餃掂手工餃子雲吞專門店

營業中

休息中

約埋鄰居一齊落嚟食，可以話係中環街坊最愛😋😋食素者必點🥬🥗野生松茸素餃(7隻）$52香港好小地方食到松茸餃子😍啖啖野生松茸另一款至愛🥰香煎軟心芝士餃(7只）$57滿滿芝士，加埋清甜爽脆粟米，超推薦真係一個人可以食十隻🤤🤤外邊煎到脆卜卜重慶鮮肉雲吞（中碗）$42滿滿小雲吞一啖一隻，配埋重慶湯底，皮薄餡靚揀咗小辣非常滋味😋蜜餞雞翼（三隻）$24雞肉嫩滑非常入味😋😋少少甜甜地蜜餞香麻辣松花皮蛋$25唔會太難好滋味

12點15已經開始排緊隊都係等左15-20分鐘左右就入得店員都快手 不過因為太多客 所以唔可以食太耐叫左3樣野食 都抵食 加埋野飲180hkd壽喜燒牛肉煎餃10隻 煎得脆 有肉汁 好味麻辣湯雲吞12隻 韮菜肉涵小雲吞 不過不失黃金皮蛋 正常味道 配辣油加醋好似湯餃多人叫d 下次試湯餃🤣

之前都食過，覺得真材實料，抵食，性價比高。1. 上湯松茸時蔬：這一道菜肴是秋天的精緻呈現，猶如一幅秋日的畫卷。在這道菜中，新鮮的時令蔬菜與松茸蘑菇相得益彰。高湯以其深厚的味道為基礎，使菜肴更加美味。每一口都是一次味蕾的享受，松茸蘑菇的香氣在口中綻放，蔬菜的爽口令人陶醉。2. 龍鳳蛋：每顆蛋都保持著溏心的質地，蛋黃柔軟而美味，蛋白部分則十分有彈性，吸收了豐富的調味汁。在盤底，黃瓜絲的清新脆爽與鹵蛋的鮮美口感相得益彰。整道菜肴既有著視覺上的吸引力，提升了口感上的層次感。3. 山楂雪梨水：這杯清新的山楂雪梨水是餃掂手工餃子雲吞專門店的一股清流。仿佛一股秋天的清風拂過味蕾，帶來了無限的舒爽感。山楂的微酸與雪梨的甜蜜恰到好處，它們之間的平衡讓人難以抗拒。雪梨塊清爽多汁，每一口都充滿了自然的甜美。4. 至尊松茸餃：這款至尊松茸餃子確實配得上“至尊”的美譽。一上桌，令人印象深刻的是餃子皮的薄如蟬翼，內餡包裹著大塊的松茸蘑菇，每一顆餃子都仿佛是貴族的珍寶。松茸的香氣在口中擴散，餃子皮的香甜與松茸的鮮美完美交融，讓人回味無窮。5. 元貝豬肉餃煎餃：煎餃外脆內嫩，層次感豐富，每一顆餃子都炸得金黃酥脆，一口

中環有好多間餃子店，但我特別喜愛呢一間，餃子隻隻都好大隻，用料十足，而且佢地嘅菜脯辣椒油，配合餃子一齊食好好味，而且麵條爽口，六隻大嘅韮菜餃麵都只係$55,都算好抵食👍🏻

成日都見到勁多人，今日路過，唔係繁忙時間，終於唔洗排隊🙌🏻龍鳳松茸雙煎餃外觀金黃酥脆嘅煎餃同松茸味好夾，餃子皮薄，豐富嘅松茸和豬肉餡料，每一口都散發著香氣，質感鮮嫩，好正！麻辣松花皮蛋一咬落去，即刻feel到麻辣嘅刺激，皮蛋質地滑嫩，入口凍冰冰。蜜餞雞翼大份一份有五隻，雞翼均勻地沾上蜜餞醬汁，好入味，口味香甜。四川涼麵可以揀選辣和走辣口味，我哋揀咗走辣，就配上麻醬，配料有青瓜絲和花生碎，麵條彈牙，入口涼爽，醬料濃郁而家有少少甜甜地，口感豐富，唔錯！之後我哋仲order咗一樽自家製酸蘿蔔，蘿蔔酸酸地又清爽，越食越開胃😝用玻璃樽裝住，食唔晒都可以帶走。

喺中環區來講，呢間性價比真係極高，餐廳主打食餃子，每日新鮮製造，粒粒飽滿，食完感覺滿足😊龍鳳松茸雙煎餃：龍鳳松茸，即係黑白松露，個人覺得白松露味道更加香濃，煎餃外皮酥脆，餃子兩面都煎得夠均勻，入口有鹹香，so yummy🥰粟米餃粟米和豬肉真係好好嘅配搭，餃子皮薄柔軟，粟米餡料豐富，豬肉味香濃，入口甜甜地，小朋友至愛！韭菜餃韭菜豬肉嘅餡料鮮嫩多汁，入口清新！上湯松茸時蔬賣相簡約，時蔬以松茸上湯為基底，湯汁甘甜，唔錯。

餃掂手工餃子雲吞專門店 地址: 中環威靈頓街55號地舖電話:=====================吃餃子方便有快捷，今日放工去左食餃子。呢間手工餃，出名多口味又沒有味精，很家常feel 🥟龍鳳松茸雙灼餃（8粒）（跟湯）$92招牌菜︰內有黑白松露嘅龍鳳松茸雙灼餃，真材實料👍🏻餃皮要薄，半透明見到中間的餡料韭菜豬肉湯餃（$58）叫一碗食湯餃平衡一下油膩感。呢度既湯餃，會配上一碗狀元九鼎湯︰由粉葛、鯽魚、鯪魚、鮮排骨，扁豆等等製成，用料十足，而且沒有味精，鮮味之餘，頗有家庭菜感覺，適合平日少飲湯水嘅城市人。麻辣松花皮蛋 $25流心皮蛋，微辣，十分開胃除了餃子，亦都叫了小食來品嚐。雞翼，蜜餞雞翼 $32 5隻蜜餞雞翼的蜜糖非常入味，補充蛋白質必選。

鍾意食水餃嘅朋友仔都一定係比較鍾意健康，而呢一間水餃店係冇味精，而且湯底都係養生粉葛湯，味道清甜，每次食完水餃都一定會飲埋啲湯！另外佢仲有湯麵、餃子、小食等等，下一次一定要試吓佢個餃子。今次食嘅水餃係白菜豬肉，之前都有食過佢嘅粟米豬肉水餃，兩款最校都係最平嘅款式， $45就有七隻，非常之抵食。🤗 個湯底其實好味道令我好想額外叫多一碗價值$20 ，不過都係眼闊肚窄，食完七隻水餃及清晒啲湯當午餐都幾飽，回味無窮。另外驚隔離枱嘅拍青瓜都好似好好食，下次一定要叫多啲朋友一齊試多啲唔同嘅菜式。🤭🤭🤭

呢則評論與食物質素無關，只評論服務文化我係呢間餐廳半常客，但多數叫網上外賣平台外賣，比較少機會到店堂食。今日難得到店光顧一次，係我自己唔好，埋單先發現我無帶銀包，得電話係身。長話短說，我請求店面可唔可以代我支付，我立即FPS或Payme還錢，兩個店面話無FPS，叫我”你自己去搵其他人幫“。當時餐廳並唔忙。我唔好意思打攪其他食客，但感激有一對夫婦，先生一句不說，就幫我畀左錢，甚至無提要我畀番錢。 再次多謝兩位伸出援手，提醒我香港有好多令我感恩既好。幾年前我試過去北京出差，吃完飯畀現金人地唔收，好幾次都係熱心既餐廳服務員主動幫我付錢，仲幫我唱散找番錢比我，同一次行程搭的士又試過，人地停低車幫我去路邊小店換錢。香港服務態度就係慣性拒絕人，唔得唔得...人有機會比較就會見到反差。呢種唔變通唔用腦既服務文化，我地幾時先會覺得有需要改變？你唔改，我改先，以後別過，我唔會再幫襯。

第一餃子店🥟餃掂手工餃子雲吞專門店（中環）好耐冇食過好食嘅餃子啦😋今次嚟到餃掂嘅中環分店，店舖細細但都坐得好舒服。佢有湯餃同埋煎餃，我兩款都試哂，覺得同樣都好食😍推薦各位餃子控去試吓‼️全日正價餐牌🍽️人均：$100🕰️時間：週末中午🥟壽喜燒牛肉餃（煎餃）（中碗）（7粒）$58壽喜燒牛肉煎餃係咁多款餃子，我覺得最入味😍煎餃同湯餃又不同風味，煎得香脆，正😄🥟龍鳳松茸雙灼餃（8粒）（跟湯）$92黑白松露嘅龍鳳松茸雙灼餃係餃掂嘅招牌，真材實料👍🏻佢同雙拼豬肉餃唔同，個狀元九鼎湯係分開上，十分體貼🥰🥟雙拼湯餃（大碗）（10粒）$60* 韭菜豬肉餃* 粟米豬肉餃雙拼湯餃好抵食，每樣唔5粒，咩都可以試吓。佢同樣係跟可以有去濕嘅功效嘅狀元九鼎湯👍🏻好健康，加上感覺上冇咩味精，粒粒人手包😋🥚麻辣松花皮蛋 $25麻辣皮蛋，就算食唔到辣嘅我覺得都OK。🥛豆漿(凍）$15豆漿唔會好甜，推薦配埋餃子一齊食，正呀！Bible rating: 9/10📍地址：餃掂手工餃子雲吞專門店 (中環)中環威靈頓街55號地舖#香港美食 #香港好去處 #美食推薦 #美食日記 #foodbible #hkfoodie #foodi

今日喺赤柱嗰邊遊完車河，男朋友話要食返上次同我食嘅好味餃子XD（佢唔記鋪頭名但我會get到佢講邊間）見餃掂喺中環都有就決定食埋再行一陣街！淨餃子味道夠，不過男朋友都會照點埋菜脯豆瓣醬落餃子！壽喜燒牛肉餃（湯$54七隻），一咬落去壽喜燒牛肉好嫩滑之餘，d牛肉汁必曬出黎勁juicy！元貝豬肉餃（湯$50七隻）元貝粒好夠，食落好滿足！跟嘅湯都係狀元九鼎湯，個湯仲keep住水準，冇落味精好清甜！野生松茸素餃（煎$58七隻）松茸味道香濃唔膩！香煎軟心芝士餃（煎$57七隻）內有香口軟滑嘅芝士！飲品方面天氣太熱我飲薏米水（$28支），男朋友就飲可樂（$10）！時不時食餃掂，都係keep住高水準好難得！

[ 餃掂手工餃子雲吞專門 ]平時食飯時間大排長龍嘅餃子店， 今次襯下午茶時間過黎試試先😋。✿ 壽喜燒牛肉湯餃 (跟狀元九鼎湯) 7只 $54餃子皮入面滿滿壽喜燒湯汁，每咬一口都充滿湯汁味道，好推介大家要試。✿ 香煎松茸素餃 7只 $58香煎松茸素餃味道香濃，健康美味，好適合素食者和喜歡食菜的人🥬。✿ 香煎軟心芝士餃 10只 $68香煎軟心芝士餃🧀外皮香脆，內裡軟綿，加上芝士香味，記得要襯熱食！✿ 四川涼皮 $32涼皮口感柔軟，味道清爽，好適合夏天食🌶️🌶️。✿ 上湯松茸菜芯🥬🥬 $32養身之選，上湯味道唔會太鹹，菜芯都清甜。✿ 豆漿 $15豆漿味道正常，不會太甜。總結🫦鍾意食餃子嘅好推薦要試一試，餃子全人手製作，店舖有個特制既菜脯醬必試，辣辣地好惹味。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿餃掂手工餃子雲吞專門店地址：中環威靈頓街55號地下電話：28732280✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

第N 次食，其中一間鐘意既手工餃子店😍依家冇左酸蘿蔔食啦店內有好靚既油畫裝飾👍❇️日本龍鳳蛋（配黑白松露醬）🌀係最愛既流心蛋，正呀❤️蛋白細軟幼滑，蛋黃有黏性，配上黑白松露醬，口感層次提升，仲有幾條爽脆既青瓜絲，非常美味👍❇️雙拼湯餃（韭菜豬肉+椰菜雲耳豬肉)🌀餃子餡料非常充足，椰菜雲耳豬肉餃好清甜，但雲耳量略少左D... 韭菜豬肉餃 韭菜味道濃，口感唔會好結實👍湯底係狀元九鼎湯（材料：鯽魚、鯪魚、赤小豆、粉葛等等），今日飲感覺冇以前甘鮮甜，質素好似下降左🤔

-成日經過中環都見到呢間餃子鋪，今日終於一試！龍鳳松茸雙煎餃黎呢度就係比松茸餃吸引～一上枱就聞到淡淡嘅松茸味，餃子皮唔算薄但都可接受～龍鳳松茸餃子分為黑松露同白松露各兩款～個人認為兩者分別唔大，不過黑松露香味比較濃烈，但唔會好驚艷🙈但配湯嘅狀元九鼎湯所以推薦一試！！係由粉葛、旗德活鯪魚、香山活鯽魚、紅蘿蔔、扁豆、赤小豆、新會陳皮、蜜棗同鮮排骨等煲成嘅～可以提升免疫力、溫腎益氣、滋潤腸道同養顏保健嘅功效添向，飲落就好養生嘅味道🤣粉葛香好出，飲落唔似加咗味精，可以一試香煎軟心芝士餃餃子煎得好香脆，可能因為皮唔薄，同湯餃比煎餃皮更加好食！芝士味都幾濃，夾埋豬肉食都幾好食蜜餞雞翼甜甜地好入味，肉都幾嫩，唔錯Overall係一間唔錯嘅小店，不過價錢上比較貴同唔算好出色，反而係湯值得一試

因為想食餃子，所以我哋去咗一間連鎖手工餃子專門店位於中環嘅分店。平日我哋都經常去呢間餃子連鎖店嘅灣仔分店食晏。中環分店唔算大，但裝潢比灣仔分店的設計有心思，牆上掛上幾幅和餃子相關的油畫 #吃餃子過上好日子 我哋點咗🔸龍鳳松茸雙煎餃（8隻$98）🔸韭菜豬肉湯餃（$58）🔸麻辣松花皮蛋🔸蜜餞雞翼（5隻$32）❤️龍鳳松茸雙煎餃叫「龍鳳」煎餃，皆因餃子內有黑松露和白松露。餃子即叫即煎，餃子皮煎到金黃色，非常香口。餡料啖啖肉🤩，加上松茸香味，一隻接一隻食唔停口👅。♥️韭菜豬肉湯餃（$58）除了吃煎餃，當然亦都要食湯餃平衡一下油膩感。我哋好喜歡飲狀元九鼎湯，此湯用料十足，包括粉葛、鯽魚、鯪魚、鮮排骨，扁豆等等製成，無味精好鮮味，養顏保健，如果唔夠湯水嘅朋友值得點個湯餃順道補補湯水。♥️麻辣松花皮蛋喜歡吃辣的我每次也會點這道皮蛋，真的非常惹味。♥️蜜餞雞翼蜜餞雞翼的蜜糖非常入味，又是一道必吃美食。餃掂手工餃子雲吞專門店 (中環)中環威靈頓街55號地下