香港地

營業中

休息中

雖然入嚟大嶼山行過好幾次山，但上鳳凰山印象中真喺差唔多廿年前嘅事，所以，趁住仲喺秋高氣爽嘅日子，就同啲老友上番一轉鳳凰山，之後嘅重點就當然喺嘆吓下午茶啦。返到嚟東湧，近近哋喺地鐵站附近嘅「香港地」食下午茶。其實對「香港地」嘅印象真喺麻麻，晌我住嘅美孚區都有一間，食過一次之後都無再幫襯，因為老實講，質素唔喺高好多，但定價就相對貴一截，加上啲服務確喺麻麻，今次再嚟感覺都喺一般般。下午茶餐底面兩頁紙睇晒，一般嚟講都40蚊起跳，雖然佢啲炒粉麵只喺賣50，但餐牌已標示住「輕型」兩個字，就知晌份量上會喺將貨就價。珍寶腸熱狗配薯條 $46後悔無跟朋友叫呢個珍寶熱狗餐，因為唔單止熱狗大大份，面頭仲加咗肉醬同芝士，烤焗過之後非常吸引，朋友話食落非常之惹味，又香口。就喺因為之前見餐牌只寫珍寶腸熱狗，所以先無揀，如果佢有講埋芝士肉醬嘅話，相信我喺會改食呢一款。乾炒牛河 $50老婆唔喺身邊，咁就當然揀啲唔健康嘅下午茶餐，乾牛河就最合我心意。睇落色澤似乎偏淡色少少，份量亦比較少，牛肉亦都少，幸好嘅喺味道唔差，炒得有啲鑊氣，但食幾炷就食完，有啲唔夠喉嘅感覺，哈哈！星州炒米 $50老友就話，明明點嘅喺星米（餐牌亦只

好少平日會過去東涌, 東薈城一般食飯都會貴啲諗住平少少, 食個快飯, 所以行遠少少走左去食香港地.煎蛋焗豬扒飯 + 凍檸茶 $82真心個樣的確幾靚, 好過大X樂,味道尚可,不過不失, 但唔成正比,未去到值呢個價錢.蕃茄味突出, 但豬扒肥咗少少, 啱晒鍾意食肥野啖啖肉嘅朋友, 而我就唔太啱喇好彩煎蛋燶邊香口, 抵讚.凍檸茶4塊檸檬, 正常發揮, 茶味一般環境整潔企理, 座位都幾鬆動嘅, 出菜幾快, 都幾啱係附近嘅打工仔食㗎.再去指數:🍚🍚🍚 (5個🍚滿分)

第一次黎食，食物普遍偏貴，食個海南雞飯，76蚊跟熱飲都要加十幾蚊，個海南雞前前後後得果5-6舊，雞唔嫩之餘仲要有雪味，真心無下次，街邊茶餐廳質素都比佢好⋯⋯⋯⋯完

成晚囉囉攣，起身照鏡成隻🐼咁😅 為咗要保持最佳狀態，睇嚟都要隊杯 #港式奶茶 ☕️ 先至搞得掂🤤 嚟到咁遠，又係幫襯 #茶記，我都好佩服自己😆 #沙嗲牛肉公仔麵 配 #炒蛋、#多士，仲要加埋杯 #熱奶茶 … 好放肆呀😂 不過話晒放假吖嘛，都唔理得咁多👉🏻👈🏻第一次幫襯「香港地 Hong Kong Day」，感覺又無啲人講得咁差☺️ 地方都幾寬敞，加上牆上裝飾嘅創意相，無咗一般 #茶記 嘅老氣，反而覺得都幾搞笑😆 食物質素都唔錯，#即食麵 加入熱辣辣嘅 #沙嗲牛肉湯底，金黃色嘅炒蛋放喺多士上面一齊入口，最後再飲埋杯 #熱奶茶，超標嘅卡路里令成個人都精神晒😂😂📍 香港地 (東涌)慶東街1號東堤灣畔3座地下25號舖

服務態度非常差！！無安排。成日一味淨係識叫人攞票等，人地1個人就坐4人枱，走去坐服務員就問做咩過去坐，早餐時間個個都食完趕住返工。雖然早餐既味道唔係差，但係有時叫米粉就公仔麵加米粉。 最主要我都係覺得早更成班服務員都有問題，唔識安排。

星期日早上11時在東涌站附近找早餐食，來到查看早餐時間到十一點半，便取票等位，2人細枱不到2分鐘就有位。地方環境服務價格也是一般啦，集團式冰室，倒模一樣，現今世界城市人實逃不過了😅本是掃碼下單，試過數次也失敗，找服員下單，上餐快，上枱時仍是熱的，沙爹牛肉麵不過不失，但吉列魚柳有冇呢味道，外皮都夠熱夠脆。

今日星期日大約五點食咗個下午茶，叫咗個牛肉蕃茄肉碎米線，5分鐘即刻嚟到感到好安慰食物質素非常高米線好好食呀阿華田好飲雞髀薯條，下午茶餐都唔錯，地方環境OK 員工服務態度好好10去

今日係特登起早，拉住老公一起行路過來食Hong Kong Day，早餐完全值得推薦。雪菜肉絲米set，轉太陽蛋，熱奶茶，加5蚊加多一條腸，腸仔唔啱我食，口味比較清口，口感都一般，唔加都完全OK噶，太陽蛋好嫩滑，蛋香味足，主食雪菜肉絲米，好好食，粉絲屬於幼粉絲，我主食少鹽少油，呢個我好鍾意，味道啱啱好，分量都好足，黑白奶茶，茶味同奶比例啱啱好，偏澀小小，可能因為我正常唔加糖飲，一個女仔食完呢個set，係真飽！沙爹牛肉麵，湯底味道超級濃，適合平時食開重口味嘅人，面彈牙，凍檸茶偏甜口。下次試試午餐！

星期六日成個東薈城周圍啲餐廳都full晒, 咁啱呢間有冇食過 加上唔使排隊，所以入去試吓。叫咗一個鹹魚雞粒炒飯加個星洲炒米，難食到應該係我食過咁多間茶餐廳最難食嘅😅 炒米乾到死，唔知食緊乜 ; 個炒飯好濕。 總括而言，不知所謂…………………………………………………………………………………..

🇭🇰香港地食返個香港地港式早餐，火腿通粉太陽蛋加方包，再整返個熱奶茶，40幾蚊，通粉夠熱，加埋打孖太陽蛋，輕輕鬆鬆簡簡單單方方便便又一個早晨，冇嘢可以投訴. ☺️

今次卒之同老友踩單車衝出市區，老遠跑到嚟大嶼山踩一轉，晌欣澳起步，兜一兜迪士尼、迪欣湖，再沿翔東路入東涌，晌東涌食個晏之後再入機場維修區。中午嚟到東涌，大家都無咩心水食乜，嚟到「東堤灣畔」見到「香港地」，貪其落地玻璃，方便睇住泊晌對出圍欄架單車啫，食嘢對我哋嚟講都可以好求其。餐廳嘅環境幾悠閒，枱櫈嘅編排唔太逼，有啲前後排嘅位更加設透明屏風，予人感覺更安心。不過，入門口時，遇到位好大隻嘅阿姐啲態度就麻麻，有啲嘢想問咗先決定晌唔晌度食，佢就淨喺不停重覆又重覆叫你掃描「安心出行」先（當時只喺企晌門口近收銀位而已），咁如果我最終唔晌度食，咁又掃嚟做咩啫。其後，問佢攞啲凍水就黑口話無，俾咗杯超熱嘅熱水，擺明玩嘢。反正快手快腳食完就走，都唔同佢糾纏嘥我哋時間。除咗門口展示出是日午餐之外，落單都喺數碼化，用手機落單，不過，我就覺得至少俾個餐牌方便啲客睇睇，再者，有啲上年紀嘅無智能手機，或者唔太識用手機睇餐牌嘛。餐具、餐紙、糖包……等，用個小藤籃裝住，放晌枱邊，無遮無掩，衛生就梗喺無咁理想。最後，我哋簡單啲，都喺叫咗「常餐」（$60），定價比出面啲茶記貴。農場炒蛋、火腿、香腸、牛油厚多士（常餐）點睇，

去到東涌，真係選擇唔多，想快食價錢又唔貴，我揀左香港地。叫左個常餐，沙爹牛肉麵配炒蛋，飲凍檸茶。上菜速度快，同其他茶餐廳一樣，環境都坐得舒服，可能10點呢個時間人流唔算太多。份量正常，味道方面，不過不失，尚算合格。沙爹牛肉麵無特別，d汁唔算太鹹。炒蛋都算炒得滑。價錢都合理，算係親民。因為咁啱去開附近睇醫生，所以先會揀到呢到食，如果唔係都應該寧願搭車出去先食。東涌真係唔多野食呀。。。。。😅😅😅

今朝入咗東涌踩單車，踩完之後搵嘢食，見周圍都好多人，就求其揀咗間唔使排隊嘅香港地。叫咗兩個常餐，一個係鮮茄豬扒意粉，另一個係沙嗲牛肉公仔麵。常餐配日本農場炒蛋、火腿、香腸同牛奶厚多士。鮮茄豬扒意粉就一般，鮮茄味唔係好香濃，但豬扒唔錯，肉質鬆軟又大塊。而沙嗲牛肉麵嘅沙嗲都幾香濃，牛肉又夠林，幾好味😋最正係日本農場炒蛋，勁香蛋味，炒得又滑，好正！火腿同香腸一般啦，最唔得嘅係牛奶厚多士，其實即係普通多士，俾個名欺騙左，有啲失望。跟餐叫咗杯凍檸樂，踩完單車熱辣辣飲番杯零落個人都舒服晒！😁P.S. 可能新年關係餐牌同平時有啲唔同，特別貴😂😂

晚市選擇非常少，得2 張餐牌。叫左個鐵板餐雞肉雪藏味重，豬扒太硬，反而煙肉冇烤到好乾。最大問題係薯條幼身而硬，食M記都好好多。個鐵板唔夠熱，將汁淋上去既時時候完全冇滋滋聲。羅宋湯的蔬菜足夠但湯本身淡味。成個餐最好食係個蕃茄。紅豆冰正正常常，一般快餐店水準。鋪頭環境大，座位多坐得舒適，唔洗等位。要用電話落單，入座後發現台面冇QR code 亦無餐單放係台面，搵左陣都搵唔到個Code，原來要個職員另外開左張單先有個QR code，但台面可以放住餐牌畀人睇住先，呢方面有待改善。

呢一間連鎖式嘅餐廳已經唔係第一次食，如果唔係因為星期六日太多人都絕對唔會去呢一度食。所以，都已經唔會抱有太大嘅期望。點咗一個常餐，跟住一個瑞士雞翼湯麵。常餐個意粉一嚟到，有一浸勁奇怪嘅味，不過應該係蕃茄加蝦嘅味道，好彩食落正正常常，仲竟然有少少好味添。一如以往，啲熱飲嚟到嘅時候都係瀉到成隻碟都係嘅🤦🏻‍♂️🤦🏻‍♂️不過見個侍應應該都係新嚟，見佢拖住成個盤都有啲危險，咁我就算啦冇出聲！俾個建議大家，如非必要，呢一間野都真係可以唔使成日食🙏🏻🙏🏻