香葉棧 (已結業)

門口的餐牌以10~20元吸引顧客光顧下午茶餐，入到去我叫左一個價值大約16元的豬頸肉米線，等了成半個鐘，黎到唔夠一分鐘我就食完，因只有三小片豬頸肉及兩注米線，真係得兩注咁大把，個湯碗就超大，其實收得16蚊的下午茶都唔係真係十分之平，肉我唔同你計，米線俾多兩注都唔怕死啦﹗食完等於無食過，當時隔離桌的女仔都同佢男友講，好肚餓，出去再食過。

朋友給門外一塊寫著‘１０元下午茶’的巨牌吸引，雖然我未肚餓，但也對香葉棧出了這麼抵食的下午茶起了興趣，於是一齊去湊熱鬧。腸胃未妥，見到餐牌的餸名已經飽了九成，所以由朋友拍牌。咖央西多：記得在幾年前在未轉名的‘香葉棧’～新世紀廣場分店，也吃過咖央多士，那時候剛興起‘咖央’，那一次接觸後，那種美味記到現在。一直想尋找‘咖央’．．．早前發現‘咖央’多士在太興出現，還以為可以還一還對它的口腹之慾，怎料難吃非常！今日在同一集團吃，應該沒差了吧！西多是好食，再上點點煉奶﹑點點糖漿，。不太甜亦不太膩，但味道如始終沒有了當初吃到的那種驚喜，咖央少到連朋友問我“哪些是咖央？“。芋絲春卷：超迷你四條網絲狀春卷，餡料多﹑外脆內熱辣辣，吃得出是自製而不是現成貨。奶醬厚多士：大大件﹑花生醬同煉奶塗得厚厚的，不會過甜，雖然是收十蚊，但交足貨呀！還說不肚餓，為什麼可以吃到這麼多？XD

去過呢間餐廳食過幾次，發覺呢間餐廳真係幾有誠意做，我試過呢度的咖哩，炒油面，炒飯都幾好味，而呢度的海南雞飯可以用好嚟形容，甚至好過好多以海南雞飯作招徠的餐廳還要出色，所以真係要推一推比大家知．．．．．．

nothing special, but not bad, good for a cheap eat

今天一整天都在食食食!看，晚上七點多我們就又食dinner了!原本想食麵，但兜兜轉轉選了泰菜。幸好男友捨命陪君子，一天內陪我食兩頓泰菜!看了menu，覺得二人餐雖便宜但不吸引，而且我們不算餓，點了2個菜:海南雞飯($48)和黃咖哩豬頸肉($48)。海南雞飯配一小碗菜湯和飲品。雞都頗滑，味道不錯。有三樣醬汁任蘸，而且飯蠻香的。黃咖哩豬頸肉:黃咖哩有少少辣，辣度尚可接受，而咖哩汁用來拌飯真的一流!豬頸肉沒有烤過的，差一點點。還有一些豆呀、茄子呀的，不會太寡。食物是值得稱讚的，但服務就要批評了。一來水都沒有，要叫才會有。二來侍應很多，但真正helpful的沒有。我們點餐飲食順帶叫侍應添水，等了很久兩樣都沒有到。原來是忘記了，真無奈呀。menu的設計十分簡陋，和茶餐廳的沒兩樣，又沒有圖文對照，令我們對菜式沒有概念，是比較差的一樣。但是總體來說都是不錯的，當然服務有待改善!

好耐無黎過呢間, 不過其他分店亦常幫襯! 昨天剛去完旅行, 無咩, 出左camp 後, 黎食個茶餐就返屋企! 我叫左個雞絲湯河, $20, 唔要野飲, 加埋一都幾平, 雞絲係用雞骴肉, 所以好腍, 湯底清清地, 細細碗, 岩岩好! 老公叫左個咖哩雞扒飯同凍奶茶, 咖哩唔辣, 好黃, 雞扒硬左少少! 佢地既服務唔錯, 我食完個河粉, 仲想夾舊雞扒, 佢地好識做咁拎個碟俾我! Good!

一月一日响青夜城食Dinner，明知多人所以就寧願早D避開人潮。七點左右，位都唔洗等。同朋友叫咗:1) 紅咖喱海鮮南瓜盅- 份量大，多料，味道頗辣，送飯一流。2) 蝦醬通菜- 野味。3) 豬頸肉- 個菠蘿汁好味，D豬頸肉都ok。4) 椰香飯(x2) - 椰香十足，又大碗。埋單$186，都算抵食，環境係迫咗D，食物質素亦好。總括來說都ok。

一心想平吃午餐，打算和不理到新開的赤丸吃個簡餐，這裡的新餐廳效應不下於Mos Burger，加上星期日情況猶有過之。說到青衣城，每到假日午、晚市一定爆滿，好傾好坐又有set lunch的想來想去就只得此店。後生的湧到赤丸去、別府去，老一輩的到酒樓歎茶去，這裡就只有小貓三數檯，再加埋偶與不理。假日lunch數來去幾款，穩陣計叫了紅酒羊架，不理叫了咖喱海鮮，侍應落單時似是未訓醒，如遊魂般幸好有覆單規矩否則一定出事。幾討厭用大、長碟盛著菜式，雖然賣相唔錯，但影相的話無咁上下技術同配備，都幾難影得好，花了十分鐘時間，技窮放棄。忙著玩相機，連前菜炸春卷也忘了吃，餡是加了軟骨，爽脆有咬口，配甜酸汁是幾對口味的，至於羊架，Max concept的產品presentation方面不會差，味道嘛，薄薄的sauce配上韌度十足的羊肉，雖然唔算好好，亦不至於難食。見對面檯吃雞柳/扒（？）附上剪刀，是美心一貫的細心位。不理的咖喱海鮮，椰香十足，味道平平，大大碗，配上椰香飯，沒有不飽之理。買單$145，抵食好坐，吃飽飽後，到圖書館溫習，好一個懶洋洋的星期天。

D野都OK幾好食呀. 不過就好細碟啦, 有個沙律, 好鬼正呀, 唔記得凵咩名, 但有高級少少既女人,. 就麻麻地啦. 個樣串串地. 叫菜時, 都難串咁呀. 服務真係好一般呀. 見到隔離張枱一個外國人, 又有另外高級少少既即刻幫佢地調去一張四人卡枱喎. 我心諗我地四個人, 佢地二個人. 調都調我地先啦. 真係呀. 中國人都咁樣對自己架.

約友人到青衣城交收，交收完畢，就搵個地方醫醫肚，與其花幾舊水食唔知水準係點既西餐，都係穩穩陣陣比錢美心好過。M．A．X Concept其實做得唔錯，質素、環境同服務都可以keep到水準，每間餐廳風格都有少少唔同，揀香葉棧是貪佢價錢平分量又易控制，同男男、男女來吃，都唔怕OB。咁多理由下，足夠支持自己來吃個簡餐，要了香葉煮花螺、蟹肉盒子、椰青焗海鮮飯及肥牛火鍋．．．．．．6點左右，唔多人兩人坐在四人卡位，唔洗講都知夠闊落，望望附近有幾檯鬼婆客，都幾奇怪，侍應大部分都是後生的，其中幾位目黑得要緊，手腳慢又唔醒水碗碟，經理有理無理將工作分晒卑細的去做，一副唔洗做的樣子，看到火都來埋！幸好有位靚仔侍應識執生，不時替偶們碗碟加水，否則那位經理明天自然有的好看。香葉煮花螺是貪新鮮鬧著玩而叫的，預左會是辣，入口香而不辣，唔錯，論味道唔錯，論presentation失敗，死因是深紅的汁將翠綠色全蓋過，若是淺紅的汁，會更好。蟹肉盒子其實是蟹、蝦肉打成膠配酥皮炸，賣相唔錯夠脆，但無肉味亦唔彈牙，失敗。椰青焗海鮮飯，完全是fusion feel，椰青下是西餐伴碟的cream，九唔搭八，論味道，唔夠香亦唔夠辣

青衣城可以選擇食tea既地方真係唔算好多，上禮拜就同阿媽試左呢間tea，order如下:1.)甜酸燒排骨跟椰香飯($42) - 兩塊巨形燒豬肋骨，好入味，不過個甜酸汁真係. . . 酸到眼淚水都標埋，食完條脷酸到好似冇乜味覺。椰香飯真係幾香椰汁味。2.)串燒豬($18@3串) - 呢個反而係個沙爹汁搶分，面頭d花生碎加埋燒得少少燶既串燒，一流3.)香橙雞翼($22) - 炸雞翼加橙汁面，個汁反而好味又唔酸。不錯如果諗住3點幾又未食lnch ,呢度諗得過ge~

食物水準全部一流上星期同好友關x發, 及另一外藉朋友李x斯食飯。叫左太極鴛鴦炒飯, 酸度啱啱好, 又夠汁仲有煎釀三寶, 唔燶, 又夠香口!甜品有肥經理介紹的砵仔糕, 一黃一白, 甜度適中, 夠多紅豆!每人都係俾左$62.8, 夠抵食!

去完迪士尼身心都好疲累時去左唸間食．好口乾，叫左ｌｉｍｅ　ｓｏｄａ．都ｏｋ～食左：１．蝦醬通菜－－少少失望冇蝦醬味．但而家冬天好難有地方有通菜食架喇～２．大蝦－－得兩隻．．冇味．．得個ｌｅｍｏｎ　ｓａｕｃｅ可以吊下味．．３．＊＊推薦＊＊ｐｒｏｍｏｔｅ火ｓｅｔ有牛，羊，白菜，娃娃菜，＊玻璃麵，蝦，冬姑個人認為又抵又好食，湯底都好好味～叫左兩個白飯－ｌｉｋｅ　ｏ既椰香＆茉莉飯．．椰香有椰子香味，但怪怪的．．茉莉飯＝白飯．．．

平日夜晚無乜人，坐得好舒服，服務亦ok。食物方面，原本有個二人餐$188都幾抵，一個小食，一個湯，兩個主菜再加一個菜。不過好似太多野，因為唔係太餓，於是散叫左紅咖哩鴨，薄餅、炒蘿蔔糕同馬拉盞翠玉瓜，樣樣都好食，只係翠玉瓜有d唔夠熱。結果埋單$181，比二人餐平少少

19/09/2005罕有地同老人家0黎呢d"新潮"地方食飯, 對住餐牌望0左好耐都唔知叫咩先0岩老人家食- 辣佢地又唔食得辣, 肥膩又唔0岩- 真係諗到頭都大(好在地點唔係我揀0既).終於叫0左:清香黃咖哩蟹肉炒飯個飯炒得夠乾身, 但係相對地亦比較硬, 而且我覺得略為過鹹辣椒炒貴刁一d都唔辣, d 所謂辣椒只係甜0既燈籠椒, 不過就味道幾好星州蛋炒蘿蔔糕好味, 切成一粒粒0既蘿蔔糕冇散開, 不過d蛋唔係太包住d蘿蔔糕. 加0左冬菜粒, 好惹味.油酥餅x2味道算係咁, 但太硬, 亦唔夠熱青咖哩牛筋腩香, 有少少辣, 牛筋腩炆得好林又入味, 用油酥餅0黎點d汁呢個combination 好受歡迎.服務方面只算麻麻, 有部分侍應唔係幾好聲氣, 人手亦頗為緊張.