影片
招牌菜
26/6完了meeting後跟友人由上環去到 香港人家 有下午聚，入到去劃紙叫食物，一邊跟友人談天，等食時間唔長，佢哋好快手能夠將食物送上，而且手工並不馬虎，有齊「快，靚，正」的水準，25蚊有三餸麵，而且有嘢飲，價錢唔錯。小弟也一試椰汁榚（我都唔記得係唔係，但係係白色），聽聞是老闆良親手做，用叉叉起好易散，不過入口不太甜，加上雪藏，感覺一流，尤其夏天食，更叫人透心涼。小弟於店中忙於食，談，忘記一攝照片，下次去時會拍照。聽說也有一個38火煱有肥牛，不太清潔詳情，下次去到再一看。
繼續閱讀
平日返工都會經過呢間舖頭,但一直都冇機會黎坐低食下野,今晚終於等到呢個機會了。話說夜晚放工都八點幾,返到屋企即刻坐低準備等睇宮心計,到九點半先醒起自己連飯都未食,懶散的我因為唔願等煮飯所以就落街搵地方坐低hea下喇~沿山道麥當勞繼續向斜坡行,經過波記雲吞麵再上,無意間發現返呢間車仔麵檔,雖然位置略為偏僻,不過話晒第一次試下也無妨,所以就二話不說行左入去。一坐低本來想舉手落Order,細看之下原來係自己剔紙仔落單,最後就揀左芝心丸,雞扒,肥牛搭配清湯米粉and涷豆漿。三款配菜+麵底連埋野飲都只不過盛惠廿五大元,實在有夠經濟實惠的說。上菜了,先講雞扒吧,通常係外面食既雞扒都係去皮雞扒,難得呢度係有雞皮的,Good=]芝心丸咬下去,丸內的芝士隨丸流出,差d燙親。邊食邊睇富貴門期間,有位白領先生行入黎講句「四份魚片頭行街」,我即時望去小食單度:「炸魚片頭$6 5粒」,細問之下,原來魚片頭響呢度都幾受歡迎,所以就叫了一客黎試試。出來了,原來佢既形狀係立體黃金三角,上面見到灑了少許椒鹽,咬落口幾香幾彈牙,確實唔錯。後來經店員推介食一款醉雞中亦and椰汁糕,不過可惜我有心無力,皆因碗面+魚片頭已經把我的肚子填滿九成了,所以只好說下回再續未了緣=[不過,25蚊有碗咁好質素既麵在外邊確係比較難搵。值得回頭惠顧!食飽飽,剛巧老細有空就閒聊幾句,佢地由今個月開始晚市有供應一人前車仔火鍋,四款自選+一碟美國肥手送飲品收費$38,等天氣再涷d落黎撐下抬腳都唔錯架=]火鍋方面,就只好靜聽其他佳音了~
繼續閱讀
閏五月廿九‧熱！ 無意間發現這間小店子，賣的是簡單的碟頭飯及車仔麵。是日在附近找朋友幫忙，午餐想吃簡單一點，來這裡吃碗粉。 想落柯打，店員叫我剔紙仔。這裡的車仔麵，選三款菜色，索價23蚊，還包一罐飲品，絕對比自煮更便宜。就要了個煎蛋、豬大腸及金錢肚的撈薯粉吃吃。 碗撈粉送上來，金錢肚及豬腸放在一邊，煎蛋就放在另一邊，中間間著幾條生菜。不要看只是小店，碗撈粉的賣相也是認真的。先吃豬腸，稔身夠味，是不夠肥美，但也好吃的。同樣是稔身夠味的是牛肚，跟滑溜的薯粉同吃，好吃；醬汁是辣辣的帶點酸，用來撈粉很開胃，不過就下得過多了，吃完碗粉，還剩下一小碗醬汁的。 經濟抵食的小店，是小社區必備的。
繼續閱讀