餃子園

營業中

休息中

鄙人一直觉得一家餐厅好不好，一半取决于他的食物，另一半取决于他的服务和一些人情味的事情不大的店铺里，老板伙计忙里忙外不亦乐乎。老板金先生是黑龙江人，有着东北人的热情豪爽和做生意的接地气。老板人心肠好，对每个顾客都非常照顾，虽然午餐时间生意紧张，但都不会让人感到怠慢或被冷落。作为一个离家在外的人，在这种环境食一餐不仅是对肠胃，也是对精神的犒劳 （这里不得不说店里伙计就没有老板那么好了。。）说到食物，饺子面这一系列并不推荐。5支睡觉加上半碗清汤秒，饺子皮略厚外加面条圆粗没有嚼劲，没有任何增色的地方。倒是旁桌点的煎饺令人眼前一亮。70元10支价格其实也不算便宜。尽管食物并没有得到我很好的评价，但金老板的热情好客足以弥补这一切的遗憾！给老板五星好评！祝生意兴隆！

第一次寫評語，估唔到係寫唔好嘢。幫襯餃子園好多年，這次去真的不愉快。坐低叫了餃子，等緊食物期間，店內老闆跟一個疑似老闆仔同員工嘈交，好大聲。諗住嘈一陣冇事，食物嚟到就開始食野。唔夠5分鐘，疑似老闆仔突然發爛好大聲用粗言穢語再鬧員工。我頂唔順跟另外一位置身事外的員工說太嘈了，想將食物拿走。老闆行出嚟收錢，大聲話我咁麻煩，仲話老板鬧員工唔得嘅咩。我只是想食餃子，人事嘅嘢可唔可以唔好喺食客面前嘈？當時都有幾個客，大家睇到眼突突。仲要俾佢鬧我麻煩，講真我係有禮貌話想打包攞走，亦有俾錢。費時同呢啲人嘈，俾完錢急急腳走人。雖然客人不是永遠是對的，但咁嘅環境好難繼續係裡面食，仲要無辜比人鬧。永遠唔再幫襯中環餃子園

大前年經常自己一個人去食，覺得唔差。不過，當時都唔覺得味道特別好，而且服務態度一般。服務員之間經常嗌交，落單又落錯。見咁耐無去，再重回食。味道大不如前，態度亦依然，繼續落錯單。上晒D餃子，後上o既上海粗炒完全唔係之前咁樣，賣相唔得。味道亦係我屋企自己煮一定好食過佢。鈍一碟淥過o既鳥冬，加重麻酒炒起。只係得個油字。食完頭兩淡已經覺得個肚有D痛。直到今日依然肚痛。個白菜餃肉味更加有陣怪味。再見了餃子園！

Very and extremely disappointing. Noodle are too soft, overcooked and all melt into the soup. Lamb dumplings are disgusting. Very oily! Can’t eat much. Food portion is too small and overpriced. Doesn’t worth at all. Never again. You will be regretted.

大年初一。新正頭。意頭好重要！本來諗住出中環食餐好嘅中菜，點不知老舖嘅酒樓唔開，初四先啟示。中式fusion 一d嘅餐廳又full booking。橫掂都出咗嚟中環，就隨便行一行，睇下有乜嘢食肆開咗😅喺中環長扶手電梯上向下搜索，發現有一間中式餃子店有開門🍀「餃子園」初一都係食返中式野好，所以就即刻入去啦！由於諗住意頭好，所以就點了煎餃子🥟：喻意煎餃煎餃。餃子碌碌💰咁銀滿屋🤩哈哈！不過年初一係邊度食嘢都好貴！慎入慎入！

中正食飯時間 餃子園十級亂 漏咗我的單 我問有冇漏單 佢話一定冇 我身邊所有人已經有得食 先知原來真係漏單 所有夥計都好嘈底 店內負能量值高 好後悔今天來了這裡中正趕時間千萬不要來

同同事去餃子園食餃子。雖然隔離排晒長龍，但餃子園都係同平時一樣，入到去即刻有位。👍坐低叫左個蕃茄雞蛋餃轉酸辣湯底，黎左個白菜餃。算啦，😌白菜餃都好食，就照食啦。首先講下個環境先。其實同普通麵店一樣，比較迫。餐具有少少唔乾淨。原本每人比左一隻碗，我地無用到隻碗啦，但佢之後居然無問我地，就咁攞左隻碗去其他枱。真係有啲啼笑皆非，佢究竟有幾唔夠碗用？😂😂落左單無耐就上菜啦。👍酸辣湯底好正😋，好足料，少少辣，我呢啲食唔到辣嘅人都可以食到，👍鍾意食辣嘅人可能就要失望啦。😌餃子都有好多，💕多到食到中間我已經唔記得要數。餃子餡都好足料，咬落啖啖肉，白菜切得細細，食落爽口，同平時食開淋身嘅白菜感覺好唔同。淨係食餃同飲湯都夠飽。👍雖然足料又好食，但鑑於價錢較貴同環境、服務普通，所以我都係比中評嘅🙈。有機會會再黎食。

《不負責任食評—餃子園》中環食野都比較貴無乜錢個陣 食粉麵餃子算係比較平既選擇————————<京蔥羊肉餃> $58餃子皮係東北風味個種 比較厚羊肉唔會太羶 配埋蔥食好香口不過咸左少少💛💛💛❣️<西洋菜餃> $55感覺鮮甜同清新羊肉餃屬於比較重口味但呢款就會輕盈啲💛💛💛💛————————其實仲叫左個雞絲粉皮 唔記得影🐒千祈唔好叫 唔好食個汁稀到水咁 然後加左少少辣油落去唔知做乜咁又無麻醬香 又無辣椒香 仲唔夠鹽同埋唔係粉皮 係粗個隻扁薯粉雞肉又大舊舊 完全唔係絲黎心諗咩鬼野黎🤦🏼‍♀️仲索價$52黎呢度都係食餃子算🐒

來到中環，諗住簡單搵間餐廳食野就算，抬頭一望餃子園，就樣間吧!入到去，餃子種類都有幾多選擇，而且見到餃子是即包即煮。有對外國人仲要encore 北葱羊肉餃，但因為我怕羊的羶味，所以沒有試。我們叫了波菜餃子麵/芹菜餃子麵/麻醬伴貢菜，餃子的餡料份量適中，不會多肉少菜，又不會少肉多菜，不會覺得好油膩。但芹菜稍為老了點。而且麻醬伴貢菜，這個配搭總覺不太夾。

Taste: The dumplings filling was salty and covered in soysauce - probably to cover the poor quality ingredients. The filling was very little. The dumpling dough was low quality so so. Frozen dumplings are a lot better and cheaper. The vegetables was not the freshest and they covered it in a lot of oyster sauce which was requested without. Service: Poor, the owner:waitress was rude, noisy and quite hygienic by the looks of it. Environment: Worst Value: Extremely expensive for the low quality ingr

係中環度過期假而且住係威靈頓呢邊，要出動覓食了。上午時間，行左成圈，見有餃子食，又有咁多介紹的報章，又撞正佢剛剛開門，所以就膽粗粗入左去有啲唔同的雞絲粉皮，粉皮好薄，個汁就酸酸地 我中意 我家人很不喜歡 最後被我食光 因為落左醋吧 所以味道酸酸的，其實都開胃啦叫炸餃子要加錢的，不過都有10粒，脆脆的，又細粒，咬左一啖啲肉汁會漏出來 如果多啲會抵食啲 不過係呢區 呢個價算好實惠隔離店係日本人遊客拎書黎嘅，兩人都叫左蒸餃子 食得津津有味叫左個湯麵，蠢左 唔應該叫雞絲湯麵，可是叫左先知，雞絲湯麵個湯底好淡，麵條口感還好 唔太林身 不過雞絲需要加強一下，比雞絲粉皮的更差 完全冇食到的。青瓜絲同成個麵好不搭，感覺係畫蛇添足了

其實已經是第二之來吃，第一次吃羊肉餃很腥，所以今次嘗試一些比較安份的翠玉瓜豬肉餃麵，平平淡淡無咩味道。餃子嘅皮厚，餡又之無咩特別，又一次失望。找數時發現一人多收十幾蚊，想問下點解個男店主態度超級差，未開始問佢已經多八度勁大聲甘鬧我。原來佢一杯豆漿收十一蚊，但店員落單時講到包飲品甘順便落埋單，亦都無提過額外加錢。不過算啦，但當我同朋友未開始問個男店主態度超差都真係不禁懷疑佢銷售手法有問題。其實係用餐時候已聽到店員同客好大聲嘈交，服務態度十分有問題。

所有野既portion都好細 糖醋排骨飯啲排骨十分乾 唔知自己食緊啲乜野 咖哩炸豬扒飯d炸豬薄過張紙 乾得好緊要 菜飯都並非菜飯 唔係用白菜 豆沙鍋餅都好唔好食 個皮好厚 餃子都算可以 但個皮都係希少少奇怪 山楂茶都好飲既 食物質素差 同埋如果你真係想食偏上海式既食物 lee到完全提供唔到 因為咖哩炸豬扒飯已經唔知係咩 好好地一個排骨菜飯都無 價錢同食物質素完全唔成正比 lee個價錢我會話去吉野家食兩碗牛飯都仲鋸d 但老闆都幾好人既呢個

本身我係一個好鍾意食餃子嘅人，今日去中環就入咗去呢間餃子店。服務超差，對住外國遊客就勁好禮貌，對住香港人啲態度就勁差，又成日黑口黑面！無下次！叫左一個糖醋排骨菜飯，啲糖醋汁都還可以，但啲排骨真係好鞋口又硬。咁入到黎佢店舖梗係食佢主打嘅餃子，跟著就叫咗個韭菜豬肉餃，啲餡嘅味道還可以，不過有啲偏鹹，但餃子嘅皮就真係差咗啲，又皮厚，又好爛咁。總體來講: 無下次！服務態度差👉🏻黑口黑面又串食物質素又差價錢中環來講正常

下午食過tea，晚餐想食簡單d。返到威靈頓街附近，抬頭見到餃子園。嗯，一於就食餃子啦!來得餃子園就梗係食餃子啦～ 今次嗌咗一煎一水餃，一雞絲粉皮同一凍豆漿。可能嗰鐘數開始忙，侍應落單嘅速度同食物上菜速度都不是很快，但勝在一碟接一碟，唔會擺到一台都係又攤凍曬。中間有d小插曲出現，我哋嗌嘅10隻鮮肉脆肉瓜餃子，入面有三隻混入咗其他餃子，好彩都唔係d我哋唔食嘅羊肉之類～變相試咗其他口味。我哋將lee嗰情況同侍應反映，佢都好唔好意思咁話應該係溝咗其他。雞絲粉皮 - 雞絲應該事先炒/處理過，有🌶️、蔥蒜、青瓜絲，麻醬比較少，口味屬於鹹香帶辣。粉皮係闊條，通透煙韌。整體味道唔差，可惜唔係我杯茶。可能選址關係，加上門外嘅採訪宣稱，很受來自不同地方的遊客歡迎。我哋離座嘅時候，門口還見到遊客在等位。間中「餃餃」新意思都唔錯吖～