影片
肉餅無論是用蒸或煎的做法都是好「送飯」的菜式，尤其是煎和加入鹹魚的話，更加香口易討好。肉餅飯，細細個就食。剁豬肉、白飯加豉油，材料簡單，製作容易，家常菜經典。我食過天水圍嘅屏山老地方同荃灣已結業的肉餅哥，我敢講呢間順心食堂嘅「煎肉餅飯 」最好食。入口脆卜卜，香口惹味，肉餅比例剛好，不會下太多粉，吃上來口感挺而不實，還吃到粒粒肉碎，點點油份增加了香軟感。原塊肉餅十分工整，近一吋厚，Size及厚度食得令人好滿足。我覺得質感較挺實，吃落表面焦香帶微脆，雖只以豬肉來做，但滲入小量軟骨、肉筋、肥豬肉，吃上來有嚼勁，肉筋少許黏牙。白飯粒粒分明，煮得乾身煙韌；自家製甜豉油拌飯，不會死鹹；少許椰菜，翠綠新鮮，好食。我額外點了雞翼沙津，點了醋汁十分失望，個汁係好甜，我以為似西餐廳嘅味道，但係似用了中式薑醋嗰種汁，有點四不像。
繼續閱讀
銓通工業大廈都算多餐廳, 有日式有西式, 而位於1 樓既順心, 就乜都有。不過因為餐廳唔算好乾淨, 而且價錢同外面既餐廳差不多, 所以我地成班同事只係間唔中去食。當中胡椒豬肚湯算係順心較出名既食物, 胡椒豬肚湯可配搭飯、麵或米粉。而且仲有雞、牛、魚等可以配搭。今次我就叫左胡椒豬肚魚腩湯米粉。魚片有5-6 塊, 滑, 米粉份量中等。湯有豬肚絲, 而且唔算好辣, 有酸菜絲。我覺得算不錯吧! 不過餐廳入面衛生可以搞好D, 同埋留意返, 餐廳入面唔係好收到電話訊號。
繼續閱讀
夏日炎炎，胃口爭啲！於是去左工廈入邊一間飯堂食其招牌豬肚湯米（可選飯，米粉，米線）胡椒酸菜豬肚湯，可再擇一款配搭1. 雞絲2. 魚腩3. 肥牛 （推薦👍🏻）4. 鯪魚球 （水準參差，一時好彈牙一時好難食）5. 雙丸 （豬肉丸/魚肉丸）佢啲豬肚切到好幼身，所以好易入口，又唔會太硬，再配埋酸菜同胡椒湯，非常開胃！如果冬天食，仲有暖粒粒既感覺，十分暖胃！餐廳可能位於工廈多既地方，煮出黎既份量都特別大碗🤣🤣🤣$52包野飲，抵食
繼續閱讀
鮮甜魚湯香茅雞翼米粉- 魚湯魚味欠奉，但尚算清甜，配菜豐富多樣，包括芫茜、酸菜、芽菜、芹菜、蔥段，清新開胃- 滷肉醬香甜不太油膩，為湯粉添上一層油潤甘香- 浸在湯中奉上的香茅雞翼，外皮很快已腍掉，香茅味亦順勢流失至湯中，被其他配料的味道掩蓋了- 米粉爽滑吸湯* 辣椒油辣勁足，2大匙辣椒籽足以令我要頻啜凍檸茶
繼續閱讀
順心食堂係喺我公司附近，所以我好多時都會同同事一齊去食中午飯，人山人海，食堂裏面我多數都會叫一個肉燥雞扒飯，有少少芫茜喺面頭，味道偏鹹但係我就係鍾意一種 味道，順心食堂係一間可以感覺到老闆娘嘅親和力嘅食堂，所以每一次去到都會有一種親切感。加油
繼續閱讀