香港仔魚蛋王

營業中

休息中

香港仔魚蛋王✅魚蛋雲吞河特別推介係鮮蝦雲吞，雲吞皮薄，蝦肉彈牙而且調味好夠味；魚蛋係爽身無腥味，加埋餐廳自家制辣椒油👍🏾辣椒油夠惹味又吾會過辣，仲有樽裝可以買返屋企✅蜆芥鯪魚球鯪魚球係真材實料製作，經過調味未唔會太腥，加埋咸香既蜆芥夠哂味，個人覺得如果質感再硬身少少會更好✅炸韮菜餃鍾意食香口野既朋友仔必試，餃子既外皮炸到薄脆咁，入面有滿滿既韮菜同少少豬肉，加埋甜酸醬減低膩感，個人十分推介😍✅魚腩粥生滾粥宜家好難搵到好食，呢度既粥係師傅用鐵鍋去煮，粥底綿滑有米香，而且十分足料，魚腩新鮮吾會腥味，覺得鮮甜清新🥰🌟呢間餐廳除左潮州粉麵外，仲有多款小食同生滾粥選擇，小食仲有分細份大份，就算得一個人都可以叫細份小食，吾洗驚食吾哂，價錢夠平民，而食物有質素

是日在葵涌廣場SHOPPING，去到盛芳街，見到香港仔魚蛋王 ，因為HONEY想食生滾粥，所以就決定去食晚餐，我地點左細的小食炸雲吞，細份牛腩，淨食4寶另外我點左牛丸雲吞米，老公點左魚云粥小食炸雲吞，小食炸雲吞新鮮炸好，脆口無比細份牛腩，細份牛腩下面系菜，都有唔少牛腩，另外牛腩唔系碎上，食落牛味重淨食4寶淨食4寶有紫菜，魚旦魚片魚皮餃同埋墨魚丸，款款都唔錯，食落都有魚味，牛丸雲吞米牛丸雲吞米，牛丸真的有驚喜，真的有汁在入面，好重牛味，雲吞都唔錯，蝦肉足夠，魚云粥魚云粥真的新鮮，做到生滾的效果，魚云加埋粥，感覺比起魚腩仲有魚味，疫情下，簡單一餐真的不容易!

上野快又平！！我覺得係一個人的選擇而且味道好唔錯～又多選擇同埋真係好平又抵！雖然環境唔係特別好，不過我覺得都抵食同埋味道都不錯，我覺得面份量好多～食到好飽，同埋會再去

叫左外賣，叫左牛腩麵同瑞士雞翼飯，真係好失望，牛腩唔夠入味，雞翼上雞毛既問題有點過分，一盒飯汁唔多，雞翼又未清好雞毛，唔入味，仲要燶既，餐具又冇比夠，希望可以改善下。

朋友常常都說附近這間香港仔魚蛋王食物味道不錯，常常來幫襯，難得大家時間夾到，一於一齊來吃個午餐！店舖外鋪滿食材，看上去新鮮飽滿，有廚師會在即場炮製生滾粥，十分吸引。牛腩墨魚丸河牛腩分量不少，足足有六件。看上去比例不錯，層次豐富，肥瘦均勻。口感鬆軟不散，肉質嫩滑，牛味不算出眾。湯底沒有特別，味覺比較鹹，不夠清甜。豬手撈麵豬手份量正常，炆得軟腍，皮爽而不會爛。膠質黏口，南乳味道突出。略嫌幼麵不夠煙韌彈牙。

去開葵芳智芳街嗰邊有嘢做，順便食埋晚餐先至返去，經過香港仔魚蛋王門外，被佢門口一盤生滾粥材料所吸引，好似話夜市先至有生滾粥......心念一轉，難得遇上，食餐夜粥也好。店內環境就係一般粥麵店格局，大圓枱有位就自己坐低。見有各式麵食和粥品供應，點了及第粥和蜆介鯪魚球。許久未食過及第粥，上一次已經是多年前了，因為不是每一間粥店都有的。粥底夠綿，但未算好滑，材料豐富又夠新鮮，有豬潤、豬肚、豬心和豬肉，好少見有豬心蜆介鯪魚球食到手打彈牙的滋味，醮上蜆介醬食，好食又惹味

中午，趕時間才去試佢地既午餐，味道一般都唔在講，發現有一舊硬既飯，原來係隔夜冷飯，有冇攪錯你地連蒸都唔蒸返軟就比人食，真係未見過咁差既餐廳。坐我對面既阿伯仲激氣，叫碗牛腩河居然比左兩次，都係錯既，好心佢地就唔好用班大陸阿嬸做樓面，求求其其！

唔知由幾時開始，香港仔同魚蛋兩者已經變得密不可分，基本上喺香港九龍新界都充斥着唔少香港仔魚蛋嘅名號。真係不禁問一句香港仔名物真係魚蛋？定係幾年前出名嘅謝記山窿魚蛋係香港仔發跡因而有咁嘅傳說呢？講咗咁耐原來喺葵芳都有香港仔魚蛋，佢嘅食物種類都幾多完化，除咗基本嘅粉面、仲有茶餐廳碟頭飯，門外仲有生滾粥添！價錢方面都唔算貴，原來係特定時段每一日都有唔同嘅粉麵優惠！而我呢一日就比較好彩，做緊優惠嘅係大路款——魚蛋粉🤗我就叫咗碗魚蛋米，聽營養師講呢一樣係外食人士比較有營健康嘅選擇🌟佢嘅魚蛋、魚片都算有魚味，唔算太鹹，但自稱香港仔魚蛋又好似有啲名過於實🙊🙊不過係百物騰貴下，以呢個價錢食到咁嘅質素魚蛋粉，水準一般冇乜好批評啦！

星期六喺呢間食店外賣咗半斤魚疍，叫個店員跟辣椒油，佢話無得跟要買一瓶，又話老闆唔准佢哋免費俾D客，使唔使咁孤寒，最後哦哦咁跟咗一小小瓶，返到屋企煮魚疍食，發現啲魚疍和其他香港仔魚蛋分店不同，啲魚旦冇魚味， 好似街市28蚊一磅急凍嗰啲咁， 但係佢賣緊100蚊一斤 .......

今晚涷涷見到依家有煲仔飯，我地就入去食啦，落單時佢都講明要等3-4個字。我地都ok ge。但等等下過左半個鐘追單，佢不單叫我唔好追，將我地既煲仔飯比左遲過我地來既人，仲要聲大夾惡人地來先呀嘛，好彩其他人人幫忙，證明係我地先落單。跟住不但冇道歉之餘，仲同我地講下一輪先比我地，煲緊既仲唔肯比我地，仲要等下一輪。一定冇下次🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬

Lunch-time同同事一齊去附近搵平野食, 今日經過見到呢間粉麵舖門口張貼左特價優惠, 於是我地就決定去呢間食返個lunch!半年前黎過呢度食, 印象中味道唔錯, 而且冇加一服務費, 的確幾抵! 呢個特價優惠原來日日唔同, 今日係星期四, 雲吞河特價都係HK$25~ 正!好快雲吞河已經上檯, HK$25 都幾大碗~ 而且仲有四粒雲吞, 但每細雲吞SIZE都好細粒...一咬開雲吞, 好失望! 入面只有四分一隻蝦, 完全食唔到蝦既爽口感, 似食緊上海雲吞多D~清湯底果然好清! 清到淡而無味, 叫侍應比左碗腩汁我自己加, 先好食返D~雖然話$25, 唔應該要求咁多, 但相信湯底沒有分正價同特價之分吧?! 無下次!

是但本身想去試葵芳新開既一間酸辣粉，點知去到先見到休息一天，只好拿拿聲跑到附近一間粉面店解決午餐剛好係午飯時間，店舖有兩層，張張都坐滿人，比較逼。原先order鯪魚球米粉，說是手打的，好期待好想試，可惜又沒有貨加多$6，換鮮牛肉米粉，湯底腩汁，夠濃味，米粉不會太軟，夠彈牙，有咬口，再配上紅醋及辣油，簡直係絕配！牛肉塊有味，幾滑身，但因為要加$6，份量可以再多啲，只有約5-6大塊，其他都是一啲牛肉碎塊。快速之選係不錯的，價錢都可接受，仲要係每日都會有一配粉面係特價$25。

啱啱由青衣返過黎，咩野食店都閂晒咁濟，唔想食老麥就揀左佢。一入去都未坐底，個落單啊姐就問食咩，叫佢等等，佢就真係行開左十秒，無多無少就係十秒再問：食咩？拿拿臨掃瞄餐牌叫左個牛雜河+豆漿。免得佢㗩我😂其實連埋我先有四個客，催咁快為咩呢...三分鐘上枱，普普通通，唯獨係無左金錢肚。因為以前食係有的，可能轉左師傅啩....深夜食係咁架喇，下次食返老麥算了😂

係屋企樓下買一碗外賣艇仔粥，竟然無加牛肉，打電話去問佢，佢堅持講加左牛肉，好失望。如果唔係1號風球，我一定拎碗粥同佢理論。前2年，係佢輔頭食佢既粟米南瓜粥，竟然有魚骨係入面，插到我既上腭，我當堂痛到哭水都出埋，同佢講，一句唔好意思就算……

好好味既雲吞麵， 由湯底到麵再到雲吞，比足一百分湯底奶白色， 味道濃郁，飲到用魚湯，蜆肉等材料， 而幼麵爽口冇鹼水味， 大大粒雲吞又充滿豬肉鮮蝦，正， 食完一d都唔口渴。