影片
電話號碼
67378928
營業時間
今日營業
09:00 - 18:30
星期一至五
10:00 - 18:00
星期六至日
09:00 - 18:30
公眾假期
09:00 - 18:30
以上資料只供參考, 請與餐廳確認詳情
前排有個水晶纜車嘅優惠，所以就搵個假日去昂坪度行吓玩吓～嚟到昂坪就梗係要試吓唔同嘅食物啦不過上到去發現原來啲食物選擇都幾少而且可能係旅遊區食物都偏貴。但見到有啲市區比較少見嘅嘢都值得一試嘅草莓富士蘋果 $55見到呢個雪條好似幾吸引雖然$55好貴但係都買咗嚟試吓，因為見到又有新水果喺入邊望落都幾吸引咁就喺附近搵個位坐低休息吓食吓雪條啦士多啤梨味都幾濃，蘋果味就少啲不過食到蘋果個度都清甜普通蘋果味咁😅整體來講雪條本身都唔錯嘅不過因為唔知係咪說得太耐雪條外圍佈滿冰所以同時都溝淡咗個味而且雪條變得好硬第一啖一定係冰水嘅感覺😂😂😂
繼續閱讀
繼續東涌食評，不過，一跳就由地面跳到上山頂。晌「富諾特酒店」退房、辦好寄存行李之後，就坐「昂坪360」上昂坪，雖然，開咗咗多年，真喺大鄉里出城，第一次坐，仲要試埋坐水晶車。上到昂坪，行吓昂坪市集、遠足昂坪奇趣徑、參觀埋心經簡林。經過一家「香港巧克力藝術坊」(The Art of Chocolate)，主要喺做一啲朱古力展覽，賣朱古力產品，不過，我哋就無參觀，反而幫襯食支高檔雪條。老婆好眼利，遠遠就一眼就見到鋪面有個專賣「ISeeiSee」鮮果雪條嘅專櫃，當然，側旁嘅易拉架就更明顯。多年前曾幫襯過銅鑼灣店，知道佢哋喺又以新鮮水果入饌，無添加，無色素。事後再上網查查，實體店得番尖沙咀同金鐘，其次，就喺一啲寄賣店。現有提供嘅口味共有9款，定價確喺唔平，$50-$69。以往都喺遊客嚟幫襯，定價貴啲都應該有得做，不過，依定仲喺疫情，嚟嘅都喺本地人多，唔知生意喺點。我哋就揀咗「榴槤香」，佢有另一張單張介紹，用上D24品種榴槤，並且標明無麩質及無蛋。榴槤香口味雪條 $69對比其他款式，榴槤口味嘅賣相無咗花巧，由於佢哋嘅雪條用上真果肉做，所以，質感唔會太冰感，咬落有種好實在感；而榴槤果味好濃郁，好有果香，不愧喺用上D24，真材實料。店主好好人，讓我哋坐晌「朱古力工作坊」裡面，慢慢嘆雪條，其實，呢度一邊場館喺朱古力雕塑展覽，另一邊就喺工作坊嚟。晌工作坊呢邊，都有好多手作成品，整得都好唯肖唯妙，真可以以假亂真。當然，店員都提及，展覽廳嘅展品就更大件、更精細，並設有唔同主題。此外，仲有好多朱古力產品供選購，不少都包裝得好精美，買嚟送俾朋友都幾得體。如果要參觀，咁點收費呢？一文睇晒，其實參觀費用都唔貴，因為參觀費已包埋試食原生朱古力，「原生」就代表喺無雜質、無素加，更包含豐富嘅礦物質。如果喺親子嘅，就不妨加埋工作坊部份，等小朋友玩吓、開心吓，出得嚟玩都預咗消費。可能疫情之下，遊客銳減，所以，見到亦都有其他收費優惠，而店長更同我哋講，依日閒日，我哋又幫襯咗買雪條，可以以$28入場睇展覽。不過，我哋剛上到嚟，又會行奇趣徑、心經簡林，仲會野餐吓，又買咗纜車探知館同360動感影院套票，所以，最終都無時間參觀個朱古力展覽。聽過朋友講上昂坪無乜嘢行，好悶嘥時間，其實，都唔喺吖，好似我哋咁，當去咗外國旅行咁（其實我哋去到外國，都喺做以下嘅事情），坐坐「昂坪360」，沿途啲景真喺好靚，尤其今日天氣好，成山都一片綠油油，藍天白雲，加上坐水晶車，好有大地（加大海）在我腳下嘅感覺，又遠眺成個機場、高角度睇港珠澳大橋，到咗昂坪，行行市集，行行山徑，野餐吓，玩咗成個晏晝。
繼續閱讀