飴軒 (已結業)

星期日晚上去完Church﹐如果想吃東西﹐我會來呢度﹐雖然的麵和糖水唔多惦﹐但因為唔想同人迫﹐都會勉勉強強幫親下。佢有出面很少機會吃到的鯇魚片﹐我通常會叫呢個﹔但佢晚上又通常賣晒。糖水我會要花生糊﹐但通常又係賣晒。油菜係註明湯上﹐而且重只有白菜仔﹐不過個湯幾時都咁咸﹐話冇落味精﹐但一點都不清淡。上次試了個芝麻糕﹐見9元咁平﹐但原來都係﹕失望。

星期六﹐銅鑼灣﹐一個人包起成個場﹐珍珠冇咁真。呢間麵館加糖水鋪位置的確古怪﹐幾步路就去到熙來嚷往的渣甸街﹐但係佢自己就係一條橫街﹐隔離係洗衣鋪﹐靜到咪咁。星期六晚﹐我去到時只有兩條友係度﹐我食到一半佢地就走囉﹐夥計重連冷氣都關埋﹐好彩唔太熱。結果我一個人就包起成個場。佢的所謂健康麵食認真麻麻﹐話冇落味精﹐但味道好咸。我本來想叫鯇魚片麵﹐賣晒﹐結果叫個牛丸麵﹐20元﹐波菜15元。我又想叫合桃糊﹐又冇﹐結果要個椰汁雪耳羹﹐14元。佢的牛丸係黑椒牛丸﹐幾入味﹐但如果唔食辣概味中招﹖個菜冇話好唔好﹐碌熟咁囉﹐個糖水都冇話好唔好概﹐糖水一個囉。報告完畢。