香港仔魚蛋王

營業中

休息中

天氣轉涼，想吃餐煲仔飯，在葵芳區街頭找到這店，見門口放置了火爐和飯煲，就入內一試，坐下後才看到他們的餐牌上的招牌，原來是一家做魚旦粉起家的店。這晚點了一個窩蛋牛肉飯和一個芋頭油鴨肶飯，再加一碟油菜和兩杯檸檬茶。油菜和飲品都是一般的茶餐廳貨色，以茶記貨色評價，尚算不過不失，油菜是芥蘭，灼得還不錯，沒有太淋。窩蛋牛肉飯，原先想是免治牛肉餅，上檯才發現是牛肉片，牛肉被梳打粉／鬆肉粉一類醃制過，入口雖然不韌，但就肉味大減，口感略霉，還好的是店方自調的煲仔飯豉油夠香夠味再加上蛋香，還算可口。芋頭油鴨脾飯，芋頭顯現不是特別挑選過的靚貨，也沒有煮得夠淋，入口口感不夠粉，可以說有點硬，油鴨眦只是過瘦了半點，但味道咸香，口感油嫩，可能有鴨油的關係，飯也十分芳香，加上微微飯的焦香實在十分美味。

生病記一向對粥品麻麻，熱辣辣，又淡味. . . 但病了被迫食粥. . .唯有選擇一間自己較為喜歡的. . .位於芳街市附近有間粉麵店，外邊擺設住生滾粥的小檔攤，前方位置放了一盤鮮肉及其他材料，即叫即製粥品類除了一般的蛋皮瘦肉、及第粥、魚片粥及生滾鮮雞/肉片/滑牛粥外，還有楠瓜粟米、豬腰、豬肚粥，甚至連田雞粥也有，價錢由$23-$31不等皮蛋瘦肉粥 （$23）而我今次選擇了較為普通的皮蛋瘦肉，感覺比較「正氣」，粥底不會太稀，滾得綿綿的，口感綿滑皮蛋切成小塊，幸好沒有滾至溶溶爛爛，而且皮蛋味頗香。另外，一絲絲的瘦肉絲份量亦不少，咸香味濃，帶點嚼感後記：以往生病時大多光顧這裡的肉丸粥，但肉丸的大少好像變少了，漸漸就轉吃其他款式了

經過呢間魚旦王，反而被佢厨窗內不停滖緊嘅牛雜吸引，顏色睇落相當吸引，煲內嘅牛腩睇落好似好諗於是就走入去黎碗牛雜麵啦，入到去人唔多，揀咗個角落位睇住阿姐包雲吞，之後叫咗碗牛雜面，唔洗五分鐘就有得食喇湯底:毎逢食麵都係第—様試味嘅，咸淡適中，略多味精及胡椒味太重，夏天應該兩樣都落少D嘛!不過勝在油面少。0k啦。牛雜、麵:牛肚4塊，腸2舊，肺2粒，膀1片，整體上黎講份量夠，而毎樣野都無乜特別，只係牛膀特大塊，可惜鞋口，而麵就無鹼水味但偏諗……跟杯凍檸茶$29，價錢Ok，but杯茶好甜呀

路過呢條街有兩間魚蛋王，於是就揀咗間門面較乾淨嘅一間試食，點咗個淨雲吞、一碗牛什麵，凍檸茶—杯，淨雲吞湯底佩小量芽菜，每粒雲吞都有兩隻90至120—斤嘅虾，—碗有七粒賣$21，都算合理，而值得一讚嘅係肥肉極小，可惜香味不足，湯底則太重胡椒味。雜麵，有四舊牛肚、粉腸2舊、牛肺2舊、一片都算幾厚嘅牛膀，加凍檸茶$29算當係餐，個雜麵—上枱己聞到好濃嘅沙茶醬味，味道食落有五香味，麵夠爽口，可惜嘅係湯底太多油喇，於寫食評期間加六蚊飲多支細可樂，應該係味精過多吧!埋單$56，都唔算太貴。

今日提早放學, 朋友要食素, 一切為簡, 行了又行, 終於找到佢想吃的午餐。本人點了雲吞麵, 唔使5分鐘, 雖然係繁忙時間, 但好快已送上 。雲呑都幾大粒, 蝦肉都清楚可見, 伴以肥豬肉, 有口感及彈牙 。而雲呑麵都幾爽口, 但都有梘水味, 加上味精都重一點, 食後要飲多杯茶 。而我朋友吃的紫菜河, 清清哋, 味道唔錯, 但我朋友都感到有點味精。