香港人兩餸飯 (希雲街)

營業中

休息中

第一次黎嗰時食好驚喜 可以揀米粉 仲好多餸餸就變左我飯堂 佢d餸幾啱我口味 成日選擇困難最近仲發現米粉仲炒得乾身 少油左！一星期嘅餸係三個menu輪住一四、 三 、二五咁轉仲會定時轉 唔怕食悶 不過鐘意嘅豬紅轉走左就要等下🫠今日食 3餸 （$46）-柚子雞球 調味啱啱好-椒絲腐乳通菜 -韭菜蜆肉煎蛋 打開甘大份蛋 好開心 都有大概有十隻蜆肉仔架最好係佢有得加配奶茶$5 朝早買唔切 lunch 都可以補番飲 夏日炎炎 下次可以試下個薏米水

有時候真係幾想喊明明我只係出院之後食返餐有味道嘅嘢平平哋買咗個兩餸飯佢幾好人，送咗碗湯俾我仲有得學生減$3 點知返到去飲碗湯都飲咗幾啖之後先發現個湯裏面有蟲啊啊啊啊啊啊啊😭😭😭我仲要攞個湯走去撈咗個飯我而家真係唔知食好定唔食好不過有一說一個餸係幾好食嘅我揀咗麻辣土豆絲同埋黑醋骨兩餸飯原價$37 喺銅鑼灣都算抵食之前食開味道都唔差餸嘅選擇都唔算少係唯獨是今次呢個經歷令到我有啲驚希望唔會有下次啦🥹

好多餸揀 唔係得一般兩餸飯果啲餸 有時有酸辣土豆絲 又有節瓜甫 勁正勁有心🤣🤣 平時會早啲係open rice 嗌定 食飯就去揀 唔洗等😆😆 有得揀飯/米粉 我次次都揀米粉🤣 勁特別🤣 仲有得少米 岩我依啲細胃口嘅人🤣🤣 銅鑼灣黎講價錢算抵😍

呢間店每月都換菜單我在附近番工，食左好多次，D 味道同量都好足，吾會好勁味精，一定食飽。可配飯或米粉，炸雞翼，魚柳，豬扒，蛋 ，咕嚕肉，肉餅 好好食繼續支持同幫襯！！

每到月尾，兩餸飯就是我必選的午餐或晚餐。排隊買飯是一定的，大約需要15分鐘才能買到一個滿滿的飯盒。選擇眾多，諗唔到食去到睇到幾十樣菜式。😃😄。有菜有肉😄真是好方便。

今次已是一星期內第三次幫襯。之前成日見炮台山嗰間lunch time好多人排隊，知道原來銅鑼灣都開左後就黎睇下。暫時黎左3次，兩次午飯時間，一次晚飯(7.40pm)，都唔算多人排。雖然呢間款式可能比同區另一間為少，但味道就較為少味精同無咁咸。$35 兩餸，$43可選3餸，今次揀了炒白菜，肉碎蒸蛋，麻婆豆腐，叫了少飯但都非常之飽。不會食到好重味精，味道都不錯。建議如果叫3餸可叫少飯，咁3個餸嘅份量會平均啲。喜歡大大塊肉的朋友我見亦有好多選擇。去了3次店員都好親切有禮貌。而且晚上7點後應該減3蚊，因為是次3餸只需＄40。銅鑼灣可以用到呢個價錢買到晚飯都好唔錯了，會再幫襯的。

小編向來都唔係兩餸飯嘅粉絲，但係咁啱嚟開銅鑼灣，又知道開咗個新鋪，就嚟支持一下！絕對係飽肚之選！。🍱『$43/ 三餸』🍅蕃茄炒蛋🥒冬瓜豆卜炆排骨🥬菜心炒肉片點咗三樣比較少肉嘅，叫咗半分飯，但已經覺得好飽！味道實在係唔錯嘅，唔算話好鹹，但的確有唔少油；地方都幾乾淨！。📍 香港人兩餸飯 (銅鑼灣)銅鑼灣希雲街1-5號禮信大廈地下3號舖。大食日期：13 Jul 2023好味指數：🌕🌕🌕🌗🌑回味指數：🌕🌕🌕🌗🌑