馬六

營業中

休息中

明明叫招牌蝦麵，蝦得2舊，仲要係一開二！！湯底味好怪！！炸雲吞小食又油又硬......好肚餓但係都無食哂，唔好同自己個胃作對！！下午茶$83一啲都唔平！ ！ 唔會再幫襯！！

帶有鄉音既auntie and 帶眼鏡有口音既waiter全程係咁同阿叔講野，形容d屎咩形狀，咩形態真係冇人想聽! 仲有你地把聲唔係好聽，唔好咁大聲講野啦，好L煩! 影響其他人在場既食欲，仲點叫多d野食???你個喇沙人地都話冇味啦，唔該改進下。仲有跟雞飯個湯都好咸，唔好飲，味精湯，之前個冬瓜湯都叫好少少。仲有杯拉茶都好難飲唔該你地，如果無野講就唔好格硬搵野黎講，影響其他食客。個個都係比一樣錢，唔該你地d服務態度一視同仁。多謝都選擇性講，你點吸引更多回頭客? 唔好淨係識同一個熟客係到吹埋d無聊野，理下你其他既客，同埋應有既禮貌。多謝又唔同我講，家陣你地請我食? 你地聲都唔出，我講唔該仲多過你。家陣我係到做? 定你係到做? 成間餐廳唔係淨係得一個客，唔該醒少少

北角係我好少黎既地方，有商場有碼頭閒遊都不錯，而馬六有咁多間分店亦都係第一次光顧。下午茶時間，可以坐到最後一張卡位太幸運喇，食物選擇多達21款，細心餐牌有註明輕食。招牌蝦麵 $62(大蝦，豬頸肉，五香卷，櫻花蝦) 每款都有2-3舊，份量足，好大碗呀抵食， 湯底濃郁夠味，油麵加米粉既特色好懷念，仲配埋青豆角，豆卜，芽菜， 意想不到豐富到每一啖都有餸。套餐配飲品加$3凍飲加$8 升級地道特飲加$12 升級地道特飲加$22 鮮椰青香茅橙茶果味茶味配合得宜，感覺清新香甜。還可以追加小食，酥炸雲吞 $18 4件香脆卜卜員工有禮對答招呼，驚喜餐廳免收加一服務費

一直都想試下呢間嘅肉骨茶，經過見到下午茶兩點開始，配飲品，價錢由$32-$62，仲可加配小食，都幾吸引，入去食個tea先。職員有禮。《 巴生肉骨茶湯米粉 $52 〈（湯粉可選 摻摻/米線/油麵/米粉）係我鍾意飲嗰款馬來西亞肉骨茶湯底，比星加坡嘅肉骨茶香濃，米粉掛湯岩晒。排骨肉嫩，仲有豆腐卜、腐皮同杞子。《 馬六無骨海南雞飯 $62 （+$10 可以轉雞髀）》無轉雞髀啲肉都好嫩，唔錯，醬汁又夠多。油飯入味，不過有少少乾，不過撈汁岩岩好。《 娘惹茶燻鴨 配：油香飯 $62 》茶燻鴨份量多，肉厚又富茶味，加埋鴨肉有少少咸香，幾惹味，仲有條用葉包住嘅魚肉條，微辣又幾好食。飲品：（免費加配）有六款免費加配飲品都幾好，所以無額外加錢嗌特飲。《 桂圓紅棗茶 》 - 好足料！除咗有龍眼肉同埋大量紅棗之外，仲加咗菊花同玫瑰，好有花香又安神！《 香茅橙茶 （凍）》+$3加左香茅嘅果茶又幾特別，香而清甜。呢野食都幾地道，有驚喜。

原來上次黎呢間馬六已經係3年前，今晚收工經過就坐低食返餐。馬六係做馬拉野，餐牌有唔同種類既馬拉特色麵，油香飯，咖喱飯，飯，多款娘惹小食，飲品等，選擇唔少。今晚少少飽，決定主打小食，一口氣叫4款小食分享。桔仔香茅豬頸肉 $56桔仔香茅豬頸肉原來係炒菜，大概十條爽脆豬頸肉加埋青瓜同香茅一齊炒，再加上花生米，同桔仔汁，味道原來係酸酸辣辣地，好多汁，都幾開胃，驚喜。傳統手工烏打 $36傳統手工烏打一客3件，用葉包住，入面係一條瘦長釀魚肉，質感似肉丸，食落少少辣，帶微微葉香。伴有清新車厘茄同青瓜粒。厚切香茅豬扒 $66厚切香茅豬扒一大塊，熱辣辣上枱，外皮少脆而肉質唔錯，啖啖肉又淋，帶少少骨，真心香口。伴有青瓜，車厘茄，脆口魚仔同花生米。檳城五香卷 $42檳城五香卷一客6件，每件都大大件。塊皮炸得酥脆又薄，入面係肥瘦豬肉丸，加上蔥，都好香口。兩三個人分就剛好。今餐食物質素唔錯，只係叫小食都好滿足。價錢街坊價，而且無加一。

呢間食肆分店都算多，炮台山店第一次食。🌟海南雞飯拼喇沙🌟一個餐兩種享受，除咗有必食海南雞外，仲可以食埋喇沙麵。海南雞香滑入味，喇沙麵米線軟硬適中，湯底椰汁味香濃，加埋雞油飯香十分飽肚。🌟咖喱串燒雞飯🌟上枱已經聞到陣陣嘅咖喱香茅味，香味十足，食落開胃惹味。雞肉嫩口，醃製入味，配有炸雲吞、魚仔、花生粒，多角度口感，認真滋味😋🌟桂圓紅棗茶🌟有玫瑰花、菊花、龍眼、杞子十分滋潤養顏。🌟芒果冰🌟清香芒果沙冰，新鮮果肉味👍

餐廳🍴食物性價比幾高👍🏻，份量足料，味道出色，好有當地風味馬六無骨海南雞飯 拼 新加坡喇沙 $88一個菜式，兩種口味，岩哂選擇困難症既人，又想食飯又想食喇沙，完全滿足哂👏🏻，海南雞份量好多下，全部起骨都起得好乾淨，雞皮色澤亮麗，咬口爽彈，雞肉肉身亦夠哂嫩滑，喇沙香濃，雖然一個碗仔Size，但份量都唔算少，又抵又好食🤤海鮮大蝦喇沙摻摻 $78摻摻係油麵加米粉，食落更有口感，米粉仲要勁掛湯，海鮮有爽彈蝦仁，仲有好多蜆仔，魚蛋同魚片等等，喇沙味道濃郁，奶香奶香咁，全部餸菜都好入味，特別係豆卜，索哂湯汁勁好味😋飲品系列都有加配價凍手工拉茶 +$6美祿哥斯拉 +$8

最近心思思想轉口味試吓新加坡菜，俾我搵到港島有間價錢親民嘅新加坡菜馬六，即刻就去食～同同行朋友叫咗新加坡魚丸魚條摻摻、南洋斑蘭咖吔多士、巴東牛肉伴油麵～新加坡魚丸魚條摻摻價錢親民得來大件夾抵食！佢嘅湯底好香椰奶味，同事又有啲啲微辣～唔會話好「漏」！最令我哋驚喜係個南洋斑蘭咖吔多士！一上到黎熱辣辣，再夾埋啲牛油，食落口雖然好邪惡，但每啖都好滿足😍另外巴東牛肉伴油麵就正正常常～個味有啲似咖喱，因為佢嘅麵底係一半油麵一半米粉，食落個口感都幾特別！整體來講性價比都算係一間幾高嘅新加坡菜，有機會都可以試吓！

椰醬飯有顏色但無乜味。班蘭冰都係得個色無乜味。喇沙面就偏淡。米粉唔入味。雞蛋麻麻地。魚蛋唔好食。多士好硬。唔太好食。呢個價錢有更好既選擇。唔知點解可以有咁多間分店。又可能佢係海南雞先好食但我無叫啦

💁‍♀️19/7/2022(Tue), Lunch🍽今日lunch黎食馬來西亞菜～因為lunch時間關係～餐廳都坐滿晒人🙍‍♂️🙍‍♀️🙍🙎‍♂️🙎‍♀️～地方都坐到幾迫下🙈～今日order左：新加坡大蝦喇沙米線 $75湯底係好香濃🍜～但所謂大蝦🦐只有手指尾咁上下size😟～非常慳皮😞～仲要係一隻蝦🦐切半咁上～😧😧😧總共有1隻半既蝦～魚蛋無味～豆腐卜入味～最失望係個米線煮到好淋🙄🙄🙄～入口一d都唔彈牙～一夾就爛...😔凍檸水(桔仔水)🥤 +$3總括個人食評：印象之前黎過～食材都唔係咁差～但今次真係以$75既價錢～性價比低囉...

返足12 小時。 忙足2 個月。 暈暈地拎住一大堆公司文件醫肚。 捉住下午茶的時間食馬六。 近晚市， 但店員見我1 個拎住2 大包文件都叫我坐最近門口的4 人卡位。 哥哥仔落錯order 上左碗米線 。攰到一個點坐低都可以瞓著。我已開動食左少少餸，先發現原來哥哥仔落錯單。 其實我要滲滲。店員姐姐一見狀， 就立刻話煮過一碗比我。 我話唔駛， 唔知係咪我嗰樣太殘。佢就拎起碗麵送返入去。 唔駛一陣再有一碗啱order的送上枱。 我真係唔好意思……鴨胸 唔係鴨胸一舊舊， 係成塊上。 湯底惹味夠濃。 好貼心的馬六

馬六賣馬來西亞/星加坡菜，在各區都有分店。平時多數去西灣河太安樓地下分店，今日和妹妹去北角購物，順便在電氣道馬六吃下午茶餐。馬六下午茶餐款式多，而且又好食又抵食。無骨海南雞飯拼星加坡喇沙米線是我的至愛。雖然是下午茶餐，雞飯份量大。雞有雞味肉質嫩滑，最開心是今日碟雞有齊雞胸肉，雞髀肉和雞翼，大滿足! 油飯又香又有飯味。喇沙米線也美味，有魚旦，肥美的芽菜，蛋和豆卜。大蝦雞串吉羅咖喱麵第一次食，好惹味。咖喱湯汁香濃，蝦鮮甜，雞串燒好味，糖心蛋正，還有豆卜，芽菜和青豆角，豐富。追加小食我們選了星加坡咸蛋王魚皮和南洋班蘭叻吔多士。魚皮超水準，太美味，推介😋👍。多士也不錯。飲品多選擇。凍馬來桔仔紅茶和凍薄荷桔仔梳打清新有特色，值得一試。吃飽charge夠電可繼續shopping。

幫襯過無數次嘅【馬六】... 基本上都冇令我失望!今日晚餐order咗「自選套餐」... 我覺得非常抵食... 套餐由$88-$92不等... 包咗主菜、小食同飲品! 套餐👇💢無骨海南雞飯 $92💢古法參峇雞翼💢芒果冰 (+$8)🍚基本上無骨海南雞飯差唔多係我平時每次必點... 間中會配吓喇沙! 點解我咁鍾意呢度嘅無骨海南雞飯? 無他嘅... 因為實咗太好食喇... 無骨固然方便... 海南雞又超級嫩滑... 油飯又夠香... 仲有薑蓉、辣醬同黑醬油... 簡直perfect!👍👍👍🐔古法參峇雞翼炸到好香口... 參峇醬惹味得嚟唔算辣... 小朋友應該食到!🥤芒果冰涼浸浸...甜度適中... 非常開胃!另外... order咗d小食都唔錯㗎👇💢檳城烤葱餅配咖哩汁 $42烤葱餅非常香脆... 咖哩汁屬少辣... 好香好吸引!💢馬來街頭雞肉串 (3串) $42雞肉串烤得焦香... 香料味重少少!💢娘惹咖哩角 (2件) $28熱辣辣... 酥脆無比... 內餡咖哩味濃... 好正呀!整體印象唔錯... 地方整潔... 店員服務態度好... 食物質素佳! 呢d就係我願意經常幫襯嘅原因!😊

下午茶（平日）14:00-18:00起抵食，真係抵食夾大份，仲要味道好出色，CP值好高娘惹茶燻鴨喇沙米線 $53鴨香同煙燻香氣都好濃郁，茶香完全深透入鴨肉到，吃後口有茶燻香，鴨肉肉質超級到嫩滑彈口，份量勁多，差唔多有10舊起，仲要一半係連鴨皮連肉，一半就全瘦肉，連鴨皮既口感好香口細膩，食到鴨油既油香，半肥瘦既口感超出色，全瘦部份亦完全唔會柴身，反而好爽口彈牙，完全大愛！馬六無骨海南雞飯拼新加坡喇沙米線 $75海南雞雞件賣相有油光，睇落都吸引，雞皮爽薄唔肥膩，雞肉軟腍好有雞味，油飯夠油香，調味恰到好處，飯身亦粒粒分明，喇沙湯底好出色，夠濃郁好惹味，米線麵質偏軟身，非常掛湯南洋斑蘭咖哋多士 $22斑蘭味好有層次，入口椰香先跑出，然後斑蘭香再慢慢散發出黎，烘得岩岩好，食起黎好香脆，白麵包質感亦好鬆軟，醬同牛油都塗得更好慷慨，超滿足！馬拉盞通菜 $26馬拉盞調味岩岩好，唔會過咸，通菜炒得清綠好新鮮，非常惹味椰子班蘭冰 +$8飲第一下會飲到椰子既甜香，再慢慢散發斑蘭既青香，成個味道好小清新南洋白咖啡 +$3

前幾日去開炮台山，經過呢間星馬菜，當時仲差幾分鐘先到六點，啱啱好趕得切叫下午茶食，就同朋友入左去食個early dinner。新加坡大蝦喇沙米線$62喇沙好濃稠，椰香味重。米線超級掛湯，配料有幾隻鮮甜嘅大蝦、蛋、魚蛋、魚皮同埋豆卜，好足料。馬六無骨海南雞飯拼巴生肉骨茶$75呢個餐真係啱曬我呢個乜都想食嘅人，有海南雞飯又有肉骨茶。海南雞份量好多，食落好滑，雞味好重，配埋香濃嘅油飯同醬汁，好食。肉骨茶味道濃郁，有豆卜、支竹同埋好大條排骨喺入面，排骨煮到好軟淋、入味。巴東牛肉椰漿飯$66巴東牛肉味道好入味，食落肉質滑嫩。椰漿飯嘅顏色綠綠地好靚，食落有淡淡的椰香。仲有啲香脆嘅魚仔、花生、青瓜同埋版。熱馬來手工拉茶$0奶味香濃。熱桔仔話梅水$0估唔到呢款飲品都唔使加錢，抵飲。熱香茅橙茶$0