飯意主題餐廳 (已結業)

黎到呢間餐廳食咗個下午茶，好抵食😈雖然煙肉列為第一類致癌食品😂但都冇有怕，照嗌😂飯系用珍珠米，所以好有口咸，一粒粒😂感覺似pepper lunch,但個飯就無佢咁油！漢堡扒係本店嘅自製品，所以味道都幾特別，而且肉汁都有保存系度，唔會係好厚☺️ 4

女友係蛋包飯狂迷，第一時間我就諗起Rice Love喇...一場黎到當然要叫番佢地既招牌菜啦 招牌芝士溶岩蛋漿飯 依個基本上係必食之推介，侍應好快已經將個熱辣辣既飯送到面前，雖然係幾十蚊既套餐，不過都有專人服務，打蛋、倒芝士和撈飯侍應都會一條龍幫你攪掂，服務絕對值得加分由於鐵板夠哂熱，令芝士呈現半溶既狀態，再mix埋入面既煙肉和甜甜地既辣醬，整個飯既味道不但香濃、惹味而且十分creamy，層次多變 煙肉炸蝦蛋包飯(胡麻汁) 蛋包飯既賣相尚算吸引，而且份量十足，蛋炒得軟熟又保留左蛋汁，入口非常嫰滑，配上剛炸好既大蝦，炸粉不厚且肉質彈牙，口感不俗，另外，酸酸甜甜的胡麻汁和沙律亦令人胃口大開，絕對可以中和炸物既油膩感以平民化既價錢食到依個質素，對我地班小市民黎講，絕對超值啦

飯意的人氣真的很厲害,門外依然排滿人等待入去,好彩同朋友等了十分鐘多便可以入去。要試緊係食人氣的芝士溶岩蛋漿飯（$48）啦。店員先拎上蛋漿和車打芝士之後炒飯到了,材料包括韓式辣醬、泡菜、午餐肉、紫菜和香蔥,店員先將蛋漿倒落炒飯中間，讓蛋漿均勻地流入熱辣辣的飯中,再加入芝士，輕輕在鐵板不停搞動，就食得了。看,輕輕拉起來有長長的芝士拉絲呢,好邪惡但又好另吸引啊~我堆砌出一個心形。炒飯的味道不夠表面吸引,好睇但唔夠好食,我覺得飯太濕身了,拌上芝士變得一團團,無咬口,像稀飯。味道普通的炒飯,少少辣,紫菜同芝士味最突出。之後再ORDER了燒雞芝士濃湯石鍋,開頭怕食燒雞有D麻煩,但店員貼心地送上透明手套,不怕弄髒手。燒雞SIZE有半隻,撒上孜然粉,配上香口的薯格。肉質唔會太老,可以再入味就更加好,孜然粉只是用來外表調味,少少JUICY。芝士濃湯反而有驚喜!有煎餃子、韓式年糕、馬蘇里芝士同青椒。濃濃的芝士湯感覺似忌廉湯,加上馬蘇里芝士更加"傑",我地食左一半已經太飽了,建議細食人士兩個人叫一個就可以。飯意是價錢抵食,又唔使加一,不過味道是普通,而且味精都很大方,一試是可以。

同男友去食朋友推介嘅芝士熔岩蛋漿飯, 一試難忘!!!!!!order 完等咗大約10mins, 店員就捧住熱辣辣嘅鐵板泡菜炒飯過嚟, 仲有一碗蛋漿同一碗芝士碎, 然後即場響我地面前撈埋一齊!!! 店員一邊撈, 鐵板一邊喳喳聲, d 蛋漿撈埋落個飯度勁香, 而d 芝士亦溶哂, 賣相同香味都非常吸引!!! 終於整好食得!!! 熱辣辣擺落口, 有d 泡菜酸酸辣辣咁, 又有蛋香同芝士, 仲有d 午餐肉粒同紫菜碎, 好好食!!!!! 嘢食好得, 不過嘢飲就麻麻, 跟餐加錢叫咗杯特飲薄荷朱古力, 但d薄荷味重手得滯, 簡直濃到想咳, 早知學男友飲凍檸茶算!!!!

來到深水埗，見openrice對呢間鋪甘多好評，咪去試下囉。來到店門前，已見十多人在排隊，等左15分鐘左右就有位。一如其他高好評食店般，客人甘多，服務態度難免差一點，衞生也比較一般。也罷，我們是為食好野而來，只要好味，就算俾人黑面亦絕不會計較。今日點左招牌芝士溶岩蛋漿飯，加配麻醬田園沙律，蒜香包及椰汁紫米特飮。個飯只須48蚊，加配沙律，包同特飲只須20蚊，埋單68蚊不收加一，情侶兩份食剛好！

芝士熔岩蛋漿飯 $48/芝士熔岩蛋漿飯吾一定要食百幾蚊咁貴嘅😏😏😭😭😭😭呢個$48咋！店員會幫你將蛋漿同大大大碗芝士🧀🧀🔥撈落熱辣辣炸炸聲嘅飯度飯入面仲有泡菜,午餐肉,大量紫菜同韓式辣醬又吾會太辣🌶超足料😍😍💕d飯重要係珍珠米尼嫁啲芝士絲可以拉到好長芝士控必食🧀🧀👭👬👭👬

Bbq豬肋骨（HKD68）﹣ 整體：睇相好似好靚，所以特登去呢度試。上臺超級快，賣相ok，但食落就唔ok。除左份量大之外，唔值得試。味道方面：同平時美式餐廳果種蜜糖燒嘅味道唔同。呢度嘅係香草味, 食唔到有蜜糖調味 。食落無咩燒烤過嘅味道，肉雖然唔干，係唔係好鮮味之下，加上調味唔夠，食落好漏，只能靠旁邊嘅醬汁調味（凍）。軟骨好多，又未煮去到好淋嘅狀況，所以都幾難切，見下圖。整體似係白'sarp'嘅排骨多過BBQ。溫度：唔夠熱，可能因為要保持快上臺嘅關係。伴碟薯格﹣ 好油膩， 完全唔似食薯格, 可以話kxc好食好多。下午茶餐（HKD21）﹣香草雞翼：味道算係比其他食物好少少，有返d 味道，香草味就無咩，食落似普通炸雞翼咁。西多士：有花生醬同埋奶漿，整體唔錯，不過如果外面再脆d 就會好d，偏向唔甜，都係平時茶記好食d。服務態度唔錯，聞到其他食客叫鐵板飯果d 都幾香，可能都係叫返招牌菜會有保證d。

上網同朋友介紹左呢間野既招牌芝士溶岩蛋漿飯，身位芝士迷既我當然唔可以放過喇，山長水遠咁到左深水埗，仲要行１０分鐘左右先搵到呢間野，就算閒日入面都坐滿左好多人，但係等左一陣就有位，一坐底就即刻嗌個芝士溶岩蛋漿飯，好快侍應已經送到黎，仲幫我將蛋，芝士同泡菜飯撈埋，睇到已經好開胃，由於係鐵板飯既關係，飯都可以ｋｅｅｐ住熱同芝士半溶既狀態，而且個份量男仔都足夠，芝士都幾濃再配埋泡菜飯簡直一流，幾遠搵呢間野都係值得既，大家同樣係芝士咪千祈唔好放過阿

早幾日放假去深水埗行街，經過一間餐廳見到好多人等位，心諗一定係好野，所以襯墟排埋一份等位期間上Openrice search下，原來間食店出名食新式芝士溶岩蛋漿飯！不過Lunch Set餐牌就無呢道菜，同朋友商量後決定下次先食芝士 蜜糖雞翼蕃茄湯飯$38蜜糖雞翼皮脆肉嫩，充滿蜜糖味，表面灑上芝麻，食落更加香口，好好食！蕃茄湯飯有好多粟米粒，配埋濃郁的蕃茄湯，健康又好味！食完個飯仲可以飲埋個湯，無味道所以飲完唔會覺得頸渴，仲好飽添！香煎雞扒蛋包飯配黑椒汁$38雞扒份量都多，配上黑椒汁非常惹味，唔會太辣，蛋包飯整得好軟滑，蛋漿唔會過熟，我最欣賞個飯配沙律，因為黑椒汁比較濃味，沙律可以中和油膩感，very good下次會試下招牌芝士飯

叫香草燒春雞蛋包飯要等好耐,好似等左十幾分鐘見網友寫到咁好味,又咁抵食,就試下結果中伏蛋包飯正常,我要了白飯,之前試過茄汁飯一般所以要白飯,白飯正常白汁好食,我選了配白汁今次重點係燒春雞47元又包飯,又有半隻雞雞大約是女仔的手掌咁上下,唔太大隻果種雞的調味好差雞用了孜然粉調味皮有少少味,肉完全無味又乾,又硬,d肉乾到柴皮咁你無睇錯,的確係用硬,因為真係好硬....隻雞翼煮到硬到粒糖咁味道整體上太淡,要沾上白汁才可吃完唔沾上汁好難食隻春雞味道10分滿分我會比2分我唔會再試這春雞,食過咁多次春雞,這隻是人生中第2難食

一向都好鐘意係深水埗覓食，價錢平，味道好！今次專程一試芝士迷力推既飯意芝士蛋泡菜熔岩飯！飯未到，芝士同蛋汁先到！份量十足！泡菜飯到既時候，仲會有專人幫你撈好，唔洗自己動手。每一啖飯都充滿芝士同蛋香，而且仲有長長既芝士絲。芝士中和左泡菜既辣味，味道會偏酸，特別開胃。鐵板上，就算食到最後一啖都唔會凍，亦都令芝士唔會變硬，值得一讚。另外仲叫左個卡邦尼意粉食個半熟蛋特別滑，調味亦岩岩好。煙肉亦都好多，唯一係意粉偏硬身。總結：推介芝士熔岩飯比芝士迷，特別開胃！

今日放假，同男朋友決定一試Rice Love的招牌芝士溶岩蛋漿飯同蛋包飯 店員先送上蛋漿及芝士碎，芝士份量相當多 然後店員會幫忙倒蛋漿同芝士落鐵板飯度，鐵板非常熱，蛋漿同芝士倒落去之後要即刻撈埋啲飯，唔係就好易癡底味道方面，真係啖啖芝士，不過個飯我覺得偏鹹，入面有紫菜同煙肉，食落口都幾香 香草燒春雞蛋包飯呢道菜等得比較耐，我差唔多食完芝士飯先上枱，不過呢半隻香草雞好好味，皮好脆，醃料非常香，雞肉唔算太鞋，蛋包飯的蛋整得好嫩滑，配上沙律可中和油膩感，整體黎講都好好味以四十幾五十蚊黎講，Rice Love的份量真係好多，可能食左芝士，我地食完呢餐飽到夜晚呀

齋是听聞芝士岩漿已是引人前來朝聖了，再而睇埋餐牌，價錢的確大眾化，先來探究一下今日所吃。跟餐有得揀青蘋果特飲，其實只是用糖水溝出來的青色飲料，不好喝！另一個跟餐食品是胡麻醬蔬菜沙律，大大碗而且份量也是前所未有的大碗，很滿意！主角來了，芝士岩漿旦飯，大堆頭的芝士粒以48蚊的價錢來講，絕對是超值，香噴噴加上鐵板的沙沙聲好吸引喔！但以味道來講，真的過咸而且芝士味和旦味不太出色，實在不到一半已太漏吃不下了。最後來的是生姜汁鐵板牛扒飯，也是一個絕對的超值價錢，牛扒不韌都算係咁架啦！

一直都有幫襯開佢，呢間野又底食又好味今次出新野—燒春雞蛋包飯即刻試下，果然無失望！燒春雞皮脆肉滑咬落嫩口彈牙蛋包飯蛋香濃郁仲要小小蛋汁，介開蛋皮，蛋汁滲入紅飯真係正到ＤＯＭ一聲！

呢間之前上網好多人推介 所以黎試下 佢呢間似裝修得靚d既茶餐廳 坐位都好逼 侍應都好忙 咩都好趕咁 我叫左最出名既芝士飯 佢先放低左一碗蛋漿 一碗芝士到到個飯黎左 熱辣辣 出晒煙 佢先幫我落蛋去攪勻 d蛋做到半生熟效果再落芝士攪勻 好邪惡 超好芝士😂😂 佢既芝士溶晒啦 好香 好正 超香既芝士 仲多到可以扯到一條條絲 全部都溶晒 加上佢個個鐵板上 keep住熱既溫度唔會令芝士咁快結返住 佢個飯係泡菜低 有小小辣 不過好香 同d芝士好夾 好似食緊芝士飯團咁 好正 好多紫菜同泡菜係入面同埋岩岩既雞蛋 口感好好 不過真係太多芝士 都幾膩下 就咁睇好似好小 不過有咁多芝士其實都膩飽左 下次再食既時候 可以考慮唔好落晒 咁可能會仲正 整體唔差 只係坐得逼小小 同埋d侍應唔得閒招呼人 想飲杯水都難😅