順豐排骨麵

營業中

休息中

本人是附近街坊，甚少寫食評，但為了如實反映小店質素，不得不下筆。是日晚餐叫了排骨菜飯送豆漿（$57）。排骨菜飯=======***排骨 - 即鬆肉粉炸豬扒，豬扒醃過龍，肥膏多過肉，炸完油淋淋，應該浸完蜜糖便上碟，份量少。***菜飯 - 飯又淋又爛，方便老人家食用，份量少。***豆漿 - （免費）感覺是豆粉加水，稀、沒味，建議可外賣取走留作日後煮餸埋䇜之用，或用作清洗食具，故飲左一啖，便放棄了，免費的東西最昂貴。不知道是一貫水準，還是一時失手。

同男朋友去完維園行年宵梗係去天后揾好嘢食啦😛見到呢間舖頭啲枱櫈開曬出嚟，應該都唔錯就入咗去😎本身都想坐出面，不過啲油煙係咁噴出嚟，都係等下位坐入面😩#排骨擔擔麵 ($60)😋好味指數：(5/10)店舖頭名都有排骨麵呢幾隻字，應該就係佢地嘅招牌菜🤔擔擔麵嗌咗小辣，湯底幾香，花生味重😚👍🏻不過排骨真係好唔掂🤷🏻‍♀食落去有啲淋，開頭食完全冇味，後尾先feel到有少少甜味，另外見到排骨係連啲薑一齊整🧐上網見到評價都幾2極，不過我自己就對呢種味道嘅排骨冇興趣🤣#酸辣湯麵 ($60)😋好味指數：(7/10)酸辣湯飲落都幾辣😗而麵嘅份量都幾多，同埋都幾掛湯😳所以食落都幾正😎後記💁🏻‍♂️💁🏻‍♀️唔知係咪平時食開平嘢，覺得呢度價錢都偏貴😶

由普通幼麵轉咗做陽春麵個哥哥仲專登提我話 陽春麵係扁啲粗啲架喎喂 哥哥 完全係my cup of tea la點知唔係預期嘅口感 唔夠jell口兼且過「林」湯底唔惹味 水lel lel 淨係得辣味份量仲要唔多醉雞就正啦超級入味紹興酒嘅美超級突出 鹹香亦好足夠雞肉都幾嫩可惜雞太瘦肉很少 順豐排骨麵醉雞擔擔麵$60📍天后

一心諗住由炮台山行去銅鑼灣食野，行到天后時已經肚餓，最後都係留番天后覓食。本來想食刺身和壽司，但一個人吃不到多少⋯最後都係去捃麵食算了⋯再來這家古舊的擔擔麵小店，印象吃過一次，好不好味已記不起⋯應該不會差！一眼睇晒有咩食，我個人好悶，食開果樣唔會太想轉，所以⋯今次諗都唔使諗，叫了排骨擔擔麵排骨擔擔麵還附送豆漿一杯（合共$57）個人較喜歡濃郁一點的花生麻香，所以另外要求加重一點，味道中規中矩，湯底好夠熱，麵條是幼身的，可惜麵條不算太掛汁排骨即是豬扒，即叫即炸熱辣辣，肉質鬆軟，份量都好足夠，吃時把肉浸一浸湯會更好吃！若然單點一個擔擔麵，價錢就係$38

唔好意思，實在太肚餓所以冇影相 “招牌菜“ 排骨担担麵，個排骨實情係炸豬扒，個湯底油浸咁，冇味，一點辣味都冇，雖然 HKD57 送豆漿，但麵嘅份量也未免少咗D吧。店內不停有蚊滋飛來飛去，枱及餐牌笠痴痴。應該冇幸再幫襯了。

每次回來都必會來吃的街坊小店。從他們十多年前開業到現在，我們是老顧客了，排骨擔擔麵是必吃的，水準依然保持得很好，用花生醬料做的湯底味道濃郁香甜，配上榨菜，麵底是上海幼麵，現炸的排骨新鮮熱辣，醃得很入味，醃料應該用上了姜和適量的糖，肉質鮮嫩可口。另外也點了雞絲擔擔麵，雞絲份量充足，不會「孤寒」，讓原本肚子打鼓的我們吃得很愜意。十多年前我們首次光顧時已感到驚喜，至今仍能保持這份認真的烹煮心思。店主招呼親切，很有人情味，兩位殷實搭檔依然緊密合作，實在難得！

呢排晚晚都要OT, 幾乎將天后附近好食又唔貴既餐廳都食過一遍了，於是問下個客附近有冇推薦既餐廳。排骨麵係大街旁，但如果冇人介紹應該唔會留意到。呢度既招牌菜就係排骨擔擔麵，可以簡辣或唔辣，如果好似我咁唔食辣既人都可以試下唔辣既排骨擔擔麵。除左擔擔麵，仲有菜飯，所以如果唔鍾意擔擔麵既人可以試下個排骨菜飯。叫左野食首先會送上豆漿。之後就係我期待已久既排骨擔擔麵。炸排骨肉質鬆軟，唔會嚡，帶有少少甜味同淡淡的薑汁味，十分推薦。擔擔麵則是花生湯底。

今時今日 , 當聽到 " 順豐 " 這個名字 , 相信十居其九的人都會立刻想起順豐速運 .... however 這兒是 OpenRice, 我所講的當然是餐廳 " 順豐排骨麵 " 而非什麼速運公司 ~這間 " 順豐排骨麵 " 屹立天后區多年 , 名字響噹噹的 , 實在不用多費唇舌去介紹 ~Menu ~ 三鮮冷麵 : 這個三鮮 , 就是火腿、蝦仁、雞肉 , 麵的質地煙煙靭靭 , 配上花生碎、芽菜和香口的麻醬汁 , 有夠好味 ~ 醉雞 : 這個醉雞夠入味 , 但我覺得酒味是偏淡了一點 , 雞的肉質不算鮮嫩但也不未至於嚡口 , 感覺是很 home made 的味道 , 不算十分好吃 , 但就是有它的韻味 ~本篇完 ~

行年宵行到夜夜地，有d肚餓，就去天后度搵食，經過見到依間排骨麵，見佢咁夜都未close，就行咗入去試試。我同友人一行四人叫咗三碗排骨擔擔麵，一碗酸辣雲吞麵。排骨擔擔麵($55)麵線採用粗麵，有咬口，配搭排骨一齊食，別有一番風味。而排骨十分好食，炸得酥脆，粉亦都唔厚，非常值得推介。酸辣雲吞麵($60)雲吞爽口，冇冰鮮味。餡料充足，能夠感受到店家用心，有家鄉味道。而湯底濃郁，湯汁能夠掛上麵條，不錯。整體而言，依間作為宵夜之選實屬唔錯，值得推介。👅好味指數: 7/10 💸抵食指數: 6/10 🍽餐廳環境:6/10 👨🏻‍🍳服務質素:7/10 ❤️呃like指數:6/10 💃🏻回頭率: 70%

又到吃快飯的日子與同事繼續毫無準備去天后覓食就來到這間小店初見餐牌有很多種類時心裡很高興擔擔麵、酸辣湯、雲吞、冷麵、煨麵、菜飯、年糕、冷盤加小炒無論是一人用餐還是一班人開心分享都有不少選擇加上店舖看上去似家庭式經營其實有點期待可以吃到上海人家鄉的味道但事實與期望是有距離的我們點了排骨擔擔麵排骨看似像樣，但吃下去不鹹不辣不香不脆是有點失望和醉雞擔擔麵醉雞的酒味很濃，濃到個人覺得有點偏濃沒有期待的香味，只餘少許酒的苦味而主角擔擔麵不若我所認知的湯底除了花生醬味外沒有其他味而奇怪的是它有兩條榨菜在面未試過......不過幸好不稠，還算可以麵就是普通上海白幼麵比較軟身，而且不能掛湯吃下去就變得淡口而最令人失望的是所有食物(除了醉雞)我們都覺得不夠熱!這個原因足以令所有食物即時被扣分!!但當時除了我們這一桌客人外，也只有另外兩位客人若然非繁忙時間水準都只是一般般很難會令人回頭光顧

里間小店，我食過N甘多次第一次覺得真心失望個麻辣鳳瓜個味好怪，吾辣有芝麻味，帶甜我都吾知點麻辣法？個酸辣上海湯，咸到媽媽都吾認得，我食左兩口，忍吾到，同佢講太咸，佢收左我碗野，跟住大约十零秒後比我，佢有講吾好意思。但有咩用？佢只是拿碗湯，加水落去，就比反我，跟住我試左一口，就放低左。我朋友見我吾食，佢話吾好浪費，佢食!點知佢自己食完一啖就吞了出來，超咸。其實里個時候，再同佢地講咸或者換都無用，我已經放棄左

行過試下呢間小店, 叫左醉雞擔擔麵,醉雞真是好重酒味, 正! 仲好大碟, 好多雞, 不過多數是雞胸肉, 我自己就中意雞脾肉滑d。擔擔麵主要是花生醬味, 中意花生醬就岩哂, 但就無其他店味道咁豐富, 只是花生醬味law~另外叫左麻辣豬耳, 佢呢隻唔係麻辣, 係甜辣, 唔係唔好食, 都ok, 但應該改名做甜辣, d 辣醬亦比較杰。豬耳是厚切的, 份量睇落少, 但其實如`果切薄d,  同其他店差不多, 不過個人中意薄切多d, 佢厚切無咁入味。

話說之前女朋友喺銅鑼灣返工，有時候我等佢收工嘅時候都會去天后行下😀，睇吓有咩新餐廳同好嘢食😤，成日都會經過依一間嘅上海餐廳，其實好想試，不過一直都無機會🙈早幾日去大坑搵朋友飲酒，因為時間尚早，所以就同筠去食個晚餐先！突然之間諗起間餐廳，所以就去咗試吓啦！😎排骨擔擔麵🍗+回鍋肉菜飯🍚+酸辣湯🍲💰HKD120$擔擔麵花生味唔夠重，麵身比較軟，個人唔係太喜歡，排骨炸得幾好，份量夠大份，食落去都尚算脆身，調味上偏甜🤔回鍋肉煮得非常之好，甜甜辣辣，椰菜唔會住得太軟，保持到口感，肉既分量到夠，調味適中，美中不足嘅係菜飯太爛😕，酸辣湯正常水準，如果口痕都係試吓嘅😆

排骨擔擔麵.順豐吃了好幾年 環境與服務是沒有可言 但食物好我也完全不介意 但今次實在不太接受到呢  點了食物後 等待途中 突！然！有！曱！甴！從！天！而！降！ 落在手臂上 嚇到一個點說回食物 排骨依然非常軟腍 炸漿薄薄 調味是偏向甜甜的 擔擔麵與一般的做法有些不同 湯底花生味重 但是對曱甴的驚嚇還是久久不散

話說上完堂，跟友人都想吃麵，使選了順豐，因為吃過排骨擔擔麵覺得不錯。擔擔麵是四川有名麵食之一, 這個湯底帶有香濃芝麻和花生香味,少許香辣,十分惹味。排骨薄身香軟，炸得脆口，味道香濃。可是侍應態度差劣。從一入店已經“眼超超”，問多句勁大聲口覆，結帳時指明不收毫子也罷，但串串哄說不收毫子極有問題，是一個非常差的experience!