餃子園 (已結業)

呢間野真係夠清淡, 白菜豬肉餃子食落去好似食齋餃一樣的感覺.其他的好似雞肉, 炒野都一般水準不過不失. 豆漿都係不過不失.如果真係標榜住北京清淡的餃子, 起碼準備多一點種類的點醬吧.

日期：2008年7月1日晚上7點幾，有些少肚餓，食下麵咁喇，見哩間開左一段時間，入去試下喇！１．芝麻醬冷麵HK$31：ｄ麵真係好麻麻，唔識去形容．２．雞絲湯麵HK$26：雞絲咩？雞件啊，ok．３．豆漿HK$6：甜度適中．

繼續天后lunch之旅....今次的餃子園其實已在中環及上環的分店試過多次, 而天后的分店卻是第一次. 雖然覺得水準比最初是差了, 但實在愛吃餃子, 很多時沒頭緒吃甚麼時都去了餃子園.我地叫左糖醋骨湯麵, 八寶炸醬冷麵同埋一客翠肉瓜餃. 我覺得最好食係個炸醬冷麵, 甜甜辣辣, 炸醬有不少冬菇粒, 豆乾粒, 肉粒等等, 有咬口!! 冷麵又不會煮得過腍, 加上大量芽菜絲及青瓜絲, 拌勻一起吃, 好開胃美味!! 其次個糖醋骨都ok, 細細粒, 又夠味, 配湯麵食唔錯!! 原本我地玩"隨手亂篤"去揀餃子, 結果係西洋菜餃.... 但我地有默契地一齊轉軚揀左翠肉瓜餃, 哈哈哈~~~ 但味道就唔夠前兩款咁好, 不過我地都愛食餃子, 也清了碟!! 我覺得這店水準比另外兩店都好, 還多一份人情味. 是緣一位估計是老闆的男人很落力的招呼, 又說"我們這裏的豆漿是自家磨的, 試試吧... 價錢很抵的, 我們這裏沒有加價, 若果不是, 該全線一起加價吧...." 雖然說話的句子有點上下不接, 但一看餐牌, 的確發現這裏價錢不變 (還記得上兩個月在上環店已發現餐牌改了!!) 若我是在附近工

爬了兩格，有點累，要找個地方坐坐，吃點涼菜，見老闆在包著餃子，又走入來打打牙交。想吃甜，又想吃涼菜，遂叫了貢菜及豆沙鍋餅。同老闆傾了兩句，談起包餃，他人性子也真率直，拿出批發商的餅皮與自己手搓的餅皮一比，笑言每天也有這類sales走來遊說，但包了幾十年，客人已吃慣他的手勢，自然沒打算改變方向，又繼續他的workshop幹活去。說回貢菜，聽說徐州特產，比起馬蘭頭、齊菜等野菜，它明顯地無甚個性，要靠麻醬題味，這裡麻醬下了黃豆粉，帶著微微麻香，配起爽脆的貢菜也不錯，夏天吃更見清爽。忘記看看廚部，後悔叫了炸的豆沙鍋餅，厚重餅皮包著微量豆沙，得個油同甜，吃了兩塊已放棄了。再來，會試試新推出的「新餃作」。

同男朋友聽過收音機介紹後去試試....我地叫左:1/鮮肉翠肉瓜餃併鮮肉韮菜餃(雙併加$1＝$29)-不外如事,無湯伴上的,我個人認𤔡無咁好2/醉雞翼$183/五味蘸魚$25-冷盤?係的話我都覺得應該唔係就咁0係雪櫃拎出黎掛?!我唔識正忠係點,不過第一感覺真係好似食雪櫃拎出黎既餸......4/雞絲粉皮$25-可以la5/鮮肉白菜餃面$2X-D面唔好食.......就咁埋單就要$127真係覺得唔抵...因爲D野真係算差lor......*同場仲有個女人接2連3投訴個飯唔熱,好似食隔夜飯...

去完中央圖書館讀書, 行回家途中有點肚餓, 路過這裡, 見未吃過, 店內也有幾個人, 好歹一試。叫得餃子園當然要吃餃啦, 問阿姐說一碟 10 隻, 多心的我多口問可否雙併, 阿姐話得, 不過加 $1, 無問題。於是我就要了一半京蔥羊肉餃 (原價 $31) + 一半鮮肉西洋菜餃 (原價 $28)， 雙併計較貴那款。餃子不出三數分鐘便送上, 看樣子還算 OK, 咬落餃皮不算厚但是硬, 怕且都是放了好一陣子, 甚至雪過才煮的。京蔥羊肉餃的羊肉餡夠羶香, 尚算對辦, 鮮肉西洋菜餃裡的西洋菜可能是未當造, 有點點苦澀味, 反而令食味幾得意。可能我真係幾餓, 又食得哂喎。見隔離兩枱的食客都吃麵, 可能麵會好一點吧。平日午飯時間都不少學生來吃的, 之不過食味一般又不是特別便宜, 行過食下就好, 特地來就不必了。

Simply wanted to try some dumplings tonight with my girlfriend. After having a seat, the lady there was reluctant to take orders. Tables and floor were wet, didn't feel very comfy at all with the environments already. Anyway, didn't expect much from a small bistro as long as the foods were up to standard. Then it came to the worst when we got our foods. We ordered sweet and sour soup, shredded chicken and cabbage and pork dumplings. The soup tasted as plain as water, completely different from wh

下午行過，諗住一試冇妨，入到店內叫咗醉轉彎同酸辣湯麵。醉轉彎係三隻雞中翼，己經唔算係轉彎，食落味道完全唔掂：只不過係鹽水淥雞亦再淋d酒。個酸辣湯麵，麵身唔算特出，自己係屋企淥都係咁水準，個酸辣湯嘅味道好一般。兩樣嘢要43蚊，睇怕冇下次；但最離譜係食完之後竟然好喉涸，應該係重味精後遺症。

估唔到呢度一個笑臉都無，但就有咁多個喊臉。食左糖水，雖然飽飽地，不過見到餃子加上天氣都仲咁凍，我呢個餃子狂當然唔放過。我倆要了酸辣湯($10)同白菜豬肉餃($28)。酸辣湯來到既時候我O 左咀，估唔到個碗係平時酒樓載白飯既size，每人分得3.4湯匙。料算多，不過多數係冬菇，木耳、筍絲同豬紅就唔多覺有。至於白菜豬肉餃就真的頗失望，不是難食，也不算好味，是很一般的味道。但作為以餃子為招牌菜既，這間店實在是不及格。

去完維園逛年宵花市後走到天后附近吃東西見這家舖頭新開張又說自己最拿手的是餃子就進去試一試叫了一碗糖醋骨菜飯端上來實在不敢相信你的眼睛好像給狗吃的食物幾塊小小的爛肉還有那黏成一團爛飯這樣東西也敢拿出來賣!還有一碗餃子麵先是份量超小碗還有那餃子內餡真的是不知所謂全部用攪拌機絞到霉霉爛爛吃到嘴裡完全沒有口感不知道是包什麼垃圾在裡面噁心到了極點!只能說差~差~差~

好簡單,打正招牌賣餃子,結果d餃子唔得,咁不如執左佢.本人是餃子狂,返大陸會勁食,斷斤咁食,見到屋企附近開間餃子店, 本來好興奮,吃過先知,餃子原來可以咁難食.仲有d湯麵,個湯唔知用乜煲出來o既,完全無味,好似白開水咁淡,難食.酸辣湯仲差,好難想像一間由北方人開o既舖頭可以煮成咁.吃了第一次, 覺唔掂,唔信邪再吃一次, 知道無冤枉好人, 無下次.

本人同老婆食完晚飯覺得唔係好飽﹐行行o下見到呢度有間餃子店﹐所以入來叫碗餃子食。叫左西洋菜水餃﹐等左十五分鐘左右就有得食。本人一啖就食左半隻﹐老婆就咬開來“裝裝”裡面d料﹐點知發現裡面d豬肉餡仲係鮮紅色既﹗唔怪知得我口內咬緊果啖有d滑"san san"﹐之後吐都吐唔切。叫佢地換過成碗比我地。第二碗來時﹐d餡裡面仲有好多肥豬肉。衛生亦好差﹐個男既(應該係老闆)兼收錢﹐“猜”麵粉同包餃子。呢頭包包下﹐一有人叫埋單就手都唔洗就去收錢。之後又手都唔洗去"猜"麵粉同包餃子。我的天啊﹗佢地知唔知乜野叫做衛生o架。d餃已經唔乾淨﹐仲要生豬肉﹐都唔知洗唔洗去道蟲。

以前在中環食過幾次，覺得好唔錯，見屋企附近開左，鬼咁開心，諗住可以煮少餐飯。尋晚同老公去試下，全場滿座。我地叫左西洋菜餃麵、翠玉餃、西蘭花、中芹豆干、豆漿&山渣汁。結果好失望：西洋菜餃OK，翠玉餃好似唔多熟，d肉紅紅地，仲騷騷地，西蘭花得幾舊，仲黃黃地，半熱半冷，但就收$15，中芹豆干，我肯定係西芹!而豆干就只有兩小片，杯豆漿就OK，山渣汁就普通啦。食野時仲有野睇：因為d單亂左，伙計同廚房鬧交，黑口黑面(其實我張單都有錯，叫剩餃變有麵，不過佢地咁亂，我都算!)另外，有個客人見門口貼住有豆沙窩餅，就想買外賣。阿姐黑住面答：無得賣。客人再出門口看看，入來話：你地貼住有!阿姐鬧：賣哂咪無lor，你見幾多人啦，點做得切!當時呀老闆(我估係老闆，因為以前在中環見開佢收錢)見住都唔理。我旁邊有對客人滿懷希望來，叫了好多食物，先來一碗酸辣湯，客人吃了一口，就同個friend話好唔得!老闆呀老闆，我好高興你開多間分店，不過請注意你員工的態度同食物質素，天后區好多正野食，你又唔係平好多，人客唔一定要再幫襯!