更多
2025-08-05
0 瀏覽
見呢間舖新開,出面有幾個人等外賣,應該唔會伏卦,就入去試試每人叫左碗餃子麵,另外加雞絲粉皮同湯湯餃叫左白菜拼素菜,都幾多餡,白菜幾好食,素菜個味道幾好,不過一咬就散晒,跌晒落碗麵度老公係韭菜迷,叫左韭菜煎餃,都幾香口,佢話好食過好多舖頭,免費菜脯都幾辣下,我食少少就頂唔順雞絲粉皮普通,不過不失湯好飲,啲料溶晒係入面,又唔咸,飲完無口乾平時係屋企食開,出街最驚啲野食太咸有味精,呢間野食同湯都唔太咸,岩我地口味,上網睇其他分店都係屯門,最後買盒韭菜生餃返去,希望遲啲我果區都有
張貼