香滑咖喱屋 (已結業)

19.12.2006 (TUE)今日去喱間舖度食LUNCH，如果你散叫一個咖喱就$36，包埋飲品(冷熱都得)就$43。喱度有咖喱魚、牛腩、豬頸肉、羊肉...... & 馬沙拉雞球等咖喱魚真係好好味，咖喱汁加埋薯仔，真係回味無窮！喱度咖喱可叫大、中、小辣，我叫小辣，但我都覺得係好辣，但真係好掂！可跟飯、意粉或薄餅，我叫薄餅，不過薄餅真係唔得，又凍又硬。我建議都係揀飯或意粉好，用咖喱撈飯都應該幾好。如果你係大食一族，你可以同店員講要多飯。不過，喱度環境一般，午飯時間十分擠迫，但都值得去試。

雖然這間食店的環境一般,但d咖喱真係唔錯,我地4個人叫左3個咖喱套餐,分別是咖喱什扒,咖喱汁濃得來都唔太辣,而且什扒係去晒骨;咖喱魚柳既咖喱汁就鮮色d,應該係3個餐之中最辣既一個;而馬沙拉雞球就最特別, 辣得來有少少酸酸地,可能有d茄汁係入面,最後再叫多個薄餅,薄餅就無咩特別,最緊要係趁熱食.

LUNCH 咖哩好香, 咖哩牛排size都唔細, 飯的份夠. 有大中小辣. 不過我最LIKE大辣

去完蘭桂芳飲野，行過黎搵晚飯食，見有間食咖喱,就坐得試試。叫左個(21)咖喱燴羊肉同(2)咖喱牛腩飯咖喱牛腩有牛根，幾煙un,咖喱好易入口,用黎送飯一流！個呀姐話(21)咖喱燴羊肉個汁係紅色,會甜d，不過我試左,叫少辣,但都幾辣下,食食下…就唔覺唔覺咁食左好多飯！如果兩個人我會見議食二人套餐…我散叫完先知原來$115包兩個飯,油菜,甜品,生果,飲料…蝕晒！

本來以為呢度打正旗號賣咖喱，但係試完又發覺..叫左個咖喱魚(中辣)，本身想跟薄餅..不過午飯時間賣哂...惟有跟意粉啦....講真，個咖喱唔係好辣，又冇咩香料味....好似係普通茶餐廳食個d....唔算差..但冇咩驚喜lor...

今日同朋友仔去左中環做運動........其實係心思思去搵食至係首要!9:20行到威靈頓街尾,幾間Openrice大受好評既食店令我地心大心細...但因朋友仔穿住高跟鞋,費事要佢企咁耐,最後我地揀左咖哩!入到去得一檯人,我地叫左一個馬拉沙羊同馬特拉斯魚,配一個薄餅一個飯。薄餅硬兼唔熱,好難入口!羊質感唔錯,夠林!魚有得揀無骨魚柳或有骨石斑,我當然要石斑啦!魚唔腥又唔鞋,急凍魚仲算煮得唔錯喇!不過略嫌咖哩唔夠辣!另外馬特拉斯比較酸,我同朋友仔都認為馬拉沙味道平均D!

第一日係尖沙咀返新工，六點放工仲夠時間過中環接老婆放工。記得openrice 對這間咖哩屋都幾好評，於是專程走過來一試。我地叫了:1. 海南咖哩牛腩配naan (小辣)2. 咖哩豬頸肉配naan (小辣)海南咖哩牛腩先來，一食，好味道! d 咖哩味唔係太濃，好似有d 雞湯味咁，唔知係唔係。牛腩同牛根炆得好稔。之後咖哩豬頸肉來喇，一食，嘩!!! 超好味，佢呢隻咖哩味呢好濃好香口，我即刻放棄左海南咖哩牛腩，d 豬頸肉好脆，唔覺肥，加埋d 咖哩汁非常好味!本身想之後去麥奀食多碗麵，但係已經好飽食唔落，食完只係七點九。

帶兩位小妮子中環遊蹤。問她們想吃甚麼...由中環頭行到中環尾都係「唔好要我揸主意啦」。最後，竟是門口哥兒給她們做了決定。由於其中一個小妮子吃不得辣，所以點的馬沙拉雞球（masala chicken）同咖哩羊肉（curry mutton）只是少辣；想跟烤餅（naan），靚姐話食餅要加$2，當轉麥餅...某程度上，「局」你轉。再者，「即整」麥餅連「暖」都談不上。馬沙拉雞球當然沒有雞球，有的只是巨型未去骨的雞脾塊和小量的番茄和薯仔；咖哩羊肉亦然...但煮到大骨頭都開始化就真值一記「日子有功」。還是陪食罷了。

我十分喜歡食咖喱, 經常都會四處搵好味的咖喱食!今日又潮濕又熱, 都係食下咖喱先!環境裝修老實說不太美觀, 給人感覺有點不衛生, 但好食就ok了!叫了一個咖喱牛柳飯and 凍檸茶走甜, 是一個伯伯(我覺得係老闆)落單的!來的時候阿姐卻說凍檸荼是少甜, 我便說我要走甜, 來錯了! 伯伯立刻過來連聲道歉, 又說自己年紀大, 可能說不清楚, 阿姐說笑地罵伯伯真的說不清楚(她都有同我道歉), 伯伯好像小朋友比人罵般伸下條舌, 你話點嬲得落啊!! 況且真係好少事而已!咖喱飯上的時候, 伯伯放了上桌, 想了一想, 好像又覺得不滿意, 轉一轉碗同碟的位置, 擺到滿意為止, 雖然環境不美觀, 但佢都用有限的資源, 提供最好的服務給客人, 真係好有熱誠!!咖喱飯真的很不錯! 我要了中辣, 我平時頗食得辣的, 都覺得ok! 唔會好似其他餐廳咁, 叫極加辣都唔辣! 而且又香又有點酸的, 好好食好開胃!!! 牛柳都幾林, 而且都有牛味, 非常好食!!!! 伯伯見我一個人食飯, 走過來問我夠不夠食, 食飽了嗎(因見我淨了飯, 不是不好食, 是因為太飽), 平時我唔係咁喜歡食野時比人咁問, 因為覺得煩and虛偽,

因為太近公司, 所以經常都會過來午餐~午餐有咖哩魚, 雞翼, 牛, 還有一些跟咖哩不太相關的, 不提也罷, 三款當中以咖哩魚最好吃, 魚跟薯仔應該用油泡過, 外層有少少脆, 頗香口, nann比較乾身, 建議叫飯比較穩陣~ 咖哩有點酸, 味濃, 撈飯一流, 整個午餐四十多元, 中環來說是不錯的~

兩個人都食0左咖哩魚柳,一個叫飯,一個叫薄餅.個飯幾好,因為夠爽口,唔"淋"...至於個咖哩呢..都幾好..夠咖哩香,亦都係有番中辣既辣味..不過d魚柳係冇特色..冇魚味,亦冇炸魚應有的脆口...個薄餅唔夠好食...因為佢冇nann 0個種口感,亦唔夠熱,依方面要改下......整體上黎講係味道幾好,不過$43(包飲品,凍飲唔洗加錢)食個份量唔大的lunch..唔太抵囉..

Just been there a couple of days ago w/ my girl, we ordered 2 of Chickne Masala and both w/ chapatty, a kinda Indian pie. We always order delivery from them at office and know that they are so famous of curries served right there. It didn't let us down coz it really was so good. Yet, there was a pity! It was that the chapatty got cold so quickly , maybe coz we sat right below the air-con or sth. So, for those who wanna try this rest., finish the chapatty soon as itz still hot and yummy!!!yummmmm

早兩日諗起哩度附近有間咖哩屋，於是就黎試下。鋪面都幾乾淨，可能差唔多兩點啦，所以唔多人。坐底之後，我地就叫左一個豬頸肉咖喱飯、凍奶茶同熱擰茶，咖喱原來有分大中小辣呀，都幾好喎！個人覺得咖喱好辣，但係我地都係叫左小辣渣，不過幾好味，豬頸肉都唔錯喎，唔會好同好油。侍應都好有禮貌，不過唔知點解上面係冇糖0架哩，朋友要問侍應囉先有，同埋每次只係比一包，好奇怪！整體黎講，都唔錯啦！

以前常常都來食晏，不過無係中環返工之後一直都無來過。咁啱上星期六係中環做啲事，就即上來吃個咖哩。無來咁耐，地方乾淨咗而且又咁大油煙，坐得舒服好多，而且服務亦很細心，如果無叫餐飲佢地就會俾凍水，好多地方都唔會咁做啦!兩個人叫牛柳同羊，兩個都係小辣，其實下次可以試吓中辣牛柳好腍，羊唔羶又唔韌，仲好以食到有羊味，我覺得似山草羊既味。雖然個跟飯都好大份，但係因為個咖哩汁實在太好味，所以好快就食晒。43蚊一份套餐包飲品我覺得好抵!

今日叫老公返屋企前去<香>買外賣~我要左一個「馬沙拉燴羊肉」老公要左個「鮮嫩咖哩牛柳」唔講唔知, 未食之前我以為冇分邊隻咖哩!總之就覺得佢係一家比較好食既咖哩屋, 有豬牛雞羊比你揀既食市啦~點知完來唔係~!佢連咖哩都有好多種, 例如有「馬沙拉」,「馬德沙」,「印度咖哩」,「咖哩碎」,「香辣咖哩」,「海南咖哩」等等...仲可以揀大中小辣tim!我個「馬沙拉燴羊肉」要左中辣, 我覺得味道岩岩好,唔會冇味又唔會過辣(下次試下大辣先)~平時係第2D地方食既咖哩得條利feel到辣架咋嘛E度一路食, 食道有種慶慶地既感覺好得意!D羊唔羶唔韌, 有淡淡既羊味「鮮嫩咖哩牛柳」呢,試過一舊, 覺得好似鋸扒D牛咁, 有少少肉汁, 都幾好食呀~P.S: 我E 2個飯既咖哩汁都係唔同味的... 唔識形容有咩唔同, 大家自己去試下~