香港仔魚蛋粉 (已搬遷) 新店位置

Been here quite a few times. Their "fish soup base" is not bad and the portion is decent. The dumplings' shrimps are quite small and not very fresh. The ratio of fatty pork and shrimp is a bit off.. but overall it's ok. Ordered the shrimp and vegetables dumplings noodles had 3 big fat dumplings but mainly pork in the filling. The vegetables dish was a whoppy $15 but was of a decent size. Service's just so terrible here that it's sort of funny. All waitresses have this angry/i hate my job/ sad /

今日(30-1-2011 Sun)出尖沙咀搵女友人LL整o野,男友話join埋的食o野,好吖.行o黎堪富利士道,男友就話o黎呢間,好啦.開始多人食lunch喇,好彩行早一步,o岩o岩有一張枱.坐低睇menu,我要$30.00o既牛筋腩撈麵多筋,男友要$30.00o既炸醬撈麵,o係唔知有冇餐o既情況下,我要凍奶茶,男友要凍檸茶.等一陣,o野飲到o黎,男友就話叫個菜,要咩呢?就係$12.00o既腐乳通菜.飲啖奶茶先,唔差喎,奶味同茶味都飲到.之後先上兩個撈麵o既乳白色湯,我同男友貪得意飲吓先,幾夠味,男友話係用鯊魚骨煲o既,佢最鍾意.到目前為止,我o地都幾滿意,但到我o地o既麵到o黎,睇睇,我o既牛筋腩撈麵餸得好少,男友o既炸醬撈麵就好小小.我o地食喇,麵冇鹼水味,口感算爽,牛筋腩同樣夠腍,不過真係太少喇.最後腐乳通菜都到o黎,份量同樣係少,不過都OK啦,通菜新鮮冇問題.睇睇張單,原來兩杯飲品都$8.00杯.

上個星期日去左呢間店到食下午茶,入到去被安排坐o係一班國內人隔來,佢地都好得意,將所有冇用o既野,包括垃圾就咁丟落地到,超污糟,但d小二竟然唔理亦唔去清潔,可能係見得多啦.講番d野食,我地叫左個魚片頭湯河同魚蛋河,成碗野可以係冇味o既,d魚蛋你唔話我知,我都唔知食緊咩,唔怪得長期都冇乜本地人去食啦.

多謝朋友請我食呢一餐。朋友吃了魚蛋米,我就揀左鮮蝦豆苗餃麵。一咬隻餃.....點解Lung住既…吓!?原來D豆苗無剁碎,成顆既!?好怪,仲有d臭臭地,唔通d蝦唔新鮮?好難食。湯,扮魚湯,實質好味精湯,好涸喉。當與朋友聚一聚,不計較它…..不過一定唔再去食!

果日放已經好晏太約10:00pm,臨搭地鐵諗下快快食埋返屋企sleepzzzzz, 就去呢間,平時都有食過旺角果間分店,所以應該ok 嘅.豬軟骨米粉,都係咁好食,最好係d肉質淋淋地,而軟骨又咬得開,加多$5就有埋杯嘢飲tim,好在呢個時間唔使等位而家呢度做到好多遊客都嚟又有自由行,d menu 又中又英咁,唔記得映低d 相tim

前几日到尖沙咀行行下覺得好熱又肚鋨, 咁啱就去咗呢間度食. 原本都無抱太大期望.佢招牌菜係魚蛋粉, 於是就叫咗碗來試下. 首先飲咗一啖湯, 入口估唔到真係有魚的香味, 好似飲緊屋企的自家魚湯一樣. 難得的是佢無落味精, 所以飲咗都唔口渴. 之後試咗魚蛋, 好彈牙. 又試咗魚片, 果然唔同一般魚片, 佢好有魚的鮮味又唔太厚, 好正!而且冷熱飲品都只係$ 8 杯, 好抵好好飲呀!

個台式肉燥飯味道有點偏咸..味道亦一般..冇菜令成碗飯有點單調...睇相係有..我問個職員點解冇菜..佢答我 "係呀..我地冇晒菜啦WOW..."服務態度有待改善

五月廿九日(星期五)由於是日比較累,所以不去做gym了!改為放工後到尖沙咀吃晚餐!我提議到香港仔魚蛋粉吃!之前和朋友到此吃過幾次,近幾次都覺得水準的確下降了,希望今次有改善吧我叫了豆苗餃魚角米線加腩汁,老公要了個豬肉丸魚皮餃米線加腩汁,還加了沙嗲墨魚,飲凍華田和檸茶由於是日是<柴九>大結局,很多店員都看得很投入....所以出錯在所難免...豆苗餃魚角米線加腩汁:豆苗餃很差,涵是散的,而且不是碎的!魚角過得去,魚湯比較淡豬肉丸魚皮餃米線加腩汁:變了牛肉丸=.=''不過味道不錯!沙嗲墨魚,好味道!軟硬適中!水準真是每況愈下.........懷念第一次和邱小姐吃....真是又抵又好味

在尖沙咀隨便選了一間食店來食晚餐，見香港仔魚蛋粉沒有太多人，於便試了這間。來到這問店，當然要了他們的招牌魚蛋粉。其實魚蛋都算彈牙，其他就算一般。我個人覺得未至於叫差，但無乜特色。服務方面就真係無乜，店內無乜人但都要一段時間先落到單，價錢就都係合理水平，整體不過不失。

對於做 Merchandising 既朋友，一定知道「簽辦」要同「大貨」一樣，貨不對辦，有可能賠一鑊甘。呢間香港仔魚蛋粉，今次都係貨不對辦，賠上既好明顯就係個生招牌，以後唔會再幫襯。今晚要左個「香港仔避風塘炒飯」，睇相好吸引，好幾隻大蝦，仲有叫得「避風塘」，梗唔少得炒蒜蓉啦，叫飯麵可以另加八個大洋要杯冷熱飲品，於是叫左個炒飯加凍檸茶。一上檯，真係跌晒眼鏡，蝦仔得幾隻，仲要只係放少少辣椒碎上頂，都唔知邊個避風塘有咁既炒法。食落口，唔香口、唔惹味，只係一口都係個辣字，辣到完全感受唔到材料既味道。一路食，一路辣，除辣之外，無味可言。至於杯救火用既凍檸茶仲犀利，檸茶啡色部分只得一吋高，其餘全杯都係冰，食晒成餐飯，飲埋最後一啖之後，半杯都係冰，真係昆水到爆。至於衛生，一路食都一路有烏蠅，仲有一隻伏住係個電視上面，真係乾淨極都有限。炒飯 $55，凍檸茶加 $8，盛惠 $63，只此一次，食過怕怕。難怪到而家為止，都未有人俾個笑口公仔食評啦。

問個侍應攞杯水, 佢話冇.仲要食完先知要加一(1) 魚蛋河加紫菜 ($23 +$5 ) : 紫菜好味, 魚蛋都唔錯, 片頭就唔得, 同埋我覺得味皇魚蛋河好食D...(2) 腐乳通菜 ($10 ) X 2 : 都好嫩, 所以食完要多一碟....(3) 中式鰻魚炒飯 ($ 45) : 份量冇平時 d 茶餐廳禁大碟, 味道幾好, 都幾似日本食店既味道.. (4) 跟餐凍檸賓 ($10) : 一般..... $103 + 10 = $113

今日lunch因為趕時間，所以o係度落腳~~朋友叫左牛筋撈麵~D牛筋勁少，麵又有苦味(唔知係咪簡水味太重)，另外我嗌左牛筋米，牛筋比較硬，又少，米粉勁多！粉麵加野飲要每人$8~粉麵各$23及$25，total食左$64~~以食麵黎講~~真係認真唔抵，而且咁既質素，更加條氣唔順~~~環境方面，因為o係尖沙咀+ lunch time，都好多大陸客，個阿姐叫我地搭檯，D大陸客o係我地耳邊講野，成個環迴立體聲喇叭咁，真係攞命！

20080914先後來過兩次，一次是一行四人，重點出擊招牌的魚蛋粉、牛什等物；第二次獨行俠，試試其它不知爲何出現在“魚蛋粉”店裏的食物，例如相片中的猪軟骨飯。上得很快，碟頭不小，一個食量小的女孩子是搞不掂的，芡汁鮮亮厚重的有些嚇人，吃了一陣子之後舌頭嘴唇都“拉拉”的，想是調味料下手太重了。這倒與上一次的印象相吻合，所有湯水類的都偏鹹，招牌菜也未見招牌之處，試了兩次都是這樣，恐怕不會再來了。注：是日三色台星期日影院作周星馳舊戲，誰知選了一張花掉的影碟來放，估計導播也沒有從旁檢測，實在不像是在看電視……

下午茶，唔知食咩好~尖沙咀都好多野食~行過下，見到香港仔魚蛋粉咁出名，就入去試下。我淨叫左一碗魚蛋粉，都要成十五分鐘咁耐重要係冇咩幾個人食wo~~粉黎到，d 魚蛋就 ok 湯底同冇味冇咩分別 ~我覺得 唔係咁好食 ja~~~

從會展到尖沙咀, 跟男友會合, 大家還未吃晚飯, 是夜想吃清淡一點, 就決定粉麵好了。正好奧運開幕, 這裡有電視撈飯, 邊看邊吃實在愉快。招牌魚蛋粉($23)：轉了米粉, 先喝一口魚湯, 打正旗號新鮮魚骨熬製, 不加味精, 喝後確實嚐不到味精, 味道清清淡淡, 可惜魚的鮮味不夠濃郁。炸魚片和魚蛋各有三件, 兩者都爽口彈牙, 魚蛋是白色的那一種, 個人認為魚蛋比炸魚片較為出色。沙爹墨魚米($23)：墨魚不夠爽口, 較腍身, 清淡的魚湯中加上沙爹, 夠惹味。份量都算大, 吃罷已覺好飽了。每碗的湯匙上都放有蔥和炸蒜, 不喜者可棄之。小妹喜愛多蔥的郊外油菜：十元一碟, 油是指蠔油, 選了生菜, 都新鮮。價錢都合理, 粉麵以外亦提供焗飯意粉小吃, 男友推介的南瓜肉燥焗飯是夜沒供應, 他好失望呢, 哈哈。服務OK, 卡位坐得舒服, 但衛生需要改善。