影片
工作中午餐後，成口都係午餐嘅味道，行出門口見有呢間小小的涼茶舖，無座位，只可以企在店外飲，去到見到枱面有幾款已裝碗涼茶，有個婆婆買緊涼茶，我等唯一男店員招呼好婆婆，再話要一樽凍蔗汁，男店員在裝凍水的不銹鋼盤內撈出一樽蔗汁比我，我順手將手上午餐找贖嘅$20比佢，佢黑面話$26（其實我望過蔗水盤附近，無貼價錢牌出來的）咁在銀包攞多張$10比佢，佢收咗就無理我，去招呼另一個新來嘅男仔買涼茶，我見佢無找錢意欲，望都無望我，咪同佢講未找錢，男店員先灰氣地講：「$4吖嘛！」（咁好明顯佢知道未找錢比我喇！）在錢盒攞$4比我！講真買支涼茶外賣咁短時間，要食黑面仲要被無視，感覺真係好差！！😡凍蔗汁（$26/樽）普通透明密封膠樽，好濃嘅青綠色，飲落清涼，味道清甜唔假，酷熱天氣預報下真係幾解暑！蔗汁不錯！但要受氣就⋯⋯😕
繼續閱讀