香港洲際酒店大堂酒廊 (已結業)

食High Tea的確係o岩d 唔洗做o既閒閒小女子, 一行五小女子誤打誤撞咁係克勤婚宴當日去呢到食High Tea. 怪唔得我o地上落的士都有閃光燈閃過啦. (o徒菲林!)$320 For 2既三層架Tea Set好唔好味就真係見人見至. 絕對同意係呢到下午茶小聚都係為o左個無敵海景同悠閒氣氛. 個人而言,覺得兩件裝o既cake set 仲好味. 好似百二蚊到. 大家唔想食d 凍冰冰o既scone,下次可以改下呢個order!

期待已久來這裡食個afternoon tea, 海景沒令人失望, 但糕點便大有改善空間.底層的糕點都欠鬆軟, 有些還很硬. 伴scones 的有clotted cream 和whipped cream. 我沒有試whipped cream, clotted cream 則不夠滑, 也不夠rich.中層的三文治不過不失. 不能說很好味但也未至於難食.上層的蛋糕除了那個napoleon 是吃得過之外, 其他不是過甜便是口感古怪. 我那麼愛吃cheesecake 也不能食完那件mini cheesecake.我想大多數人來這裡也是為了環境多於食物. 加上那一流的笑容及服務, 也算值回票價.

近乎忘掉的回憶,月前路過洲際大堂"混吉",突然喚醒一點點隱藏記憶.有睇過哥哥生前遺作"異度空間",大約會知我想講些什麼,不贅."大病"剛瘉的日子,發薪水後想吃好一點,便與友人來個Afternoon Tea.洲際的午茶,沒有半島那麼多的"慕名者".只有令人神往的海景.在今日連港式Cafe,一樣有三層碟"扮上菜".只問其形,不問其身.吃罷真係唔覺得會係Good afternoon.三層碟底下的Scone,很鬆軟,點些Cream,伴上士多啤梨,差點吃到"超必".中層只是一些例牌的三文治,如斬件的Panini,味道一般.最高層的甜點,少吃,大多留待給靚女朋友掃光.一口伯爵茶,言語夾雜少少"助語詞",精神分裂得可以.不過,周日的酒店大堂,窗外的海景,也能給我一個laid back感覺.香港人,始終生活太緊張,吃個tea也要快上快落.單計坐在我後面的食客,來作一個標準.掉轉來講,我是否太優閒?人人自危,獨我愛理不理."因我的心情就有若微塵 躺臥於街頭或結伴同行 也不介意做個自由人 無必需要緊....."

昨晚去這兒婚宴，個餐牌上的菜式是中西夾雜的，最好食的，就是個Tiramisu，好味到無法形容，是全晚最好味！其他鮑參翅肚，味道都好，只是個翅沒有‘揀’到，不像美心那般看到一排透明的翅，連白色部份都一齊落埋去煮。還有，個香芋飯，沒有芋味，反而似揚州炒飯加豉油，賣相不佳。Anyway,整體上是好味！

妳說：「生活苦悶。」我說：「習慣了。生活本就如此。」萍水相逢的我倆，何不相約到此？生活，不會就此變得精彩。但，平淡中，總見漣漪。本來耀目的午間太陽，被矇霾的南中國污染物弄得曖昧。中秋佳節過後，落地玻璃外的壯闊維港，似有唏噓。是妳的心情嗎？坐在六人菲籍大樂隊旁，妳那氣若游絲的天籟，卻是我聽到唯一的聲音。到此，跟你，也是為了high tea。但，端上來的那刻，已叫我倆失望。妳說：「甜點不是我的所好。」我說：「嚐甜，但甜的賣相不見得討好。」嚐了英式鬆餅。可以，但不叫人動容。甜點，是怪怪的樣子，無一吸引。三文治，是比平凡的更平凡，不可口。麵包不是新鮮的，料子也不見得是有心而作。星級酒店的誠意，跑到那裡去了？難得，也無損雅興。妳的咖啡，一壺接一壺。我的意式泡沫咖啡，接下來的是「奇異果國」的Sauvignon Blanc，可以。妳說：「仍期待食物為我帶來的驚喜。」我說：「待我吧！不會叫妳失望！」

約了專業人士有點私務要傾，來這裡純為個靚靚維港景。叫了二人份量的afternoon tea set，另外加一杯cappuccino。Afternoon tea set是照舊的三層platter，由底至頂也是規格的最底層鬆餅、蛋糕，大層的鹹點、三文治及頂層的甜點。份量看似不多，但二人分吃的話，都十分足夠。先吃底層：鬆餅四個，牛油及提子各兩件，俱不熱，味道不錯，幾香亦幾鬆軟，塗上果醬及忌廉，我都吃了兩個，蜜糖小蛋糕及合桃蛋糕都只一般；轉戰中層：有春卷兩條、吞拿魚卷、蛋沙律三文治、芝士蕃茄包、舌拿魚包及叉燒酥。以點心計，交到功課，但不算好，好像叉燒酥過甜，春卷又不太熱等等；上到頂層：有小蛋撻兩個、紅莓撻、蛋白酥、芝士餅、朱古力餅、朱古力慕絲及朱古力士多啤梨兩粒。這一層是甜到痺，尤以兩款朱古力甜品而言，朱古力士多啤梨還好，相比之下，芝士餅已算是user-friendly。收得這個價錢，服務應該很不錯，但又不然。招呼我們的男侍應像在遊魂似的，問他有何其他的咖啡選擇，他竟然答不出！咖啡香濃，cappuccino都不錯。埋單不用我操心，應該是四百三十多元。如無意外，有至少三百蚊是去了環境裝修那裡，在

當晚十點幾,帶左幾個馬拉friends入去飲野,入場說明每人最低消費$130. 個場好熱鬧,好靚既香港夜景,咁既價錢真係超值...可惜有個別侍應態度麻麻-唔多耐煩同唔得閒理你咁樣...

個sea view 就真係唔錯, 但係其實個tea set又真係唔係太特別, 即係你可以係a-1又或者其他barkey買十數款唔同類型既包或者蛋糕都可以模仿佢, 仲要好食d tim~ service又唔係真係特別好, 因為其中一個waitress 眼超超...... 唔知點解, 好似唔滿意我地係到影相咁~食物真係無乜值得提, 不過個environment同個mood就好好囉~

閒日晚飯時間既Lobby Lounge 都9 成滿，但service 都仍然好足（除o左送錯支Evian 之外）。夜幕底垂，再加上live jazz band 表演，成個氣氛好relaxing 同romantic；可能因為友伴好幽默，所以連帶D 侍應都sociable 起o黎。要o左烤鴨春卷、Antipesto tortilla 同牛扒（medium）。上菜前上既麵包籃有麵包條、披薩脆片、multigrain roll、法包等。由於知道叫o左既食物份量好多，所以無試哂全部麵包...但試親都more than OK 既。其實要我形容D main courses 有幾正，真係有D 難度：牛扒成熟交足功課，唔使落pepper 已經夠（牛）味；烤鴨春卷包既鴨又多，跟mushroom 既口感同味道配搭都好好...最緊要係熱同新鮮。不過，三道courses 之中，Antipesto tortilla 就真係有D 強差人意...D hommos 淡口得o黎又無豆味。以上配搭，加一支Evian、三杯Coke Light，承惠過千。

同一面一位, 同是25號去的, 我想我知道你地係邊張台因為有優惠券所以去試一試, 叫左一個tea set, 幾新奇, 未試過咁食, 咖啡不太好喝, 食物ok, 不過甜吃不太o岩我, 環境好好, 真係俾酒店外觀騙了問過waiter, 樓下同上面食既野普遍一樣, 只係MENU同價錢有所不同, 同埋下面嘈好多建議一試, 不過真係幾貴

與大學同學聚舊,一行七人來一直想試的洲際high tea. 陽光普照的日子加上落地大玻璃和港島景色,如果不用見到自由人行來行去,景緻是幾perfect的.可能我們人多,編排坐位也遇上一點困難,安頓後發現梳化椅頗矮,吃東西時要"鄥"前來食,有點辛苦,而且桌面細,我們叫了三個high tea set(已漲價至$320一set ),三個層架再加七杯飲品,桌面是完全不夠位放,都幾狼狽. 食物份量是很足夠的,如果兩個女孩子吃也一個set也很難吃得完. 至於味道,最喜歡的是scone,很香很鬆,塗上clotted cream&jam很滋味,我就連吃了兩個. 其他的咸甜點就ok,談不上出色. 可能期望較高,食物只是酒店應有水準,不過不失,最失望是坐位沒想像中舒服. 也可能我們人多, 或者兩個人來會好一點. 如果舊價$250兩位是抵的,現在這個價位則要心情好好和好渴求陽光和靚view時才會有想來的衝動.

姐姐考試順利過關, 應承左請佢食大餐賀佢, 本想去four seasons食high tea, 但見近來幾本雜誌都講intercontinental推出由world pastry cup 2005得主Chirstophe Michalak設計o既法式甜品, 供應期至四月二十日, 期間限定喎! 就試下佢啦.四點黎到, 全場滿座, 好彩唔駛等好耐就有位. 我地要左一個甜點套餐(兩款大師甜品+ 餐飲) 再加一個scone set(scones x 4 + 餐飲). 甜點我要左tri-layer coffee cream cake -- 四方型o既蛋糕包括bavaroise咖啡,白朱古力咖啡忌廉+ 咖啡脆餅, 有層次感, 咖啡味濃淡得宜, 係唔錯! 侍應非常細心, 等我地食完甜點後至上scones. 呢度o既scones拍得住半島, 外脆內軟, 不過配o既jam就普通料.餐飲cappuccino, 咖啡味淡左d, 不過奶泡打得幾細緻, okay啦.但係有一樣不滿係d餐具全部都係食主菜大大隻o既刀,叉同匙, 食甜品好唔方便!p.s.後尾發現張文慈原來坐o係我地後面.

Good place for high tea or have a drink in late night.Good view, service and food quality.Price is reasonable when comparing the quality.

終於去了傳聞中的州際食貴暴飛,有人請wow.下午的自助餐好似同夜晚不同,在較強的陽光光線下吃午餐.有點"殘眼",好似要帶黑超食野(有鬼佬鬼婆也帶住黑超呢)值得一讚係那兒的日本corner,歷來最多款式又細緻精巧的小食,又有勁多不同魚刺身,都幾新鮮,都好有心思設計,但調味料重手了少許,多醬+鹹了些少.主菜都ok, 竟然有不同的芝士試食,有銀雪魚,pizza d魚都好肥美,千層闊麪都不錯,d栗米湯都好食, 但好似較多中式菜+印度菜...州際的甜品令人眼前一亮,很多款式又精緻colourful,從未見過的,的的式式很可愛,但有d麻麻地, "提拉蜜斯"好差.但雪糕很正呀...有成五款...連個杯都雪埋....好勁呀....好正有pancake ar....最值得讚係服務態度,未試過咁好的服務,不斷添水+ serve food+推chair.excellent的好!餐飲都好週到...d 檸荼d冰都係檸荼做...很週到呀有點失望沒有豪...+幾隻蚊知

我都試過佢哋的high tea, 氣紛及食物都好好,我最終意食佢的scone, 好好味,另外, cheese cake 都幾好。coffee ＆tea 是可以refill; 其實, 以一間五星酒店, 咁的價錢都唔算貴; 我仲坐咗成2個多小時, 都幾舒服。