香雪海 (已結業)

入到長洲搵野食，除海鮮外．食下小菜點心，這裡亦是幾好的選擇．點心比外面的大酒樓，一些都不弱，有水準，約三四十元的一個小菜，亦完全合格．坐在岸邊享受美點，頗有風味．若是怕熱，室內亦有空調．一提的是這裡是准搭枱的

環境：唔似一般酒家有紅地毯同接待，入面多數是大圓枱（for 6-10人嗰種)，如果你人少多數要搭枱，但人多要等耐啲！味道：蝦餃一籠四只(大點)--大大隻，外皮“煙un”，內裡爽口彈牙，一只有2-3隻鮮蝦。服務：有一些上左年紀的婦女，用一條闊身布帶揹住個可以放到六〝洞〞蒸籠同醬汁賤盤，代替一般酒家的車仔，好彩地方唔係大而點心是在廚房直接攞出嚟，所以都係熱同新鮮！價錢：我同男朋友兩個去飲早茶！一籠燒賣四只(大點)+一碟叉腸三條(中點)+一籠鳳爪(唔太記得細定中點)+每人一籠蝦餃四只(大點)+兩位茶芥=$50元正非常抵食！！是次平均消費每人：$25為食鬼tips：如果多人去飲茶，建議你一入到見到冇位同冇人想起身走，你地可以一支箭直〝標〞到後，從後門走出去到隔離嗰個舖位，入面會比較少人去，不過要自己出返正門嗰邊攞點心食！還有想食蝦餃or燒賣要有啲耐性，或者可以問下啲樓面有蝦餃未我想要幾多籠，如果佢情況許可可能會幫你攞過嚟都唔定！！每次我入長洲都一定要到這裡飲早茶！不過我唔記得影相，所以未能同大家分享！！

去飲茶,d點心好正,燒賣尤其好食!仲有個例湯,落重料煲架~好味!

試過幾次，望海食感覺幾新鮮，最好味係出爐蛋"達" $5，懷舊大飽，馬拉糕，腸粉都好食，最緊要係價錢都懷舊，有兩次係落船食，有兩次係出camp食，次次一大班人，好開心!

好耐冇去長洲，所以上次去長洲都唔知食乜好，求其揀間食肆入去食啦！ <br>一入到香雪海，見好多一家人咁去，心諗都會幾好味..d侍應招呼都幾好，而且價錢平又大碟，一煲粥都只是拾幾蚊.. <br>d野食一食落口已經覺得好多味精，食食下覺得暈暈地，冇乜mood，諗諗下先記得自己唔受得太過多的味精..之後唯有飲茶沖淡d味精啦！ <br>下次去長洲食野都係先睇下個網有乜好介紹先去試！！