餃子園

營業中

休息中

我最愛的餃子店 上海春卷, 炸餛吞, 涼拌土豆絲, 四喜烤麩, 醉轉彎, 糖醋排骨同各款餃子, 特別係三鮮水餃同埋韭菜豬肉餃好好味令人非常滿足! 山楂茶同豆漿都做得好好, 值得推薦! 服務態度又好, 今時今日真係好難得. 金老闆真係好好客, 好有禮貌同埋好有修養. 聽講佢當年係北角雪園飯店做廚師. 佢個仔平時都係鋪頭幫手, 佢地對客人真係好細心, 上次聽到有外籍遊客大讚d餃子好好味, 好comforting. 依家小店難做, 大家要多多支持.

拜六下午到中環接放工，然後倆小口子便到娛樂行的英皇戲院看電影。是項活動彷彿變成了咱們的新常態，只要遇上有興趣的電影兼且時間又能配合，倆小口子都會選擇於星期六欣賞欣賞。沒法子，老伴工作繁忙，閒日晚上歸來只管填飽肚子，然後便倒在沙發裡暢然入睡，那有時間精神再外出看戲？不過老伴知道小的熱愛電影，星期六放鬆一下投入戲院，毋須消耗體力，安坐於英皇戲院舒適的真皮座椅裡，當遇上較沉悶的情節，老伴更可隨意地小睡片刻，絕對是各取所需。這天的電影放映時間在四點，看畢大概六時左右，正好於中環享用晚餐。只是咱們在開畫前先征服了麥當勞，相隔未足兩句鐘，腸肚依然是滿滿的，故不願浪費機會進大餐。於是倆小口子沿著士丹利街一直行，意欲尋找一家提供輕食的地道小店祭祭五臟廟。走到威靈頓街的斜路，「餃子園」的招牌映進眼簾，吃個餃子也為不錯呵！「餃子園」的舖面貼滿餐廳提供的餐牌美食，同時又放有一張於報章雜誌曾刊登的專題推介，咱們從店門外根本無法窺穿內裡的模樣。待得啓門而進，「餃子園」面積不大，呈現出傳統麵店茶記式的佈置。門口位作收銀，舖面前端一半空間被規劃作半開放式的廚房，另一邊只能容納窄窄長長的一排卡位。拜六中環晚市有得做，

中環放飯之北方餃子店😋🔻京蔥羊肉餃麵💰62係北方餃子口味，人手搓皮人手包，餃子皮較南方餃子厚同彈牙😋京蔥同羊肉好夾，味道濃郁，仲有小小肉汁，唔差嘅🙈不過淨係有5粒餃子同細細碗麵，可能大食啲嘅男仔唔太夠，同埋麵都有啲霖🤔👅味道：7/10💡性價：7/10📌環境：7/10——————————————————————🔍餐廳：餃子園 #餃子園🏠地區：#gdwest中環🍽菜式：#gdwest中式💸價錢：人均$70📍地址：中環威靈頓街98號翡翠中心地下1號舖

近排不斷去中環區，開始唔知有咩好食隨便搵咗呢間上海菜，有餃子、上海麵、菜飯想食菜飯好耐，二話不說叫咗碗▶️ 四鮮烤麩菜飯 ($68)嚟嘅時候嚇親😅點解個菜飯冇菜嘅？賣相望落好頹…望真啲先見到有好淺色嘅椰菜，唔係用正統白菜仔🥬烤麩似超市買到啡色包裝嗰隻，以為佢就咁蒸完就加落去好彩佢都有調過味，鹹中帶啲甜口感夠spongy，似豆卜／麵筋，索左醬汁，食落唔乾😗配上黑木耳冇咁單調，不過如果加埋毛豆更豐富米飯份量多🍚差唔多兩碗，飯質比較濕但還可以椰菜令佢食落帶爽脆，烤麩醬汁令米飯味道鹹鹹地，我自己仲落咗豉油去食 (豉油撈飯永遠冇錯😆)呢個始終唔係正宗菜飯…只係椰菜撈飯，少失望-呢碗飯頹就頹咗啲，賣相真係唔討好，感覺好求其，但味道還可以，似家常便飯，起碼可以頂下肚只係唔係正宗上海菜，滿足唔到我想食菜飯嘅慾望 :/服務幾好嘅，老闆好友善，講嘢好識氹客人😛而且幾老實，唔小心收多咗一蚊都叫住我，找返俾我環境簡陋啲，似茶餐廳格局，望落尚算乾淨價錢偏貴，感覺做遊客生意，本身呢個飯可能只值$40，依家賣$68，唔值點解近排好似不斷試伏😮‍💨幾時有得食好西？

喺中環食晏諗唔到食咩好久唔久就會想食餃子園嘅京蔥羊肉餃.餃子園係專門做北方手工餃子全部餃子都係人手包 傳統北方口味餃子嘅選擇唔少但我一直只係食京蔥羊肉餃京蔥味道濃郁 同羊肉好搭配全部餃子都可以選擇煎餃或者水餃水餃比較原汁原味呢度嘅煎羊肉餃子 比較油膩但係煎得好惹味好香口.另外 北方餃子嘅皮會偏厚 就睇個人喜好香港人食開嘅廣東口味 餃子通常都比較薄皮.份量方面一份十粒嘅餃子對於我食物焚化爐嚟講係有啲意猶未盡唔夠飽🤣🤣🤣兩個人食我會叫三份share每人15粒.呢度嘅麵食 我就覺得普普通通上次外賣擔擔麵 可能焗得耐咗麵條質地太過淋.去餃子專門店都係食返餃子比較穩陣 

附近返工同同事試下新野。老闆態度極差。order左嘅白菜豬肉餃子仲要係酸酸餿餿嘅。完全中伏。真係唸住報食環。大家唔信可以自己試下 話曬千人千口🤣🤣 或者玩下同事order比佢食

外面個餐牌寫住餃子麵53蚊行到入去裏面有個餐牌寫住個價錢五十八蚊呀搵笨嘅都唔一樣嘅而且嗰個職員就好冇禮貌！搞錯而家香港做生意咁唔老實都得㗎咩？仲貼了相片同啲高官影相！！！！

中午一個人食，想搵d少人靜靜地坐下既餐廳，呢條街有三、四間餃子店，間間都排晒隊，唯獨呢間大把位，其實都心中有數架喇，預左唔荒出色，但冇諗過係完完全全唔掂😫餐牌冇套餐，全部散叫，都冇所謂既，志在坐得舒服，唔駛搭檯。呢間鋪名叫餃子園，諗住應該餃子最掂，但真係極之極之差！我點左西洋菜餃上海麵，餃子皮真係厚到成吋咁厚，唔知以為食緊一舊粉團，配以白滾水一樣既湯底，基本上唔稱得上係湯，根本就係滾水餃子麵！淡而無味，餃子既餡仲苦苦地，真係唔明白點解可以生存到！😵‍💫

中午時間黎到都差唔多坐爆，長期都多人，但上菜都上得快，應該係家庭小店黎，真係上海人去開，夠晒正宗！食佐燻魚，一碟有4舊，但每舊都好大舊，啲魚肉好實，肉質好好，食得出係新鮮既魚，但就唔係咁甜，唔係傳統果隻，不過都好食，啲魚夠新鮮夠大舊補番😂另外煎餃一碟有10隻，算幾抵！仲要餃子皮唔太厚，一咬係有肉汁既，羊肉我又覺得唔係太騷，幾好食😋仲有叫炸醬撈麵，幾多炸醬，唔會太咸，有啲豆豉，肉碎，撈勻佐幾香，不過就細碗佐少少🤏酸辣湯都幾好飲，雖然唔太稠，但幾多料，酸辣味都夠，唔錯😌

真係無諗過可以咁難食。。。叫咗十隻西洋菜豬肉餃加酸辣湯底同菜心($133)酸辣湯底好稀好似水咁，無料，味道一般。肉餃皮好厚，肉少。之前食過灣仔皇后大道東嘅北方餃子園，真係好好食。無諗過呢間會咁差。總結，唔會再食，亦唔會推介其他人食。

要吃甜品，所以我們決定晚餐用超快速度完成，結果決定去這間專門吃餃子的小店，這裡的餃子款式大概有8、9款，部分是特色口味，都是10隻上，如果要混合口味就要額外加錢。🔹鮮肉翠玉瓜餃 $75煎餃皮煎到微焦，每一隻都算大隻，咬開會看見滿滿的餡料，而且分布均勻，翠玉瓜讓餃子充滿彈牙口感，不過因為沒有加太多調味，所以餃子味道略嫌太淡，豬肉都沒有肉香，加上皮偏厚和偏油，所以多吃幾隻會開始覺得膩，不過朋友的羊肉餃味道很濃郁，可能這款會比較適合吃水餃。

間中都會來喝一碗酸辣湯，真的很香濃好味，飲過最好飲的！今次唔食餃子想食飯，點了回鍋肉菜飯，是即叫即炒肉和菜都很多，碗上的，真係幾香同埋肥肉唔算多，好啱女仔，我成碗食晒無剩！溫提一下，我喜歡吃甜的所以覺得ok，如果你係喜歡四川式麻辣風的話可能唔啱，或覺得唔夠油唔夠辣。店主服務很真誠，慢慢做乾淨企理，對食客友善但不打擾又不會急住收晒你d碗筷，午市仲送飲品（其實而家只係得午市），很喜歡這裡，去中環都會間中來幫襯。

曾經試過喺度堂食，見着個老闆不停鬧個員工，叫佢餃快啲，但係其實客唔多，搞到食食食得唔安樂。一年後試吓叫外賣，個面同餃子就唔使落湯，個面一夾就碎晒餃子個皮好厚，因為浸得耐變到勁粉。腦細對客表面笑笑口，但對員工、食物品質無精求......成件事好假，感覺好嘔心呀

豆漿非常好喝，酸辣湯也是一如既往的好，濃厚多料細細的一小碗卻很飽肚，真材實料，每次來都必點！久不久晚間來幫襯，貪佢人少靜靜地，有卡位唔駛迫又可以慢慢吃。餃子是厚皮大大件像山東人包的餃子般，非常飽足，一碟十隻女生不一定能吃完，熱騰騰羊肉很豐滿，物有所值！老闆很沈穩有禮，很喜歡這種閙市中閒靜不迫的獨突氣氛，簡單純粹，同出品的食物一樣，專注沒什麼花巧，懂就懂，要麼愛，要麼不愛，喜歡吃的偶爾會想起，回來再吃，一樣的好吃。

9:30經中環冇卜位真頭痕，隨便試間上海老店竟然有驚喜👍🏻🥢煎餃（西洋菜餃、白菜豬肉餃）：香脆餃子趁熱食有湯汁流出來😋，小妹中意濃味所以揀左西洋菜餡，而白菜🥬豬肉則淡少少。店內提供醋和豆瓣醬，不過原味以經好美味！🥢糖醋排骨菜飯：排骨煮得入味，味道開胃。菜飯的椰菜唔好淋曬保持爽脆，同樣美味！味道：🔅🔅🔅🔅新鮮：🔅🔅🔅🔅分量：🔅🔅🔅衛生：🔅🔅🔅服務：🔅🔅🔅🔅（5🔅為滿分）