頭啖湯

營業中

休息中

呢日天氣好凍，朋友介紹下黎左天后呢間本地火鍋小店，地方雖小，但設施一應俱全！我地叫左個特別又清清地既湯底，椰子雞煲！一直好想試椰子雞，今次終於可以一嘗！店舖好貼心，準備左唔同醬料香料任君選擇，醬料亦十分乾淨。椰子雞到埗！哇，湯底落足料，唔係一般hea底火鍋，有唔同配料加上原隻椰子雞，送上黎既時候傳出陣陣幽香，令人垂涎欲滴！當然唔少得打邊必食既雪花肥牛！睇下花紋幾靚，滾入湯底吸收曬椰子精華，簡直係天上人間既味道！另外既配菜亦好靚好乾淨，令食客食得過癮又開心。煲左陣都好靚好乾淨，而且份量十足食到飽飽。仲叫左杯芒果乳酸梳打，解渴又香甜！

點了麻辣雞煲，麻辣味可以，但實在太咸！雞肉可以，紫洋蔥皮好味。吃完雞，加湯再加料：點了安格斯牛肉、响鈴、魚皮、咖哩薯丸、西蘭花和飲品。咖哩薯丸不在菜牌內，蠻特別的，吃咖哩魚蛋加薯蓉之間。這𥚃不提供茶水，有逼人叫飲品之嫌。但味咁濃，就算飲完一杯啤酒或梳打，也不夠淡化D咸味和辣味喇！欠體貼食品一般可以，座位不算太擠。因九點後才到，人不算太多，也不會太嘈或煙霧彌漫。但吃完火鍋，一定滿身油煙味，在所難免。整體來說，可以再試。

星期五下午用某app定禮拜六6pm四位 ，有七折，穩陣星期五晚上再打去confirm Booking。星期六準時去到但係話俾我聽只可以食到七點半，話walk in 係有時間限制, 咁我同佢講我前一日已經用某app訂枱，還用記錄俾佢睇，跟住佢冇出聲，食物照上但係個爐頭要到六點半先用到 。到7:25 pm想加碟菜佢話唔得因為要五分鐘內埋單，咁我同佢講我訂枱嗰陣你又冇講要時間限制，但隔離嗰台客walk in 就唔需要時間限制 ，擺明因為我七折所以趕我走，而且老闆娘態度非常之惡劣， 以後不會再幫襯。

早排聽朋友講起，話天后有間食椰子雞煲嘅幾好味，叫頭啖湯，我心諗我成日都去天后食飯，點解都未見過😂。所以是日放工，就同大人去試一試。上網搵一搵，其實間野係天后同炮台山中間，巴士5X總站果個位，都唔難搵到。入到去間鋪到，好光猛下，即刻感覺好乾淨。招呼果個哥哥仔好細心，叫我地揀左個煲先，再慢慢諗食咩。既然朋友介紹得椰子雞煲，緊係要試，二話不說，椰子雞煲半隻！餐牌椰子雞煲半隻呢個不得了，個湯夠濃好好味。叫佢加湯，佢真係加湯，唔係加水，所以越滾越好味。基本上我無點過豉油。安格斯雪花肥牛小大小剛好，有牛味，滾一滾就食得。竹苼打邊爐最愛，尤其對住呢啲濃湯。吸晒味簡直一絕。雙拼手打蝦丸係正常蝦丸拼芝士蝦丸。個芝士蝦丸啲芝士溶左之後，比無芝士果個出色好多。芝士竹輪呢個啲芝士係入面溶左又係好好食。不過得5舊，分唔均，最後果舊要爭😂水餃稻庭烏東檸檬柚子梳打Zero柚子梳打幾好飲，夠氣又唔太甜。可能因為唔係平時天后果邊，食完之後行出去，人好少，感覺個人好平靜好舒服。

今日見開始轉涼， 約左個朋友去打邊爐，兩個女仔食唔得多野就冇去到啲任食。呢間湯底選擇唔多， 得幾款， 我地唔想食辣既關係， 叫左椰子雞， 個煲黎到之後， 滾左一陣， 個店員叫我地飲碗湯先，好濃椰子味，都幾清香。之後食下啲雞， 菇同竹苼。 我地叫左半隻雞， 都幾多， 食極都有， 啲雞都好滑， 食到尾啲雞都仲未老。其他打邊爐料基本上， 你想食既都有。有塊板寫住有乜推介。啲手打丸好似幾特別， 好多都想試。打邊爐必定有既好多配料。墨魚滑一份有兩條， 都幾彈。牛肩， 都幾新鮮， 幾厚切。水餃冇乜特別， 正正常常。第一次見打邊爐 有羽衣金藍， 未試過烚， 估唔到都幾驚喜， 好重味， 好香， 我個人覺得好味過生食，超推介。芋絲係減肥必吃。魚皮都好大碟個牛丸係安格斯牛丸，幾濃牛肉味同埋幾彈口。呢度竟然有王老吉，香港好少見， 打邊爐一定要清清熱。

朋友講左好多次想食椰子雞煲，係訴求知下，上網尋找椰子雞煲，搵到一間喺天后嘅頭啖湯，網民都大讚湯底我哋預約左八點半，去到已經好多人啊，而且個個都點椰子雞煲，甘受歡迎我地更係一樣喇，點左半隻椰子雞煲店員送上嘅椰子雞煲雞係未熟，所以要滾大概10至20分鐘咁先可以食嘅，未食已經聞到陣陣椰香味，湯底有海底椰同杞子，配料仲有竹笙、蟲草花、黑木耳同埋菇菌，滾到差唔多嘅時候店員叫我地可以先飲湯再食其他配料。湯好清甜，飲落有椰香味，雞肉好滑，竹笙吸晒啲湯汁好好味。我地一邊飲湯一邊點火鍋料，點左腩肉片、炸魚皮、竹笙、雜菇拼盤、冬瓜、芝士竹輪、墨魚滑、薯粉。炸魚皮一定要點，可以吸湯汁一齊食好好味，竹笙都一樣，而且好爽口。我永遠都覺得雞湯同冬瓜係最爽，而且會令到湯底更加清甜。芝士竹輪係朋友最愛，竹輪裡面超多芝士。腩肉片有驚喜，腩片係有一點厚度，滾完爽口彈牙一啲都唔肥膩，加少少蒜一齊食味道同蒜泥白肉一樣墨魚滑好彈牙，墨魚味都濃，滾左好耐都仲有墨魚味。最後食薯粉，吸晒啲湯汁，完全唔洗加任何調味，簡直完美。

頭啖湯，聽個名都知道係出名飲滋補靚湯。每日提供嘅老火湯都唔同，而且只係需要$28，真係好抵試，而今日嘅靚湯係無花果准杞燉赤肉。不過我同屋企人就比佢嘅火鍋吸引住喇，叫咗重慶麻辣雞煲(半隻，$128) ，可以揀辣度。賣相紅紅火火，已經刺激住我地嘅味蕾，因為叫咗微辣，所以依種辣度普通人都接受得到，而且湯底非常濃郁，令到成個雞煲好惹味。推介嘅火鍋材料有安格斯牛丸($42)同埋咖哩薯波($42)，吸引咗我地點黎試下。牛丸真係實實在在由安格斯牛肉打出黎。因為牛肉味非常重，肉身扎實。咖哩薯波外面係魚肉，入面包住薯蓉，創新得黎又格外好味。廣島蠔(2隻，$35)，見到咁平就叫黎試下，估唔到蠔身好飽滿，一咬啲汁就爆哂出黎~桂花蚌同珊瑚蚌雙併($108)，第一次食依2種蚌，爽口又鮮甜，吸埋啲辣味就更加滋味~食得熱熱地就叫咗杯綜合水果茶($33)，水果非常豐富，有蘋果、西柚、檸檬、火龍果等等，juicy又解渴~

一直以來都想嘗嘗椰子雞煲，聽聞天后的頭啖湯有得食，今日收工就嚟邊一邊～我地一行二人都叫左幾多野食😅包括三個肉類（食肉獸😛），兩個蔬菜同一個主食～椰子雞煲（半隻）：因為我地得兩個人，問左侍應兩個人半隻夠食就淨係要左半隻。雞煲好快就送左嚟，用砂煲裝住，所以熱得比較慢，但都好快有得食。雞係半熟，送上嚟煮多下就食得，唔會煲到老曬，好嫩滑👍🏻美國安格斯雪花牛肉（小）：安格斯牛嘅雪花紋好均勻，唔會太多油脂，食落帶小小椰子雞湯底嘅甜味，正！牛肩胛（小）：打邊爐點可以冇牛呢，所以我地又叫多個牛🤣牛肩胛較安格斯牛厚實彈牙，但兩隻牛都好好食😋西班牙黑豚肉片：唔知點解出面打邊爐食到嘅豚肉片總係咁大片😂可能係部位嘅問題？但食落都幾重肉味，就係太大片唔可以一口食曬😅娃娃菜：有切細到，唔係原塊上，比較易入口👍🏻經椰子雞湯煮過好清甜！金菇：次次打邊爐都必食！吸左湯底嘅味道後帶點甜味，不錯～芝士竹輪：好耐冇食芝士竹輪！一見到即刻order左，好好味但可惜有啲少，唔夠喉😂餐廳上菜好快，而且食材新鮮，下次可以再嚟。

餐廳係朋友屋企附近，經過朋友話佢地湯底不錯就決定試下。但其實位置係細街比較格涉d，所以都唔係咁容易發現。餐廳嘅staff 服務好周到細心，坐低就比d 湯碗我地提醒到時撇油用，而且再添嘅湯底都係同本身湯底一樣嘅濃濃椰子湯，唔係雞精水！佢地有「隱藏餐牌」，就係牆上面掛嘅白板仔，入面d配料同小菜今晚食完覺得比正常menu更加好味！今日食咗椰子雞煲做底再加打邊爐椰子雞煲$128（半隻）都幾香椰子味，雞整體都幾嫩有雞味，湯底都算creamy濃郁，如果椰子味再濃d 就更幾好～食完覺得全晚最好味嘅係：安格斯牛丸 $42 ！！呢個牛丸真係超濃牛肉味！好似將牛扒打成牛丸咁，帶小小筋，好爽口，好濃牛肉味，42蚊有6粒都幾抵食，牛丸真係好好味！另外牛肩胛肉（小）$98 都唔錯牛肩胛肉都幾大片厚身，質感軟腍有牛味。可惜只有7片，大size會好d。仲有魚皮餃$48 同 炙燒芝心包 $42 都唔錯魚皮餃完全冇腥味，皮帶煙韌餡料飽滿，好味！ 炙燒芝心包似係爽d嘅竹輪卷包住唔膩但好rich 嘅芝士醬，食幾粒都唔膩。娃娃菜 $32加落椰子湯雞煲煮真係超夾！娃娃菜吸曬椰子湯嘅精華同椰子香味，真係好正！其他仲有涼拌小菜拍青

天氣涼涼地，男朋友話「正呀！又係時候打邊爐」。今晚去左天后等埋男友放工，然後佢帶我黎依間「頭啖湯」。佢話平日lunch 抵食同好味，一直想試下佢既招牌火鍋。除左火鍋，餐廳還有泡飯、米線及燉湯。 我們今晚主要是打邊爐；而餐廳招牌特式火鍋有4 款： 珍味百菌鍋、麵包蟹鮮茄鍋、重慶麻辣雞煲、滋潤椰子雞煲。-我們心有靈犀，一致選擇了🌟滋潤椰子雞煲 $128 （半隻）椰子雞湯有補血養神、滋潤皮膚既功效。秋天乾燥最為合適既補品。湯底用來打邊爐還是第一次。但一試愛上了。奶白色的湯底非常清甜滋潤味道清甜，香氣亦濃郁椰子的鮮香氣息與雞肉的馥鬱結合在一起，着實令人垂涎欲滴每人喝了兩碗熱騰騰的湯才開始打邊爐呢-至於火鍋配料，選擇亦很多我們點了🌟牛肩胛 $98色澤不錯呢，油脂分佈平均，肉質嫩滑，沒有筋膜，牛味濃郁。-🌟雙拼桂花及珊蝴蚌 $108份量比想像的多，每次打邊爐都是必點的海鮮之一。 比較喜歡桂花蚌，口感相對較爽口彈牙。-🌟鮮蝦滑$68味鮮甜，調味適中一排大約整到5粒，粒粒爽彈-🌟竹笙$38男朋友最愛竹笙，竹笙本身爽口，吸收了雞湯精華，一口咬下有種很juicy 的口感-🌟廣島蠔 $35/2隻不算肥美，但

搶搶搶住食@頭啖湯 天后威菲路道15-19號萬順樓地舖 一個人住久了，不煮飯自己沒有住家菜食，懷念起自小食到廣東菜的味道。同老友記來到豪邁一下。一睇店名已聯想到湯湯水水，由打邊爐，泡飯到米線都有。Elaine bee 在寒冷天才會打邊爐，挑了$128 半隻/全隻$198重慶麻辣雞煲，先食雞再開始打邊爐 ，辣得過癮又重香料，出住汗食好暖身。連蒜頭同蔥同煮到入曬味又腍身，好好味。黑毛豬一碟$98 好抵呀，豬味會比一般豬濃，脂肪分佈平均，入口即化腩片$58 同樣是經濟抵食，若愛一層層同有嚼勁，當然點埋腩片啦 $58 雜菜拼盤 $58 雜菇拼盤，向來無菜不歡的我，菜才是主角吧，兩盤集齊了菇同菜，有營養健康飽肚，又唔怕肥。$32 炸魚皮是必食，單獨食已是好好味脆卜卜，又可以秒速沉入湯底魚皮餃$48 個皮好qq又唔易煮爛，好鬼死好味，雖然肥但一次半次唔怕啦。芝士丸 $38一向是芝士怪，中心溶開了富芝士白，外邊彈彈。$18 凍奶上茶，爽呀邊爐料好抵食又大盤，而個麻辣雞煲調得香口惹味。

臨時想打邊爐，見到不少好評就即刻打電話訂枱。點菜嘅時間，牆上掛咗塊白板寫推介菜式，媽媽睇唔清楚企埋啲睇，點知服務員走嚟叫影張相返位慢慢睇🤔自己選擇火鍋醬料，晚市先開始冇幾耐，芫荽冇晒但竟然話今日用晒就冇😰個煲送上咗嚟，跟住個爐好似唔係好得，好難滾得起，成晚都用煲蓋等佢易啲滾，冇晒秋冬打邊爐十下十下嘅feel。水餃都好失望，一睇同食就知係灣仔碼頭水餃，跟住見到一包包灣仔碼頭水餃喺冰箱。我哋3個人開始咗冇幾耐，嚟多咗個3個人，坐埋一齊喺張6人長枱，都有啲尷尬，其中一個人對面係一位陌生人，第一次打邊爐遇上呢個情況😓埋單700蚊左右，大家樂火鍋都好似仲開心啲。

小店有小店嘅好，精啲，用心啲，招呼好啲，人少啲，舒服啲。掙扎緊究竟打邊爐定係飲湯，結果都係敵唔過雞湯邊爐嘅誘惑。叫左滋潤椰子雞煲，有半隻雞喺入面，等湯滾，搞一搞，再過幾分鐘，先飲湯，雞湯濃郁，配料有雲耳，大葱，姑，紅棗，店員好細心，提我地要開啲雞油先至好飲，我哋一人飲咗兩碗湯，跟住先至開始食雞，雞肉嫩滑，基本上唔點豉油都好好味。重點係佢啲大葱，菇同埋雲耳索晒啲雞湯，一定一定要食晒佢！今日又唔係好肚餓，打邊爐我哋叫咗一份牛肉，一份蝦丸，一份墨魚丸，最特別嘅係，佢啲丸係原味同芝士雙併，阿哥鍾意食原味，我自己就覺得芝士味好味啲。牛肉肉味濃，肉質爽，唔錯！重有竹笙，炸響鈴，桂花蚝，全部都唔錯，新鮮，份量亦都足夠！除咗個湯，我最鍾意嘅就係佢哋嗰杯水果茶，$33大大杯，茶味夠香，有好多唔同嘅水果係入面！舒舒服服坐左兩個半鐘，一路睇住電視一路打邊爐！正！

開始涼涼地又係時候打邊爐啦 滋潤椰子雞煲 超多人推介 兩個人一於嗌半隻雞試下佢啦調味品 有齊 指天椒 青蔥 炸蒜 生蒜 同埋芫茜 仲有麻油主角 椰子雞湯 火鍋 個店員就推介我哋撇走啲雞油 先飲湯後先再繼續打邊爐 嘩!超清甜 同埋好足料 湯底裏面仲有 竹笙木耳 京蔥 同埋 小小菇 隻雞超新鮮 好似返大陸食農家菜咁一樣咁新鮮 我至愛嘅雞腳 廚師好聰明為咗保持原味 冇幫佢修甲 超級肥美 雞肉嫩滑 一路飲 一路飲 可能 每人飲咗成三碗 個火鍋底都差唔多冇埋喇 先開始打邊爐 其實佢半隻雞份量真係幾多 淨係食雞都飽咗一半啦 安格斯肥牛 超新鮮 好香牛肉味牛筋丸大大粒 芝士獅子狗 本小姐至愛桂花蚌同珊瑚蚌 簡直係打邊爐嘅孖寶 超爽口鮮橙汁一渣 只係48蚊 圖片不是只供參考 你睇下個樽有成一公升咁多㗎兩個人食到飽飽都唔使六百蚊整體嚟講呢度卡位坐得好舒服 食物質素好 仲有店員服務態度好好 雖然佢 自己喺樓面一腳踢 落單上菜埋單傳菜 但係 依然都照顧每一檯 嘅客人 真係佩服 所以我係一定要 再嚟飲椰子雞湯

朋友話想打邊爐慶祝佢揾到新工作，今晚出開電氣道附近，一於去之前路過的頭啖湯開餐！一入店已經聞到椰子雞湯味啦，咁我哋坐底，二話不說就要一個半隻的椰子雞煲先個煲底本身已經有竹笙，木耳，大蔥，菇，蟲草花等，極滋潤，一滾起，就每人先飲兩碗潤一潤！肉類選擇咗美國安格斯雪花牛肉，牛肩胛，肉質嫩滑，有肉味，極新鮮，掂！新鮮脆鯇片，真的食落爽脆，新鮮！蔬菜就選擇咗萵筍同油麥菜，都是新鮮行頭！竹笙，索咗椰子雞湯，食落囗好似飲梗椰子水，爽呀！芝士丸，不是雪到硬身，沒有陣陣雪味，好！厚切午餐肉，打邊爐的好朋友，必食之選！朋友叫咗荔枝乳酪梳打特飲，好清香荔枝味，邊飲邊食，絕配！我就叫咗可樂！混醬區，任君選擇！而店沒有收取醬油費用！兩個人食飽飽已經再夾下次要再食過！