饔車仔麵 (已結業)

有一日經過見到依間「饔」車仔麵（仲係唔識點讀😂），再上網睇下食評覺得都值得一試，所以就入左去食晚餐。樓面唔算特別，普通小店咁既樣，但有一個特別之處就係貼左好多Mirror既相，所以好肯定老闆/老闆娘一定係鏡粉黎，或者可能佢覺得食客見到Mirro會食得開心啲😆講返食物，上次寫車仔麵食評既時候，都講左本人自己超中意食墨魚呀魷魚啲friend，所以毫不猶豫就點左「咖哩魷魚」。仲有「手工韭菜雲吞」、「豬皮」、同埋個人認為係必點既「自家製蝦條」。時間尚早，仲未算多人食飯，所以等左10分鐘就有野食，個人認為個湯比較淡，但撈埋辣醬同咖哩汁既時候味道岩岩好，唔食得太辣既建議辣汁另上，因為都幾辣下。「自家製蝦條」睇落啲色炸得好靚，食落熱辣辣，口感好彈牙，仲好有蝦味，所以記住記住記住要點。但係「手工韭菜雲吞」有啲令人失望，唔算太香，不過不失。個人評分（滿分為5）味道：😉😉😉環境：😉😉😉員工友善度：😉😉😉CP值：😉😉😉…查看更多

.新開 #黃餃店 #饔車仔麵 有賣自家製韮菜雲吞～ 去開30store買餃，順手試試，又是好東西。.#上海韮菜雲吞車仔餸係放湯的，黃色雲吞蛋皮～ 喂！唔上海wor！心態調整返做廣式水餃變奏就無問題。韮菜嫩香，近來無食過任何纖維太多的韮，開始覺得無咩特別了。肉感有，但主角是很大一隻蝦！鮮甜效果雖無 @dumpling_land 咁瘋狂，卻也不錯，非常非常非常彈牙！有驚喜！炸餃有 @tofubucks_shekmum 水準，炸到黃色皮起泡泡，卡滋卡滋的脆，餃餡比湯的更緊緻。加埋雞醬，零食與主餐感覺間遊走，爽！同場加映 #魚腐 #自家製蝦條魚腐似魚蛋多d，失望。蝦條好食，油香，彈而甜，好似仲有d類似馬蹄的小顆粒。總的來說➡️荔枝角長沙灣也太多好吃的黃店了吧！店家友善又輕鬆，食個午餐也能安心歡地過，是一件幸福的事。評分：⭐️⭐️⭐️⭐️⭐️⭐️⭐️⭐️（10⭐️滿分）…查看更多

由於工作關係，來到了明愛醫院附近🏥處理完公務後已經很肚餓了，簡單找一找就發現了這家良心小店，主打本土風味車仔麵💛 .餐廳佈置乾淨整潔，用餐空間不會太狹隘。從餐牌可見店主非常貼心，將幾款招牌配料組合成幾個套餐出售，以一個較相宜價錢就可吃到一碗滿足的車仔麵🍜另外亦有特價抗疫餐，同甘共苦。 .由於我不太愛血類或內臟類配料，所以就自選了以鹵水蛋🥚柱侯牛腩、自家製蝦條和生菜配上公仔麵底，再加上沙嗲醬。上菜時已有濃香，沙嗲醬一勺放在頂，讓食客自行拌混。自家製蝦條的口感爽脆Q彈🦐蝦味鮮濃香，充滿誠意，在攪打時上勁。柱侯牛腩燜得夠軟爛無渣。…查看更多

店面乾淨企理，環境舒適，店員好nice☺️配料每款$8-$12，價錢合理～仲可以加$2 秘製辣醬😂個人覺得辣左小小，平時食開小辣🙈👍🏻必食推介👍🏻自家製蝦條外皮好薄，炸到金黃色🤩 食落有驚喜，入口先係咸香味，隨即就係鮮甜彈牙嘅蝦肉🤤推介一定要試啊！咖喱魷魚魷魚爽口入味，而且份量好多，好抵食🤨柱候牛腩軟淋入味，啖啖肉😋蘿蔔清甜，仲好細心切到一片片，易啲食~👍🏻必食推介👍🏻上湯手工韭菜雲吞🥟皮薄餡靚😍 雲吞脹卜卜好足料，有蝦，豬肉同埋韭菜，蝦肉鮮甜彈牙😚一定要試！🥰🥛豆漿 $10可以免費添飲一杯🤩…查看更多

落住超大雨, 廢事走黎走去, 隨便揀左間鋪頭順便試下新野~~鋪頭係大街都幾當眼, 好易搵。加埋裝飾, 好黃, 加分~~ MENU同平時車仔麵差不多, 特別D係佢有2個5寶俾大家揀, 岩晒唔想諗既人。所有麵都可以轉菜底, 唔想食太多麵既女士們盲岩啦, 不過佢地俾超多餸, 所以都唔怕唔夠飽~ 男朋友揀左佢地5寶饔麵, 蘿蔔入味, 魚蛋係細細粒個種, 所有餸都好大手筆~~完全睇唔到個麵XD 我自己就剔左麵根, 豬皮, 魷魚, 未試過車仔麵俾咁多豬皮, 食得超爽!! 我地2個都加左秘制辣醬, 個味好香, 少少麻, 不過同樣地, 好大PAT醬, 所以有少少太辣, 建議如果加辣又唔想太辣既朋友仔要叫少辣或者分開上呀~ 不過都係值得試下, 成個湯香晒~~ 另外我地仲叫左個蝦餅, 老細話係佢地自己整, 果然係特別彈牙, 又唔會炸到好乾, 2人份剛好~…查看更多

今日係長沙灣，又趕時間又諗不到食咩，路過比呢間車仔麵名吸引😂就去試下。車仔麵係諗不到食乜既首選🤣我點了雞翼生菜米粉加腩汁，點完好快就來了👍岩晒我趕時間😂碗麵腩汁好有牛味，米粉入晒味😋瑞士汁雞翼夠淋，自家製蝦條酥脆，朋友不食麵，點了整碗餸，樣樣都不錯。另叫了豬紅及炸片頭小食，好野味。最正係豆漿中可以免費refill一次，食車仔麵梗係要飲凍野，平時飲豆漿一杯真係不夠喉，有得添飲真係成件事完美了😋😋…查看更多

中晒大伏。。。。連個麵都未煮食乜有咁困難咩唔好叫蘿蔔 牛栢葉無味架 牛栢葉咬緊舊膠蘿蔔好明顯浸過糖水因為淨係得糖水味😂😂😂雖然係黃店但真係支持唔落無下次。。。…查看更多

呢間位於青山道463A地舖，荔枝角B1出口約行10分鐘，店名叫饔，食車仔麵的，地方小小，乾淨，食物質素很好，每款餸都用心整做，咖哩魚蛋、咖哩魷魚、雞翼、豬大腸，非常入味，蝦條自家製造，好彈牙，值得試，價錢都合理，每款餸大約十元，八塊，重有招牌饔麵餐或五寶饔麵餐均可選擇，招牌饔麵有七款餸，一定夠飽，麵餐重包豆漿一杯或汽水一罐，要提一提，一定要試秘整辣醬，真的好好味，食車仔麵一向就沒有什麼服務，呢間店卻服務態度唔錯。…查看更多

呢間車仔麵其實啲炸蝦條同食物質素麵唔錯，但兩位女店員嘅態度真係極差。當一點零鐘叫外賣，聽電話嘅店員已經冇禮貌，講到明點落嚟拎，佢一早煮落，拎到嘅時候已經又凍、啲麵又吸哂水。最過分嘅係，落到去俾完錢，兩位女店員麵冇諗住拎份外賣出嚟，只係指一個指店鋪內嘅暗角，指示我自己去拎。 當時其實客人唔多，店內冇爆滿，兩位店員係非常之得閒。去到呢到我已經明白哂佢地告急嘅原因，冇心做、態度惡劣，無論你嘅食物質素幾好麵唔會挽救得到。圖為吸哂水嘅麵食…查看更多

長沙灣嘅饔車仔麵，因為店名同之前搞到滿成風雨嘅另一間車仔麵太相似，所以都曾引嚟唔少誤會。我幫襯當日，親眼見證又有人以為係同一間😂。叫咗我嘅車仔麵穩膽油麵加腩汁，三個餸分別揀咗咖哩魚蛋，麵筋同埋小店名物自家製蝦條（蝦條本來已經沽清，不過堂食幾個人都好想叫，廚房於是專登再炸）。叫得名物，果然不同凡響，炸蝦條非常鮮味，肉質好彈牙，勁正🤤，係暫時食過車仔麵店中最好食嘅炸蝦條；咖哩魚蛋夠入味，唔錯，雖然細細粒，但總共有八粒，都算非常抵食👍；麵筋份量又係好多，水準正常。埋單時，忍唔住同（疑似）太子女講個炸蝦條真係好好食，佢話咖哩魷魚都有唔少人讚賞，其實本來好想叫，不過又係沽清😭，下次真係要早啲嚟。…查看更多

第二次到店食，車仔麵夠大碗，湯底可選多款，今次選腩汁加沙嗲自選餸必食咖哩魚蛋，本想食蝦條，雲吞已售罄店員自家制炸蝦餅及魚片頭，非常出色蝦餅彈牙，魚片頭加椒鹽，一試難忘。價錢合理，會繼續支持…查看更多

朝早做完嘢，行到嚟呢間餐廳，門外有好多人喺度排隊等位同嗌外賣，於是我就被吸引，排隊入座。.餐牌有好多底麵、配料同醬汁畀客人選擇，我就揀咗我鍾意嘅沙嗲汁、幼麵、生菜、牛腩同蘿蔔。.沙嗲汁好香，味道啱啱好，帶微辣，少少麻香，令湯底味道提升。.生菜新鮮，爽口，份量亦多。.牛腩好大舊，多油脂，味道亦可。.蘿蔔好多片，薄薄地一片片，夠淋無渣。.總結，湯底同醬汁出色，配料味道亦可；店員親善有禮，值得大家支持。…查看更多

 小編最鍾意食麵，食落肚暖笠笠，即刻會有種滿足嘅感覺，☺️所以成日都去食車仔麵，因為可以揀勁多餸！😂😂返工附近見到有間車仔麵檔—「饔車仔麵 」新開張，梗係要試下啦！😏 「饔車仔麵 」環境乾淨企理，店內係用畫紙仔落單，咁就唔怕有太多聚集係到等叫餸落單啦！ 麵底選擇都幾多，除咗一般嘅粗幼油麵、米粉、河粉、公仔麵、出前一丁，仲有淮山麵！醬汁選擇多，有腩汁、滷水汁、沙嗲醬，仲有秘製辣醬～📌可以揀多於一個醬汁架！😏正常車仔麵會有嘅餸都有，每款餸$8起，都算合理～除咗自選車仔麵之外，仲有套餐比選擇困難症嘅食客，咁就可以一次過試晒所有特色小食啦！😏我第一次黎，所以都叫咗個招牌饔麵套餐，有7個餸之多：自家製蝦條、柱侯牛腩、瑞士雞翼、咖哩魷魚、手工韭菜雲吞、沙嗲豬紅、時菜，仲包埋飲品，$65，好抵喎！如果套餐有唔想食嘅餸，都可以剔除佢！就好似我都走豬紅～😂小編揀左米粉，米粉份量都幾多，男人食，唔加底都夠飽！😏而且好欣賞佢自家製嘅沙嗲汁，唔辣嘅，但幾香幾惹味！🌟推薦❗自家製蝦條外皮炸得好香口，最重要係外層冇包多層炸粉，浸左湯都唔會浸腍晒，一pat野咁。👍🏻食落啖啖蝦肉，爽口彈牙，仲保持到蝦嘅鮮香！🌟推薦❗柱侯牛腩肥瘦比例啱啱好，肉質稔滑，不過味道偏甜，有種食極都唔夠喉嘅感覺，如果我下次嚟，值得散叫😂！🌟推薦❗手工韭菜雲吞真心皮薄餡靚！皮好滑，餡唔會包得太滿，份量啱啱好，韭菜鹹香，仲有原隻鮮蝦係裏面！☺️以上三款，係下次去必會叫嘅餸！其他餸就不過不失，瑞士雞翼瑞士汁味唔係太突出，咖哩魷魚就唔係幾入味，有種魷魚還魷魚，汁還汁嘅感覺，不過整體來說，絕對係可以食過返尋味嘅車仔麵。☺️👍🏻…查看更多

政府宣佈晚市堂食必須掃碼後，很多黃店都放棄晚市，寧可少做生意，都不願屈膝！這家只做車仔麵的小店就是其中之一，材料簡單但勝在便宜，一個皇牌車仔麵幾乎囊括所有東西，有整整７個餸！所以我就直接點了兩碗首先第一個麵底是准山麵＋＄４，加了秘製辣醬＋＄２准山麵帶點爽彈，秘製辣醬我很欣賞，辣中帶一點甜香，並非一味死辣，惹味得很，不錯！因為小店最近推出了兩款水餃，所以就分別給了我們一試首先是雞肉水餃，裡面加了一些雲耳，加上雞肉很爽彈，而且肉質不差，皮脆肉爽的味道，原來單點只是＄１２？非常抵！另一款是韮菜餃，同樣都是皮薄餡多，而且菜跟肉的比例不錯，以這價格來說非常出色！沙嗲醬則是偏甜不辣，河粉跟偏甜的湯很配餸方面自家制蝦條，用蝦膠打成的炸蝦膠，沒有多餘油益味，也不會有很重的味精，不錯雞翼 偏甜，飽滿夠香牛腩 肉夠多，細細的牛腩很好咬~其餘的配料如豬紅，雞腎未必是最出色，但份量絕對沒有欺場，＄６５一碗肯定是高ＣＰ！…查看更多

好耐無食過車仔麵了行行下見到有一間就行左入去見左個招牌饔麵$65材料多到瀉，每樣材料都起碼有兩舊（自家製蝦條、柱侯牛腩、沙嗲豬紅、仲有魷魚🦑）瑞士雞翼好入味😊而豬紅都好有口感，食落有淡淡沙嗲味。而加上腩汁湯底清甜好味，邊食邊飲湯，Yummy 😋而套餐仲會有野飲附送（送豆漿/罐裝汽水/薑水/紅棗水）仲有自家製既菜脯，又辣又爽口🥺🥺😍😍😍，個人真心好喜歡，極力推薦👍🏻👍🏻👍🏻中意食既朋友你地就有口福。…查看更多