香江花月 (荃灣廣場)

營業中

休息中

香江花月裝修走懷舊華洋風，環境好大好華麗感覺！餐廳仲有一間夢幻嘅霓虹燈的房間，打卡一流✨新推出嘅打卡日曆牆📅每張日曆都可以撕走當menu用，夠晒創意✨海陸雙饌晚市火鍋套餐$638有兩款選擇，我哋就揀咗海鮮鍋配特選黃牛呼拉圈，用海鮮及冬瓜、紅棗、香菜做湯底👍🏻海鮮湯底鮮甜，煮完海鮮再涮牛肉，味道層次分明！🦐 海鮮拼盤：蜆、蝦、大連鮑魚、肉蟹仔、深海龍躉斑片、冬瓜片，新鮮鮮甜！🥩 牛肉呼拉圈：牛肉圍住火鍋擺盤，視覺效果一流😍有黃牛牛𦟌、黃牛牛脷、黃牛牛百葉、黃牛牛心頂、黃牛牛白肉、黃牛牛肉3款），輕輕涮幾秒就可以入口！見到餐廳做緊唔同嘅優惠，主餐牌於晚上八時前結帳及離座，即可享75折優惠！於晚上八時後入座，即可享6折優惠😳

呢間真係一個值得一試嘅餐廳！環境優雅，設計有1920年代上海茶館嘅復古風，仲有個超靚嘅打卡日曆牆，可以撕低嚟點菜，影相打卡一流，氣氛一流😍叫左佢哋嘅「海陸雙饌」套餐！海鮮鍋有鮑魚、蝦、蜆、肉蟹、冬瓜同紅棗，湯底鮮甜，材料新鮮，食落口感正。配埋嘅特選黃牛呼拉圈就更加驚喜，有八款牛肉揀，每款都各有特色，啖啖滿足。另外我哋仲叫咗一份黑松露餃子，餃皮薄脆，內餡香噴噴，黑松露味好突出，食完回味無窮。醬料區選擇多，但要額外收費，質素高所以都算合理。環境靚到令人放鬆，服務又貼心，食物質素同CP值都高。

五一黃金週，梗係留港消費，支持本土經濟，打邊爐成為不二之選，聚首一堂，吹水一流。火鍋最梗要湯底，今次揀左日本牛乳玫瑰鍋，木瓜上面有朵牛乳玫瑰花，湯底好濃牛乳味，美顏護膚一流!餐廳最近新增打卡日曆牆，撕下寫有湯底或菜式的日曆，可以用作點菜，相當有創意!中山脆肉鯇脊肉質緊密、爽脆軟滑、帶有韌性，肉絲不易拉斷，咬口好足!七色餃子擺盤精，七彩餃子金華火腿菜肉餃，和牛香茜餃，姬松茸野菌餃，蟲草花餃，午餐肉粟米餃，冬菇薺菜餃和蟹肉黑松露餃子，每款味道獨特，特別喜歡蟲草花餃，清香蟲草花味樸鼻而來。西班牙伊比尼亞黑豚嫩腩肉油脂分佈平均，肥瘦相間，層次分明。豬腩片肉質非常腍，柔軟嫩滑，肉中極品!

平時多數去同層另一間茶樓飲茶，最近覺得越來越差，所以今次選擇去這間試試。曾在開飯網買它的火鍋套餐，2個女仔的話加多個丸或餃子，菜，都差不多夠。而且打咭好靚。但掃興的是這裡的人對員工態度好差，在場中當著客人面大聲喝罵員工，放工後離開緊張的辦公室，只想有個地方讓我輕鬆自在的食餐飯，真的不想聽你為了彰顯自己職位的嘈鬧聲今次同朋友再次來到這，不過就是早上飲茶，估唔到價錢竟然不貴，食物出色，我哋叫左好多點心，樣樣都好味，而且無論蒸點心，還是煎炸的，全部都是即整的，正。最後，我真的想講，因為方便來過幾次，但每次真心覺得你哋對員工的態度好差，請盡量減少你們的呼喝聲，請給多點尊重！

📍香江花月🔶玫瑰牛乳鍋 $168玫瑰花超靚打卡一流，配料有木瓜同豆腐，飲左碗牛乳湯，味道清甜 7.0/10🔷太極兩儀 $428紅酒牛肉，牛肉有好香紅酒味，牛味偏淡比酒味蓋過🤣黑松露牛乳豚肉，牛乳味偏淡，豚肉肉質爽滑7.5/10🔶龍蝦龍蝦新鮮，肉質爽口，整體好味 7.5/10✏️like Facebook page 免費送，超級抵食，大定去食記得留意官方Facebook 🔷中山無骨脆鯇片 $88中口感超脆爽口，鯇片好新鮮，無骨既魚食得好方便 7.6/10🔶七彩餃子 $108每款餃子味都各有特色，覺得蟹肉黑松露同和牛香西餃最好味，其他味道正常：蟲草花餃、金華火腿菜餃，午餐肉粟米餃、冬菇薺菜餃、野松茸野菌餃。 6.8/10🔷鮮靈芝菇 $38菇菇用一個兜仔裝住，份量正常，新鮮好味😋🔶竹昇生面 $38第一次試呢款面，面條幼身，似食雲吞麵麵底，但吾太掛汁6.8/10🔷桃花緣 $88飲品超級打卡，桃花緣的桃味果汁配乳酸梳水幾好飲，吾會死甜😋影相要把握時間，個泡泡好快會爆 7.0/10🔶玫洛月 $68紫花造型擊中少女心，覺得好靚，洛神花味好突出，吾會太甜又好飲 7.1/10

有緣見到呢個comment，你就好彩啦，唔好食呢間！慳返1000幾百買其他野仲好！冇態度服務可言，唔係要service好，但係基本嘢都要做到，個爐又唔顧客Friendly，個煲深到夾過餸都要企起身，唔知發生咩事，個湯底到咗，職員係唔會幫手開爐，要自己開，成間舖冇咩客，想叫啲職員幫手，都要自己行出去搵職員，啲嘢貴得來又冇特別得個樣only，唔怪得冇人排隊。奉勸大家冇咩事，真係唔好過嚟食，平時都唔留comment，但係依家真係要留俾大家。

成件事可以告質商品說明條例，食物與相片不符，蟹、青口、蜆無，竟然用8隻聖子代替，order時無講，到我哋發現時，個經理仲夠膽死話如果你唔接受我攞走佢你叫過其他食物，跟住又話個廚房執漏咗廣島，問佢攞水佢話得熱水，我都沒問題，來到唔知係咩水，凍的怪味😓😓😓😓

12月31日預咗餐廳會好full好忙，但竟然喺OpenRice book到位，去到現場餐廳都有幾台空位。坐低之後，地下極其油，黐立立，都算。是但嗌咗一個牛肉圈， 好快上咗個湯底，但野食等咗好耐，話因為要砌個擺盤，期間催咗幾次，都冇人理，等到個煲都開始冇咩水，有個侍應走埋過嚟幫我加水，（係真係加水），嘢都未食個湯就沖淡咗啦 。另一個侍應就話幫我搵經理跟進，最後起碼等成30分鐘先上到。經理亦冇在場協調。最後奉勸一句，食物唔算平，服務就一定冇，啱就去食。

港女打卡必到火鍋店不論店內環境還是食物擺盤都散發高級感當然價錢亦相對偏貴蘆薈木瓜桃膠牛乳鍋非常滋潤養顏先來一整塊桃膠待湯煲滾後店員再把桃膠剪成小塊唯一缺點是加湯時只是普通高湯而不是牛乳牛極圈打卡一流其實是牛舌牛午花等不同部位普通豚肉也弄得相當精緻飲品方面其實有些特色飲品如人數連多可以選一壺有酸梅湯和竹蔗茅根兩款醬汁可以在自助吧選取一般鼓油沙茶醬麻醬辣椒醬也有配粉有辣椒蔥蒜花生芫荽等午餐肉是炸過的有加一點分總結為影相打卡去一次可以

荃灣呢間特色牛圈火鍋🍲真讓人垂涎欲滴，打吓卡📸正呀💪🏻火鍋的層次感。💛環境輕鬆愉快，與家人聚餐一流。大家圍坐在一起，邊煮邊聊，增進了感情。🩶最後的湯底也是一道美味，每一口都充滿了食材的精華。總體來說，特色牛圈火鍋帶來的真是美食的享受。

用電視推廣價$368試咗呢個牛圈加牛乳鍋，但因為沒有提早一日預訂就沒有特飲贈送，其實我覺得可以彈性處理，才兩杯飲品！可能就賺到回頭客！😏個鍋賣相完全係打卡位，未落食物先試一啖湯，超濃牛乳味，但分唔到係咪日本牛乳🤭！焯完牛肉有啲肉汁嘅湯就無咁濃牛乳味，味道的確唔錯，加埋三色竹升面另爽口嘅面更加入味！老實講，雖然食物不差，但其他方面應該改善下，例如飲品，除了一茶杯仔welcome drink之外，連水都要落單！其實要賺飲品錢都唔駛水都無杯🙄，火鍋配料都唔平，我哋3個人叫多咗幾碟配料加埋頗貴的醬料費，埋單$781。係荃灣食肆林立， 競爭咁大，是不是為牟利處處算盡？請貴店老板諗吓！

想試好耐的一間火鍋店，嚟到餐廳環境好靜好靚，坐得好舒服，一般服務員的態度都唔錯。剛坐下送上一小杯蘋果汁，一碟麻辣前菜，味道不錯。美人木瓜湯底好正，買左open rice既3人套餐，肉類都多，味道不錯，但份量當然比較少，香港嚟講，都差不多。另外再點左啲打邊爐的料，牛丸好好味，好彈牙。其他就是一般的高一點的水準。叫了一碟炸廣島蠔，味道唔錯啊外脆內軟！叫左一榨酸梅湯，夠三個人飲，味道都幾濃。整體我都是滿意的

琴晚一同6人都店用餐，開始時員工十分熱情招待。都感覺好好。有歡迎飲品加小食，員工都好好服務。心諗：香港終於有間用心待客嘅食店啦，唔洗下下都話內地才有這服務，感恩。之後食到中途忽然聽到場中有位貌似經理or 店長的年長女人正在大聲呼喊其員工，所有客人都梗係八卦下發生咩事。之後聽到有食客同個經理爭論。最慘係招呼我哋嘅女仔員工被罵到一面屁。弱弱聽到好似係坐位問題。但最後都見到女的好似被罵走了⋯⋯真心從沒有看過高級餐廳的高層會這樣大呼小叫

香港吃東西不便宜，看到有做優惠的食店會特別留意。之前看到此店宣傳一元牛圈優惠，逄三及日晚上供應，現在中午也提供此優惠，於是選了星期三午市來試。吃火鍋先要選一個湯底，我選了日本牛乳玫瑰鍋，夠滋補賣相又好看。窩的中間有一朵白玫瑰花，原來是用牛乳冰出來，以花朵造型放在窩中間。只要開爐加熱後會慢慢溶化。花朵下是一個小木瓜，店員幫忙把木瓜分拆成小塊，方便食用。窩內還灑上一些顏色鮮艷的食用花，為這牛乳窩增添美感。牛圈出場，在一個大木圈上，放了九款牛的食材，真是大大一圈，剛好把窩套住。店員教我們掃碼看看最佳涮牛的時間，牛白肉，牛心頂，黑柏葉只需3秒就可以，牛脷，肥牛需時多些。鍋慢慢熱起來，滲出淡淡牛乳香味，此時就開始涮了。圈內每款牛有四片，因為切得比較薄身，基本上把牛肉放湯內輕輕涮一涮已可入口。大部份的口感都是嫩滑的，把牛圈吃完，此時木瓜也煮軟了，可以來一碗木瓜牛乳湯。木瓜軟綿綿，牛乳湯混和了牛的汁液，味道濃郁好喝，是一道滋補湯水。沒有想過一元都吃到九款牛，算來還是超值的。

入場時會招待每人一杯蘋果汁個杯底會見到條金魚，超特別🐠環境十分寬敞舒適👍🏻員工態度友善，會主動幫手影合照🥰食物新鮮好味，整體唔錯，亦適合重要聚會🧑‍🧑‍🧒‍🧒（不過算少少貴😂推薦指數: 9/10 🌹🌹🌹🍽️ 湯底: 美顏花膠雞鍋 $298🔎 花膠有大概6舊，唔好太遲撈起，唔係好易煮到唔見晒😂 🔎 裏面有半隻雞，雞肉滾完都唔算柴，店員會幫手撈起雞同剪開👍🏻 🔎 建議淥完牛肉後飲湯😋 超濃郁🍽️ 打卡able牛圈✨ 🔎 每款有5塊 🔎 員工唔會介紹唔同肉類嘅分別，甚至係有邊幾款都冇講😂 可能佢哋都唔熟悉🍽️ 大蟶子*6隻 $98 🔎 好新鮮 都算大隻👍🏻🍽️ 三菇淥菌 $98 🔎 份量同款式都好多 (推薦item😚✨🍽️ 即炸響鈴卷 $58 🔎 好食！冇油益味但唔係好多舊，算少貴🙈🍽️ 黃沙豬膶 $68 🔎 有6塊，味道正常，唔算特別🍹 竹蔗茅根(jar) $88 🔎 我哋4人飲每人有一杯半🥫 醬料費 每人$25 🔎 平時邊爐嘅咩醬都有，最特別係有沙茶醬比客人淥牛肉點嚟食👍🏻