順發茶餐廳 (已結業)

經朋友推介就同男朋友特登過黎試下果然不錯！！一入去伙記見我地好生面口就好主動向我地推介有咩好食然後我地叫左2個下午茶同1個西多份量好多！好大隻炸雞脾下次再黎試下其他野

11點行經大坑 諗住食碗糖水 得返呢間開係順發對面既順發糖水 一睇個價目表 生磨芝麻糊要39蚊 揀左紅豆沙跟住中伏 1 . 佢係雪櫃拎個膠桶仔裝住紅豆沙出黎 9成滿 都唔知幾整整左幾多日 2. 係個碗唔知倒一匙咩落去 3. 再倒一大pat 透明既野落去煲熱佢 結果 拎到返屋企酸味既紅豆沙以為自己心理上輸左姐 食佢2啖 完全無沙 無味 無豆 仲要我而家肚痛... 好痛 有冇搞錯

因為有事要嚟到天后呢邊，所以都打算快啲喺大坑求其搵間嘢食就算，咁啱俾我見到呢間唔洗等既茶餐廳，而餐牌又有我想食既滑蛋飯，就即刻入去坐底食。叫左一個「叉燒滑蛋飯($46)」，好快大約幾分鐘就有飯到，而且仲有個熱辣辣既鼓油配埋俾你，想落幾多就落幾多，食落去果然滑蛋真喺好滑口，叉燒都好爽口好好食。落豉油前後涷飲加左$4伙記都好Nice，都會同你傾下計問下你好唔好食咁，之前都食過一間喺隔離同呢一間差唔多名亦喺食滑蛋飯出名既餐廳，我覺得相比之下呢間既叉燒滑蛋飯都絕對唔輸佢嫁～

臨近新年的時間，必然的節目就是要到維園行行年宵啦！！當日正直為年三十晚，公司放我們半日假，於是就相約好友們一同到維園行花市，但行花市前當然要食個lunch，醫醫肚先啦！友人於是推介我們到附近的大坑搵食去！由於當日是年三十晚，我們心水的茶記沒有開門，於是四圍行下的時候，見到此茶記好多人光顧，就走進去啦！順發茶餐廳！叉燒炒滑蛋飯～炒蛋十分滑嫩，仍然是半流質狀態，加上精華所在的豉油及蔥花，可把整碟飯吃完！熱茶走～色澤金黃，入口順滑，真的是水滾茶靚呢！大坑真的是臥虎藏龍之地呀！😊

每星期日都會嚟大坑食午餐 一心嚟試試呢間新開茶餐廳 入去10分鐘 一叫嘢 等等啦 眼見不太忙 但完全當客透明 肯落單啦 又勁悔氣 問乜都話冇啊！  食物質素差 叫杯奶茶小甜都甜到漏 塊豬扒乾到咬唔開 隻碟又濕  攪到塊多士淋晒 朋友碟飯個飯底係飯焦嚟嫁 咁都比人 好聲好氣同佢講  個伙計定老闆仲面露不悦 完全無禮貌 態度劣 咀臉如刀鋒 狗眼看人底 嚟茶餐廳我無要求服務 但我都唔係嚟受氣嫁  咁做生意應該好快K.O  之前街坊仲講到係順興班底先去試下 中晒伏一心諗住叼人地光嚟做生意 都要有質素嫁 絕無下次 係去都去大坑老牌順興 起碼食物有保證尤其滑蛋叉燒飯

  早幾天經過 "順發" 見到他們的餐單，已經想幫襯。但在午飯時段，經常滿座，未能試著堂食。今日長週要早點出門，就順道去買份早餐。見到餐單，佢地有懷舊銀針粉，就落單，份量不算少，配上榨菜及煎蛋，頗為豐富。

大坑的黃金年代，就是小店林立，坐滿浣紗街旁一桌桌的食客，是其他區罕見的人情味，那些年的老香港。經歷近年殺雞取卵式的租金洗禮後，碩果僅存的小店如：炳記、祥勝、順興、康記、潮民等，不難發現的共通點就是地道、大眾化路線。早年以車仔麵、滑蛋系列碟頭飯聞名的順興，近月又有新發展，由大家姐主理的新字號-順發，主打略帶懷舊選擇，如銀針粉、豬腸粉等簡單菜式，當然也曲線與同系-順興互通菜單，如秘製豬扒飯、滑蛋乜乜飯等。難得早起，望見附近茶檔人龍依舊，不如捧捧大家姐場，如常有靚靚飯腳B小姐，望望餐牌，早餐A to G，很正路，點了洋蔥豬扒多士；反而感興趣是「推介風味粉麵」中幾款選擇，先試干撈肉碎銀針粉。洋蔥豬扒多士，穩陣水準，始終順記豬扒實屬靠得住之招牌出品；肉質鬆軟入味，洋蔥適量，只是將豬仔飽換上多士，值得一試。到了「風味」之選-干撈肉碎銀針粉，亮點是面頭的太陽蛋，弄穿蛋黃拌銀針粉、肉碎，味道不俗，沒常見茶記炒粉麵飯的油膩，份量也適中！值得一讚是過程中，聽到大家姐對食物的堅持，對員工處理食物的一絲不苟！至於早晨必備的奶茶，與同系順興出品，茶膽滑而不澀，絕不比鄰近茶王遜色。唯一建議，菜單上要加強「風味」元

今日黎到大坑想搵下野食食黎食去都係個d 於是試下其他新開茶餐廳咁就黎佐順發茶餐廳是頭婆見我唔知食咩野好就推介我食炸脾肉丸肉碎河於是就點佐啦黎到即刻影返張相先 賣相相當唔錯準備開餐啦一食嘩 雞脾炸到好好食落去 汁都漏埋出黎好正丫 食埋個河粉先個河粉個丸 好特別好好食下次過黎 一定返黎食