頭啖湯

營業中

休息中

近日天氣涼涼地 好適合邊爐精又再出動今日去朋友公司附近搵野食朋友話每日lunch time行過 見到好想試一於擇日不如撞日 就夜晚放工去食入到去職員俾左卡位同menu我地涼涼地最啱食椰子雞 我地諗都無諗就叫左隻雞先 之後先叫其他野雞煲可以見到雞件係即煲熟佢咁先會保持到嫩滑唔鞋口雞件好多 油份好足而且一打開就聞到好大陣椰香味而且配料仲有本菇竹笙蟲草花紅棗真係好味又抵食！食完個煲要飲返啖啤酒 一樂也其他配料係食完雞煲後都陸續上啦雙拼蚌好新鮮 鮮甜又夠彈牙烏冬並唔係平野 同樣排湯同彈牙雜菇每一種菇都好靚好新鮮漲卜卜 冬菇好甜 秀珍菇 好重菇味手打墨魚滑呢個真係不得了 不得不點 重墨魚味同彈牙之餘 亦有粒粒墨魚粒 真材實料！牛栢葉 滾兩滾就食得 就算煮耐左都唔會韌除左野食之外 職員服務亦好好 會主動加湯換碟同翻開啲雞確保煮熟而且餐廳亦乾淨企利光猛 唔會話地下濕滴滴

今日天氣突然凉一凉，火鍋癮又起了，記起某日經過 屋企附近威非路道見有間”頭啖湯”，就落去試一試先。看看餐牌，有4款招牌特色火鍋，今日來個滋潤的。雖然點半隻雞，都幾足料，有木耳、蟲草花等滋補材料，先食雞肉，質素正常，肉質都嫩滑。較為失望不是脆身帶筋的那種，口感味道一般，帶黑椒香。份量足，賣相新鮮，下鍋卷起便可，但入口較韌，沒有爽脆感。有牛骨髓當然必點，粗身份量足，入口腍軟煙韌，不俗。韮菜味香濃。彈牙爽口。娃娃菜非常新鮮，切得大小剛好，好鮮甜，贊。好大一杯，甜度適中，有鮮的蘋果、西柚和火龍果，配火鍋清爽解膩。

天后📍有驚喜的一餐 #海底椰子雞煲🥢三個女仔去食叫咗半份☝🏻$128 重點係食完之後佢係會加返椰子雞湯🉐同埋啲雞好滑🐔食完成餐都唔覺口渴🙊🌟牛肩肉 半份 $98🐂好有牛味同埋厚切嘅，食落去好有口感👍🏻🌟墨魚滑 🦑性價比高 出奇地彈牙 $68👍🏻🌟炸魚皮㊙️又大塊又脆口 $32👍🏻👍🏻🌟非常值得推介👏🏻鮮榨橙汁1 大jar都只不過係$48😍同埋係絕無欺詐成份，好鮮甜☝🏻一定要飲🉐💁🏻‍♀️侍應都好有禮貌，非常好嘅服務態度👏🏻下次試埋佢其他煲☝🏻溫馨提示: #eatigo訂位指定時段低至半價🙊雖然地址寫#天后，但小編覺得炮台山站行出去會比較快📍唔接受信用卡但係接受微信支付✅

同事約我食飯，話要farewell 我，又想食火鍋，因為可以慢慢食慢慢傾。我話搵銅鑼灣區食，但佢話太多人，不如搵附近既天后，話果度好多餐廳都好有水準。最終揀左呢間，皆因睇中呢度既椰子雞煲！秋天梗係要食呢啲滋潤一下啦！椰子雞煲火鍋好快就上，兩人叫左半隻雞，但煲內有滿滿既雞肉！我地兩個女人覺得可以4人share先食得曬！雞肉肥美，滾左可以見到有一層雞油，店員好細心教我地先「僻」左面層既雞油後，可飲下煲湯，再加火鍋料落去，咁樣就可以飲到最清甜既椰子雞湯！果然，真係落足料，好似阿媽煲既一樣，我地每人足足飲左一碗！飲完後煲湯底已經所剩無幾，立刻叫店員加湯。原來加湯都係椰子雞湯，睇到係奶黃色！唔係加普通湯底，讚！美國安格斯雪花牛肉（小）睇落好細片，但兩人食已足夠！可以睇到無咩肥膏，所以口感彈牙！無油膩感，相當唔錯。雙拼丸 - 芝士丸、黑椒牛筋丸裡面芝士好多，每次咬開必爆，辣親個嘴。我覺得牛筋丸幾岩我口味，黑椒味適中，唔會蓋過牛肉既鮮味！雙拼兩人食真係會好飽！脆鯇魚切得好薄，煮一陣就食得，好爽口！鮮蝦滑造型好特別，以為份量好少，但煮完都幾多，蝦味鮮甜！薯粉比一般大條，第一次食呢種！需要耐少少時間去煮

呢幾日天氣涼涼地，又想去打邊爐朋友響呢頭番工，openrice下呢區美食又俾我搵到間正野兩個人撐枱腳，都安排咗張大卡位黎，坐得非常舒適醬料盤有我最愛嘅芫茜，基本上就唔洗落其他料滋潤椰子雞煲(半隻)老闆話呢度招牌火鍋就係椰子雞，梗係要試試佢兩個人叫半隻夠曬，啲雞已經多度夾極都仲有仲有菇， 大蔥，紅棗，雲耳之類，超足料一擺低個煲就勁香椰子香味，流曬口水唐生菜墨魚滑爽口，彈牙，嗰陣墨魚香係我加咗好多芫茜之後再食都係蓋唔住嘅真材食料一定要叫!!響鈴卷打邊爐必點之一，放落個煲度兩秒拎番上黎好似咁，然後唔洗點豉油，索曬啲椰子雞煲汁咁食就係最令人感動嘅食法芋絲份量都幾多，入口彈牙，簡單野但都係打邊爐必點美國安格斯雪花牛肉(小)兩個人雖然食嘅野好有限，但都總要叫番碟牛呢碟安格斯牛雪花分佈幾靚，入口有牛香味有咬口得黎又唔會似擦子膠咁難咬而家睇番啲相都想快啲再去幫襯一次飲品就叫咗檸蜜同柚子蜜高質散叫嘅打邊爐舖絕對值得支持用料新鮮環境又好忍唔住手要打番個正皮

天氣開始凍就係打邊爐嘅時候啦！成日都有條雞煲引今日就食呢一個頭啖湯去解一解呢個心癮先入到黎唔使睇個餐牌已經諗到想食重慶麻辣雞煲小辣！由於我哋太想食雞煲嘅關係我哋兩個人叫咗一隻雞……登登登登！麻辣雞煲登場！呢個雞煲真係不得之了，佢啲雞嘅肉質鮮嫩，而且調味嘅雞煲執都非常之濃郁辣到小辣就恰到好處食完雞煲就梗係要用雞煲啲汁黎加湯打邊爐啦！我哋叫咗肥牛、響鈴、薯粉、雜菜藍、三拼丸、炸魚皮！肥牛充滿牛味～淥幾下就已經熟左～放入口個下簡直就係食到一啲期待已久嘅嘢咁！響鈴呢啲咁邪惡嘅嘢真係非常之卜卜脆！炸魚皮都非常之脆口，平時食炸魚皮最怕食到一啲諗左通左風嘅魚皮，但係頭啖湯嘅炸魚皮就冇令到我地失望啦呢度啲薯粉比平時出邊食嘅厚身同埋大條～食落去口感十足煙煙銀銀咁索晒雞煲啲汁非常之惹味咁樣睇呢幅相好似好辣咁，但係其實係啱啱好辣得好過癮呢個係三拼丸～分別係牛丸拼芝心丸拼墨魚丸～ 如果d丸可以更加彈牙就好啦～ 叫咗兩杯凍檸茶買單咁多嘢食都係$600都算抵呀！

哩度既地方吾算好大，位置比較闊，坐得好舒服🙆🏻‍♀️我地想打邊壚又想健康d,所以就叫左個珍味百菌鍋☝🏻入面個湯底好重菇味😍😍入面有西蘭花，有冬菇、杏鮑菇！兩個人都叫左小小野食過下口癮！蝦滑 呢到既蝦滑係自家製， 食得出有微微蝦粒，好新鮮同埋彈牙，蝦滑比較特別係用竹筒裝， 一筒有兩支。芝士竹輪芝士迷必叫！獅子狗入面包住芝士，咬落去個芝士爆出黎🙈🙈真係好正，一碟有5粒度！竹輪好彈口，香味滿韮菜餃超香！超濃味， 咬落去啖啖香😍鐘意水餃既一定要叫，一碟都好多舊！生菜同金菇打邊爐必備蔬菜， 兩樣都好新鮮而且份量充足。就算我食完菇既湯底都吾會嫌悶啊！可以繼續食金菇😂😂安格斯牛丸食到咁上下見到牆上面有個小白板寫左啲推介食物， 原本想叫川辣牛丸，但店員話賣晒，介紹左呢個牛丸比我地，真係無介紹錯啊！有6粒度， 牛丸咬開充滿肉汁， 好有咬口， 係個口度爆出黎，充滿牛味，誠意之作。☝🏻佢既橙汁都勁大榨，好fresh,必叫之選！朋友叫左杯啤酒，好大枝，一個人都飲吾哂😂😂

天氣開始轉涼，係時候食火鍋。見依間標榜無乜味精就去試下！4個煲之中，我地揀左半隻椰子雞煲，勝在又滋潤又補又暖胃。個雞煲有埋菇、雲耳、蟲草花同蔥，一黎到已經有淡淡既雞香味。煲滾左之後D椰子同雞味係出晒黎，就咁睇已經知個湯有幾濃郁，越煲就越香！雙拼蟹子同芝士丸～叫左金菇，放埋入個雞湯到，令個雞湯再多一陣菇味，一煮熟之後好冧。叫左個細既雪花牛肉。D雪花牛肉最梗要唔好煮太耐，一見佢轉顏色就即係食就好軟熟又有牛味！諗住叫個筒蠔，點知賣晒，所以就轉食廣島蠔。大大隻蠔，熟左之後係超肥美，每一啖都好重蠔味，所以再encore叫左4隻！最後將d粉絲浸入D雞湯到，直係一流！每滴雞湯都掛晒係每條粉絲到，真係食到停唔到呀！最後叫多杯荔枝乳酸梳打特飲，搞混之後都唔會好甜，飲得好爽。最暖後就係個雞湯真係好天然無味精，食完之後唔會好似其他火鍋咁會好口渴，好想再去食！

一般打邊爐都好少飲埋個湯底，雖然叫湯底，不過都真係太多油，唔會亂咁俾啲quota個啲油。今次頭啖湯打破常規，因為根本就係用個湯打邊爐。點咗椰子雞煲（$128半隻），以一個特式又足料嘅火鍋湯底嚟講真係好抵，除咗眼見嘅料之外，仲有海底椰，一啲都無偷工減料！不過要等啲熟晒先可以開始食，都要等大概十分鐘，建議一滾就開始飲湯，未食其他嘢之前已經飲咗三四碗。雖然湯底本身都已經有竹笙（$38），不過濃湯配爽口易入味嘅竹笙，好夾！牛肩胛係另一個重點，同竹笙一樣係必點，$168一盤大嘅，好嫩口，唔駛全熟，濃湯都唔會蓋過牛肉味。要留意牆上嘅menu，手打丸都好重份量，墨魚丸係咬到墨魚肉，其實想試埋蝦丸，雙拼唔知可唔可以墨魚丸配蝦丸呢？

難得星期一收早約埋家姐去天后搵食☺家姐話想食雞煲，就即刻上Openrice搵野食，見依間食評都唔錯就決定黎依間食啦!~ 頭啖湯位置係係天后既A2出口直行幾分鐘見到新世紀物業再轉入去(即大快活對面)再行1分鐘就會見到啦!!7點鐘入到去見到全場得我地2個心諗:咁恐怖!唔通中伏?!不過唔黎都黎左啦，就膽粗粗坐低試下。見到Menu有4種湯底可以揀，我地就揀左望落好正既重慶麻辣雞煲半隻，由於我地怕會太辣所以就問店員通常啲人係食咩辣，佢就話食得辣嗰啲就食小辣，我就即刻話咁要微辣啊唔該點完餐之後店員就攞咗一個調味料嘅兜俾我哋，裏面有唔同嘅調味料：豉油、乾蒜、濕蒜、蔥花、芫荽、辣椒仔同埋我覺得最特別嘅麻油，我食過嘅雞煲都係冇麻油，好新奇。過咗幾分鐘之後，一盤熱辣辣又香噴噴嘅雞煲送到黎我地面前，當我地揭起個蓋嘅時候，雞煲伴隨着一啲麻辣同埋雞嘅香味撲鼻而來，我哋迫不及待試咗一啖雞塊，開頭食都冇乜辣味，但係越食個嘴唇Feel到開始有啲痹痹地，但係冇我想像中咁辣，推介大家可以試小辣！同埋半隻雞兩個人食啱啱好！正當我地食緊嘅時候，就開始不斷有客人陸續咁黎到店裏面，大部份人都訂咗位，之後先發覺似乎我哋太早黎啦，所

來一個週末回顧👀無錯又係雞煲丫😂不過今次無咁重口味 比較養生😚黑蒜野菌泡飯+肥牛 個湯好清 好開胃滋潤椰子雞煲 啲雞好滑椰子肉好QQ 有淡淡椰子味😍 係就係有啲遠 行過都可以試下

今日第一次到了這家叫頭啖湯的店午餐，點了椰子雞湯泡飯連熱檸茶$40。泡飯上枱，先喝一口湯，椰子清甜，淡淡雞味。泡飯有幾件白切雞，雞唔肥，肉質不嚡囗，不錯，其他配料包括少許杞子，雲耳，小棠菜及椰子片。份量都幾大，這樣的價錢十分經濟和抵食。檸茶茶味濃度適中，不過濃，沒太大苦澀味，不錯。下次可試一下不叫泡飯，選米線。這樣應該會比較輕食一點，如此便可另加$8配料如：水餃、肥牛、墨丸等，相信會更加豐富並吸引。

頭啖湯同地鐵唔係好近，大概由天后站行十分鐘，途中經過幾間車店，行多兩步就到。座位好舒適，唔會好迫。幾款湯底都好吸引，因為個湯底堅係可以當湯飲，決定唔點麻辣，叫咗個滋潤椰子雞煲，兩個人食叫咗半隻。其實根本係一款老火湯，好濃好有椰香，亮點係用生雞煮，心急都要等雞熟先飲得。本身有竹笙、雲耳、菇，為個煲都係料，$128有一款特式火鍋湯底真係好抵。而自選醬配料足夠，重點有埋麻油！店員好主動咁幫我哋加湯同提我哋要撇油，要留意，加湯之後雖然無乜淡咗，不過一直淥一直淥，的確會多油，要飲湯嘅我哋，喺淥之前已經飲咗好幾碗啦！廣島蠔（$35兩隻）無筒蠔咁大隻，都好飽滿鮮甜。牛肩胂（大份$168），脂肪嘅部份好啱，完全代替到肥牛，五成到七成熟都正！

岩岩起中央圖書館溫完書，諗住起附近搵好野食，我同男朋友都好肚餓，加上天氣凍左，就決定打個邊爐。我地叫左個椰子雞煲（半隻雞），侍應好快就幫我地上左個椰子雞煲先，邊煮邊等我地揀其他野食，好有效率。首先一定要介紹左牛肩肉呢樣我地最推薦既餸先！爽口有牛味，而且有嚼勁！好推薦比唔中意食太肥既朋友仔食！牛肩肉一d都唔會肥！另外有d打邊爐必點既餸：芝士竹輪、炸響鈴、魚皮餃，我都好推薦。娃娃菜佢有幫我地切好細細塊，方便食。菇類我地點左蟹味菇，菇其實都係打邊爐必點既，因為好‘come’煮。飲品方面，我地叫左一jar凍橙汁！好爽皮。餐廳環境寬敞，有電視睇。雖然我地只係兩個人食，但都安排左我地坐卡座，所以坐得好舒服。

秋風起，人又肥😂食咗火鍋先講～一直想試頭啖湯嘅椰子雞煲，今晚終於得嘗所願。餐廳座位寬闊，坐得舒適。椰子雞煲兩個人食半隻已經夠～主角嚟啦～滾起嘅時候傳來陣陣椰子香味，好期待呀😍食得啦～材料好豐富，除咗有雞，仲有木耳、蟲草、杞子、竹笙、菇菌，係滋補嘅味道。畢走啲雞油，再飲一啖熱騰騰嘅湯。香噴噴嘅椰子味，配上其他材料，係濃郁嘅老火湯😋實在太好味喇，我飲咗好多湯先捨得去擺啲丸落去煮😂之後職員幫我地加返好多椰子湯。👉🏼涼拌黑木耳等湯滾嘅時候食吓黑木耳，少少辣，好醒胃。👉🏼墨魚滑好有心思嘅上枱方式，可以俾客人自己用棒畢落鍋度。墨魚滑好鮮味，亦好彈牙，好玩又好食！👉🏼安格斯牛丸唔好以為同普通牛丸冇分別，食一啖就知堅好食。牛丸好彈牙，而且保留住肉汁喺入面，好味推介😋😋😋👉🏼西班牙黑豚肉呢個都係好味推介，黑豚肉好快熟，配上豉油麻油，肉質鮮美，肥瘦比例剛好，我停唔到口😂👉🏼綜合水果茶食火鍋一定要飲清熱氣嘅飲品，呢個水果茶岩晒，大大杯，有蘋果、火龍果、檸檬、士多啤梨、橙、青檸。飲落好清新，因為有好多水果，所以覺得好健康。👉🏼龍蝦丸大大粒嘅龍蝦丸，味道唔錯。食埋碟生菜，已經飽到捧住個肚。總結，呢餐令人好滿足，