影片
已經戒食長龍又一般既PP魚旦粉。自從成為左港航fans，基本上都係去香港航空lounge比較多😏起碼無噤寡😂款式雖然無國泰個邊咁多，但人少少，又夠靜，好舒服🙂食物方面，有車仔麵，份量唔會太多，味道好好，不過我最欣賞有雞蛋仔，離港之前都可以食下香港味道👍
繼續閱讀
第1次黎香港航空既lounge今次係搭晏就12點幾既機所以黎到lounge都有d早餐供應不過炒蛋果d就無lu可能要早d先有供應佢既自助款式都算多有唔少特色食物例如點心有蝦餃 燒賣 叉燒包等等質素都唔錯 特別推介蝦餃另外有沙律 薯仔等等既前菜仲有d炸既小食 例如咖哩角推介炸魚條 岩岩新鮮炸起好好食另外仲有熱食例如娃娃菜 茄子想食飽肚既有葡汁飯 三文治飲品方面有咖啡有茶有酒有橙汁咖啡麻麻 唔太推介茶既話就有好多款茶包 任揀唔嬲 上機前食飽飽 上到機真係唔洗點食啦
繼續閱讀
入面有幾個唔同類別嘅自助bar枱，中式熱食菜式，湯麵有車仔麵同埋韓式拉麵，新鮮沙律菜、車厘茄，三文治同蛋糕，炸物，飲品有罐裝同支裝，無酒精同有酒精嘅飲品都有供應，又有鮮果汁，仲有自助沖咖啡或茶包茶包冇影到，但係有好多款唔同嘅特別中式茶包，有機會入去一定要試吓我飲咗鮮橙汁 ，食咗炸魚塊、咖喱角、薯仔沙律、車厘茄、沙律菜配醋炸魚塊好脆好滑咖喱角一般薯仔沙律好食
繼續閱讀
上機前飲返啖coffee先對住呢個環境，呢個天色，真係加曬分而且佢杯coffee又真係即磨，所以coffee好香，而且都幾重，但又唔苦我自己唔like落糖，直接試coffee味無失望，好啦，飲完上機
繼續閱讀
2809 瀏覽
舊年去札幌時，與家人首次搭過香港航空後便一坐上癮，所以一收到風港航於暑假成功增設往返東京之航線，商務位仲要平過另外一間航空公司o既特選經濟客艙，大肥爸爸諗都唔洗諗即決定選搭香港航空。多得哥哥再三提點，知悉香港航空o既搭客可以喺中環機場快線站辦理手續，將行李寄艙後，就可輕便地乘坐機鐵直達香港國際機場，同行六十五歲以上o既團友們更可尊享半價優惠，又抵又方便！由於手續簡易，地勤人員效率高，我地又預鬆咗時間，所以全體人員就應邀前往航空公司o既貴賓室「紫荊堂」，享用午膳並稍作休息。離開出境檢查大堂不遠，藏於地下室o既「紫荊堂」光猛寬敞，接待處o既玻璃趟門印著香港靚景，感覺高雅大方，當真令身為港人o既XO仔十分驕傲。貴賓室面積廣，其中分開有梳化區、向窗獨立座、電腦區、用餐區等，各有各舒適。我地咁多個人步入「紫荊堂」正門，即由多位友善好客o既靚姐姐接待。佢地不但協助各人入座，更會主動講解廳內所提供之設備及餐飲，招呼十分周到！設施中最搞鬼o既必選大廳中央嗰座住好啲懷舊磅重機，原來真係郁得架！我地一人玩咗次，玩完仲有張紀念咭仔證明旅行前有幾fat添！除咗有得玩，貴賓室當然唔少得自助餐區域。既然假期已經開始咗，大家就先向酒品埋手，襯太陽仍在高掛時先飲兩杯輕鬆吓！自選食物中有個唔係咁受歡迎o既凍肉及沙律吧。熱食中蕃薯uncle同小肥一樣最愛咖哩牛腩，蝦餃就一般啦。女士們就每人要咗碗即叫即煮o既車仔麵同雲吞湯米粉，大家都話好夠熱，且唔油，都唔錯。最有驚喜就一定係個鮮製雞蛋仔，熱辣香脆，鬆化輕巧，雖然落單後要等成幾個字先有得食，不過絕對值得等！大家要留意，雞蛋仔煮製時間約十五至二十分鐘，供應時間每日限定中午12點至傍晚6點。同行眾多長輩都係首次乘搭香港航空，其實訂飛時都唔係咁有信心，擔心平野唔會有好野。哈，點知未上機前，淨係喺港航貴賓室「紫荊堂」短短逗留咗四十五分鐘，享用過特色美食酒品、見證過港航優質o既服務之後，竟然足以令眾人放下心頭大石，期待即將展開o既空中旅程！
繼續閱讀