食嘢 (已結業)

Since the weather was good today, I met up with my cycling friend to cycle around Tai Po area in the morning. After we have ended our session, it was already nearing lunch time. We decided to walk around to see if there were any nice cafes for us to relax and enjoy our lunch. We decided to enter into Eat Yea cafe as the interior look quite chic. Their menu was quite interesting as they offered fusion of Indian and Guangdong cuisine.  They even saw an Indian head chef inside the kitchen preparing

同朋友仔食lunch今日又想再食咖哩於是黎左食0野lee度上次吾記得自己叫左乜野辣度，今次想試下佢個勁辣到底有幾勁所以叫左咖哩雞勁辣碗咖哩一黎到，我以為去左韓國餐廳點解咁搞笑gei普通辣同勁辣最大0既分別居然係。。。佢上面果pat韓式辣醬(係吾係韓式辣醬我吾sure,不過個樣真係好似）咁到底勁辣有幾辣呢。。。我用譚仔0既辣度黎做參考指標佢應該冇中辣咁勁有少少失望不過佢個咖哩都係果頭比較好食的選擇由於食0既果邊冇位0既關係去左飲野果邊食順便睇下佢地餐牌d野好似幾岩下午茶希望有機會試下啦～最後埋單要去番隔離店度埋叫野食又要等waiter行過黎有少少麻煩。。。

4碟嘢一碟落錯單一碟落啱，但送錯菜叫極waiter都唔應，有埋眼神接觸都扮見唔到。感覺不太好。必須比個劣評佢先得。只會試一次，不會再有第二次。咖喱的辣冇乜味道。

之前家人食過Eat Yea,話d野食唔錯！不過上次去到因為Eat Yea冇位，比人叫左去隔黎（飲嘢）到坐，話一樣，點知去到冇人Serve 話因為Li到係for飲野同甜品，叫我地叫住野食先等陣Eat Yea有位叫番我地去，叫左野食等左好耐，終於Eat Yea有位，叫我地返過去又等等等，冇野食黎嘅，原來根本冇落過單不過甘，屋企人話d野食ok比多次機會講番今次，叫左海皇炒飯-好鹹，畢左一碗我自己就冇食黑松露杏鮑抄牛柳-ok,雖然都係偏鹹，不過配搭幾好海虎蝦芝士焗烏冬，虎蝦ok，但烏冬冇咩味凍朱古力珍珠奶茶-唔錯凍水果茶-ok服務-唔太好，男服務員好黑面，又唔應人

食嘢呢間嘢其實係主打食咖哩嘅， 不過 下午茶絕大部分食物都係冇咖哩嘅 😂， 點了一客蔥油餅， 另加咖哩汁要加五蚊， 既然主打咖哩當然要試下啦。餐廳佈置 簡單而精緻， 店員很cool。 由於本人是餐具控， 每當走進一家餐廳都會留意他們的餐具， 他們會用黑色鋼餐具呢~ 黑鋼餐具通常比一般餐具貴一倍， 可能是為了迎合餐廳的主題顏色？ ( 這跟食物味道完全沒有關係😄， 純粹個人喜好研究)蔥油餅來了， 餅身煎得香脆可口 有香蔥的風味，主角是咖哩汁， 這咖哩汁充滿了 各種香料， 小茴大茴的香氣， 而且咖哩香味在口中持久不散。 好在有加五蚊， 如果下午茶只是吃蔥油餅，應該會很寡的。餐飲是百香果綠茶， 用外賣膠杯裝的， 要說很好喝嗎？ 不是， 總之就是很適合吃完咖哩喝的。

昨日我和兩位朋友敘舊，因為大家都住在附近，所以就選擇了來這兒。店員在店門很努力地招客，並推廣這兒的咖哩好食。服務友善，而且這裏的好處是沒有限時，座位亦都舒適。我們點了蒜蓉咖喱羊架、原味咖喱花膠、XO醬炒粉絲、豬手和三杯飲料。本來想點油酥餅和榴槤餅，可惜店員說因為今天負責師傅沒有上班，所以不能嘗試。明明是他們的招牌菜，但是沒有真的很可惜。蒜蓉咖哩羊架很值得稱讚。肉並不難咬開，而且味道和咖哩很夾。是有水準的作品。他們的配的白飯是珍珠米，非常可口。但是那個原味咖喱花膠就比較伏。雖然咖喱汁很好，但是花膠一點兒都不入味。好明顯是煮後，上碟時才放在一起。豬手小菜也是抵食。起初以為小菜的份量會很少，原來都有8分。至於XO醬粉絲就麻麻。不是難食，但好有快餐店的炒粉絲味道。飲料方面，見它們合作的店是專攻台灣飲料。我點了芋頭牛奶，很大杯。但味道我覺得一般，奶蓋的忌廉味道是很濃郁的芝士，飲的時候有點兒奇怪。大概是想我攪拌後才飲吧。 總結是懂得選擇推介菜式就很好吃，選擇錯的話就麻麻地。

那天午飯想吃咖哩記起早前經過這間餐廳餐廳個名已經好搞笑好吸引人注意因為只係叫食野另外仲有間叫飲野光看餐廳名，真係吾知賣咩野食睇左睇餐牌，原來係以食咖哩同西式野為主叫左個咖哩雞飯朋友就叫工個咖哩牛腩飯咖哩有少少辣本來以為係似印度咖哩食左後發覺係似馬來西亞咖哩多d辣度都可以選擇的，但印象中個侍應好似冇問我要咩辣度菜到了嘩，個碗真係好大個飯同咖哩0既比例係1比1.2咁濟咖哩好多飯就吾算好多咁樣配法其實剛剛好雞肉係正常，牛腩就吾夠淋身咖哩都算好香濃但就吾算太辣下次可以試再辣點的整個飯同咖哩都食得乾乾淨淨～～餐飲要了熱檸茶杯熱檸茶真心吾掂。。。超差絕對會再來的一間餐廳～

今晚咖喱隱起，朋友介紹話依間咖喱做得幾好食，又夠辣😋😋🌶🌶就一於試吓。我哋兩個人叫咗兩個咖喱，番茄咖喱牛腩同印度家鄉咖喱雞。番茄咖喱牛腩蕃茄味唔係好重但係個咖喱好食，有少少，蕃茄嘅甜味中和下，令到咖喱有多左少少層次。另外個牛腩都好入味好林。而個印度家鄉咖喱都好正宗，雞肉都唔肥，啖啖肉😍😍😋😋真係唔使特登去到重慶大廈，比外籍人士扯來扯去，推來推去都食到正宗咖喱😂😂👍🏼👍🏼

今日同男朋友一齊放假 休休閒閒去左大埔行下～系超級城行左陣 開始有啲肚餓就行下睇下有無啲咩特色餐廳又未試過經過門口見無咩人 裝修有幾特別 就行入去試下叫3個餸 牛腩咖喱 海膽炒飯 小食拼盤3樣都好唔錯喎 小食拼盤新鮮即炸～所以勁脆卜卜 好正！！！！牛腩都好入味又淋 汁又夠海膽炒飯雖然海膽味唔重 但味道一啲都唔失色食物份量方面非常夠2個人都差d食唔晒 好彩男朋友夠大食hahaha跟餐既嘢飲就叫左凍既水蜜桃 味道都好濃餐飲尼講絕對好岀色 可況又唔使加錢總括嚟講都推介既！！！

看到今日陽光普照又好耐冇做運動，就約埋幾個朋友一齊踩單車到大埔😝踩完肚餓經過e間餐廳見幾多人，而且好耐冇食印度菜，就入去試試😋😋番茄牛腩咖哩夠辣得來又夠惹味，加了番茄嘅咖喱多了少許甜味，配埋軟焾既牛腩，我地真的停不到手😍😍而印度家郷咖喱好濃郁，因為有好多種香草係入面，十分有層次😋我哋三個人食晒兩碗飯，超瘋狂🙈🙈抹茶紅豆奶茶☺️雖然係經典嘅組合，不過加埋仙草更好飲😋紅豆係一粒粒完整嘅，而且不太甜😍朱古力珍珠奶茶💁🏿朱古力味好突出好濃郁，珍珠好有咬口，很喜歡這杯😝

朋友食過依間話好食，咁岩過大埔就同朋友試下。小妹說唔太好咖哩（椰汁、奶食唔到😲😲），咁就同朋友叫左個拼盤同豬手。朋友話咖哩好食，好香，又夠辣🌶🌶🌶我就好鐘意佢雞翼同薯角，都炸得好香脆😍😍😋😋另外佢豬手都估唔到咁入味。本身係同朋友講起歲月無情，女人唔補好易老，要補下骨膠原，先叫個豬手食😂😂😂點知好入味又夠焾😋😋值得encore! 仲叫左個海膽炒飯，都好好食！掛住食唔記得影相🙈🙈🙈個炒飯外觀一般，但味道唔錯，鐘意海膽嘅朋友都不妨一試😋😋😋

今日又去大埔做嘢，我同同事食飯，佢介紹呢度，因為上次佢食過幾好咁話，去到門口泊到車，門面光鮮，將口語轉做英文都幾得意，店員姨姨在門口拉客，等埋同事瑋齊入，比到門口卡位，入面燈光昏暗，淺木傢具加深色牆面，再用藍色鐵網做間隔，金屬感幾重！幾形格！食物以南亞裔為主，同事話咖哩幾好！佢就點個輕宜嘅！食品好快到，見到廚房玻璃窗，廚師係南亞裔人士！應該幾有風味！咖哩羊架飯（$72）生鐵單柄細平底鑊，咖哩幾杰，淨食一啖幾香香草味，唔辣但香，係印度式咖哩！羊架兩支好肥美，瘦肉只有1/3，一啲都唔膻，肉質又嫩！好味！連啲薯仔都入晒味，豆角爽口，咖哩跟飯，無得改意粉或酥餅！無乜彈性，幸好白飯夠熱又鬆軟，撈咖哩汁一流！飯面仲放咗幾絲酸菜絲，開胃解膩，簡直想叫佢比多啲！雞柳餅（$36）同事食，分我一件，餅身乾身，咬落煙韌！幾香麥味！入面雞肉幾嫩，沾咖哩汁好味！跟餐水蜜桃綠茶：同事飲跟餐百香果綠茶：即棄膠杯，冰茶夠凍，百香果味唔夠，似飲普通凍冰茶！幸好唔太甜！店員有禮，會介紹食品，上菜收碟爽手，又會提醒小心熱盤！食物唔錯，有啲特色

我十分佩服，這間餐廳的印度咖哩可以煮得這樣難吃。「點解你地啲印度咖哩咁難食嫁？」我在埋單時問店員。「我地廚房個師傅係印度人嚟架！」店員答我。「咁係咪所有中國人煮中餐都好食呢？你地求其搵個印度人煮印度咖哩，好難食呀！」我回應。店員相對無言，「O嘴」了。究竟有幾難食？午餐有羅宋湯、咖哩雞、印度拉茶。1. 溫暖微涼的羅宋湯，你喝過嗎？2. 稀而無味的咖哩汁配上有雪味的雞肉，你吃過嗎？3. 那杯根本不是印度拉茶，只是苦澀的港式奶茶，商品說明條例，你聽過嗎？這間餐廳的所謂印度廚師，你有空的時候請去尖沙咀及中環正宗的的印度餐廳吃一次印度咖哩，不論是chicken masala 還是chicken madras，用你的味蕾試清楚印度咖哩是怎樣的味道，不要以為住在大埔的人未曾吃過正宗的印度咖哩。推介食物：1. 冷暖羅宋湯；2. 雪味咖哩雞；及3. 假扮印度拉茶。

服務超級差 叫左外賣 去到 又話要等前後等左成30分鐘 今日再次叫外賣 個大陸口音服務員 竟然叫我5分鐘後先好打去 我即放棄！ 之前經驗已經差加上上次食嘅咖喱雞味道已經比之前差很多 淡而無味 可以永遠black list

我 Lunch 不愁沒有吃最近我多咗一間價錢優惠嘅飯堂，喜歡食咖哩嘅人必定喜歡，面價錢相宜亦係重點，重要係個廚師係轉做印度咖哩！夠晒地道我 Lunch 不愁沒有吃最近我多咗一間價錢優惠嘅飯堂，喜歡食咖哩嘅人必定喜歡，面價錢相宜亦係重點，重要係個廚師係轉做印度咖哩！夠晒地道！！由門口一直行到廚房位置，差不多每台食客都有叫呢個拼盤，幾十蚊好食又抵食大大杯台式飲品，最適合食咖喱時解渴。餐牌以點菜紙形式選擇，係喜歡嘅食物上加上數量就可以，咁當然要叫個招牌美食咖喱牛腩$72面咖哩嘅味道選擇有4種口味，原味、芝士味、蕃茄味、蒜蓉味任你選擇，一般都會選擇原味，但今次就試試另一個口味，蒜蓉味上枱時你見到，一碗蒜香咖哩牛腩跟一個飯，同一般嘅原味嘅外觀差不多，而係咖哩上面加入了蒜蓉，咖哩味道不是太辣，因選了少辣嘅關係，入口時重感覺到好香嘅椰奶味道，咖哩汁好香滑，混埋個白飯就係絕配！而咖哩牛腩嘅肉質好軟熟嫩滑，煮得好淋，而亦有薯仔，幾種食物混合埋一齊產生嘅味道真係好好味！一邊印度咖喱，令一邊有台灣特色芋圓兩小口子吃到不亦樂乎一個簡單配搭就顯現到一間食肆對食物嘅心，對顧客嘅認真！