影片
好即興約朋友食飯，朋友原來放假，結果很意外地入了荃灣，順便在這個曾幾可時經常踏足的一個社區周圍逛。朋友堅持不要吃大集團經營的店，要食"地道野"，結果來了這兒。蠻喜歡她的野菜拉麵，野菜很多很新鮮，拉麵不是平常吃的質感，比較"lup"。朋友的炸軟殼蟹芝士焗飯，份量驚人，望見已覺漏，吃下去，芝士味頗重，炸軟殼蟹我個人覺得很差，好無味道，大而無當，朋友卻不介意。鹽燒多春魚不錯，唯味道稍淡；餃子雞翼一般。服務環境可以。朋友很感激我帶他來這兒，頻說要再來。對他這個屯門人來說是可以的，我呢。。。
繼續閱讀
以前去過兩三次都係晚市, 聽朋友講lunch set平但好少夾到時間, 試過2點幾到佢地就已經落場平日下晝去風月, 大約2點都仲會有lunch set但主意, 只係平日先有, 同埋佢地比較早落場果日入去問下啦~ 咁岩仲有不過正當我睇完menu諗住叫野食ge時候...佢就同我講呢款停左, 果款又停左...我心諗...無咖喱, 無雞, 無天婦羅... 都無左1/3個menu...不如你地早d 落場算數啦~最後叫左個燒牛肉定食, 豬扒鍋蛋飯, 同埋我最想食ge 鰻魚壽司!以前食呢間都係最鍾意佢地d 特長鰻魚壽司~ 又抵食又好食而d fd就鍾意佢地d 特長三文魚壽司, 因為更平!不過依家已經無哂優惠價之外, 仲左價...等左陣d 野食終於送黎, 不過奇怪ge 係...以前食佢地ge 鰻魚佢地一定係即燒, 仲燒到我都聞到不過當日我完全聞唔到燒野味...唔通佢地係整落ge? 一試...真係無以前咁好食不特止, 口感好差, 唔多新鮮咁...即刻好失望... 諗住睇下lunch set點啦賣相都仲ok, 不過味道呢...牛肉d 味好怪, 我女友愈食愈唔對路, 最後淨番好多豬扒鍋蛋飯仲犀利... 擺明係整好哂先放落個鍋度仲有個鍋係唔熱ge... oh my god豬扒乾爭爭, d飯硬而且因為唔係連鍋煮, 所以無飯焦總之成件事就係有鍋=無鍋至於d 跟餐小食同剌身呢... 真係廢事講!難食到嘔...就連百佳賣ge 都可能好過佢... 咁樣點攪呀...快快趣食完埋單走人~ 呢度仲要二百幾蚊先收咭...另外, 唔可以唔提佢地d 服務態度...好似唔休做咁成日提早落場就算唔落場都同落場一樣, 只要稍遲好多野都無得叫落單上菜態度都一半, 手腳慢最大鑊係成日明明夠哂人手都唔知點解留意唔到有人要落單!有客人企嚮門口/ 入到去都唔會主動招呼客人...真係心諗... 咁唔想做生意, 不如就咪做啦你地=.=如果真係要介紹有咩好食, 以前我會推介...沙律三文魚壽司, 鰻魚壽司燒牛肉/ 鰻魚定食, 鍋飯另外仲有炒蜆!! 真係好抵食!!不過依家我真係唔知喇... 算把啦, 都應該唔會再幫襯環境: 一間普通不過ge 店仔, 甚至有點舊d位有點窄味道: 以前晚市ok 依家午市好不濟服務: 一向都麻麻, 依家更差抵食: 以前仲叫抵, 依家愈加愈貴, 完全物非所值乾淨: 普通啦
繼續閱讀
今日同上星期四因為去左附近既育嬰園實習而朋友話依間野食ok所以我地就來左都0岩既,食物係幾好上次食燒牛肉定食跟沙律,麵豉湯同野飲($33)個定食味道好似吉野定既牛肉,但佢d飯好唔得,勁淋沙律好味!今次食滑蛋天婦羅,都有沙律,麵豉湯同野飲($35)天婦羅唔錯,但d飯又係唔得..好似尋晚賣剩既飯咁..!!!!同埋依間野既服務態度超差有個女侍應好似黑面神咁好唔得!
繼續閱讀
服務勁差出野食勁慢又唔係好食過人...等佢d野食仲耐過食野既時間呀落錯單...打返轉頭啦..等左幾勁..之後聽到個師傅好大聲咁問頭先個個仲要唔要架..我一聽到即刻取消佢走人呀.....激死!
繼續閱讀
尋晚(21-9-2007 Fri)舊女同事M請我食o既生日飯,大約7點到o黎,冇咩人,我o地坐o係最入面最貼整o野食o個張兩人枱,我o地叫o左:1.招牌蟹子肉鬆沙律(細)M同我都好掛念呢個招牌菜,其實一直都知佢從最初抵食夾大件到成名後,size好快就縮水,不過呢樣真係幾好食,所以要叫.有幾片生菜墊底,幼幼o既青瓜絲上舖有肉鬆同蟹子,份量小o左好多,食落,蟹子有啲腥,不過我o地唔介意,因為咁即係話呢啲係真蟹子,唔係假o野.青瓜絲依然夠清甜,配上肉鬆同蟹子,口感係一流.M察覺到幾乎每枱客都叫呢個沙律.4.碗仔刺,列明有兩隻甜蝦,四片墨魚,四片帶子,四片北寄貝,四片三文魚一直欣賞呢個名改得幾好,但尋晚第一次食.所有刺身整整齊齊咁排列o係蘿蔔絲同冰上.刺身尚可,但略嫌北寄貝同墨魚切得太薄,墨魚更切成條狀,且有根.但三文魚則較厚及比較大件.2.炭燒雞串及3.炭燒燒汁豬頸肉上面淋有同樣o既燒汁,幾杰幾濃,食落,好似食唔到雞味,豬頸肉份量唔小.味道都係一般.我略嫌燒汁鹹o左啲.5.汁燒牛肉拉麵牛肉似係打邊爐o既肥牛,麵身夠淰,味道都OK.份量亦唔細.我o地成晚都要你推我讓,因為真係幾飽.埋單$197.00從開張冇耐(應該係三年前)到o衣o家,都幫襯過幾次,但尋晚一入去,冇o左年輕女侍應,格局冇變,但牆身好似唔同o左色,以往o既大餐牌冇o左,而且菜色唔同o左,覺得可能係轉o左老闆.環境:依然係咁迫夾.服務:得兩個女侍應,加上由7:30pm左右到我o地10:30pm走都坐無虛席,佢o地根本做唔切,所以都要叫佢o地斟茶,但之後佢o地都有盡量主動斟.衛生:枱上兩張細餐牌有啲黐立立o既感覺,而中途年輕一啲o既女侍應收o野入內時都跣一跣腳,幸好佢手上唔係攞住熱o野同扶得切我o既椅背,否則佢同我都會受傷.註:走o既時候見有兩張枱食蜆,有好多蜆殼,唔知係咪好好食同好抵食呢?
繼續閱讀