok.飯 ： 份量正常，雖是白色，其實係油飯……但無雞油味，飯身偏淋。湯： 有雞油味，湯是温暖的溫度。雞 ：好大碟，無骨全是肉！！但品質不是太好，肉質不滑 有d老，雞皮下完全無肥糕……因此係完全無雞肉味！有3種醬汁！！由於肉本身不太好，用後 只有更奇怪。 黑：死咸 紅：無味 薑：太油飲品 ： 雖然我叫的是凍飲，但杯內是無冰的。飲品是暖的。但算大杯以這價格份量和品質，可以有60分！！！！！！！！我應該不試其他款式了。

貴，午餐價錢同下午茶餐份量一樣，唔太抵食！味道普通似馬拉野！奶茶茶味偏淡,只有奶味無茶香！希望會再有改進啦！食物溫度偏低，未到75度希望唔會肚柯啦！雞就得四塊左右，雞肉明顯有醃料，飯就得一細碗飯！飯筒就未必夠食了！