影片
營業時間
今日營業
11:00 - 21:30
星期一至日
11:00 - 21:30
以上資料只供參考, 請與餐廳確認詳情
有關餐廳
相關文章
鍾意食餃子嘅餃控們可能都食過呢間餃子店，佢哋越開越多分店，近排發現屋企附近都就嚟開😍 今次去咗中環店，試咗兩款餃子，仲有雲吞，餃子大大隻，好有滿足感！🔸至尊松茸豬肉餃 $80（8隻）呢度嘅招牌餃，必叫！雖然比其他款式餃子貴，但用料靚同好足料，都值呢個價！松茸餃湯餃跟咗一碗狀元九鼎湯，餃子係灼熟，湯另上，所以餃子皮仍然保留到個煙韌度，唔會腍晒！豬肉餡好多，食到啖啖松茸味，感覺好健康又夠飽！點埋松茸醬一齊食更加滋味！個湯感覺比另一間分店淡啲，濃啲更好飲～🔸香煎軟心芝士餃 $58 （7隻）呢度嘅芝士煎餃都好好味！食到好多芝士🧀，入面仲有粟米增加口感！餃子皮煎得香脆，又唔算好油膩👍🏻🔸重慶鮮肉雲吞 $44 （12隻）揀咗小辣，雲吞係細細隻，餡有豬肉同木耳，加埋辣辣地嘅湯一齊食，幾惹味！🔸上湯松茸時蔬 $35食得健康啲叫咗個菜，菜心大大條，幾鮮甜～ 🔸蜂蜜檸檬薏米水 $28/支足料好飲，微甜，加咗檸檬幾開胃～
繼續閱讀
【中西區】【餃掂手工餃子專門店】講到香港夜繽紛，其中一個指標就係蘭桂坊，我同真正哥去到呢頭，發現都幾熱鬧，喺威靈頓街搵嘢食都唔容易。我哋最後去咗呢間喺扶手電梯嗰邊嘅餃子店，好似都有人介紹過，我哋都試吓。以黑白松露合製而成嘅龍鳳松茸餃係佢哋招牌菜，好似好吸引。首先試 $92 嘅八隻「龍鳳松茸雙湯餃」，佢配個「狀元九鼎湯」，松露味香而不濃，個湯都係，好啱我呢啲食得冇咁濃味嘅人。跟住試 $58 七隻嘅「壽喜燒牛肉餃」，好香好有味，但係又唔會食到膩嗰隻，好神奇。佢嘅餃子都係有個特色，就係唔會好濃味。試埋 $68 十隻煎「元貝豬肉餃」，乾瑤柱、芹菜、金針菇、豬肉製成嘅餡，口感好豐盈，好食。嘢飲我試 $20 嘅「自家製山楂雪梨水」，有山楂片、雪梨、甘草、冰糖、麥芽喺裡面，清潤解渴。真正哥就飲 $10 嘅「可口可樂」，夾埋 $248，係絕對唔貴。。。（地址：中環威靈頓街55號地舖）@nomnomdumpling#1amfoodie #foodie #hkfoodie #thatfoodiething #food #instafood #globaleats #dessert #foodpics #followforfollowback #love #eat #1am中西區 #中環 #香港 #餃掂手工餃子雲吞專門店 #nomnomdumpling #餃掂手工餃子專門店 #餃掂 #手工餃子 #餃子店 #龍鳳松茸雙湯餃 #狀元九鼎湯 #壽喜燒牛肉餃 #元貝豬肉餃 #自家製山楂雪梨水 #可口可樂 #龍鳳松茸餃 #1am1342 #1ambackup
繼續閱讀
中環嘅美食林立喺唔同嘅大街小巷，每次行過都走馬看花，今晚同朋友睇完展覽嚟到一間人氣嘅餃子店📍 餃掂手工餃子雲吞專門店 (中環)中環威靈頓街55號地舖裏面有卡位同埋長枱，大班小班人食都冇問題，不過如果係繁忙時間都有機會要搭枱🔻1. 至尊松茸餃（大碗）煎餃🌛呢個係佢哋嘅招牌菜！皮薄餡料多！！除咗跟佢哋嘅醬料之外，松茸餃都會跟一碗九鼎湯。首先餃皮薄脆，有煙靭口感。至於餡料，真係食到松茸碎，有菌類嘅香味再加埋原粒豬肉。必嗌！🔻2. 四川涼皮（小辣）✨小辣嘅辣度適中，尤其係而家呢個天氣食嘅話簡直係一番享受，加上花生同埋青瓜絲都做得唔錯🔻3. 四川涼麵✨麻醬同兩面分開上，可以自由調配，麵質彈牙🔻4. 自家制山楂雪梨水（支裝）✨兩支飲品都係佢哋自家製，雖然有少少偏甜，但係都好濃味滋潤🔻5. 薏米水（支裝）✨裏面嘅薏米好多☺️🔻
繼續閱讀
我一直都好鍾意食餃子，所以今晚嚟咗中環一間新開嘅餃子店：餃掂手工餃子雲吞專門店叫咗三款餃子：至尊松茸煎餃、軟心芝士煎餃、韭菜豬肉湯餃子，同埋黃金皮蛋，而飲品就叫咗一杯凍嘅蜂蜜檸檬薏米雖然鍾意食煎炸嘢，不過為咗健康着想，都要嗌返一個湯餃子，呢度嘅韭菜豬肉湯餃菜多肉少，食落好清新好健康；至於至尊松茸餃子雖然係素餃子，不過味道好突出，好特別；至於軟心芝士餃子入面有流心芝士、粟米、豬肉，三隻加埋一齊好夾，濃郁嘅芝士味甜甜嘅粟米同豬肉嘅鮮味，非常出色，至於黃金皮蛋少少辣，好惹味；最後再配上一杯蜂蜜檸檬薏米，解渴之餘又健康呢間舖頭開啟繁華嘅中環，食物份量慷慨，而且質素甚高，性價比都好高，值得推薦#餃掂手工餃子雲吞專門店
繼續閱讀
今日同朋友去中環行街睇戲，到食晚飯時間，係英皇戲院附近條街見到有間食水餃店舖，門口餐牌上嘅水餃賣相好吸引，我朋友話這間店舖有好幾間分店的，亦有好味道好食嘅水餃雲吞，咁我哋就入去食。這間店舖叫餃掂手工餃子雲吞專門店，位於中環威靈頓街55號地舖，港鐵香港站D出口，行幾分鐘就到，非常方便。店舖內裝修得好新淨，地方光猛整潔，枱凳擺設整齊，坐得令人舒服，店員服務態度好，來這裏食真不錯。這間水餃店舖主打手工餃子，為了保存餃子最佳嘅鮮味，所有餃子都係即日包製，先可以保持餃子皮的彈性、肉汁的飽滿和餡料的口感，而材料每天到新界農場購買新鮮本地蔬果，亦採用野生松茸，讓客人品嚐高營養價值健康美味嘅食物。店舖餐牌上餃子食物選擇亦不少，有鎮店極品山珍之皇、中西合璧之選、手工雲吞及麵食、前菜小食及飲品，餃子嘅做法有湯餃子、煎餃子、灼餃子，仲有如果你係素食者，有素食嘅餃子，真係方便大家，亦有芝士餃子、蝦肉餃子、牛肉餃子、豬肉餃子，而豬肉餃子配搭種類最多，有松茸、韭菜、粟米、芫茜、元貝，真係樣樣睇落都好想食。我哋就叫咗手工餃子嘅至尊松茸豬肉湯餃子及雲耳椰菜豬肉煎餃子，亦叫咗手工雲吞及麵食嘅雲吞湯麵，而前菜小食就叫咗蜜餞雞翼，飲品就點咗山楂雪梨水同豆漿。前菜小食最快上枱，蜜餞雞翼有5隻，份量都不少，雞翼醃得好入味，仲好有果譜蜜糖嘅味道，雞翼肉質嫩滑，入口香甜，味道一流，食到令人開胃。至尊松茸豬肉湯餃子就有8隻，仲有一碗狀元九鼎湯及一小碟醬料點餃子，狀元九鼎湯湯味好清新，唔感覺到有味精，原來湯嘅材料有粉葛、順德活鯪魚、香山活鯽魚、紅蘿蔔、偏豆、赤小豆、新會陳皮、蜜棗、鮮排骨，飲後嘅功效有提升免疫力、溫腎益氣、潤滑腸道、養顏保健，真係唔錯嘅湯，將松茸豬肉餃子放落湯一齊食非常配合，餃子皮薄餡足，豬肉餡料鮮嫩多汁，松茸好有菇菌香味，點埋醬料仲好食，個醬料只有小小辣，亦有黑松露味。雲耳椰菜豬肉煎餃子有7隻，每一隻外層餃皮煎得金黃脆口，而且每一隻餃子都有焦邊，一口咬落非常香脆可口，豬肉餡料亦鮮嫩多汁，雲耳椰菜好爽口，真係好好食。雲吞湯麵有12粒小雲吞，而餡料同樣豐富，皮薄口感鮮嫩，而麵食落好似上海麵，唔硬唔軟，連埋啲清湯、香蔥、芫荽，真令人食得好有口感，飲品山楂雪梨水比較清新滋潤，飲得出係用新鮮雪梨同山楂做成嘅配合味道，而豆漿都好有豆漿香味，又唔係好甜，係清甜好飲，食完餃子雲吞飲佢哋就好正。餃掂手工餃子雲吞專門店好值得推薦比大家，令人食得好滋味，又好抵食，價錢又唔貴，仲冇加一，而且食材質素非常好，我哋下次都會再來食其他種類嘅餃子。
繼續閱讀