冇寫咁耐食評，都忍唔住要寫返篇，寫返個真相～ 見佢零負評，個個都有讚冇彈，揀左同爸爸黎食生日飯～ 嗌左小既雞煲 ($138)小辣都唔算好辣，味道濃，但雞偏肥，亦有少量碎骨～ 開邊蝦蒸粉絲 ($178)味道普通，冇其他人讚到天上有地下冇咁好食，好多油 🙈 手打烏冬亦未算彈牙～ 松子黃花魚 ($188)你冇食過出面正宗既松子魚就可能唔會覺呢條有咩問題既 (除左細條左d之外) 🤔 上枱既時候係有受騙既感覺，或者係我地一廂情願以為係松子魚～ 佢只係一條煎左既黃花魚，上面淋上酸甜既醬汁，再撒上松子～ 味道還好，爸爸嫌腥 😅冰鎮咕嚕肉 ($128)冰很多，但肉很少～ 我覺得味道唔錯既，外皮尚算脆身～ 但媽媽話佢出面食過冰鎮係d冰cover晒d肉，咁就成舊肉做到外冷內熱，外脆內軟，兩老依家覺得怪在一半凍一半熱 🤔食到呢度，開始想寫食評先開始影相蜂巢豆腐蟲草花浸菜心 ($95)呢個份量最正常，菜心算鮮甜～ 不過等到我地食晒之前4個餸，追問下先有得食～ 環境方面，並不能舒服地食飯～ 兩次黎，兩次都超級嘈，大枱既人係超級無敵嘈，我完全傾唔到計 🙉 呢個唔能夠怪店家～ 但冷氣機滴晒水⋯滴落張枱同我隻手喎⋯其實真係要搞搞佢 🙈 服務態度唔錯既，但2次上菜都好慢～ 嗌個菜等左成粒鐘都未有⋯上次落單後半個鐘都冇野食 😅 價錢過份mark up⋯小區既食舖，份量偏細，價錢變相偏貴～ 想碌卡，但竟然話今日冇卡機 😨 好彩夠cash⋯⋯食評真係只能做參考 🙈 我覺得今次中左伏 😅…Read More
<手打墨魚滑，$68>以$68既手打墨魚滑，份量其實都幾多，好多時出街食都係得少少。份量多之外，呢個手打墨魚滑係好好食！好彈牙，同時咬落亦好juicy咁既感覺，仲食到啲墨魚粒，絕對真材實料。
<娃娃菜，$25>娃娃菜都幾新鮮，而且份量都好多。<蘿蔔片，$25>超級好食超香甜既蘿蔔片！而家呢個季節唔係旺季都好難得有咁好食既蘿蔔！
<芋絲扎，$15>勁大碟芋絲，一放底我地第一個反應係仲抵過自己買。
<鮮牛肉，$58>我地都覺得好好食，唔會好韌好嚡。
除左雞煲火鍋之外，啲小菜個賣相都好吸引，下次可以再去試下啲小菜！我好推介大家去食，性價比高，食材新鮮，而且服務態度好好！
