飲茶 (南豐大廈)

營業中

休息中

在上環上班的我，午餐都會和同事去位於南豐大廈的「飲茶」中菜餐廳飲茶，喜歡呢度點心叫即蒸，而且好多新派點心，質素仲好高，今晚就和友人嚟試吓佢哋夜晚有一個二人套餐，超抵食👍🌟二人套餐 $ 398▪️上海烤麸上海家家戶戶都會做的家常菜，喜歡口感有點像海綿，吸收了醬汁又鹹又甜的濃香味道，再配上木耳香菇，好開胃嘅頭盤▪️雞絲拉皮夏日炎炎，這道頭盤就非常受歡迎，爽口的粉皮，配上嫩雞絲、青瓜和香濃的芝麻醬，再加上白芝麻，味道充滿麻醬香口感清新▪️蟹籽鮮蝦燒賣這個套餐可以揀一款蒸點心，我就一定會揀燒賣，鮮蝦超大粒，豬肉新鮮好味，而且即叫即蒸，熱辣辣沾上辣椒油更加正▪️師傅燉湯 蘿蔔瘦肉煲雞腳，這裏的燉湯非常足料，味道濃郁清甜，湯渣都唔可以錯過，最鍾意食軟腍腍嘅雞腳，瘦肉吸收晒湯嘅清甜都幾美味▪️蜜餞黑椒牛仔骨驚喜之作，牛仔骨軟腍入味，最鍾意食骨邊邊的牛筋脂肪，蜜餞黑椒汁非常濃味，甜甜香香，換上軟腍腍的薯仔、青椒、黃椒和紫洋蔥，真係夠晒惹味▪️松露炆伊麵伊麵味道超香濃，超有鑊氣，每一啖都係黑松露嘅香味，伊麵每一條完全被濃濃的醬汁包圍着，伴上不同款式嘅香菇和毛豆，好味得快速清碟▪️芒果布甸自家製嘅芒果布甸帶有濃濃芒果味

上次在中環食到一間超高質飲茶🫖 酒樓，位置在南豐大廈上一層， 當補祝番中秋團年飯呢！其中二人餐$398 都合理， 食物水準好好👍前菜選咗茄子，仲有雞絲粉皮作為前菜店員好細心都有介紹招牌流沙奶皇包的 「 睇住流奶」，不過媽咪怕甜， 今次選左蝦餃，下次幫襯再點流沙奶皇包啦！小炒我喜歡其有鑊氣： 乾炒牛河牛肉片用到安格斯，入口夠淋又惹味十足！原來餐廳做緊優惠，買一送一（啤酒，汽水，橙汁）另外1730-2130 Happy hour Set 2杯啤酒 + 4選一食品 ，以及 晚間市段$48 隻乳鴿呢！

飲茶位於中環，主打維肖維妙的點心，各款動物得意造型，打卡一流。環境寬闊寧靜，最新推出的二人套餐，性價比高，週末與家人來品嚐港式風味，令人食慾大開。七彩茄子柔滑茄子，入口軟綿綿，味道香甜，搭配酸醋的調味，讓人胃口大開。雞絲拉皮晶瑩剔透的拉皮，滑滑溜溜，帶淡淡的米香，雞絲味道鮮美，搭配上香醇的麻醬，美味四溢，適合在夏季享用。睇住流奶熱燙燙的流奶包，包皮好鬆軟，入口濃郁而香甜的奶香，及一絲絲的鹹香，令人陶醉。師傳燉湯（位）廣東人最喜歡的老火燉湯，味道醇厚，湯底清澈而鮮香，雞腳燉至綿軟，加上清甜的紅蘿蔔，每口都能品嚐到鮮甜，感到溫暖和滋補。XO醬萵荀淮山炒蝦球XO醬的獨特風味，令到爽彈的蝦球，帶有醬料的香辣，惹味過癮。加上翠綠的萵荀和淮山，添了清脆口感，健康美味。乾炒安格斯牛肉河安格斯牛肉的肉質鮮嫩，帶有濃郁的肉香，煙韌的河粉，吸收了牛肉的鮮味， 及醬油鹹香，充滿鑊氣，讓人一口接一口。芒果布甸冰涼的芒果布甸，清新甜美，口感順滑。啖啖享受到芒果的天然甜香，搭配熟透的芒果粒粒，是讓人喜歡的甜品。

[ 飲茶 ]早幾日同朋友去中上環呢間新派餐廳食中秋飯，主打創新港式點心同埋用現代元素呈現傳統中菜。餐廳有$398二人餐、$888四人餐，兩款套餐同樣齊哂前菜、點心、燉湯、燒味、小炒同埋飯麵，好多款式嘢食。✿ 四人套餐 $8883款自選前菜有七彩茄子、皮蛋豆腐、雞絲拉皮等選擇，雖然只係前菜但每款份量都唔少👍。2款自選點心必點招牌點心有「一籠八戒(4件)」，小豬模樣賣相可愛🐷，內在係蠔油叉燒包。另一款必點招牌點心會係「睇住流奶(4件)」，睇個名大概估到係奶皇包，入面有充滿牛油香氣嘅流心奶皇餡料。燉湯🥣4人份量燉雞湯，每盅配料都有雞腳、雞件、紅蘿蔔等好足料。自選燒味🍖自家明爐燒味有蜜汁叉燒，或者+$20選擇秘製豉油雞(半隻)。豉油雞雞皮色澤均勻好上色，雞肉嫩滑仲帶有豉味甘香。2款自選小炒🔥有近十款選擇，例如XO醬萵荀淮山炒大蝦球、海膽八寶豆腐等，份量都幾足料。自選飯麵🍛🍜除咗經典鹹魚雞粒炒飯、乾炒格斯牛肉河，較特別有XO醬炒蝦腸粉，腸粉好惹味仲有大大粒蝦肉👍。時日精選甜品🍮每位+$20仲可以加配餐甜品。飲品🍻晚市(17:30-21:30)做緊買一送一優惠，有啤酒、汽水、橙汁等。總結🫦4人套餐

今日同屋企人出嚟食個中秋團年飯，大時大節梗係要用中菜佢慶祝一下，今日揀選咗中環嘅呢一間餐廳，主打點心同埋特色小炒～唔想麻煩嘅話二人餐或者四人餐就幫到你。可以選擇嘅菜式都非常之多，今日揀咗茄子，雞絲粉皮作為前菜，茄子小小嘅辣非常開胃而雞絲粉皮嘅冰涼口感亦都形成一個鮮明嘅對比。點心方面揀咗招牌嘅流沙奶皇包，果然不負眾望，非常好味，而且流沙效果明顯！蝦角香脆，亦都值得一試。小炒方面，菜式都偏向惹味，所以我就揀咗個蜜餞牛仔骨，牛仔骨大有少少半肥瘦嘅口感，加上蜜糖真係最佳配搭，就連薯仔都好入味至於主食方面呢就梗係要揀最有鑊氣嘅乾炒牛河，當中嘅牛肉更加用到安格斯，所以咬落去非常之淋！仲有招牌嘅芝麻雞，非常香脆可口。食得好滿意之外，仲有好多優惠，包括：👍買一送一（啤酒，汽水，橙汁）👍🏻1730-2130 Happy hour Set (2杯啤酒 + 4選一食品）👍🏻$48/隻 乳鴿 (晚間市段)

好難得家姐返咗嚟香港玩，佢最想食中餐，最好就係飲茶啦🫖環境好舒適又清靜，啱晒慢慢傾偈！二人套餐（$398加一）前菜（選2款）七彩茄子🍆份量都幾多，吸哂醬汁好入味。香橙白玉蝴蝶🦋有橙香味既冬瓜，酸酸甜甜好清爽。點心（選1款）睇住流奶👀個名真係好盞鬼😝係招牌菜✨奶皇流沙包！熱辣辣，一咬就流沙湧出來，香滑帶點鹹蛋黃香味！小炒（選1款）鮮鳳梨咕嚕肉🍍每粒掛滿醬汁，甜酸味道適中，皮帶少少脆，肉質鬆軟。飯麵（選1款）干炒安格斯牛肉河🐮牛肉味夠濃唔乾，河粉炒得夠鑊氣唔油膩，我哋起碼擺咗半個鐘頭先食都keep到暖溫度非常好👍🏻湯品🍲五子毛桃湯，材料夠夠哂味，有健脾祛濕嘅功效。甜品芒果布甸睇到店舖介紹Join 會籍都幾抵，可以連旁邊店舖龍味館一齊用✨ 1730-2130時段幾重優惠，包括二人或四人餐買一送一（啤酒，汽水，橙汁）、Happy hour Set（2杯啤酒+4選一食品）、$48/隻乳鴿。

上海烤麩深棕色嘅醬汁味道偏濃，入口甜甜地，烤麩醬汁完美滲透，很入味，口感有嚼勁，很有層次感。雞絲拉皮白色嘅拉皮上鋪著雞絲，拌上麻醬，清爽口感中帶有微微香油味，入口凍冰冰。沙律脆蝦角外皮金黃，入口酥脆，咬下去時發出清脆聲響🥰內裡蝦膠很彈牙鮮嫩，同酸酸地嘅沙律醬好夾。芝麻吊燒雞即叫即炸，表面撒滿了芝麻，增添了一層香脆口感，雞肉入口鮮嫩多汁，味道濃郁，帶有燒烤香氣。XO醬萵荀淮山炒大蝦球菜品色彩繽紛，大蝦球鮮嫩爽口，萵荀和淮山片很脆嫩，和XO醬嘅香辣好夾。

上到南豐大廈2樓，這家店真是客多熱鬧，我估計是因為價錢平味道好，2人餐 $398，4人餐$888，會員好划算。### 一籠八戒叉燒包造型可愛，是豬八戒的模樣，包子的外皮柔軟而略帶彈性，筷子輕輕一壓就能感受到它的蓬鬆。醇厚的叉燒肉質鮮嫩多汁！### 京蔥尖椒炒牛肉牛肉切得薄厚適中，肉質鮮嫩柔滑。京蔥的香氣清新與尖椒的清脆微辣相輔相成，提升了牛肉的風味！### 松露焗伊麵一上台，松露的濃郁獨特香氣瞬間撲面而來。伊麵口感滑順，越吃越香！### 香橙白玉瑚蝶冬瓜的白色被橙汁染成橙色，冬瓜的口感脆嫩，清新爽口的同時又有橙汁的甜酸味交織！### 上海烤麩醬汁滲透進麩中，入口既有嚼勁又不失柔軟，帶點微甜的味道，還有香菇的香氣### 師傳燉湯湯中有雞肉、豬肉和紅蘿蔔，經過長時間的慢火燉煮，湯底的滋味非常醇厚清甜### 湯圓糖水是時日精選甜品，湯圓外皮柔軟有彈性，當你輕輕咬下去，內裡的餡料瞬間流出，香甜的芝麻餡料在口中化開，濃郁的香氣晚間市段乳鴿$48/隻，啤酒，汽水和橙汁買一送一， 仲有Happy hour Set 包括2杯啤酒 + 4選一食品，好適合聚餐！

餐廳環境有fusion感，柔和燈光下顯得很典雅，今次晚上用餐，更有feel！是日師傅燉湯～紅蘿蔔瘦肉雞腳湯，上到枱仲熱騰騰，湯頭很甘甜！皮蛋豆腐這道菜十分清新，皮蛋切成小精，搭配切成扇形嘅豆腐，十分精緻，入口滑嫩，味道清淡卻不失風味，皮蛋鹹香與豆腐嘅清甜很夾。雞絲拉皮整道菜清新可口，拉皮口感爽滑，彈性十足，與雞絲很配，加上麻醬，很香口。蟹籽鮮菇燒賣大大粒燒賣，薄薄嘅皮，包裹著豐滿餡料，入口Q彈、鮮嫩又多汁，味道鮮美。蜜餞黑椒牛仔骨光澤誘人，牛仔骨肉質鮮嫩，咬下去肉汁四溢，外層蜜餞醬汁略帶粘稠感，黑椒微辣，味道甜甜地，十分惹味。乾炒格斯牛肉河河粉炒至微焦，吃起來很滑順，味道濃郁，牛肉鮮香與醬油鹹香很融合，香氣四溢，讓人忍不住想要多吃幾口。

假日晚上同屋企人揾個舒服又安靜既地方食下飯飲下茶，係中環既飲茶食左個四人餐超抵，套餐包好多野食先$888，set menu都有二人餐選擇啊！Happy hour時段1730至2130仲有優惠set！兩枝啤酒加款小食$138，啤酒、橙汁、汽水仲買一送一添！紅燒乳鴿晚巿推介$48一隻！如果想再抵d，join埋佢地既會籍就最划算la❤️Food list🍽️四人套餐 $888前菜：七彩茄子、皮蛋豆腐、上海烤麩點心：筍尖鮮蝦餃、蟹籽鮮菇燒賣師傅燉湯馳名芝麻吊燒雞(半隻) +$20XO醬萵荀淮山炒大蝦球蜜餞黑椒牛仔骨王子炒飯 +$20時日精選甜品 +$20/位鮮橙汁 +$10/杯雪碧 +$10/杯

港式茶樓文化演變至今，點心製作也越來越多樣化，今次就來到位於上環的新派廣東菜館「YUM CHA 飲茶 」，交通方便，上環E3出口2分鐘，如果泊車，可以泊林士街停車場或永安中心停車場，餐廳面積廣闊，環境開揚寬敞，一洗中菜館的俗套老氣，注入時尚氣息，落地玻璃窗飽覽繁華鬧市街景，感覺舒服不侷促。Happy Hour 1730-2130 時段所有啤酒、汽水、橙汁買一送一，小食套餐2支啤酒 + 4選一食品只需$138，晚市 1730-2130 亦有$48/隻乳鴿優惠，還有二人至四人餐，加入飲茶與龍味館會藉，盡享多重尊貴禮遇，價錢更划算。二人套餐價錢$398，包括2款前菜、1個點心、2碗湯品、1碟小炒和1款飯麵，比單點更抵食。茶錢每位$90雞絲拉皮清爽的雞絲粉皮點上香濃芝麻醬，口感滑溜溜，冰涼又開胃。上海烤麩烤麩是以生麵筋為原料，多氣孔有點像海綿，徹底吸收了甘甜醬汁。睇住流奶趣怪可愛造型的奶黃包是招牌打卡點心，指定動作是用筷子戳穿外皮，然後就像流口水般湧出金黃色的流沙內餡，緊貼手機先食的潮流，包身軟綿不黏口，鹹蛋黃味道鮮明，奶味不會過重，吃起來滿是鹹甜香氣。師傅燉湯由於燉湯沒有直接受火，不容易流失

之前去過“飲茶”食點心，今晚和老公，爸媽一行四人嚟一次夜晚“飲茶”。懶得逐樣選擇的我們，點了一份四人餐$888：包括三款前菜、兩份點心、一份燒味、兩款小炒，一份飯麵及每人一盅燉湯。🍆七彩茄子，🥢雞絲拉皮及🍊香橙白肉蝴蝶三款前菜均冰涼醒胃，當中以香橙白肉蝴蝶最特別。這道菜以橙汁拌冬瓜，酸酸甜甜，口感清新。🍤🥠千島明蝦角～蝦角熱辣辣，脆卜卜。蘸上千島醬汁後，味道更突出。🐷一籠八戒～以可愛小豬為造型的叉燒包，賣相已十分吸睛。🐔秘製豉油雞半隻～豉油雞滑嘟嘟，豉油汁香濃之餘卻不會奪去雞本身的鮮味。🍍🐷鮮鳳梨咕嚕肉～咕嚕肉鮮嫰味美，配搭新鮮菠蘿，減去肉類的油膩感。XO醬萵笋淮山蝦球～萵笋及淮山香脆爽口，非常惹味。🍛王子炒飯～炒飯配料豐富，包括帶子、飛魚子，蝦及菜粒，炒得乾身香口。🫕🥣椰子雞腳燉湯～湯料十足，鮮甜滋潤。🥭芒果布丁～鮮芒果粒粒鋪於布丁上，清甜冰涼。值得一提，現在餐館有Happy Hour時段(5:30~9:30pm)推廣：啤酒，汽水及橙汁買一送一，乳鴿優惠價只需$48。另外更有2杯啤酒加4選1食品Happy Hour Set，最啱上班一族放工後和同事嚟chill吓。想更抵亦可join會

餐廳都多外國人同埋一家大細黎食飯，晚市仲🈶啤酒、汽水➕橙汁買一送一，Happy hour Set 有2杯啤酒 + 4選一食品，乳鴿都只需$48/隻，我哋就叫咗個二人套餐，揀咗白桃烏龍茶，飲落好香白桃味🍑香橙白玉瑚蝶呢個係充滿橙汁嘅冬瓜，食落爽甜雞絲拉皮粉皮口感嫩滑，雞絲冇雪味，撈埋花生醬及青瓜絲食，美味可口睇住流奶賣相好可愛，比起平時嘅包細個啲，裡面係流心奶黃師傳燉湯非常足料，有雞肉、豬肉、紅蘿蔔等等，十分好飲XO醬萵荀淮山炒蝦球食落唔辣，蝦球彈牙，萵荀➕淮山咬落爽口乾炒安格斯牛肉河好耐冇食過乾炒牛河，炒到唔會太油膩，牛肉入口香滑

茶壺入面有頭髮食具清洗不足多次發現不同地方有污漬影響食慾而且沒有提供洗食具的大碗枱與枱距離近，很迫環境十分嘈吵侍應沒有空接待入座和招呼食物質素不錯有打卡款式價錢昂貴但因衛生問題絕不推介

第一次食此店，唔會有下次，食物正正常常，但除咗店名叫茶樓，完全唔係茶樓格局，只可以講係點心加小菜食肆，枱同枱之間好逼，兩個人嘅枱根本擺唔到超過三樣食物，食咗一個鐘就要走，實在太嘈，享受唔到。