順豐牛奶公司 (已結業)

(11/10/08)好耐之前為左個阿華田燉奶o黎….失望。奶唔同蛋,「蛋」你蒸佢,佢會形固,but「奶」(燉奶)應該會係稀稀滑滑,剛剛用匙滔得起。上次食的阿華田燉奶就是固體得滯,同燉蛋般質地!所以香港好少有「像樣」的燉奶。同事有日來食過,話薑汁撞奶可以order辣d,幾好食喎。即管再比次機會佢。買左兜凍芝麻糊豆腐花拎走。回到家一打開,嘩!豆腐花唔滑不在話下,芝麻糊一pet pet/一舊舊o既?好明顯係溝粉啦!仲要係好多添!好食既「糊」係用米磨漿,調較稀杰度ga ma!唉…..「甜品」無下次。

兩三個月前光顧的了就依記憶寫下食評吧看到門面好像頗有傳統氣息,便與友人入內一試我們share一碗敦奶wow~~~奶香撲鼻 香濃滑溜!比義順有過而無之不及至於吃完有無渣...好像沒有..期待再次光顧

早前食過呢度既甜品都係覺得貴而唔知自己食左D咩.而家開左滿記更加唔需要入去.不過常餐講明係常餐,味道都OK既.我食既雞亦通粉係豬骨湯,味道唔錯,只係我會覺得呢度星期下午,平日DINNER TIME,都唔夠3張台有人,會捱得幾長??只係得常餐好食.....餓時都可以入下黎既另外加一句,常餐要飲特飲只係減餐牌3蚊,即係要加20蚊先有一杯XX奶之類,咁我不如唔飲啦.傻既咩..貴成咁!

睇完戲, 口痕, 黎呢度食下甜品.薑汁燉奶:薑味唔夠,反而奶味就好重wo!味道都唔錯,不過就唔係幾夠滑咁lor.呢度都有其他傳統款式既糖水, 路過既都可以再黎.

見佢叫牛奶公司, 又講到雙皮奶係招牌0野, 食完個通心米線想以甜品作個結就揀呢度啦...見佢都要賣$20, 即刻對佢個燉奶有少少要求...熱燉奶, 由面至底, 是溫熱至微溫, 是甜甜至唔甜, 有奶味至無奶味...估唔到一碗熱燉奶都有得玩呢d咁0既層次呀下...=.=""""見佢端上檯時long下long下幾吸引, 不過也真的幾係水汪汪的樣子...皮是後加的???$20...我不如俾多幾蚊食義順/去澳牛食無咁嬲...=3=

附近滿記仲未開...唯有係度填補下先!老公照例薑汁蕃薯糖水, $13, 唔夠熱, 一般!我叫雙皮燉奶, $20, 第一次食, 好奇怪...層皮係將碗燉奶拎出黎再搵人後加上去...食落..層皮無咩特別, 奶又太稀...唔知好既係點樣, 但呢度既雙皮奶令人唔想再試!

在荃灣廣場的和民晚膳後，往對面的「順豐」叫甜品。「椰汁紅豆涼粉」非常出色，椰汁是新鮮開攪拌機製的，不是開罐頭「求其」整兩下；涼粉質素也很高。缺點是紅豆太多，蓋\過了椰汁及涼粉的味道。已經再想返去食了。

今日收早, 兩點幾搭van 仔既時候, 突然好想食碗糖水, 剛巧附近得佢一間中式既食肆係有豆腐花, 叫佢走黃糖, 最怕食緊滑滑既食物時有粒粒野係度破壞哂既感覺! 微暖既豆花唔夠熱, 減左少少分, 不過滑既情度就合格, 滿足地回家了!

吃完刀削麵，看到這間打正燉奶招牌的順豐牛奶公司，即入並點一碗冬日甜品至寶-熱燉奶，以及另一冬日暖心佳作-合桃糊湯丸。　店內人不多，燉奶很快的上檯。一試，甜味適中奶味濃郁，而且熱食燉奶令幼滑程度加倍，十分美味，而且難得牙痛的龍都可以吃嘛!兩個人一口接一口，很快的將整碗燉奶都清掉!　再過幾分鐘，合桃糊湯丸才上。單看賣相都有點不妥，怎麼糖水面有一層古怪的油?吃下去味道更不濟，合桃糊是用粉開來煮的，而且還是用較劣的粉；湯丸皮一點不彈牙，內餡也是乾乾實實的...整碗糖水都讓人吃不下去。　始終燉奶做得好的店舖不多，下次心癮起我應該還會來，但其他糖水真的不敢恭維了!