馥苑海鮮酒家

營業中

休息中

由於親戚一家是這裡的熟客, 所以過去數年的年夜飯都由這兒包辦。菜單早已由主人家擬定, 我們來到只管吃就是了。印象中好像還有更多菜色的, 不過席上我多在跟親人天南地北所以沒有特別在意吃過什麼, 記得的如下:乳豬 - 採用適齡乳豬, 皮肉均稱, 豬皮燒的金黃, 好火候, 肥膏只少量, 肉嫩香口蒜香京蔥炒牛柳 (我作的名字) - 只吃了蔥, 很香濃的蒜味, 惹味但比較多油花菇花膠炆鴨掌 - 個人不喜鴨掌, 只吃了花菇和花膠, 前者看得出是靚貨, 紋理對辦, 菇身大隻厚肉, 花膠養顏宜多吃 清蒸大海斑 - 好像是老虎斑, 全餐應是牠最貴的了; 正常啦, 大斑也實在很難不好吃的, 倒是厚身脆肉, 食得夠爽! 炸子雞 - 炸功也是一流 (看圖), 不過略鹹炒豆苗 - 嚇人的一大盤, 當造當然好吃, 嫩綠甜美反而是這裡的甜點吸引了我的注意: 千層蛋糕仔 - 即千層糕, 上有甘香的鹹蛋黃, 和軟綿綿香甜的千層糕很是配菠蘿(皮)西米撻 - 新奇甜品, 是菠蘿包 (批頂的皮) 椰撻和西米盞的, 鬆化的菠蘿皮下是香甜椰蓉和西米, 細細隻一口一個, 不知可否散叫 湯圓紅豆沙 - 芝麻餡的湯圓, 細細粒容易食

Grandma, my parents and my sis together, table for 5 for lunch We ordered Japanese style Chicken Wings* No sauce just salted to be cooked with Japanese BBQ* The skin is very crispy n some burnt which makes it taste even better* top choice!!! Japnese style fish fillet * worst fishy taste EVER * They billed us HKD168 which we have to complain to get us the RIGHT price which is HKD 148 for a regular filet fish??? This is ridiculously expensive* The skin is hard, really like chewing on leather* The

平時比較少去馥苑,還以為貴一點的價錢會有好一點的食物和服務;怎料剛好相反,雖然侍應未至於黑面,但明顯地見到我們舉手也裝作看不見;或應了我們說"轉頭"後,便失去蹤影. 還遇到個喜歡問問題的女人: 我們到達時還未執檯,等了一會才有人來;那個女人先問我們幾多位,然後開始執檯;執到一半又問我們多一次幾多位;執完又再問多次... 一個數字真的這麼難記嗎?食物方面... 咸水角 - 已經變了型和凍的,看見已不想吃...鳳爪排骨飯 - 十分迷你,適合一人享用,味道OK.大包 - 特價$8.8一個,每位限叫一個. 這個包除了價錢平外,我實在找不到其他好處. 沒有味道的包,我寧願叫义燒包...

終於去到reg day最後一天經過一輪peak hour 我方莊員都疲憊不堪最後去左呢間野度飲個靚下午茶由於星期六我地12個人就等左成半個鐘先到去入到去就係咁tick 又一輪作戰之下 食埋甜品 個個都飽哂總體食物是平平的 但燒肉係完全不行的。而餃類食物很好 特別是勝瓜餃~可以一試價錢的確較貴。服務是不錯的。

住0係九龍城咁耐就幫襯了呢度咁耐, 加上呢度係過節食飯長輩們的指定地點, 好一段時間係對呢度0既晚市套餐十分厭惡 呢日一行 5 人重訪係阿媽的提議, 見咁耐無食過, 就點話點好啦. 叫了 5 個(食送), 整體水準係俾印象中的好得多, 散叫果然唔同 d:- 走地雞 (半隻): 雞肉十分嫩滑, 雞皮薄薄爽爽, 雞味薄0左 d, 不過蘸上十分惹味的蔥茸, 都幾好食; 另外仲有鹽水雞雜 (雞肝, 雞腎及雞腸), 以鹹香爽口的雞腸最好食; 雞肝就淡口得很, 仲帶苦澀味, 唔掂. 不過雞肝呢樣0野, 都係蜜燒或鹽焗 (e.g. 港大校友會0個 d: http://www.openrice.com/restaurant/commentdetail.htm?commentid=1891745) 最0岩口味.- 帶子賽螃蟹: 無落蛋黃的, 叫「帶子炒蛋白」比較貼切. 蛋白幾滑, 帶子爽口鮮味, 淋上淅醋, 味道都唔錯, 不過始終無了蛋黃, 感覺若有所失.- 海參豆腐煲: 海參得個爽口, 無味的, 十足橡筋 @_@" 豆腐 size 大, 幾滑; d 汁就最正, 帶點五香 / 花椒八角

上星期去食下午茶..小點要$10.8﹙算貴的酒家﹚....但係成場都係人好彩岩岩有人走唔洗等...叫左十幾廿幾個點心【义燒包】﹏﹏﹏個包好軟，而且多汁【雞扎】﹏﹏﹏勁多材料【蝦餃】﹏﹏﹏個皮都算薄，蝦好鮮甜彈牙【泰式炸雲吞】﹏﹏最鐘意的，唔油膩【排骨】﹏﹏﹏無食【鳳爪】﹏﹏﹏一般【义燒腸粉】﹏﹏﹏個皮好滑，中間又有D芫荽，好香【咖喱魷魚】﹏﹏﹏好多，成個碟都係【牛柏葉x2】﹏﹏﹏個汁好正，【芒果布丁x2】﹏﹏﹏冇以前咁香，但都食得過【蘿蔔糕】﹏﹏﹏食到一條條蔔，但係一食就溶，好味【牛肚】﹏﹏﹏無食今日竟然無阿姐過黎sell野，可能因為我地成枱都已經係食物。落左單之後5-10分鐘就上點心，好快(成場爆曬都可以咁好)。埋單果時就耐左小小.....大約等左10分鐘..對單$1都無收多........之後阿姐收野果時都客氣咁問""唔要架啦可""食到大家都好飽....晚飯都可以唔洗食所以話比多小小錢食好d好過比小d錢食到一肚氣

同細妹同佢男友去飲茶,下午兩點,成個場坐滿人叫左好多點心,包括蝦餃,雞扎,咸水角,义燒包,另外仲有兩盅飯,一盅係鳳爪排骨,另一盅係窩旦牛肉!再叫多一碟油菜,係菜心點心味道ok,蝦餃包得好實,蝦肉新鮮!雞扎件魚肚好味,腐皮就乾左d,通常塊皮好濕同咸咸地先好食!咸水角無油,幾好!义燒包味道都不錯!兩盅飯size唔大,唔怕食唔哂,盅底油比較多,味道幾好,排骨落得好多,多到食唔哂,窩旦牛肉隻旦靚,牛肉都好食,overall都唔錯!服務算幾好,店員親切有禮!

下午tea一tea!今次嚟馥苑tea,因為下面好彩好似越嚟越唔好食了!叫左好多碟點心,包括左蝦餃,鳳爪,牛腸,帶子餃,泰式炸雲吞!蝦餃好精緻,皮薄饀甜,幾好味道!鳳爪ok,牛腸加左百合,我唔係太鍾意,所以無食哂!帶子餃同蝦餃味道差唔多,都ok!泰式炸雲吞反而係最好食一個...因為一d都唔漏,而且個泰式醬好好味!服務ok,茶ok,唔會無味!

I won't go there anymore. Last week, I went with my family to TST Fook Yuen Restaurant and were waiting for the seats. The nasty thing is I can't imagine how poor their service attitude. Selfish to present that they have a lot of rich clients to service and ask us to wait with very impolite accent if we want to eat their high quality food. I will ask all my friend and family don't go there. Really looking forward to see how rich and how many their clients they have.

這間酒樓水準很不錯，蝦餃，雞扎，叉燒包等傅統點心做得很認真，服務好，招呼很好！盅頭飯略覺溫度不夠，叫左蠟腸雞飯，味道是好的，只是個盅用瓦碗好像不太合適！下次再來會係食晚餐，因為餐牌好像很吸引！

本人在星期日下午1時左右和父母一起到上址吃午飯，拿了等候票在門外等候。過了很久，還聽不見有空更新，門外拿等候票的客人不斷增加(30人以上)，但奇怪地有些剛到步的人沒有拿等候票便入了酒家內，其間本人發現已結賬的食客一群一群地從酒家出來，到底空出的子在那裹？於是本人入內一看，發現有20-30人站在酒家內等候空，大部分剛結賬的空都給這些站的熟客所填滿，站的熟客不斷增加，導致門外從正常排隊輪候的食客需要輪候1至2小時以上。本人不禁會問，是否熟客就不用排隊，守規的客人就要等候數小時！這種非常不公平的現象，確實不能接受，希望各食客不要到上址用膳，以示反對這種不公平的行為的發生！再者上址的食物價錢普遍比同區其他的酒家高！

襯好日子，先補一個這裡的食評之餘順道祝賀新娘子跟新郎哥白頭到老，永結同心。據聞當天是全年三個最好婚嫁日子的其中一天，故幾個月前的酒店酒家在這天的位置已全滿了，但是否如實咱家就不了解，但當天早上跑了轉教堂，晚上兩個宴會只能出席一個，當然是來這個多年好友主持的為先，怎說交情都有廿多年了！這裡地方不大，共開了廿幾檯酒席已可包場，故全晚只招待這幫客人，服務是沒舍問題。宴會茶式都是傳統大路形式，但幾道菜肴都能處理得，尤其是頭盤的乳豬是難得的香脆得宜之餘仍是熱辣非常，不大肥膩的已經給了好印象；跟著來的都算中上，大海班火候剛好，咱家舞弄一幅魚頭魚尾，快哉；不要小看單尾的百年好合，這裡的煲至起沙才奉客，不過甜之餘這百年好合值得一讚，若有湯丸在內絕對滿分！其實一向對延開十數廿圍的宴會菜式不存厚望，但當晚有幾這不錯的菜式點綴，加上跟不小多年好友踫頭，足矣！

我們一行四人第一次試這間酒樓,我哋點咗一份特價$148嘅38頭飽魚,鵝掌.介胆. 半只炸子雞,粟子海參煲,腐皮咕嚕球(齋),介胆鮑魚(齋)和雲耳蒸雞煲仔飯.食物水準中上,服務態度很好,有時覺得佢哋客氣到我頂唔順.不過只係有個女經理特別惡對佢嘅下屬令我有d睇唔過眼啫!!!

多野做，所以呢排好多時都做咗「無飯家庭」。因為個囡把口都好厭尖，d肉鞋d又唔食，唔岩口味又唔食，所以安全d，來呢度晚餐。呢期間酒樓做緊鮑魚，見個合家歡只係$98，有48頭鮑、婆參、同鵝掌，都幾抵食，就叫咗兩份。個鮑都幾糖心，不過更加喜歡婆參同鵝掌，皆因好淋好入味。又外亦都叫咗半隻走地雞同一碟上湯魚腐浸莧菜。走地雞剛剛熟，嫩滑又夠味。上湯魚腐浸莧菜就一般。最後送嘅甜品，我地就揀咗芝麻糊，好香芝麻同米味，不過我就都係鍾情玉葉嘅多d。其實呢度個茶市係舊年裝修之後真係差咗d，不過個晚市就依然咁好。埋單都係$41x，食得過。

母親節到此飲茶，已預計會多人，荼樓實行細檯限1小時，中檯1個半小時，齊一半人才可入坐的分流方法，12點半到，慶幸拿到的中檯籌號是第3張，但等差不兩個小時，不斷有人結帳，竟然一個號也沒叫過，又不斷有人走進酒樓，又沒有拿籌又沒有訂坐，心裡覺得奇怪，走進酒樓一看，奇怪地發現大部份的檯旁邊都有人在等檯，有些一人坐一張中檯，既然叫籌為怎麼有人等位呢?明顯那些全部是熟客，問那叫籌的女子，她竟說那是裏面的事她怎麼都不知道．實在大過份，如果只做熟客，就不要定那些什麼分流方法，可憐那那些苦苦在等的客人，問那女子為怎麼那麼久，就黑口黑面愛理不理，見到熟客就烚熟狗頭，我還見到一名熟客把一袋禮物給了那女子，立刻另我想起廉政公處的廣告”收受利益，不公平對待”．更過份的是全酒樓的員工都有共識一樣，真想知道酒樓的老闆知不知道，本來高高興興的母親節，結果一肚氣，以後都不會再到這不知所為的地方．