食嘢 (已結業)

一早起身，又懶唔想整早餐，懶洋洋既我，就緊係同老公仔出去食早餐啦今次，我同佢就行遠少少，去到大埔舊墟直街果邊食呢間《食嘢》。之前，食呢間都係食晏晝，佢既咖哩當時已經覺得好好食，冇諗過佢連早餐都咁出色。得我老公叫左個出前一丁配滑蛋、午餐肉、磨菇、豬仔包。份量多之餘，重點係唔係食多士，係食豬仔包我就簡簡單單叫左個腿蛋多士配牛奶麥皮，裡面蛋既份量都好厚身、又滑，其實食完呢個，我已經好飽。碗麥皮唔記得左影相，但份量好蛋，我一個人係食唔到成個早餐。總結，30幾既早餐，真係好出色會推薦俾朋友食…查看更多

同D friend一年見幾次面，大家都係大埔友，最鍾意喺大埔搵嘢食！最好就係地方就腳，坐得舒服唔趕客、食物好食又唔太貴啦！終於我哋搵到嚟呢間 *食嘢*！二人套餐份量大又抵食，我哋驚食唔晒所以散嗌佢仲有埋甜品一條龍服務。由頭食到落尾開心傾計吹水又唔使轉塲就真係正呀！ *食嘢* 好似話一定要食豬手、咖喱，同埋估唔到有水煮牛肉食！台式飲品唔可以錯過，甜品更加係回味無窮！首先係一望見已經辣到流晒口水嘅川味水煮牛，一鍋上夠晒份量，面頭鋪滿紅油同埋辣椒，食落夠晒刺激！味蕾完全得到解放 ，牛肉分量多味道濃郁，入口尚算柔軟嫩滑。德國鹹豬手，睇賣相已經好吸引，豬手口感結實多汁，皮脆肉香。仲有我最愛嘅炸薯條，沙律菜又可以中和一下油膩感覺，整體十分喜愛。咖喱牛坑腩，贈送油酥餅兩件，油酥餅沾咖喱汁食真係夾到天衣無縫，咖喱香而不辣，牛坑腩炆煮夠火喉，入口軟腍好味道。飲品我就叫咗杯黑糖珍珠香芋奶，Q彈的黑糖珍珠有咬口，香芋奶甜度適中。甜品我要左士多啤梨冰再加配料，蜂蜜牛奶雪糕真係好味到不得了！士多啤梨生果好香甜，呢度嘅芋圓好有台灣味道。我估計好快就會成為我哋大埔友聚腳嘅飯堂。…查看更多

這裡食晚飯絕對抵食同埋一定食得飽而又有質素！同朋友行過見到個招牌都幾特別食嘢！就一於入去食嘢，有中有西，還有特色咖喱，今晚就係點了個抵食2人晚市套餐$328，這個價平時最多都係兩個前菜，兩主食，兩杯飲品，但呢個餐有齊餐廳內嘅特式食物選擇，我們今晚就點了花彫醉雞卷、水煮魚、宮保雞丁、德國咸豬手、咖喱牛坑腩、海膽炒飯，六種口味一個價錢，還有兩杯飲品，就咁已經相當超值！而份量就更加冇得輸，十足分量！花彫醉雞卷浸在花彫內夠晒味道，入口雞肉軟滑還帶點酒香，正！而個水煮魚嘅魚片啖啖都係肉，配埋個酸辣嘅湯底真係十分暖胃醒神！而宮保雞丁就更加味道十足，嫩滑嘅雞肉加埋香脆嘅腰果入口，即時感覺到個陣麻辣赤椒在口中散發出來嘅刺激！而德國咸豬手嘅皮脆內香，入口夠晒卜卜脆，而且還有薯條伴碟，都十分香脆，真係一道菜接住上！而份咖喱牛腩咖喱味道濃郁，牛腩肉質軟熟嫩滑，真係十分忙碌，要親熱入口！最後個海膽炒飯入口都感覺到好香嘅海膽味道，二話不說就加埋啲咖喱汁入口，超正，今晚咁食真係覺得十分之滿足，一個價錢有多重享受，而味道唔會因你係套餐而改變，感覺超值！而飲品就加錢轉埋杯黑糖珍珠可可奶，珍珠煙韌有口感，可可味道濃郁，幫忙解一解口中嘅辣感！…查看更多

簡單直接肚餓要醫肚就去「食嘢」同「飲嘢」，今日行經大埔直街見佢招牌咁有趣，門口又咁多人輪候等入座，心想一定有好嘢！橫掂大埔舊墟超多人都係食左先！好彩都係等了五分鐘快喎！甫坐低已急不及待翻看餐牌，人氣必食咖哩就佢地喇！等送餐時發現這裡都幾別緻！🥢香茅豬頸肉 $48開餐喇！爽口入味不感膩口！😋🥢咖哩牛坑腩飯 $56果然人氣必試，單看個汁已令我垂涎，咖哩氣味直撲鼻，牛坑腩軟腍入味又有嚼口，重點係不黏牙。👍🥢蜜糖芥末配重量級豬扒飯 $54大大件豬扒酥脆香口肉質鬆化，精髓是蜜糖芥末醬，滋味難忘。午餐均配餐飲，咖啡唔錯喎好香濃！😍我們貪食加左碟豬頸肉，如果唔係 $60 有找食到一個相當不錯午餐無嘢講抵食喇！午餐仲有好多款選擇🍗🐷🥘經典咖哩！😋…查看更多

夜媽媽來到「食野」開餐，下班後第一餐特別餓雖然已接近晚上9點，但一如既往餐廳8成滿。餐廳主打多國菜，咖哩、牛扒、小菜，什至川菜都有提供！價錢親民，用餐首選食飯前先點一杯奶堤四季春，$38好大一杯，我們兩個人飲一杯都夠。忌廉奶味香濃，配淡淡茶香，好味我點了一個西冷牛扒配大蝦，牛扒7成熟但一點都不靱，牛味都夠濃。大蝦是天婦羅蝦，外皮香酥，蝦肉都彈牙必試的德國豬手超大份！！入面肉質嫩滑，不會過咸！推介加上醬汁好惹味！最後點個招牌水煮魚，辣度中等，但勝在惹味！魚塊有很多，口感好嫩滑，而且伴有薯粉，一定飽肚！…查看更多

朋友說想吃酸菜魚知道這家店有這道菜便來試試啊～～這也是我第一次光顧這家店呢！平日晚大約8pm來到..不用等位！我們三個人點了一份二人晚市套餐($368)另加食嘢拼盤二人晚市套餐包括頭盤﹑兩款前菜﹑一款主菜及兩杯飲品頭盤選了黑油醋鮮蝦沙律前菜分別是酸菜魚及可樂烤豬仔骨主菜是香煎帆立貝白酒煮意粉兩杯飲品，朋友們分別選百香果阿里山烏龍及青蘋果soda黑油醋鮮蝦沙律，蝦算大隻爽口﹑沙律菜爽脆黑醋的份量剛剛好，微酸的令人開胃！灑上少量芝士粉，令味道不會太單調～酸菜魚，本來以為是前菜類，份量不太多一端上桌，豈料那是一大鍋啊魚及酸菜的份量都很足夠，當中還有少量薯粉魚塊嫩滑無骨雖然酸度及辣度都不足，以酸菜魚之名是不合格但湯的味道其實夠濃郁～所以味道很好啊！！可樂烤豬仔骨，豬仔骨軟稔易咬，帶好淡好淡的可樂味可能甚至會感受不到可樂味，只覺得像帶點酸味的醬豬仔骨算是入味！味道不錯！食嘢拼盤，有吉列魚柳﹑釀雞翼﹑薯角及油酥餅芝士蘑菇釀雞翼，份量剛剛好，芝士不會太膩而且有菇在內，令雞翼更juicy吉列魚柳的脆漿略厚了一點，魚柳夠熱夠滑薯角不過不失，夠香口油酥餅配咖喱醬汁，咖喱味算香濃，略嫌油酥餅不夠鬆化香煎帆立貝白酒煮意粉，帆立貝份量算多，每人都分到兩隻意粉質感爽滑不會糊糊的白酒味足夠，加上芝士粉來吃，味香而不會太膩！兩杯飲品，朋友都沒什麼差評，應該ok總結而言，食物的味道算是不錯而且份量很足，與朋友都吃得很飽足！…查看更多

星期六陽光普照，大埔周圍行下食個輕鬆下午茶，我記得好耐之前食歌食嘢嘅咖喱，正宗印度人風味，而家雖然未必見到印度師傅，但聽講質素仍然好。地方寛鬆坐得幾舒服。友人叫咗個 招牌咖喱雜扒飯 $68濃烈嘅咖喱香味，多汁撈飯最好食。雜扒影真豐富，牛扒、雞扒、火腿、腸仔；經典懷舊的味道。招牌咖喱汁更加係香辣並存，惹味得來夠刺激。現我選擇的 紅醬鮪魚焗意粉 $42，抵食又特別，分量十足。加$28 符碌茶，好得意嘅名字，原來即係 fruit tea。味道清新又唔會太甜，冰涼解渴。瑞士雞翼配秘製醬汁出前一丁 $38，雞翼肥美多汁，秘製醬汁好 sweet。特色小食更加唔可以錯過 食嘢拼盤 $68。可以話係招牌 signature 的，最鍾意嘅都係雞翼同埋魚柳，酥餅點咖喱汁就最好味啦！蘑菇芝士釀雞翼拼薯條 $38，雞翼裏面釀咗蘑菇同埋半溶嘅芝士，美味多汁，滋味無窮。…查看更多

先嚟個金桔檸檬綠茶城杯 黃色 好鮮色飲落去 係 好香嘅 柑桔 味道大大杯 都幾好飲符碌茶可以試到 好新鮮嘅生果味嗰茶底 如果 冇估錯 係 熱情果茶冰凍好飲主菜 係 紐西蘭西冷 牛扒 拼 大蝦薯條D薯條熱辣辣配埋茄汁 非常好食西冷扒 配埋個 黑椒汁令到肉質提升不少 口感豐富跟住 就係 德國咸豬手肉質鮮嫩非常 咸道適中烤得 皮香肉脆 好鬼好食再配埋 黃色 芥末汁你會食到另一種 從未試過嘅美味再嚟就係 食嘢拼盤炸魚柳 炸得 非常 新鮮 鬆脆嫩滑蔥油餅 整得好爽口 唔油膩蒜蓉雞翼 熱辣辣 有三種唔同醬汁 咖哩汁 沙律醬汁配搭豐富侍應 熱情招待你問嘅問題 都解答得好清楚加上地點就腳 泊車方便無論 堂食 及 外賣 都係一個唔錯嘅選擇…查看更多

Friday就梗係要食好啲啦，今晚約左 FRD  o係大埔呢邊飲野，飲野之前醫下個肚先，搵到呢間【食嘢】見佢個名好得意下，所以就入去試下了，佢隔離仲有間叫做【飲野】的，原來係同一間既集團，不過【食嘢】就專門係以食物為主的。 叫左一份「森巴醬少通菜」有少少似馬拉盞通菜咁既味道，大廚炒得好夠香惹味，通菜亦很碧綠，非常新鮮爽脆，入味至最。另外「花雕酒醉雞」亦係增添食慾至極既一道菜色，酒味香濃，雞味濃郁，皮爽肉嫩，食過真係會番尋味。「皇家芝士海鮮焗飯」海鮮食材足料不在話下，芝士與鮮奶融合既味道配搭得淋漓盡致，直迫上味蕾，難以忘懷。特別推介飲料:「金桔檸檬綠茶」、「yumhea 符碌茶」，屬打卡呃 like 首選，清新解渴、鮮甜可口，又有飲又有食，必點之選。「芥末青瓜木耳」係餐廳附送的前菜，涼拌菜絕對適合四季，木耳亦是好有營養價值的菜，配以芥末混入而製十分開胃，直頭想追住咁食。…查看更多

突然間諗唔到食乜嘢款式嘅菜式，朋友推介話大埔-食嘢 有不同菜式選擇，我哋就入去試吓。果然見到餐牌有西式精選同埋中式推介等不同款式嘅菜式選擇，果然多元化，可以切合唔同客人嘅需求。我哋又想食牛扒、又想食豬手、又想食水煮魚！大家心目中想食嘅食物款式好不同，不過呢間餐廳可以一次過滿足晒我哋咁多個人嘅願望！先叫了一份德國鹹豬手，鹹豬手好有份量，有我哋嘅手板咁大隻，食落去外皮相當香脆，皮下層仲有骨膠原嘅口感，食落去好黏口，豬手肉好林，相當入味。至於西冷牛扒拼大蝦薯條🍟，牛扒好大塊，仲配埋牛肉汁。食落去牛肉味道香濃，質感嫩滑，好好食，另外薯條仲好香脆可口添！還有海膽海皇炒飯同埋炒蒜蓉西蘭花，兩者配埋一齊好match，最欣賞西蘭花，炒得好林好入味！還有朋友喜歡吃嘅招牌酸菜魚、宮保蝦仁、香茅豬頸肉等，同樣出色美味。秋冬嘅天氣當然要Order一杯暖笠笠嘅熱飲，知道旁邊嘅分店-飲嘢 出名特色台式飲品，就叫了一杯熱嘅黑糖珍珠香芋奶，香芋牛奶味道唔算太甜反而剛剛好，牛奶好香滑。最後四個人用餐都只係$700有找，每人平均消費$200有找，已經算是大埔區相當超值、而且食物質素高嘅一間多國菜餐廳。…查看更多

同屋企人喺附近行完街就去搵地方醫肚，俾我哋發現一間好有特色嘅有得飲同有得食嘅餐廳，兩間地舖連在一起，原來一間專門飲特色台式飲品小食、一間專門用餐的。餐廳的招牌很耀眼，用燈管做底，所以夜晚會特別搶眼，而且門口主要以藍色為主，並佈置成充滿聖誕氣氛的餐廳，準備迎接萬眾期待嘅聖誕節🎄。餐牌上的飲品非常吸引，每一杯都好想試吓，最後我揀選了一杯凍的黑糖珍珠多瑙河飲品。賣相有豹紋嘅條紋，攪勻一齊飲非常香滑，黑糖珍珠煙煙靭靭，好有口感。主菜我哋分別叫咗德國鹹豬手西冷牛扒拼大蝦薯條、招牌酸菜魚、海膽海皇炒飯、宮保蝦仁、香茅豬頸肉等等，極為豐富。當中非常欣賞招牌酸菜魚，原來係餐廳嘅招牌菜之一，份量好大盆，其實足夠我哋四個人食。入面除咗有酸菜同埋魚塊之外，仲有芽菜同埋薯粉，魚好滑溜而薯粉好入味，仲有少少辣，非常滋味。不得不讚香茅豬頸肉外皮炸得非常香脆，食落去豬頸肉肉質鮮嫩，再點埋泰式辣醬，更加正！如果唔夠食或者想食啲甜品，餐廳仲提供不同種類嘅芋圓甜品同埋特色飲品添，食物飲品多元化，唔驚食到厭。…查看更多

今晚約咗個住係大埔嘅舊同學食晚飯，佢帶我去「eat野」。我地叫咗4樣野，2杯野飲。德國咸豬手 - 我喜歡佢嘅咸度適中，呢個價錢食到豬手，確係少有。蘑菇芝士釀雞翼拼薯條 - 溶化嘅芝士混入磨菇，加上雞翼香脆，香口美味。咖哩雜菜 -  好獨特嘅咖哩味道，比較重香草味，又幾有新鮮感wor。油酥餅配咖哩汁 - 食咖哩一定要配油酥餅，咁先至可以索盡咖哩汁，所以我encore油酥餅。呢個酥餅係幾酥脆，索埋咖哩汁簡直大滿足!Yumyea符碌茶 - 其實係果茶，攪笑嘅名，大杯嘅份量，有幾款果肉，抵飲! 黑糖珍珠可可奶 - 要大讚! 呢個價錢有咁大杯，仲要爆多珍珠，抵呀! 珍珠嘅多寡係影響杯飲品嘅甜度嘅，所以黑糖控要注意呀。見佢地嘅甜品好吸引，可惜已經食得好飽，加埋咁大杯野飲，唯有下次先至食甜品啦。…查看更多

一個風和日麗的早上, 心情都特別輕鬆. 可能是心情輕鬆的關係, 就連工作的進度都異常順暢. 還未曽想想中午吃什麼, 就不經不覺來到午飯時間了. 還好, 同事們有意見往那裏吃中午飯, 自已就不用費神. 離開地鐡站後在温暖的陽光下走過一條恬靜的屋邨, 轉入橫街, 大約八分鐘左右就到達食店. 餐枱整齊清潔, 坐位闊落. 看看餐牌, 午餐款式選擇良多, 從台灣的肉燥飯到法式意粉都有供應. 可能是心情大好的關係, 點了德國咸豬手, 川味水煮魚, 咖喱什扒飯及喇沙湯麪. 咖喱什扒飯份量十足, 配有雞扒, 豬扒, 腸仔, 煎蛋, 薯條及蔬菜. 肉類及煎蛋皆香口, 蔬菜新鮮. 最為令人回味的是加入了香草的咖喱, 甜香但不辣. 喇沙湯麪追加了墨丸及吉列珍寶蝦. 先來說說那個溂沙湯底, 顏色鮮艷奪目, 入口濃郁鮮蝦味, 配上新鮮蔬菜包括粟米粒, 金菇及豆卜更顯清甜. 其次, 配料魚腐吸滿了蝦湯, 異常香口甜美. 墨丸爽口彈牙. 吉列珍寶蝦鮮甜結實. 德國咸豬手超大隻, 肥瘦適中, 價性比極高. 入口皮脆肉嫩, 配上蜜糖芥末汁, 微甜不辛得來消減油膩.川味水煮魚一上菜, 麻辣香氣四溢. 魚肉入口鮮嫩滑溜, 同時給舌頭帶點麻辣感覺. 當中還有薯粉, 晶瑩剔透且有咬口.…查看更多

週日晚餐當然要吃得豐富一點，但又不想大過花費，所以去了朋友介紹位於大埔超級城附近的隱世食店Eat野，我們點了幾款食物分享。咖哩牛坑，咖哩中的香草味濃郁，帶椰汁香味辣度適中，配飯吃一流。川味水煮魚，一大鍋份量十份，只是$128， 超值之選。除了魚塊，配料還有紅薯粉、津白。魚肉軟滑，辣度不是超辣的那種。紅薯粉則彈牙，有嚼勁，吸收了川汁後更見滋味無窮。香草烤豬仔骨拼薯條，肉排以燒烤醬及黑醋調味，適合重口味人士。飲品可以選擇旁邊另一餐廳 “飲嘢” 嘅特色飲料，應該是同一個老闆。銀河符碌Soda，顏色層次分明，有青檸梳打及藍碟花的味道。奶緹紫薯奶，紫薯味香濃，杯面的奶緹帶有少咸的芝士香味，配搭合宜，是品嚐川菜後的解辣的合適飲料。…查看更多

中同: 去食嘢阿！我: 好阿！食咩先？中同: 都話食嘢咯。。。之後兩條友就黎左呢度食Dinner啦😂四季豆炒得有鑊氣，送飯一流，亦都好大兜好抵食。雖然佢話係蕃茄濃湯，但就食唔出有咩蕃茄味道，反而有淡淡的咸蛋味，好好食，不過以價錢來講，份量略嫌有啲少。。。見到佢自稱咖喱主義，咁我同友人就決定叫一個咖喱大蝦嚟食，份量都OK喎，足足有成六隻蝦，咖喱頭幾啖食都覺得幾好食嘅，但之後就覺得有啲膩。。。餐廳喺鋪名同菜式方面都睇得出想行新派路線嘅，食物方面都多元化，但係裝修格局方面我覺得可以再花多少少心機。另外都希望餐廳可以注意下，鋪頭望落去有啲凌亂，係樓面放滿左食材或者一啲煮食嘅儀器，令人食得唔太安心。總括嚟講嘢食方面我都尚算滿意嘅，如果係裝修方面再多花心機，相信令其他食客會更加放心。…查看更多