飲飲食食 (馬鞍山)

錦泰小食檔執咗，瞬間又開番間車仔麵。同住附近嘅同事傾開，佢話食過呢間，味道唔錯，所以今日放工就去試食。豬紅豬腸牛腩油麵，盛惠$58，真心覺得有啲貴，姐姐建議加$5有一罐可口可樂。返到屋企一打開碗麵，真係俾佢嚇親！啲餸少得可憐，望落去好似廚餘咁！不過湯麵分開值得一讚。豬紅豬腸味道唔差，不過牛腩就完全唔掂啦！味道冇問題，不過肉質就嚡熠熠。相對新港城，呢碗車仔麵確實係貴，而且選擇亦比較少，下次情願搭多兩個站地鐵，都會去新港城買。是日消費：豬紅豬腸牛腩油麵跟餐可樂$5 共消費$63