香香檸茶有限公司

營業中

休息中

如果可以俾零星 我會俾零星下午在新港城行左陣 少少口痕想買份雞蛋仔食 見到馬鐵站旁呢間香香檸檬有雞蛋仔賣 就叫左一份雞蛋仔20蚊 點知係食過咁多次最難食的一次 大半底雞蛋仔食落去係好淋好濕 完全唔脆 濕嘅味道簡直係有點似蛋糕 蛋味亦欠奉 完全唔能夠接受點解咁嘅質素可以拎出黎賣本身首選係去街市小食店買雞蛋仔 如果唔係過年街市小食店未開 根本唔會試呢間 冇諗過咁難食 任何店舖的雞蛋仔都冇呢間咁。離譜 絕不值得幫襯 垃圾水平！就算唔使錢都唔會食！

【沙田區】【香香檸茶有限公司】我呢排都少咗寫沙田嘅嘢，主要係因為搵食都出咗去外區，好少話喺返沙田食嘢。而今次想講嘅呢間亦都唔係餐廳嚟，睇個名就已經知係賣手打檸檬茶嘅茶飲店。近年呢啲手打檸檬茶店真係開到周圍都係，唔止係啲旺區，今次呢間係喺馬鞍山新港城中心嘅。咁佢哋都幾多飲品嘅選擇，一時我都睇到有啲眼花繚亂。不過我都急想飲吓嘢，因為嗰吓好口渴，喺馬鞍山做完義工，又熱，所以一吓就已經係想叫啲大嘅。佢哋有款叫「飲到飽霸王桶」，即係大過一杯嘅，整到好似成個桶咁，本身係方便兩個人一齊 share。然而，我係自己一個去飲，不過真係口渴，照叫咗 $36 嘅「暴打小人霸王桶」，即係本身佢哋嘅「招牌手打檸檬茶」嘅加大版。味道上佢就正正常常啦，嗰吓口渴就乜都灌入口。之後嗒真啲先得出「正正常常」嘅呢個結論，不過都好快飲晒成桶，解到渴。。。（地址：馬鞍山鞍祿街18號MOSTown新港城中心(4期)2樓2407號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious

剛做完運動後，經過馬鞍山店鋪，叫了一杯蜜香桃山烏龍茶，並沒有要求任何少糖少冰等等的要求。當時收銀員並沒有告知預備關店或員工即將放工等便收下款項。當我正在等待取茶的過程中，看到2名女員工不斷聊天，另外2名男員工就在到處尋找材料整茶，因我看到大部份的工具已清洗或收恰好，簡單來說整間店鋪的員工已在收工mode，亦預備關門。取茶後開始一路行一路飲，越飲越奇怪。飲料並沒有蜜桃味，茶底亦不是烏龍茶，其後終於飲出茶底為綠茶底，貌似四季春，此杯實質是無糖四季春其實準備收工沒有問題，但店鋪內的溝通要做好，例如收銀員應該要清楚已經沒有蜜桃烏龍賣或在整茶飲的員工得知沒有材料後應要與收銀員溝通，並告訴客人轉其他飲料或作出退款，而不是求其看到什麼沒洗什麼還用剩，就求其弄杯飲料給客人

爆檸茶呢個潮物，漸漸地開到全香港每一個角落都有了。而近日在馬鞍山，也出現了一間好飲同 build 到人氣既檸茶店。名叫《香香檸茶有限公司》。主打就是手打檸檬茶，當然，也有其他的手搖飲品，也包括了太太最愛的珍珠奶茶。閒逛馬鞍山新港城的一天，我們就來這兒，試新店了。但，他們不收八達通，只收現金或支付寶。習慣了什麼都對張八達通去俾錢的我，第一次來，的確有點不習慣。當日，買了兩杯飲品，其中的，當時是他們的招牌手打檸檬茶啦。酸味甜味都是適中的，再加上有一片仔檸檬片在飲品內，令賣相更吸引，都算做唔錯。再者，飲品夠晒冰涼，檸檬又有消暑的感覺，飲後，真係透心涼架。飲品 list 上既然有珍珠奶茶，太太就一於試試他們的經典珍珠奶茶。他們用的，是黑糖珍珠，甜味來得比較滋潤，茶底不太濃，有傳統台式飲品的感覺，絕對不是差的一杯。算是夠好飲的一家茶飲店。