馥苑海鮮酒家

營業中

休息中

曾試飲下午茶, 點心味道不錯, 但到結帳時發現有些點心收了正價的價錢, 所以要看清楚單據啊!

大家小心呢間酒樓最近我地發現佢地早茶張單每次都收多$16 至$40起碼有4,5次係咁睇清楚,原來佢地係單到入多幾樣野,等你地D人唔睇單,收多你地錢仲有, 同佢地講, 佢地連Sorry 都無又話收多錢都唔係入佢地袋好離譜仲有佢地對熟客仲好過生客生客等位等到傻識既就值入不過好多酒樓都有呢個問題

今早跟家人往品茗，平日要等位的情況不見了，一踏入門口，就得到各侍應們親切的笑容，甫坐下即點了六碟點心，蛟類點心食味不錯，外皮造得夠薄又有彈性，腸粉又滑易入口，發財蠔豉粥，就粥好吃過蠔豉。食物與服務也不懶，但結帳查單時，發現部份價錢與點心紙上不符，向侍應細問時，她說︰「正確(？！) 此類點心跟正價計」，我反問︰「那麼點心紙上的部份價錢就是錯的，對嗎？那為何仍要用上此張點心紙呢？」，她無言以對，連「不好意思」也懶得說。新春時節，就算服務費加二，全類點心也作特點計也不打緊，最緊要是明碼實價，人客得到高於期望的服務，付得開心時，伙計也高興。是次經驗可列作「個別事件」，但不幸此舉令人客反感，不再回頭，食店豈不是得不償失？

同幾位外國回港渡假的朋友食晚飯，因有uncle, auntie級既長輩會出席，而他們又住在九龍城附近，於是就揀在九龍城廣場的馥苑，相信可以迎合大家。都好一排沒去過九龍城廣場，感覺變了很多，唯一沒變的是這廣場仍然冇咩好行。馥苑，相信是該商場最好的一間食肆，起碼門面都見得下人。是晚剛巧有公司食團年飯，佔據了不少地方。不過，這裡仍算舒適。本人頗喜歡這裡的檯布，淺黃色又有暗花，配合燈光感覺十分良好。點菜當然是由長輩話事。看他們商議好一段時間之後，終於有了媚目。點的是京都骨、煎魽魚、一隻雞、豆苗、竹笙豆腐和例湯(是魚湯)。京都骨還可以，有味道，亦唔會太硬；煎魽魚幾香口、雞則只屬一般，有點"鞋"；豆苗都是比較老，竹笙豆腐反而唔錯，幾入味。例湯水準一般，算不上清潤。主菜以後，一人一碗糖水，我要紅豆沙，又比想像中好。幾濃，多豆，但香味還是欠了一點點。服務令人滿意，侍應殷勤，有笑容，也懂銷售技巧。中途uncle倒瀉了茶，侍應立即上前協助，反應快。我當然沒有資格去爭埋單。但看見銀碼只是$7xx，平均每人都係一百蚊左右，食得過。

下午4點依然人頭湧湧就知呢度幾抵食！一碗燒鵝瀨粉份量係一般酒樓2倍但只係$19.80。燒乳鴿只係$18而且好好味。蝦餃，排骨等點心就一般。豬潤腸粉唔係好掂，好硬。麻蓉飽就唔錯。招呼都幾好，可能同檯的朋友都算係熟客。下次約人係九龍城可以諗諗呢度。

裝修後首次到訪，當然比以往來得新淨耀眼，黃色的檯布出奇地閃透出一種華麗感覺，但獨欠了一棧水晶燈來作陪襯。 論到食品，點心只吃了五款，豬潤腸粉的餡料夠粉不夠爽，外層的腸粉水份特多，以致很腍身，夾上了一筷未到終點站，已掉到檯邊去了。 皮蛋瘦肉粥的料子不錯，蛋肉也附有其香味，可惜糊質的粥底破壞了整體分數。 用上了全隻蝦作餡料的蝦角，吃不上什麼味道來，表面炸得不算乾身，入口仍是脆的，這個大點的價錢，但只覺是小點的價值而已。 豆苗餃，皮薄，餡除了豆苗外也配有肉碎，味道適中，也算過得去。餘下的雞球大包，特價六元八，包質鬆軟之餘，內裡餡料也豐富，燒肉、雞、蛋，幾款點心中算是最特出的了，難怪店方只許每人點一個。 侍應算快手腳，但拿來杯筷時又未有茶上，新購之餐具茶壺已有不少崩口現象。三人茗茶五個點心合計八十，價錢相宜，只因假期十時半前入單有特價。

成個商場裝修到反轉晒，跨張到連部電梯都搬埋位，得返小貓三、四間舖，唯獨是馥苑仲有班舊客撐下場，新裝修之後地方明顯細左Ｄ，平民化既抵食套餐不再，再次走返中上級食府路線。老實講，馥苑不論食物質素、待客到環境都比鴻星、東海酒家之流好得多。既然套餐唔o岩心水，不若散叫自由得多，半隻冇骨燒鵝$140，其實有冇骨都係同價，不過去骨同時會去埋Ｄ肥膏，所以食落冇咁肥膩，海味扒節瓜甫$78，簡單得黎又清清地，芒果鱈魚卷$78，因為芒果夠甜，所以想唔好食都難，送糖水，連茶介加一，三條友四舊零落樓，可以試到馥苑既考手小菜，感覺上都幾滿足。服務恰到好處，應收碟就收碟，應添水就添水，座位闊落舒適，食得非常滿意既一餐。

好耐無啦.....再次番先知佢裝完修...好靚呀!其實我覺得呢間係九龍城區比較好酒樓! 出品水準唔錯...不過就細碟少少啦,好似我六個人食晚飯咁, 叫六個都先係夠飽ja...但價錢又同一般酒樓差唔多, 所以算抵食ga推介: 秘製排骨煲, 好惹味!!

首先想通知webmaster, 呢間0野已經裝修完畢, 開返門做生意喇. =)知道佢大裝修完開返門, 今日同屋企人0黎飲茶. 點心紙上0既0野其實無乜大變動, 水準亦差唔多. 不過要講0下新試的"春風滿面" 腸粉(即入面包了春卷的腸粉) 幾好食, whereas 個唔知乜燒鵝卷唔好食.裝修完的環境比以前少咁d "娘" 味XDService 就一樣啦, 因為老豆同grandma 0既關係, 我0地係熟客, 招呼一定好.

今晚一行五人吃晚飯，本人就未試過呢間店，況且空著肚入來，所以就快手快腳咁點菜。（$328套餐）包括：１．花生雞腳湯一蛊２．鹽焗雞一只３．荷蘭豆炒花枝片４．菠蘿咕嚕肉５．油浸海上鮮６．酥炸沙津卷另外叫了以下食物７．串燒吊筒８．白飯四碗９．白粥四碗有人食過話吃度既冬瓜蛊幾好飲，原本係跟餐，但佢地話賣哂，我心諗八點就賣哂，有無咁好生意？但我見到又唔係咁多人到場。例湯原蛊上碟，但料唔係好多，得幾隻雞腳，數十粒花生，但湯都夠味，好明顯大師傅出場。鹽焗雞唔係好油膩，幾入味，可能烹調過程中有用鹽水浸製。叫套餐的關係，荷蘭豆炒花枝片，咕嚕肉等比起正常的碟頭還要小，荷蘭豆不錯，爽脆而不過老，花枝片及雞肉，配合Xo醬炒的作用，亦幾香辣。沙津卷中有帶子、蝦肉及芒果，有咬口，沙津醬不會過多，剩食伴酒都不錯。吊筒係有個師傅係大牌檔燒，食落都可以，但燒汁不算太多鹽份，亦不算無味，都是一個好選擇。至於白粥係意外之作，因為煮得好綿，開花，有少少瑤柱，入口清甜，可以一試。是夜晚餐不是我付錢，付賬的那位又無睇單，佢地埋單話$530左右，我計下個餐$328，其餘的成$200係乜野呢？可能係碟吊筒加飯加粥加茶芥、醬油濕星野，

呢間酒樓我通常星期日去飲茶，貪佢唔使點等位D點心又唔差。不過去飲茶真係不能不食佢地既鹽燒雞翼，佢會將雞翼中間界開黎燒，令油份流走晒，同埋入味好多。就算去日本菜館食都冇佢整得咁好食。仲有D蠔仔銀針粉都唔錯。如果要彈就係客多招呼就會差少少。

飲茶:最鍾意佢d 鹽燒雞翼, 好香脆, 而且一d 油都無!蝦餃未至於皮薄, 但餡夠靚.牛肚好爽脆, 汁好濃, 最緊要係無異味. 反而鳳爪就有d 失望, 奇怪食落口口感好似一pat 0野咁.星期六/日有時有$30 一盅0既鮑翅灌湯餃, d 料都唔少0架, 值得試0下.晚飯:菜都係standard 貨色, 最特別係"美點雙輝" 0既千層糕, 一層奶黃一層雞蛋糕, 甜度適中, 口感好似馬拉糕咁, 好得意好好食~唯一唔好, 係個別男staff 態度差; 做食肆呢行, 應該抱住"客人永遠是對的" 0既心態, 餐廳service 口碑先好0架嘛... 唉.

復活節公眾假期第一天, 一家六口去飲茶....點心水準好好!估唔到假期都有好抵的$188套餐－－五款點心(我揀左3個大點2個中點)+一碟菜+一客好好味的鹽燒雞翼+一碟炒粉麵。假期都只係$7茶錢一位, 點心價同平時lunch一樣, 只係每檯多左酸菜一碟(@$9), 絕對可以接受!只可惜....埋單之時, 由於我唔知呢個商場冇假日泊車優惠, 諗住好似平日咁, 叫部長俾夠兩張單據我去claim泊車...我: 部長, 俾兩張單我泊車丫...部長: 冇架喎!我: 我平時o黎都有啦!部長(幾惡): 你唔好"凶"我啦, 我響度做左十幾年, 點有架?當時好唔高興.....後來取車時先知其實係商場本身冇做假日的泊車優惠, 而唔係部長唔俾單我.....你話丫, 係咪部長d對答有問題呢? 好聲好氣講清楚商場冇做優惠咪得囉, 冇啦啦做乜話客人"凶"佢o者? 扣晒分!

呢度地方算幾寬敞, 最好就係唔駛等位, 點心方面大都唔錯, 總共叫左十二款, 其中一款係香芒沙律蝦卷, 外貌炸得不錯, 可惜餡除有芒果同蝦之外, 仲包左唔少油係入面。(總計$16x.00)

食品不俗，新鮮抵食，價錢算抵！請客晚飯都一流！