首爾 (已結業)

聽講LEE間係「首爾Cafe」老闆開o既食店，就一於去試一試啦！先講餐廳環境，好寬敞，仲有LCD電視，算係唔錯啦。點知一睇個餐牌嚇死人，全部野食都好貴！前菜唔似「首爾Cafe」任加，再添要10 蚊一款其實間野咁貴，任加都無所謂啦，又唔食得你幾多……最後我地食左： 食豬肉o既時候的確幾似係韓國食到o既味道！同任燒質素好唔同！ 但係個薄餅真係無咩海鮮囉，餐牌寫明圖片只供參考，果然係真o既，但係唔係好值得參考……總結黎講，野食係OK，但係價錢太貴，如果想食韓國燒風味，可以一試，但係要預左貴！我個個waiter 點解同一老細兩間價錢差咁遠，佢話因為「首爾Cafe」d 菜色普通d，lee 咁特別d。之後，我都係去返「首爾Cafe」算啦P.S.　隔離檯食完，個侍應一邊抹檯，一邊噴清潔劑，咁我地仲洗食o既…… 不過有得食已經係一種幸福

新開將第一次幫襯，但試一次便夠 ﹗只可一試，無下次。可能比多一次機會，試埋個 sabu sabu 先。舖位好大，坐得都算闊落。係大埔既韓式料理只得幾間，歷史最悠久算係高麗軒喇。我地見到野食咀秒秒，有點滴汗既感覺。八小碟冷盤，加埋醃牛肉。冷泡菜，無咩特別，微辣偏咸，淨食味道太搶。冷雪菜，但有點似梅菜，咸咸地，爽爽地，無咩特別。冷牛柏葉，有點麻油味，普普通通啦。冷尖筍，橙紅色仲似為係辣，但甜甜地既，同樣命運，掂幾口就掉埋一邊。薯仔，甜甜地又夠腍，還可以啦。冷大豆芽併菠菜，依個唔錯喎，鮮爽帶麻油香，好食。辛辣沙律？﹗只有橙色既液體，但無味既。蔬菜口感同溫度都麻麻地，食一啖放棄。醬燒鰻魚，大路口味，偏甜，腍劈劈。帶子，醃左，真的有點咸呢 ﹗我要新鮮既海鮮呀。牛肉，重醬油味，太甜又腍劈劈。我要食靚牛肉，原味無加工，唔係要啲醃過龍既雪藏牛呀 ﹗成品好甜既醬油味，不喜歡。辛辣海鮮湯，不辣只有咸味，海鮮免免強強啦，都好足料，帶子、青口、魷魚、蝦、皇帝菜、豆腐、金菇、什菌、筍、芽菜、等等。一試無妨。

去過首爾本店幾次, 食物雖然唔錯, 但地方真係幾侷促.新店開了個幾月, 係時候去幫襯下. 呢個鋪位之前幾間都做唔耐, 希望呢間韓國料理可以打破宿命啦.新店真係好闊落,充滿空間感, 座位超舒服, 燒爐用電, 爐側抽煙超強勁, 讚讚讚.枱邊的牆上有兩個按鈕, 俾客人召噢待應或埋單, 都幾細心.午市套餐多數$60起, 比舊店$4x貴少少, 兩公婆研究完一輪, 結果點了一個二人燒烤餐 ($120包湯&飯), 叧加一.餐牌有雞牛豬, 兩個大鄉里以為三選一, 選咗雞, 點知原來係三拼, 真是面懞!老公話食燒烤要飯啤酒, 但餐廳未有酒牌, 暫時要去隔離七仔買.上菜啦, 泡菜有六款, 又大碟, 比舊店得兩細碟扺喎 (sorry呀師奶心態, 咪藐)老公話最好味係蒸蕃薯.主菜的豬牛雞, 味道okay啦, 份量足夠兩個人食.跟餐的紫菜湯及飯總結: 環境價錢及服務都唔錯, 可以再嚟.

一行5人再加BB因為新開, 所以去試下. 而且都係"首爾CAFE" 分店, 食物應該有D水準, 所以決定去試.入到去地方好大, 同"首爾CAFE"冇得比, 有房, 有韓燒簡.諗左好耐, 決定熟食同燒烤都一齊叫,人蔘雞(大) --- 1隻雞因太大隻, 放唔到響個煲, 所以分開2煲上. 味道清啖而且有蔘味. 雞煲得好"林"所以d骨很容易"tun"出黎, 但唔"鞋". 有鹽跟, 覺得唔夠鹽可自己加鹽調味燒鯖魚 --- 燒得比較乾身但唔算柴皮果隻. 味道有如日本餐廳order 的燒鲭魚.石頭窩飯 --- 送來時係好熱, 店員會問你多醬定少醬. 多醬會好味好多. 有飯焦, 好好吃, 但唔似煲仔飯果d飯焦咁燶. 配料唔多, 所以必須要多醬.海鮮薄餅 --- 好似酒樓果d薄"餐", 但多好多蔥, 幾香. 但食落又唔覺有好多海鮮.炒粉絲 --- 冇乜特別, 用好多絲少埋一碟的炒粉絲. 可以一食.韓燒什錦拚盤 --- 有豬肉及牛肉, 洋蔥, 菇, 生蒜, 及小量包菜. 香港或食法係一夠夠肉咁食, 但真係韓燒, 人地會用生菜包上肉, 蒜, 醬及其他配料. 整體肉類都係ok, 好有韓式的肉感.

大埔難得地開多一間韓國餐廳, 還聽說是"首爾Cafe"的老闆開的, 決定試一試. 一行6人, 叫了以下菜色:午肋骨 (韓燒) : 好味, 但份量少~豬肉 (韓燒): 有麵豉醬配合, 很好吃~雞肉 (韓燒): 沒有什麼特別, 可叫可不叫..**不能免費添加生菜, 要額外加錢, 叫了三碟燒肉, 只再一碟生菜, 怎會夠呢.. 泡菜煎餅: 不錯, 但如果辣點, 可能會惹味些, 現有點"寡"海鮮鍋: 味道很好, 材料也挺多的~炒年糕: 材料比"首爾Cafe"多, 不錯!韓式石頭伴飯: 越多醬越好吃喔!!等等..總括來說, 是好吃的!不過, 真的貴夾唔飽, 雖然位置挺舒適的, 但下次會選擇去"首爾Cafe", 質數一樣, 但平好多~!