順興潮汕滷味專門店

營業中

休息中

排隊就等於好食呢個理論,我從來都唔BUY.係無一個程度上,有人排隊,可能等於受歡迎,但未必係美食,可能只係潮流,又或者係羊群.今次我路經西灣河,見到一間排哂隊既滷味,門口仲貼住誠哥都黎食既報導.我不得不承認,我相信左誠哥個報導先黎排隊,排了約4分鐘.價目表清楚簡潔,鵝同鴨都有,我問服務員有沒有剩肉?他指住一件就完成對話.這種氣勢就係因為客人太多先會顯露出黎,根本唔想我有任何考慮,佢潛意識話比我知,我唔買呢舊,可能連鴨毛都無得食$79,鵝片加點骨肉位.份量不算少,現在鵝肉很貴.肉味還算濃厚,肉質比較實,比燒鵝更硬.味道無咩層次,附送既滷汁就不過咸,但亦係無層次可言,只係普通滷味汁.如果有人為呢個質素排隊,我只能話各花有各眼.但食過呢一次,絕對認為誠哥唔識食

以前住西灣河，順興潮仙滷味專門店必完大排長龍而且賣完便關門。真係爽!星期日回娘家，原本只計劃買掌翼及鵝腎做下午茶，但是3時已經賣完掌翼，鵝都只餘下7隻。排隊期間，見師傅斬鵝手勢非常純熟，手起刀落，快到不能拍照。而且師傅斬了大半天都沒有流露倦容，厲害厲害。越望越口水流，結果忍不住買了鵝腳 (2隻) 、鵝腎(1個) $21 + 1/4隻-上莊鵝 $77滷水鵝肉 一回家立即打開個盒，滷水鵝肉整齊排列好，每片都薄切，好似鵝片。正!再夾起，發覺師傅沒有完全斬開，結果肉與肉之間份仍然有小小連在一起。鵝肉好味，可以見到肉好似係一層層，好有咬感，但略嫌太實。鵝隻不肥夠香;肉很嫩，少肥膏。這裡的滷水很入味，入口鹹味適中，香料及鵝香配合得宜；味道較傳統的淡一點，切合香港人口味。滷水掌腳賣相一般，細細隻，不及掌翼吸引。但只餘下數隻，結果買了2隻。不夠淋，滷水味不太入味。味道一般。滷水鵝腎賣相幾好，有紋理。咬下去，太實不夠爽，滷水味不太入味。味道一般。斬料加餸一流~價格都可接受

本店的滷味是出名入味, 今次故決定光顧試試滷水豆腐採用硬身的炸豆腐, 炸豆腐外表有一陣滷水香, 但吃時,豆腐卻有本身其豆味, 反觀滷水味卻不太濃.它滷出來的豆腐本身不易散, 豆腐入面亦是雪白光滑滷水掌翼非常入味, 香味隨回家的路上一直飄香伴著.絕對是送飯一流之選. 滷水鵝翼, 一口咬及撕開時, 內裡的肉一層層撕開的. 鵝肉不粗糙不黏牙而每啖都食得出甘香的滷水味. 細嚼掌翼時, 滷水香味均達到齒夾留香的境界有吃完再想吃的感覺

這家的滷水鵝真的好好吃，我不是很好滷味的人，都非常中意。鵝看著還有點肥的，但吃著一點不膩，肉質嫩滑。就是有時要排隊，等到放工來買就沒有了。四分一只約70元。還有其它的滷味，如滷豬耳朵，以後也要來試一下。

今日專程去順興買滷水鵝返屋企食。去到已經排隊排到出外面。排到我的時候已經只得半隻鵝淨，我就買嘪佢。隻鵝肉質細嫩，一 D都唔'鞋'。而且㗳㗳肉，好入味。師傅都好衛生，帶囇口罩。下次早D 去，買其它滷水試試

常見這店外總是排著隊的，這天終於一試。排隊時見師傅斬鵝手勢非常專業純熟，也很快手，斬了大半天彷彿都不會累似的，厲害。這鵝的確鹵得好吃，鹵汁的香料和醬油充分襯托出鮮鵝本身的肉香。據說這店的用鵝是特別挑選過的，因此都骨肉勻稱，皮下脂肪足夠散發鵝香，卻不致會吃出一口油。各個部位的肉件都好鮮味：髀身肉質較彈牙，背部則較嫩滑，難得整份鵝都好吃有肉，很不錯。終於明白店外為何總排著隊了。

食過好多好多次好食既滷水鵝 ,今晚買左第二d尼加送,就係雞翼同雞蛋雞翼真係唔錯,有少少重既花招八角既味道,但係唔會過咸,而且雞肉算滑同埋皮無mud脂肪雞蛋都非常入味,比較少花招八角味,但好多醬油味, 兩樣當冷盤食都十分好.

今天吃了上莊鵝,肉很嫩,少肥膏,滷水很入味!豆腐卻普通一點, 不是太滑, 有點咸但是非繁忙時間也要排隊15分鐘,十分旺

nov 18, 09,友人帶我嚟斬料 : 1) 滷水鵝 x 1/4上庄 + 腎 (hk$75)-去到又要排幾個人咁啦........可以接受-滷豆腐賣晒-友人買上庄喺因為會瘦d-食落好有鵝味..........又令我諗番起食友曾講過食鵝有2個季節..........1喺清明節時份.........sell嫩滑........1喺重陽節時份............sell鵝味-脂肪皮唔厚..........肉質結實.........可惜比友人番熱時過咗火........所以微微乾咗少少-見到鵝肉有點metallic pink.........唔知喺咩原因...........同是否代表好貨..........有時我喺煙3文魚上都見過~~~~-腎都夠味,又爽,不錯* 多謝友人請客 * 友人話呢間好好生意.........成日要排隊..............店內寫明絶無分店...........不過同元朗嗰間好似樣

之前成日搭巴士經過見到好多人排隊, 心諗一定好好食, 所以有日返屋企食飯, 特登黎"斬料"加餸 因為屋企本身已經有好多餸, 所以我都有就住買. 最後買左:1) 滷水鵝 x 1/4 隻- 味道可以話係一流, 滷水味唔會蓋過哂d鵝味, 屋企人同我都勁鍾意食. 可惜隻鵝太肥啦, 下次揀隻瘦d先2) 滷水掌翼 x 4對- 佐酒一流, 掌翼各有各好食, 我就鍾意食翼多d3) 滷水腎 x 2舊- 呢個普通少少, 不過不失Total買左$180, 其實唔算貴, 可以間中食下. 其實我仲想試豆腐同腸ga, 不過賣哂, 希望下次有啦

買左1/4隻鵝+10蚊3件豆腐+5蚊2隻蛋, 共80蚊食果時覺得好鹹, 尤其是豆腐, 超鹹! 嘩! 食完就大鑊啦! 成個下午個口都乾到死, 又唔舒服.無下次! 味精太勁了!

經常屋企都會買番個下莊番黎肉地嫩又夠濕, 脂肪恰到好處, 入味到暈又唔太咸配佢俾既白醋香甜, 配鹵水惹味唔食過唔知咩係鹵水貴係貴過其它舖,又要排隊驚佢賣哂, 不過真係鵝有所值, 食過番尋味

試了順興的滷水鵝掌、翼、腎、豬耳仔、豬大腸。鵝掌鵝翼好入味，鵝翼好多肉，鵝掌爽爽地，好好味。我覺得鵝腎係咁多樣之中最好食嘅，入味，超爽口，咬落"索索聲"，有"tsiu"頭。豬耳仔同樣入味。豬大腸反而麻麻，好大陣豬味，又比較肥。除了豬大腸較差之外，其他都好味，起碼夠入味。價錢又平，很抵吃。

見個門面真係唔覺得有咩好, 入面又無咩人..不過想食下潮州野咪走入去試下. 2個人叫左個咸菜梅鱔, 鹵水鵝例牌及一碗白粥...咸菜梅鱔d魚好新鮮, d咸菜味道適中又唔會過咸...個鵝就肥左d, 不過d鹵水汁真係一流...平時食下白粥清清地都好既..成餐都令係覺得十分極之抵食...有成12堂要在這區上堂, 此店一定會再來.

平時收工呢度實收左...今日有時間，仲見到佢開梗係要幫襯啦...買左半邊滷水鴨($42)，佢刀功都幾好喎，切得好靚..返到屋企忍唔住即試... 果然係幾好食。半隻先$42.. 抵。