順豐排骨麵

營業中

休息中

話說上完堂，跟友人都想吃麵，使選了順豐，因為吃過排骨擔擔麵覺得不錯。擔擔麵是四川有名麵食之一, 這個湯底帶有香濃芝麻和花生香味,少許香辣,十分惹味。排骨薄身香軟，炸得脆口，味道香濃。可是侍應態度差劣。從一入店已經“眼超超”，問多句勁大聲口覆，結帳時指明不收毫子也罷，但串串哄說不收毫子極有問題，是一個非常差的experience!

今日同事話帶我食好嘢，行左幾條街嚟到呢度，係對面街睇到個門面，如果唔係同事介紹，我諗我都唔會主動話要去試。呢間餐廳鋪面唔大，可能只係得五六張枱，裝飾都好普通，但係侍應嘅服務就非常之好。平時如果唔係去連鎖品牌嘅餐廳，我都唔會對服務有好大既期望，因為呢啲餐廳都係啲食物為賣點，唔係賣Service。但係我哋一入到餐廳，雖然好似只係得一兩個侍應，但係佢一見到我地踏入門口，已經好親切叫我地坐低，仲幫我地執埋枱同落單，雖然佢客人好多，又係繁忙時間，但係都唔會吹住晒， 不慍不忟咁幫我地落單，呢樣真係令我好surprise。餐牌嘅選擇種類都好多。我心諗，既然個餐廳名都叫做順豐排骨麵，冇理由唔試佢個招牌菜架。個侍應仲問我地要唔要辣, 都幾貼心，因為唔係佢問起，我都唔知有得辣唔辣。排骨擔擔麵一個餐除咗個面之外，仲會送豆漿。叫完餐之後， ，其實唔使好耐呢就已經上菜啦。先黎左杯豆漿，再嚟個面然後排骨後上。杯豆漿好夠味，唔會好似有啲鋪頭咁樣豆味唔夠，又好似溝左水咁稀，淡而無味。而個排骨擔擔麵就係花生底，再加埋辣味既襯托，好開胃！終於到個主菜排骨啦，佢啲肉質鬆軟皮又夠脆，完全係一個完美嘅演繹。因為其實嗰啲肉都好多

舊舖年代一次也未去過，搬到現今的位置，憑著晚間在附近上堂的關係，不時來吃個排骨麵。擔擔麵的湯底，沒有預期中濃厚，甚至是較想像中弱很多。可能，我以十多年前，還在大磡邨年代的詠藜園，那一碗高水準，濃厚香滑的擔擔麵作標準吧，雖然，我也覺得這是不太應該， 始終兩者風格，畢竟有別。說到尾，都是一碗擔擔麵，花生醬味可以加強多一點，就差不多。排骨水準不錯，酥化，薄薄的金黃外衣，包著是鬆軟的排骨。有台北朋友在我facebook，見到這碗排骨麵，極力游說我快點過去台北，那邊的排骨飯，正在向我招手。而且，價格遠較我這碗排骨麵便宜。中山區赤峰街的排骨飯，不是很多人知曉，就是熱愛美食的台北朋友T，口袋裡的秘店。最近兩次到台北，時間太過緊逼，還是與它緣慳一面。又要留待下年了。

已很久沒有來這店, 一直都好懷念, 今天去開工展會掃貨, 順路來回味吓. 中午12點半來到, 初時都怕午飯時間滿座, 幸好還有好多位, 不過直至食完都係唔多客人, 事出必有因既.今次回味我喜歡既排骨菜飯, 菜飯調味剛好, 不會過咸, 用上白菜綠色還翠綠.  反而排骨就失望....炸粉厚了; 豬扒薄了, 肉質乾了; 而且醃味淡了, 雖仍舊用薑汁, 但今次的只是有薑汁及甜味, 無咸味.  點解會唔同了.....?? 而且還在1年內由$45加到$52.  以往我食完都好回味那塊豬扒, 但現在.........  難怪到1點到不是太多客, 希望他們能改善做回以往既好質素啦.  (本來無計劃寫食評所以無影相, 但食後有感要舒發)

好耐冇食上海排骨係openrice見到有去試試,先講講排骨擔擔麵,排骨作為招牌菜肉質又鞋又硬又冇味又食到成口油失敗,好彩湯底夠濃好香花生味麵又唔會太林夠連湯食好味,但俾太小湯啦,酸辣湯雲吞等得比較耐,來到估唔到湯唔係熱辣辣係雲吞好熱,包得好好又平均好多菜新鮮皮又滑,冇煮定唔會糊口,酸辣湯較得甜酸度適中,唔多餡但我鐘意可以再去

第一次食呢間，見到招牌話排骨擔擔麵，覺得一定幾好味。後來先發現距d排骨係炸噶，同埋好似唔係新鮮炸噶，就有d失望。但總體來講個擔擔麵都ok好味。同埋見到原來好多明星都去過🌝 睇翻d食評好似話呢間店換左大舖後d排骨冇咁好食@@ 咁我又未試過 但係因為個排骨麻麻地 可能短期都唔會去

這晚我們一個朋友cheese cake 而去party，之前在電器找間野食，差不多走到街尾，找到這間順豐。夜已深，客人稀少，店員已圍圈閒聊。我們點了招牌排骨麵，排骨和麵條分開上，排骨明顯是貨尾，微熱，麵質還可以，但排骨偏甜，但味道還不算太差吧！因為我倆原本打算兩人只食一碗，但竟然 encall點了一個牛腩麵，但這個就水準之下了，麵和牛腩一齊上，走晒味……

天后既餐廳都食過60-70%, 順豐排骨麵未試過, 今日就走去試下. 其實同事同我講左唔好食, 不過自己覺得未試過就斷定人地唔好食又唔係咁好...黎度當然係試順豐排骨担担麵啦, 初初黎到見到個樣都諗住唔差...點知原來真係中伏.....先講個排骨, 講真的, 黎到真係好香, 一咬落去好油好油, 入面勁多肥膏, 當我食到第2啖, 就發現原來個排骨係甜架.......係甜到入唔到口果種....呢個係我最估佢唔到....担担麵, 我覺得接受到既, 因為出面好多都好重花生味同埋好杰, 呢度就唔會, 我加左辣, 食落冇咁膩, 不過食到尾D花生味愈黎愈勁, 開始頂唔順, 由於個排骨太難食, 唯有碗麵扒多兩啖個餐有杯豆漿跟, 飲落有少少豆香, 但唔濃, 不過入口口感好稀, 唔似豆漿我諗可能我自己唔岩呢種味道就覺得唔好味掛...不過舖頭應該係家族開既, 有老人家, 有中年人, 講既係鄉下話, 好好笑容, 招呼唔錯~ 

排骨擔擔面，回鍋肉菜飯，麻辣豬耳，麻辣鳳爪麻辣豬耳同鳳爪都係凍既，之前一早醃製好了的，臨上菜之前再加多小小調味料落去，爽口。排骨擔擔麵的排骨都係酸辣風味，湯汁就反而無再系酸酸辣辣咁樣，正正常常。食唔出係咩做湯底既，泰國野多數都好多地方既食材，所以分辨唔到，但係味道就好濃，d面混合小小湯汁一齊食落口，岩岩好。而回鍋肉菜飯則是菜飯似系主打多d，因為回鍋肉都比較貴，所以肉片都唔系太多。但係菜飯好吸引。我唔知入面加落去既系咩菜，但係菜飯入面系加左d有香茅味既油咁，甘香，帶dd鹹，又有d菜既蔬菜味道。十分吸引。

我記得大約兩年前來過，當時人山人海，印象中係好食嘅，但近幾次經過都幾乎只有一兩個客，究竟係熱潮已過還是食物退步了？今日叫咗碗排骨擔擔麵$50，送一杯豆漿。擔擔麵可選辣同唔辣，我選唔辣。 擔擔麵仍然keep到水準，麵質爽口，湯底花生味濃得黎唔會好“傑”，但中伏位係件排骨！唔熱、唔脆，最奇怪係唔知點解甜嘅，仲有好重薑味。反而老公個雲吞就幾好味，如果我下次再黎會叫雲吞擔擔麵囉。

係條街到行嚟行去揾野食,見到間舖頭咁舊式,食上海野一定無死.入到去伯伯好熱情咁招呼,笑容和藹可親,服務好親切.嚟到當然要叫個招牌排骨擔擔麵$48. 塊排骨好大件,啱啱整起,外皮薄薄一層脆皮,入面肉質夠軟,又入味！之後叫左個好少地方有嘅 鱔糊菜飯$58. 嘩嘩嘩,碟鱔糊真係好好味!首先夠鑊氣,一送上嚟已經香噴噴.鱔肉好鮮甜,肉質夠嫩,一食落口就知係用新鮮嘅鱔肉.一碟至少有十幾件鱔肉,真係物超所值!個汁因為d鱔肉,都好鮮甜,芽菜同葱索哂d汁,撈飯一流呀!原本以為碗菜飯好大碗,但配上個鱔糊,好快就將碗飯食哂! 另外仲有杯豆漿送. 哩到所有野都係原汁原味,住家嘅感覺. 望住老店上面嘅舊風扇轉呀轉,唔知老店經歷左幾多個歲月呢？答案從伯伯滿頭白髮就可以知道.好慶幸香港仲有哩類型嘅老上海店.唔需要餐餐都大魚大肉,普通嘅食物只要用心做,都已經令人心滿意足!

今日毛毛雨，天氣小涼。到了天后，坐下叫了排骨擔擔麵。不要5分鐘就熱騰騰麵就到枱上。我叫了少辣，唔知係咪因為咁，湯唔係太香。除麵熱外，排骨都好熱，凉風天食最好。雖然味道的確一般，但老闆娘的招呼很好。不錯。

記得好耐之前無意行過偶遇這塊豬扒後, 自此念念不忘, 我印象中佢好有住家味, 肉地林林的........終於再有機會經過此地可以再次與佢相遇呵!!!    好期待, 佢一出來, 我已忍唔住要咬佢一啖, 噢.......就是那種味道......好似我家媽媽小時候常用薑汁酒醃製既豬扒, 那種好香甜既味道係好難食到的.  雖然我唔知這裏既豬扒是否真係用薑汁酒醃, 但我見到有好薄既細塊薑片在豬扒上.   雖然見好多食評都話佢甜, 但我就偏愛這種香甜味道, 真係各有各口味  雖然我一向只愛煎既豬扒更似住家feel, 但這裏既炸方法唔會沾上好厚炸粉, 亦唔會炸到乾爭爭, 咬落去仍然好juicy, 肉質好鬆軟, 但又唔會食到疏打粉嗱過既味道, 雖然係炸有油份, 但又唔會食到好肥膩好飽滯.......今次我配菜飯食, 雖然菜不多, 但個飯好有味道.  但一塊豬扒我唔夠喉, 我要食兩塊先滿足............我真係好愛佢......  

OT 同同事食飯，得$50飯錢，唯有平平地求其食上海野叫左雞絲擔擔麵，雞絲OK, 仲份量唔少，不過湯底一般，可揀辣或唔辣，要左辣，變左得個辣字，D麵幾好，粗幼適中，唔太硬同唔太冧，覺得如果個湯底再調教一下，唔好咁辣，多d 花生味就更好啦～仲有豆漿送，不過偏淡，有改善空間～

這裡的湯麵分陽春及幼兩種，但點了担担麵後才知道原來担担麵只配一種麵條，因此沒有選擇。麵條算是可以的，只是失望在湯底。只有少許的麻醬，因為選了不辣的，味道就更淡了。另上的豬扒算是一般。不知道是這類店舖的特式，還是怎樣，每一次都認為豬扒不夠新鮮、肉有點霉、有很多的炸粉及很油。雖說不是不能入口，但如果可以改善就會更好。最後附送的凍豆漿算清甜，不錯。