香港有機農莊 (已結業)

呢個旅程能夠成行，是緣份。一本我唔係每期都會買嘅雜誌，就在朋友仔剛轉換新環境後的那個星期日，因為我飲茶食飽又未夠鐘打波所以就買黎打發下時間。剛巧讀到有篇幅介紹，立即想起你。只因你跟我訴說要與灰塵為伴。無細心閱讀地圖關於農莊的地理環境，於是我倆係毫無生理心理準備之下上山下山。完全唔係介紹所講嘅"下車後步行約25-30分鐘咁簡單"！吸取左今次經驗我下次會醒小小架啦！ 呢度有四個溫室種植區，好多我地平時係街市買到嘅蔬果呢度都有種。例如青瓜、節瓜、茄子、通菜等等。我地即摘即食左兩條青瓜，絕對係青瓜有青瓜味，鮮甜爽口。另外仲飲左杯山水豆漿，好香豆味。正！距離約五分鐘路程嘅河背水塘，係必到之選。到達水塘時剛巧天朗氣清，可以眺望到深圳。山明水秀，空氣清新。氣管敏感嘅我大大啖吸氣都無事呀！感謝雨水姐姐在我倆戶外活動時昏睡了。少許炭燒總好過落湯雞醃咸魚吧！朋友仔，到下次士多啤梨的當造期時我再帶你黎吖！ 但願今天的清新空氣能使你 - Release Relax Refresh

即摘即炒比你食既蔬菜真係唔同D另外佢地既山水豆品都好滑好清甜$8 一碗大大碗有機山水豆腐花..真係去邊搵我仲同朋友SHARE先食得晒..大碗到連糖都放唔落就漏晒出黎員工待人友善同好熱情(請你食下士多啤梨)搞到我都忍唔住買左3合番去又大粒又好味好食過大棠比人摘到得D青BB又酸個D貴少少都有道理佢地話去到3月都仲有得摘士多啤梨遲D仲有車厘茄可以摘添...3,4月再去過!!農莊上面仲有個河背水塘..真係好靚上去吹吹風,人都醒神D!!