香港仔魚蛋粉 (已結業)

有一晚同男朋友係旺角唔知食咩好行行下行左去左太子 其實成條街價錢同野食都差唔多 但見到呢間餐廳啲野食相掛滿牆咁好吸引 就諗住試下啦 點知就係咁中左伏燒汁雞扒大碗飯 飯同餸嘅比例係8:2男朋友無飯不歡 聽到大碗飯仲唔即刻叫？睇落同三十幾蚊嘅雞扒飯冇分別張相睇唔出 但碗飯真係成座山咁 不過雞扒得個幾舊 叫人點食晒啲飯⋯最後我幫佢扒左幾啖白飯 佢再啃左一半白飯 結果都係食剩好多飯 仲要塊雞扒有好大舊都係肥膏來 點叫人食晒成座山嘅飯 擺明叫人食剩飯 極度唔抵又極浪費食物以後唔會再去

今日和姊姊路經太子附近因為時間較緊迫所以在太子站附近見到有香港仔魚蛋粉茶餐廳就入去試一試。 其實我都未試過香港仔魚蛋粉， 今次是第一次幫襯，入去order咗一個魚蛋可粉同牛筋腩撈麵， 一來到嘅時候發現一碗魚蛋粉分量都幾大碗， 牛筋腩撈麵上面仲有一些蝦毛仔， 賣相都唔錯。 魚蛋粉湯底和魚蛋都好鮮味， 牛筋腩好夠味， 麵質都好爽口。 估唔到水準唔錯喎。 其實魚蛋粉價錢29蚊一碗都好抵食， 但牛筋腩撈麵要58蚊就略為貴咗少少

The waitress is impolite, the restaurant said they used fish soup but indeed taste like water, fishballs are also no good😓

從內地工作回到香港，去到太子都十點幾了，又攰又餓，打算吃個麵就回來。在始創廣場後面街都有不同食店食麵，剛從內地回港自然想念著香港的味道，於是就入左去香港仔魚蛋粉！點了牛根腩豉油王橯麵$58 +杯凍檸檬茶$10上枱看賣相還好，先夾起麵食！凍既…咬落好硬！感覺好似一條硬左既像筋。唔似麵未熟，似係放左好耐變硬左。飲啖湯濕下喉，嘩，成碗濃縮味精湯，好咸！勉強食左兩三啖麵，頂唔住！放棄！食唔落…牛筋牛腩都是凍的，但無牛味。結果全晚最正常係杯凍檸檬茶…進店時還有幾枱食客，點菜後不久看到店員執野準備收工。如果店員趕時間，大可在食客進店前提省。不至於要提供咁差劣的食物吧！如果食物擺放太耐，也不衛生吧！

香港仔魚蛋粉，我細細個就聽過呢個名啦！十幾年前（大概2003年），食一碗魚蛋粉係10蚊至12蚊，魚蛋，牛肉，牛肚，雲呑等全部同一價錢！嗰時細細碗，一次就叫兩碗，廿蚊埋單。十幾年後，三十蚊一碗，表面上好似加左三倍價，不過份量大左，食一碗都夠飽，其實又唔係真係好貴姐😂 三十蚊食晏 仲可以係邊度搵丫！魚皮餃係我既最愛😍 外皮煙靭有口感，入面又餡料又足，熱辣辣新鮮送到，即刻令我諗起10年前嘅味道！其實食魚蛋粉，食嘅 係果一份街坊的情懷。

簡直系垃圾服務，吾想做真系可以吾做。反去拎綜緩啦。野食一半啦，圖與實物，真系天與地。價錢合理既，30幾40蚊。如果想食建議吾好呢一間，食完真系會炆炆地。高EQ or 修行 先好入去

晚上九點幾路過門口，見到一大批靚相就入去試試。中伏！😏😏簡簡單單叫個常餐A，有蒜蓉多士(看似白多士，冇味) ， 炒蛋 (賣相夠差，勁👍🏻) 沙爹牛肉出前一丁 (與我過去30年食過的 出前一丁，味道及外觀完全不同，大家明白喇😖😖😖) 另加一杯吾凍的凍奶茶☕️。簡直係最佳垃圾配合香港有商品說明條例，海關快啲做嘢啦

服務態度超差，自己入座冇招呼都不緊要、叫人落單冇反應，等了很久，我忍不住大聲叫落單才有反應應你時隔幾張枱同我落單超冇禮貌，如果我不是很肚餓早就走了，而且從來沒食過牛根腩河，送到埋枱碗粉唔熱，超差差，都沒執𦲷，都算好野

話說好耐無來了，拉賣細細面同我去食豬軟骨河。豬軟骨河33新年後又加價了，河粉軟不0鞋口，魚湯味沒當年開舖初期的濃，豬則幾入味，份量適中，肉質細嫩帶咬口。星州炒米58其他炒面類比外面貴幾十，一點都不平。米炒得好干身，叫了加辣卻不辣，因為只有少量炒旦和小蝦仁甜椒等用料，混上咖喱粉炒成，但欠鑊氣，雖然份量不少。凍奶茶跟面叫10比想像要好，茶味香濃突出，一口氣便喝光。很久沒來，叫粉面價錢算合理，但炒粉面飯要七十多元，較前街金華貴幾十，也有真夠誇呀。

一個人收工血拼，天寒地凍，想食碗熱麵先回家，唔想行咁遠，最就腳呢間，店內七成滿！仲可以坐到卡位，光猛企理！ 食物主要係炒粉麵加小菜，湯麵類好像已經唔係主流！叫咗好快到！ 雙丸河（$35）湯雖然奶色但湯底無味！完全唔得！要加大量辣油及胡椒粉，加上跟埋嘅青蔥冬菜，先勉強接受，魚蛋削，唔彈牙！豬肉丸無味！河粉正常！以魚蛋粉起家嘅真係唔合格！ 油菜-生菜（$16）份量多，但生菜心有澀味！蠔油味道假！店員豪爽型，我見餐牌無雙丸河，問落單店員，佢話你自己拼咪有兩款（雖然咁講都無錯！）廁所好窄，衛生一般！

曾幾何時，香港仔魚蛋粉係好好食的；但又唔知曾幾何時，香港仔魚蛋粉轉咗幾難食，約咗人又未夠鐘，又好肚餓，但又係食晏時間，成條街都好多人在餐廳門口排隊等位，但........香港仔.....魚蛋粉.......有位，入去坐底1分鐘已諗好點鮮蝦豆苗餃麵($28)加$9凍檸茶，但啲姐姐好似唔願做的，叫咗成5分鐘才可落單。等咗十幾分鐘，麵到了，先喝一口湯，好夠熱，相信是魚湯；麵身雖不算爽，但不算太腍；鮮蝦豆苗餃，鮮蝦算有鮮味，幾好咬口，算足料，不過餃子皮好散，而且只得3粒，太少。而飲品當然繼續點較早前從網上得知「甜飲全球每年殺18萬人，凍檸茶是兇手之一」成日害人不淺嘅兇手凍「檸茶」，今次呢杯飲料算夠凍，合格！還我以前香港仔魚蛋粉？

前日(16-7-2015 Thur)同男友o係太子同攝影師開完會後去食飯,我唔太餓,求祁食啲野,原本諗住o係荔枝角道o既美心快餐食,但睇見一個蒸肉餅飯都已經要$48.00,而且啲位好似冇乜冷氣,都係唔o係o度食喇.就同男友行去始創後面條街搵o野食,但都唔係好多間,最後都係o黎呢間食.坐低後,我o地叫o左$36.00o既炸醬撈麵,$28.00o既牛腩河,再叫一杯凍檸水少甜,凍檸水收$9.00.好快,牛腩河到o黎,跟住就係凍檸水少甜.一分鐘後炸醬撈麵都到.好,開餐先,我先食牛腩河,牛腩半肥瘦,好似好靚,食落,味道唔濃,連牛味都冇乜,口感適中唔太腍同唔太硬,唔錯o既.而湯底味道都淡淡,河粉都滑o既.炸醬撈麵呢,湯o既味道都淡淡地,肉絲唔太乾,但成個辣o左啲,麵條爽口.最後凍檸水少甜呢,叫o左少甜都係甜,唔知係咪ignore o左.味道係2.25分

在太子不少麵店，結果選了這間吃午餐，因為都算有d名氣的招牌吖，我想不會太差吧。我不要求好好食，湯底濃味口渴我都預左，快餐嘛。叫左墨丸金錢肚河，份量不大，但係d金錢肚薄薄幾片，仲要係燶哂黑色！我真係意想不到。算吧，草草吃完離開，我都唔知點反應。冇下次。

我喜歡來的原因是晚上易搵位，坐在卡位叫碗粉麵，一杯奶茶咖啡就坐上1小時。粉麵都是30元以下，更有飯類同簡單小菜，種類多豆苗餃米線個餃值得一讚，大隻足料，內面有蝦肉及碎豆苗，食落感覺清新。不過湯則一般外出食小菜多肉，叫碟生西菜,附豪油連凍飲都只是五十來元!

昨天和老婆仔去了野餐吃了很多小食今天有一點點喉嚨痛所以今天和老婆仔打算吃湯麵最後來到這裡我要了個28元的招牌黃金角河粉老婆仔要了28元的招牌魚蛋河粉老婆仔說看到菜單上的雞翼很吸引所以再加了個22元的香茅香雞翼所謂的黃金角其實就是這些魚肉平時打邊爐也會吃到原因就是這裡的湯底很濃餐廳聲稱是用魚來製湯而嚐起來的確如此魚味也很突出配合能吸湯的河粉吃就是最適合而老婆仔的招牌魚蛋河粉也是同樣美味那些魚蛋更多元化而且魚蛋很彈牙果然是這裡的招牌菜而且價錢合宜至於雞翼雖然只有三件雞翼但尚算炸得香而且也很大件配合粉麵一起吃也很不錯還未到辦公室的午餐時間所以還有時間坐在這裡慢慢聊天不過陸續人多了就不太好意思坐著了