香港地

營業中

休息中

今朝入咗東涌踩單車，踩完之後搵嘢食，見周圍都好多人，就求其揀咗間唔使排隊嘅香港地。叫咗兩個常餐，一個係鮮茄豬扒意粉，另一個係沙嗲牛肉公仔麵。常餐配日本農場炒蛋、火腿、香腸同牛奶厚多士。鮮茄豬扒意粉就一般，鮮茄味唔係好香濃，但豬扒唔錯，肉質鬆軟又大塊。而沙嗲牛肉麵嘅沙嗲都幾香濃，牛肉又夠林，幾好味😋最正係日本農場炒蛋，勁香蛋味，炒得又滑，好正！火腿同香腸一般啦，最唔得嘅係牛奶厚多士，其實即係普通多士，俾個名欺騙左，有啲失望。跟餐叫咗杯凍檸樂，踩完單車熱辣辣飲番杯零落個人都舒服晒！😁P.S. 可能新年關係餐牌同平時有啲唔同，特別貴😂😂

晚市選擇非常少，得2 張餐牌。叫左個鐵板餐雞肉雪藏味重，豬扒太硬，反而煙肉冇烤到好乾。最大問題係薯條幼身而硬，食M記都好好多。個鐵板唔夠熱，將汁淋上去既時時候完全冇滋滋聲。羅宋湯的蔬菜足夠但湯本身淡味。成個餐最好食係個蕃茄。紅豆冰正正常常，一般快餐店水準。鋪頭環境大，座位多坐得舒適，唔洗等位。要用電話落單，入座後發現台面冇QR code 亦無餐單放係台面，搵左陣都搵唔到個Code，原來要個職員另外開左張單先有個QR code，但台面可以放住餐牌畀人睇住先，呢方面有待改善。

呢一間連鎖式嘅餐廳已經唔係第一次食，如果唔係因為星期六日太多人都絕對唔會去呢一度食。所以，都已經唔會抱有太大嘅期望。點咗一個常餐，跟住一個瑞士雞翼湯麵。常餐個意粉一嚟到，有一浸勁奇怪嘅味，不過應該係蕃茄加蝦嘅味道，好彩食落正正常常，仲竟然有少少好味添。一如以往，啲熱飲嚟到嘅時候都係瀉到成隻碟都係嘅🤦🏻‍♂️🤦🏻‍♂️不過見個侍應應該都係新嚟，見佢拖住成個盤都有啲危險，咁我就算啦冇出聲！俾個建議大家，如非必要，呢一間野都真係可以唔使成日食🙏🏻🙏🏻

要客人用手機下單！要求給餐牌，黑口黑面。下單又黑面，收錢又買面。服務行業，服務行先，美心集團，管理有問題。食物是可以的，但給那些質素的員工破壞聲譽，客人需要的是食物及服務質素。服務差，影響心情，寧願少光顧。

一攞飛呀姐已經黑我地面，又呼呼喝喝講野勁冇禮貌。坐低問佢兩個呀姐攞杯水比咗15分鐘都未比到，係到行行企企。佢地用手機點餐，我同屋企人分開坐，媽媽唔識用，佢問侍應，個呀姐都唔幫佢手點。見到有個呀伯冇手機，佢地都冇幫手，仲好惡咁同佢死死地氣落單。我嗌咗沙嗲牛肉麵多士炒蛋，凍檸茶。凍檸茶太甜，又完全冇檸味。沙嗲牛麵不過不失，沙嗲汁同普通茶記唔同，有花生。多士太淋，炒蛋唔熱。